„შინაურ ბინადარ ცხოველთა შესახებ’’ საქართველოს კანონის პროექტი

გარემოს დაცვისა და ბუნებრივი რესურსების კომიტეტი 2-5994/23 24-04-2023 გაცნობებთ, რომ მიმდინარე წლის 27 აპრილს 13:30 საათზე გაიმართება სამუშაო შეხვედრა „შინაურ ბინადარ ცხოველთა შესახებ’’ საქართველოს კანონის პროექტზე, რომლის ფარგლებშიც საქართველოს პარლამენტის გარემოს დაცვისა და ბუნებრივი რესურსების კომიტეტი წარადგენს კანონპროექტის ძირითადი მიზნების, განსახორციელებელი სისტემური ცვლილებებისა და კანონპროექტზე შემოსული შენიშვნების ავტორებთან გამართული შეხვედრების ფარგლებში გამოკვეთილი საკითხების თაობაზე პრეზენტაციას. აღნიშნული შეხვედრისთვის, გთხოვთ დაავალოთ შესაბამის სამსახურს დაგვიჯავშნონ პარლამენტის კინო დარბაზი, შეხვედრა უზრუნველყონ მედია გაშუქებით, პრეზენტაციისთვის საჭირო შესაბამისი ტექნიკური მხარდაჭერით და ასევე, წარმოდგენილი იყოს მანდატურის სამსახურის წარმომადგენელი. პატივისცემით, კომიტეტის თავმჯდომარე მაია ბითაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge