საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მომართვა საქართველოს პარლამენტის წევრების ლევან იოსელიანის და ალექსანდრე ელისაშვილის მიერ საკანონმდებლო ინიციატივის წესით წარმოდგენილი „გენდერული თანასწორობის შესახებ“ საქართველოს კანონში ცვლილების შეტანის თაობაზე“ (№07-3/295; 20.02.2023) საქართველოს კანონის პროექტის განხილვის ვადის 30 დღით გაგრძელების შესახებ

ადამიანის უფლებათა დაცვისა და სამოქალაქო ინტეგრაციის კომიტეტი 2-4024/23 21-03-2023 საქართველოს პარლამენტის ბიუროს საქართველოს პარლამენტის ბიუროს № 227/1, 27.02.2023 გადაწყვეტილებით, ადამიანის უფლებათა დაცვისა და სამოქალაქო ინტეგრაციის კომიტეტს განსახილველად გადმოეცა საქართველოს პარლამენტის წევრების: ლევან იოსელიანისა და ალექსანდრე ელისაშვილის მიერ საკანონმდებლო ინიციატივის წესით წარმოდგენილი საქართველოს კანონის პროექტი „გენდერული თანასწორობის შესახებ“ საქართველოს კანონში ცვლილების შეტანის თაობაზე“ (№07-3/295; 20.02.2023). აღნიშნული ინიციატივა სავალდებულო დასკვნისთვის გადაეცა, აგრეთვე, რეგიონული პოლიტიკისა და თვითმმართველობის კომიტეტს და განხილვის ვადა განესაზღვრა 2023 წლის 20 მარტამდე. აღნიშნულმა კომიტეტმა მოგვმართა N2-3979/23 წერილით, რომლითაც ითხოვა დასახელებული საკითხის განხილვის ვადის გაგრძელება 30 დღით. ვითვალისწინებთ რა რეგიონული პოლიტიკისა და თვითმმართველობის კომიტეტის თხოვნას, მოგმართავთ შუამდგომლობით მითითებული საკანონმდებლო ინიციატივის განხილვის ვადის 30 დღით გაგრძელების თაობაზე. პატივისცემით, კომიტეტის თავმჯდომარე მიხეილ სარჯველაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge