საქართველოს ცენტრალური საარჩევნო კომისიის ინფორმაცია 2020 წლის 3 დეკემბრის საქართველოს ცენტრალური საარჩევნო კომისიის საქართველოს პარლამენტის 2020 წლის 31 ოქტომბრის არჩევნების შემაჯამებელი ოქმის საფუძველზე, საარჩევნო სუბიექტის საარჩევნო ბლოკის „ერთიანი ნაციონალური მოძრაობა-გაერთიანებული ოპოზიცია „ძალა ერთობაშია“-ს მიერ პროპორციული საარჩევნო სისტემით მიღებული მანდატებიდან 1 მანდატის, ვახტანგ კიკაბიძის უფლებამოსილების ვადამდე შეწყვეტისა და, ამავდროულად, საარჩევნო სუბიექტების პარტიულ სიებში ასარჩევი საქართველოს პარლამენტის წევრობის კანდიდატის არასებობის გამო, გაუქმებულად ჩათვლის შესახებ

170-01-01-2-202302131342 N 01-01/170 13/02/2023 საქართველოს პარლამენტის აპარატის საორგანიზაციო დეპარტამენტის უფროსს ეთერ სვიანაიძეს ქალბატონო ეთერ, თქვენი მიმდინარე წლის 8 თებერვლის 1120/2-7/23 წერილის (ცესკოში რეგისტრაციის №138, 09.02.2023წ.) პასუხად, გაცნობებთ, რომ საარჩევნო სუბიექტის საარჩევნო ბლოკი „ერთიანი ნაციონალური მოძრაობა „ძალა ერთობაშია“ ხელმძღვანელის გრიგოლ ვაშაძის 2020 წლის 11 დეკემბრის განცხადების (ცესკოში რეგისტრაციის №7364) საფუძველზე, საქართველოს ცენტრალური საარჩევნო კომისიის თავმჯდომარის 2020 წლის 14 დეკემბრის №264/2020 განკარგულებით საარჩევნო რეგისტრაცია გაუუქმდათ და მოხსნილ იქნენ საქართველოს პარლამენტის 2020 წლის 31 ოქტომბრის არჩევნებისათვის საარჩევნო სუბიექტის საარჩევნო ბლოკი „ერთიანი ნაციონალური მოძრაობა „ძალა ერთობაშია“ მიერ წარმოდგენილი პარტიული სიიდან საქართველოს პარლამენტის წევრობის კანდიდატები, პარტიული სიის №37-დან №177ის ჩათვლით. ზემოაღნიშნულიდან გამომდინარე, საარჩევნო რეგისტრაცია და, შესაბამისად, პარლამენტის წევრობის კანდიდატის სტატუსი გაუუქმდა საქართველოს პარლამენტის მიერ პარლამენტის წევრთა უფლებამოსილების ცნობის შემდეგ ამ საარჩევნო სუბიექტის პარტიულ სიაში დარჩენილ ყველა კანდიდატს. საქართველოს ორგანული კანონის „საქართველოს საარჩევნო კოდექსი“ 130-ე მუხლის პირველი პუნქტის თანახმად, თუ პარტიულ სიაში ასარჩევი საქართველოს პარლამენტის წევრობის კ ანდიდატი აღარ არის, პარლამენტის წევრის ეს მანდატი ითვლება გაუქმებულად. შესაბამისად, გაუქმებულად ითვლება 2020 წლის 3 დეკემბრის საქართველოს ცენტრალური საარჩევნო კომისიის საქართველოს პარლამენტის 2020 წლის 31 ოქტომბრის არჩევნების საბოლოო შედეგების შემაჯამებელი ოქმის საფუძველზე, საარჩევნო სუბიექტის საარჩევნო ბლოკი „ერთიანი ნაციონალური მოძრაობა „ძალა ერთობაშია“ მიერ პროპორციული საარჩევნო სისტემით მიღებული მანდატებიდან 1 (ერთი) მანდატი, ვახტანგ კიკაბიძის უფლებამოსილების ვადამდე შეწყვეტისა და, ამავდროულად, საარჩევნო სუბიექტების პარტიულ სიებში ასარჩევი საქართველოს პარლამენტის წევრობის კანდიდატების არარსებობის გამო. დანართის სახით, გიგზავნით, ცესკოს თავმჯდომარის განკარგულებისა და საარჩევნო სუბიექტის ხელმძღვანელის მიერ წარმოდგენილი განცხადების ასლებს. დანართი: 12 ფურცლად. პატივისცემით, გიორგი კალანდარიშვილი კომისიის თავმჯდომარე .