საქართველოს პარლამენტის სპორტისა და ახალგაზრდულ საქმეთა კომიტეტის ინფორმაცია საქართველოს პარლამენტის სპორტისა და ახალგაზრდულ საქმეთა კომიტეტთან სამეცნიერო-საკონსულტაციო საბჭოს შექმნის შესახებ

სპორტისა და ახალგაზრდულ საქმეთა კომიტეტი 2-19621/22 08-12-2022 საქართველოს პარლამენტის ბიუროს გაცნობებთ, რომ საქართველოს პარლამენტის რეგლამენტის 47-ე მუხლის შესაბამისად, საქართველოს პარლამენტის სპორტისა და ახალგაზრდულ საქმეთა კომიტეტთან შეიქმნა სამეცნიერო-საკონსულტაციო საბჭო. დანართი: 3 ფურცელი. პატივისცემით, კომიტეტის თავმჯდომარე ირაკლი მეძმარიაშვილი თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

სპორტისა და ახალგაზრდულ საქმეთა კომიტეტი 2-19619/22 08-12-2022 საქართველოს პარლამენტის სპორტისა და ახალგაზრდულ საქმეთა კომიტეტის გადაწყვეტილება სამეცნიერო-საკონსულტაციო საბჭოს შექმნის შესახებ საქართველოს პარლამეტის სპორტისა და ახალგაზრდულ საქმეთა კომიტეტმა, 2022 წლის 8 დეკემბრის სხდომაზე, განიხილა კომიტეტთან სამეცნიერო-საკონსულტაციო საბჭოს შექმნის საკითხი. ზემოაღნიშნულის გათვალისწინებით, სპორტისა და ახალგაზრდულ საქმეთა კომიტეტმა გადაწყვიტა: 1. საქართველოს პარლამენტის რეგლამენტის 47-ე მუხლის შესაბამისად, საქართველოს პარლამენტის სპორტისა და ახალგაზრდულ საქმეთა კომიტეტთან შეიქმნას სამეცნიერო - საკონსულტაციო საბჭო (შემდგომში – საბჭო). 2. საბჭო შემადგენლობა განისაზღვროს შემდეგი წევრებისგან: ● კახა კუჭავა ● დავით ქევხიშვილი ● გია ნიჟარაძე ● პაატა ჩხეიძე ● დათო ოქიტაშვილი ● ზურაბ კახაბრიშვილი ● გურამ (ჯემალ) ძაგანია ● თემურ ლორთქიფანიძე ● კესო ჩხიკვაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge ● მაია აზარაშვილი ● გიორგი გალდავა ● აკაკი რამიშვილი ● ედიშერ მაჩაიძე ● ნინო ქურდაძე 3. საბჭოს მიზნად და ამოცანებად განისაზღვროს: ● საბჭოს საქმიანობის მიზანი: სპორტისა და ახალგაზრდობის სფეროებში არსებული მდგომარეობის შესწავლა - ანალიზი და ამის საფუძველზე, საქართველოს პარლამენტის სპორტისა და ახალგაზრდულ საქმეთა კომიტეტისათვის რეკომენდაციების და ინიციატივებისა მომზადება. ● საბჭოს ამოცანები: სპორტისა და ახალგაზრდობის სფეროში: პრიორიტეტების განსაზღვრა, არსებული წინადადებების, გამოწვევების რეგულაციების, ანალიზი, რეკომენდაციების საკანონმდებლო შემუშავება და აუცილებლობის შემთხვევაში სამუშაო ჯგუფების შექმნა 4. საბჭოს მუშაობის წესი განისაზღვროს: ● საბჭოს შემადგენლობაში შედიან საბჭოს თავმჯდომარე და წევრები; ● საბჭოს წევრები მუშაობენ საზოგადოებრივ საწყისებზე და ამ საქმიანობისთვის, საქართველოს პარლამენტისგან, არ იღებენ ფინანსურ ანაზღაურებას; ● საბჭოს ნებისმიერ წევრს უფლება აქვს საბჭოს მოწვევის თხოვნით მიმართოს კომიტეტს, კომიტეტი იწვევს საბჭოს სხდომას და განსაზღვრავს საბჭოს სხდომის ჩატარების თარიღს. საბჭოს თავმჯდომარე: ● საერთო ხელმძღვანელობას უწევს საბჭოს მუშაობას; ● ხელს აწერს საბჭოს გადაწყვეტილებებს და სხდომის ოქმებს; ● მუშაობის შედეგებს წარუდგენს საქართველოს პარლამენტის სპორტისა და ახალგაზრდულ საქმეთა კომიტეტს; ● იწვევს დარგობრივ სპეციალისტებს. საბჭოს წევრები: ● მონაწილეობენ საბჭოს სხდომებში, გამოთქვამენ შენიშვნებს, წინადადებებს და მოსაზრებებს; ● კომიტეტის აპარატის ხელშეწყობით ატარებენ დარგობრივი საკითხების კვლევასა და ანალიზს, იძლევიან რეკომენდაციებს, წარმოადგენენ საბჭოს სხდომაზე განსახილველ საკითხებს და ასრულებენ საბჭოს თავმჯდომარის დავალებებს 5. საბჭოს მუშაობის ორგანიზაციულ-ტექნიკური უზრუნველყოფა ● საბჭოს სხდომის მდივანს ნიშნავს და ათავისუფლებს საბჭოს თავმჯდომარე. საბჭოს სხდომის მდივანი უზრუნველყოფს საბჭოს სხდომების ჩატარებას, საქმის წარმოებას, ხელს აწერს სხდომის ოქმებს, ასრულებს საბჭოს თავმჯდომარის დავალებებს; ● საბჭოს მუშაობის ორგანიზაციულ-ტექნიკურ უზრუნველყოფას ახორციელებს კომიტეტის აპარატი. 6. საბჭოს უფლებამოსილების ვადა განისაზღვროს: ● საბჭოს უფლებამოსილების ვადა განისაზღვრება პარლამენტის უფლებამოსილების ვადით. 7. სამუშაო ჯგუფის შექმნის შესახებ ეცნობოს საქართველოს პარლამენტის ბიუროს. 8. ეს გადაწყვეტილება 14 დღის ვადაში გამოქვეყნდეს საქართველოს პარლამენტის ვებგვერდზე. კომიტეტის თავმჯდომარე ირაკლი მეძმარიაშვილი