საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მომართვა საქართველოს მოქალაქეების შალვა ხაჭაპურიძის და ზურაბ ვანიშვილის მიერ წარმოდგენილი „პატიმართა ომბუდსმენის შესახებ“ (№1-2642/23; 21.02.2023) საკანონმდებლო წინადადების განხილვის ვადის 30 დღით გაგრძელების შესახებ

ადამიანის უფლებათა დაცვისა და სამოქალაქო ინტეგრაციის კომიტეტი 2-4543/23 30-03-2023 საქართველოს პარლამენტის ბიუროს საქართველოს პარლამენტის ბიუროს № 225/8, 22.02.2023 გადაწყვეტილებით, ადამიანის უფლებათა დაცვისა და სამოქალაქო ინტეგრაციის კომიტეტს განსახილველად გადმოეცა საქართველოს მოქალაქეების შალვა ხაჭაპურიძისა და ზურაბ ვანიშვილის მიერ წარმოდგენილი საკანონმდებლო წინადადება „პატიმართა ომბუდსმენის შესახებ“ (№12642/23; 21.02.2023), რომლის განხილვის ვადა იწურება 2023 წლის 07 აპრილს. აღნიშნულ წინადადებასთან დაკავშირებით ობიექტური გადაწყვეტილების მიღების უზრუნველსაყოფად საკითხის შესწავლის პროცესში კომიტეტმა საქართველოს სახალხო დამცველს სთხოვა მისი პოზიციის გაზიარება, რაც, დღეის მდგომარეობით წარმოდგენილი არ არის. ამდენად, კომიტეტი ვერ ახერხებს ამ საკითხის ზემოთ მითითებულ ვადაში განხილვას. აღნიშნულიდან გამომდინარე, საქართველოს პარლამენტის რეგლამენტის 105-ე მუხლის მე-4 პუნქტის შესაბამისად, მოგმართავთ შუამდგომლობით მითითებული საკანონმდებლო წინადადების განხილვის ვადის 30 დღით გაგრძელების თაობაზე. პატივისცემით, კომიტეტის თავმჯდომარე მიხეილ სარჯველაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge