საქართველოს მთავრობის ადმინისტრაციის მომართვა საქართველოს მთავრობის მიერ საკანონმდებლო ინიციატივის წესით წარმოდგენილი „იპოთეკით დაცული ობლიგაციების შესახებ“ (№07-2/128; 02.03.2022) საქართველოს კანონის პროექტის თანმდევი პროექტების პაკეტიდან გამომდინარე „საქართველოს ეროვნული ბანკის შესახებ“ საქართველოს ორგანულ კანონში ცვლილების შეტანის თაობაზე“ საქართველოს ორგანული კანონის პროექტის უახლოეს პლენარულ სხდომაზე კენჭისყრის შესახებ

*GOV52200038428* GOV 5 22 00038428 29/11/2022 საქართველოს პარლამენტს „საპარლამენტო მდივნის შესახებ“ საქართველოს კანონის მე-4 მუხლის მე-5 პუნქტის „ე“ და „მ“ ქვეპუნქტების საფუძველზე, საქართველოს პარლამენტის რეგლამენტის 114-ე მუხლის მე-8 პუნქტისა და 112-ე მუხლის მე-17 პუნქტის შესაბამისად, გთხოვთ, საქართველოს პარლამენტის უახლოეს პლენარულ სხდომაზე კენჭისყრაზე დადგეს საქართველოს მთავრობის საკანონმდებლო ინიციატივის წესით საქართველოს პარლამენტში წარდგენილი „საქართველოს ეროვნული ბანკის შესახებ“ საქართველოს ორგანულ კანონში ცვლილების შეტანის თაობაზე“ საქართველოს ორგანული კანონის პროექტი, რომელიც წარმოადგენს „იპოთეკით დაცული ობლიგაციების შესახებ“ საქართველოს კანონის პროექტისგან გამომდინარე კანონპროექტს (საქართველოს პარლამენტში წარმოდგენის №6478; თარიღი: 02.03.2022). საქართველოს მთავრობის საპარლამენტო მდივანი ვახტანგ ბაჩიაშვილი