საქართველოს მოქალაქე ზურაბ ვანიშვილის მიერ წარმოდგენილი საკანონმდებლო წინადადება სახელმწიფო შესყიდვებში მონაწილე პირებისათვის დამატებითი საკვალიფიკაციო მოთხოვნების დაწესების შესახებ

my.gov.ge "ელექტრონული სერვისების ერთიანი პორტალი" საქართველოს იუსტიციის სამინისტროს სსიპ. „ციფრული მმართველობის სააგენტო“ კორესპონდენცია წარმოებულია საჯარო უწყებებთან მიმოწერის სერვისის მეშვეობით № CA00412212332525 04.12.2022 საქართველოს პარლამენტი სათაური: საკანონმდებლო წინადადება სახელმწიფო შესყიდვებში მონაწილე პირებისთვის დამატებითი საკვალიფიკაციო მოთხოვნების დაწესების შესახებ შინაარსი: გთხოვთ, განიხილოთ შემდეგი საკანონმდებლო წინადადება: გარკვეული თარიღიდან, მაგალითად, 2024 წლის 1 იანვრიდან, სახელმწიფო შესყიდვებში მონაწილეობის უფლება ჰქონდეთ, მხოლოდ იმ პირებს, რომლებიც აკმაყოფილებენ შემდეგ მოთხოვნებს: ა) პირს მინიმუმ ერთი საოფისე ფართი (არანაკლებ 20 კვ.მ.) აქვს აღებული იჯარით მაღალმთიან დასახლებათა ნუსხაში შეყვანილ დასახლებაში, ბ) პირს აღნიშნულ ოფისში დასაქმებული ჰყავს მინიმუმ 2 ადგილობრივი ფიზიკური პირი და ყოველთვიურად უხდის მათ არანაკლებ 1000 ლარის ოდენობის ხელფასს; ამგვარი საკანონმდებლო რეგულირება არსებობს აშშ-ში და ბრწყინვალე შედეგის მომტანია ქვეყნისთვის, ვინაიდან: (1) მაღალმთიან დასახლებათა ნუსხაში შეყვანილ დასახლებებს გაუჩნდებათ დამოუკიდებელი შემოსავლების წყაროები; (2) საშემოსავლო გადასახადების ანარიცხები ასევე მიმართული იქნება მაღალმთიან დასახლებათა ნუსხაში შეყვანილ დასახლებების შესაბამის ადგილობრივ ბიუჯეტებში; (3) ხელი შეეწყობა დედაქალაქის განტვირთვას; (4) მნიშვნელოვნად გაიზრდება სახელმწიფო შესყიდვების პროცესის პოზიტიური ზეგავლენა ქვეყნის განვითარებაზე; 5) გაიზრდება მაღალმთიან დასახლებებში ეკონომიკური აქტივობის დონე, გაიზრდება მოსახლეობის კეთილდღეობა. აღსანიშნავია, რომ ამგვარი საკანონმდებლო რეგულირება არ მოვა წინააღმდეგობაში საქართველოს მიერ 1999 წელს მარაკეშის ხელშეკრულებაზე მიერთებით აღებულ ვალდებულებებთან. პატივისცემით, ზურაბ ვანიშვილი პ. #: მობილური: + ელფოსტა: