საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მომართვა საქართველოს პარლამენტის წევრების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის და ტარიელ ნაკაიძის მიერ საკანონმდებლო ინიციატივის წესით წარმოდგენილი „სახელმწიფო პენსიის შესახებ“ საქართველოს კანონში ცვლილების შეტანის თაობაზე“ (№07-3/60; 25.05.2021) საქართველოს კანონის პროექტის განხილვის ვადის ერთი თვით გაგრძელების შესახებ

ჯანმრთელობის დაცვისა და სოციალურ საკითხთა კომიტეტი 2-13346/22 12-09-2022 საქართველოს პარლამენტის ბიუროს საქართველოს პარლამენტის ბიუროს 2021 წლის 31 მაისის N60/3 გადაწყვეტილებით ჯანმრთელობის დაცვისა და სოციალურ საკითხთა კომიტეტს (წამყვანი კომიტეტი) დაევალა საქართველოს პარლამენტის წევრების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძისა და ტარიელ ნაკაიძის მიერ საკანონმდებლო ინიციატივის წესით წარმოდგენილი საქართველოს კანონის პროექტის „სახელმწიფო პენსიის შესახებ“ საქართველოს კანონში ცვლილების შეტანის თაობაზე“ (№07-3/60; 25.05.2021) განხილვა, რომლის საკომიტეტო განხილვის ვადა საქართველოს პარლამენტის ბიუროს 2022 წლის 10 მაისის N147/33 გადაწყვეტილებით მიმდინარე წლის 13 სექტემბრამდე გაგრძელდა. იქიდან გამომდინარე, რომ კანონპროექტზე მომხსენებლად დანიშნული პირი აღნიშნულ ვადაში ვერ ახერხებს კომიტეტის სხდომაზე პროექტის წარმოდგენას, გთხოვთ, დასახელებულ კანონპროექტზე 1 თვით გაგვიგრძელოთ საკომიტეტო განხილვის ვადა. პატივისცემით, კომიტეტის თავმჯდომარის პირველი მოადგილე ვლადიმერ კახაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge