საქართველოს მოქალაქე ზურაბ ვანიშვილის მიერ წარმოდგენილი საკანონმდებლო წინადადება პარლამენტს დაქვემდებარებული ჟანდარმერიის შექმნასთან დაკავშირებით

my.gov.ge "ელექტრონული სერვისების ერთიანი პორტალი" საქართველოს იუსტიციის სამინისტროს სსიპ. „ციფრული მმართველობის სააგენტო“ კორესპონდენცია წარმოებულია საჯარო უწყებებთან მიმოწერის სერვისის მეშვეობით № CA0041222150623 02.04.2022 საქართველოს პარლამენტი საქართველოს მთავრობის ადმინისტრაცია ცნობისათვის სათაური: პარლამენტს დაქვემდებარებული ჟანდარმერიის შექმნა შინაარსი: საქართველოს პარლამენტის რეგლამენტის 150–ე მუხლის თანახმად, გთხოვთ, განიხილოთ იმის შესაძლებლობა, რომ შინაგან საქმეთა სამინისტროს, სახელმწიფო უსაფრთხოების სამსახურის და შსს საპატრულო პოლიციის და შსს–ს სასაზღვრო პოლიციის ბაზაზე შეიქმნას უშუალოდ პარლამენტს დაქვემდებარებული ერთიანი ჟანდარმერიის სამსახური, რომელიც პასუხისმგებელი იქნება უსაფრთხოებაზე, სამოქალაქო წესრიგის დაცვაზე, საზღვრის კონტროლზე, მოძრაობის კონტროლზე, კრიმინალურ გამოძიებებზე და სხვა ზოგად საპოლიციო საკითხებზე. ამგვარი საკანონმდებლო ცვლილების საფუძველზე მოხდება ვატიკანის კანონმდებლობის გამოცდილების გაზიარება, რომელშიც მოქმედებს ვატიკანის ქალაქ-სახელმწიფოს ჟანდარმთა კორპუსი. საკანონმდებლო ცვლილებები გამოიწვევს საბიუჯეტო სახსრების ხარჯვის ეფექტურობის გაზრდას, გაძლიერდება საპარლამენტო კონტროლი ჟანდარმერიის საქმიანობაზე. პატივისცემით, ზურაბ ვანიშვილი პ. #: მობილური: + ელფოსტა: