საქართველოს მოქალაქე ზურაბ ვანიშვილის მიერ წარმოდგენილი საკანონმდებლო წინადადება „საქართველოს სამოქალაქო საპროცესო კოდექსში ცვლილების შეტანის შესახებ“ საქართველოს კანონის პროექტთან დაკავშირებით

my.gov.ge "ელექტრონული სერვისების ერთიანი პორტალი" საქართველოს იუსტიციის სამინისტროს სსიპ. „ციფრული მმართველობის სააგენტო“ კორესპონდენცია წარმოებულია საჯარო უწყებებთან მიმოწერის სერვისის მეშვეობით № CA0041220647834 06.02.2022 საქართველოს პარლამენტი სათაური: სამოქალაქო საპროცესო კოდექსიდან საყოველთაოდ იგნორირებული ნორმის ამოღება შინაარსი: მოგახსენებთ, რომ "სასამართლო სამოქალაქო საქმეს განიხილავს განცხადების მიღების დღიდან არაუგვიანეს 2 თვისა" – საქართველოს სამოქალაქო საპროცესო კოდექსის 59.3 მუხლის ეს მოთხოვნა ყოველდღე და ყოველთვის ირღვევა საერთო სასამართლოების მიერ. მისი შესრულება ფიზიკურად შეუძლებელია სასამართლოების მიერ. აღნიშნული ნორმა ყველა მოსამართლეს ამყოფებს ფაქტიურად კანონგარეშე რეჟიმში: აბსოლუტურად ყველა მოსამართლე მას მუსმივად და ყველა საქმეზე არღვევს. ამგვარი ნორმის არსებობა ხელს უწყობს საყოველთაო სამართლებრივი ნიჰილიზმის დამკვიდრებას. ფაქტიურად, ყველა მოსამართლე, ანუ – სახელმწიფო, ყოველდღე არღვევს კანონის მოთხოვნას და ყველა მიჩვეულია მის დარვევას. ამგვარი ფართომასშტაბიანი კანონდარღვევა უპრეცედენტოა საქართველოს პოლიტიკურ სხეულში – არ არსებობს სხვა სამართლებრივი ნორმა, რომელიც ყოვედღე ირღვევა ესოდენ დიდი და უპრეცედენტო მასშტაბებით. საჭიროა აღნიშნული ნორმის შეცვლა – საქმის განხილვის 2–თვიანი ვადის გაზრდა გონივრულ ვადამდე, მაგალითად, 5 თვემდე. გთხოვთ, საქართველოს სამოქალაქო საპროცესო კოდექსში შეიტანოთ ცვლილება და სამოქალაქო საქმის განხილვის 2–თვიანი ვადა გაზარდოთ 5 თვემდე, ხოლო ვადის დარღვევის შემთხვევაში მოსამართლეებს დაუწესდეთ დისციპლინური სანქცია, "საერთო სასამართლოების შესახებ" ორგანულ კანონში ცვლილებების შეტანის გზით. პატივისცემით, ზურაბ ვანიშვილი პ. #: მობილური: ელფოსტა: