საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მომართვა საქართველოს იუსტიციის სამინისტროს მიერ წარმოდგენილი გაერთიანებული ერების ორგანიზაციის კომიტეტების მიერ საქართველოს მიმართ გამოტანილი გადაწყვეტილებების აღსრულების მდგომარეობის შესახებ 2021 წლის ანგარიშის (№1-4019/22; 01.04.2022) განხილვის ვადის 30 დღით გაგრძელების შესახებ

ადამიანის უფლებათა დაცვისა და სამოქალაქო ინტეგრაციის კომიტეტი 2-5351/22 21-04-2022 საქართველოს პარლამენტის ბიუროს საქართველოს პარლამენტის ბიუროს № 138/5, 04.04.2022 გადაწყვეტილებით, ადამიანის უფლებათა დაცვისა და სამოქალაქო ინტეგრაციის კომიტეტს განსახილველად გადმოეცა საქართველოს იუსტიციის სამინისტროს მიერ წარმოდგენილი 2021 წლის ანგარიში გაერთიანებული ერების ორგანიზაციის კომიტეტების მიერ საქართველოს მიმართ გამოტანილი გადაწყვეტილებების აღსრულების შესახებ (№1-4019/22; 01.04.2022). აღნიშნული ანგარიში სავალდებულო დასკვნისთვის გადაეცა იურიდიულ საკითხთა და საგარეო ურთიერთობათა კომიტეტებს. მითითებული ანგარიშების სავალდებულო წესით განხილვის ვადა განსაზღვრულია 2022 წლის 25 აპრილამდე. მიმდინარე წლის 21 აპრილს მოგვმართა იურიდიულ საკითხთა კომიტეტმა, რომელმაც ითხოვა დასახელებული საკითხის განხილვის ვადის გაგრძელება. ვითვალისწინებთ რა აღნიშნული კომიტეტის თხოვნას, მოგმართავთ შუამდგომლობით მითითებული ანგარიშის განხილვის ვადის 30 დღით გაგრძელების თაობაზე. პატივისცემით, კომიტეტის თავმჯდომარე მიხეილ სარჯველაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge