საქართველოს პარლამენტის ჯანმრთელობის დაცვისა და სოციალურ საკითხთა კომიტეტის უარყოფითი დასკვნა საქართველოს მოქალაქე ზურაბ ვანიშვილის მიერ წარმოდგენილ „ომისა და თავდაცვის ძალების ვეტერანების შესახებ“ (№1-1209/22; 03.02.2022) საკანონმდებლო წინადადებასთან დაკავშირებით

ჯანმრთელობის დაცვისა და სოციალურ საკითხთა კომიტეტი 2-3590/22 28-03-2022 საქართველოს პარლამენტის ბიუროს დასკვნა საქართველოს მოქალაქე ზურაბ ვანიშვილის მიერ წარმოდგენილ საკანონმდებლო წინადადებაზე „ომისა და თავდაცვის ძალების ვეტერანების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტთან დაკავშირებით (N1-1209/22; 03.02.2022) საქართველოს პარლამენტის ჯანმრთელობის დაცვისა და სოციალურ საკითხთა კომიტეტმა 2022 წლის 28 მარტის სხდომაზე განიხილა საქართველოს მოქალაქე ზურაბ ვანიშვილის მიერ წარმოდგენილი საკანონმდებლო წინადადება „ომისა და თავდაცვის ძალების ვეტერანების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტთან დაკავშირებით (N1-1209/03.02.2022). საკანონმდებლო წინადადება ეხება „ომისა და თავდაცვის ძალების ვეტერანების შესახებ“ საქართველოს კანონის მე-7 მუხლის პირველი ნაწილის „ა“ პუნქტში სიტყვა „ სამშობლო“-ს შეცვლას სსრკ-თი. „ომისა და თავდაცვის ძალების ვეტერანების შესახებ“ საქართველოს კანონის მე-7 მუხლის სათაურია „მეორე მსოფლიო ომის ვეტერანები და მათთან გათანაბრებული პირები“ და მათთვის ვეტერანის სტატუსის მინიჭება უკავშირდება მათ მიერ სახელმწიფოს წინაშე განსაკუთრებული სამსახურის გავლას. ვეტერანისა და აღნიშნული მასთან კანონის აღნიშნული ნორმა გათანაბრებული პირის ადგენს მეორე მსოფლიო ომის სტატუსის მინიჭების წინაპირობას, რაც დაკავშირებულია მეორე მსოფლიო ომის ან სხვა საბრძოლო ოპერაციების დროს სამსახურის გავლასთან. აღნიშნულიდან გამომდინარე კომიტეტმა მხარი არ დაუჭირა წარმოდგენილ საკანონმდებლო წინადადებას. პატივისცემით, კომიტეტის თავმჯდომარე დიმიტრი ხუნდაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge