„არქიტექტურული საქმიანობის შესახებ“ საქართველოს კანონში ცვლილების შეტანის თაობაზე“

პროექტი საქართველოს კანონი „არქიტექტურული საქმიანობის შესახებ“ საქართველოს კანონში ცვლილების შეტანის თაობაზე მუხლი 1. „არქიტექტურული საქმიანობის შესახებ“ საქართველოს კანონის (პარლამენტის უწყებანი, №17-18, 14.05.1998, გვ. 7) 191 მუხლი ჩამოყალიბდეს შემდეგნაირად: „მუხლი 191. არქიტექტურული საქმიანობის სერტიფიცირება გარდამავალ პერიოდში არქიტექტორს ამ კანონის მე-4 მუხლის პირველი პუნქტით გათვალისწინებული არქიტექტურული პროექტის დასამოწმებლად 2025 წლის 1 დეკემბრამდე შესაბამისი სერტიფიკატის ფლობა არ მოეთხოვება.“. მუხლი 2. ამ კანონის პირველი მუხლით გათვალისწინებული „არქიტექტურული საქმიანობის შესახებ“ საქართველოს კანონის 191 მუხლის მოქმედება გავრცელდეს 2024 წლის 1 მარტიდან წარმოშობილ სამართლებრივ ურთიერთობებზე. მუხლი 3. ეს კანონი ამოქმედდეს გამოქვეყნებისთანავე. საქართველოს პრეზიდენტი სალომე ზურაბიშვილი

განმარტებითი ბარათი საქართველოს კანონის პროექტზე „არქიტექტურული საქმიანობის შესახებ“ საქართველოს კანონში ცვლილების შეტანის თაობაზე“ ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: კანონპროექტი წარმოადგენს „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში’’ ცვლილების შეტანის შესახებ“ კანონპროექტის თანმდევ კანონპროექტს, ვინაიდან ზემოხსენებულ კანონში განხორციელებული ცვლილება იწვევს ამ კანონში ცვლილებას. ა.ა.ბ) არსებული პრობლემის გადასაჭრელად კანონის მიღების აუცილებლობა; სერტიფიცირების მუხლის ამოქმედება განსაზღვრულია კანონით, შესაბამისად კანონში უნდა მოხდეს ცვლილების განხორციელება, რათა არქიტექტურული პროექტის დასამოწმებლად არქიტექტორებისათვის საჭირო სერტიფიცირების კანონისმიერი მოთხოვნა გადავადდეს. ა.ბ) კანონპროექტის მოსალოდნელი შედეგები: კანონპროექტის მიხედვით, 2025 წლის 1 დეკემბრამდე არქიტექტურული პროექტის დასამოწმებლად არქიტექტორს არ ესაჭიროება სერტიფიცირება. ა.გ) კანონპროექტის ძირითადი არსი: კანონპროექტის თანახმად, 2025 წლის 1 დეკემბრამდე არქიტექტორები შეძლებენ განაგრძონ არქიტექტურული პროექტის დამოწმებას სერტიფიკატის გარეშე. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიცირებული კანონპროექტის შემთხვევაში): აღნიშნული ქვეპუნქტი არ გამოიყენება წარმოდგენილ კანონპროექტთან მიმართებით. (წარმოდგენილი კანონპროექტი არ არის ინიცირებული საქართველოს მთავრობის მიერ). ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება: კანონპროექტი წარმოადგენს „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში’’ ცვლილების შეტანის შესახებ“ კანონპროექტის თანმდევ პროექტს და ძალაში შედის ძირითადი კანონის მსგავსად გამოქვეყნებისთანავე, ვინაიდან მნიშვნელოვანია პროექტით წარმოდგენილი გარდამავალი პერიოდის დროულად ამოქმედება, რომლითაც არქიტექტურული პროექტის დასამოწმებლად არქიტექტორს სერტიფიცირება არ დაჭირდება 2025 წლის 1 დეკემბრამდე. ამასთან, პროექტით უკუძალა ენიჭება 2024 წლის 1 მარტიდან წარმოშობილ სამართლებრივ ურთიერთობებს და ასეთ შემთხვევაში, არქიტექტურული პროექტის დასამოწმებლად არქიტექტორი სერტიფიცირებას არ დაექვემდებარება, რათა საკანონმდებლო რეგულაციების მიღმა არ დარჩეს 2024 წლის 1 მარტიდან აღნიშნული კანონპროექტის ძალაში შესვლამდე წარმოშობილი არქიტექტურული პროექტის დამოწმების პროცესი. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთებ (თუ ინიციატორი ითხოვს კანონპროექტის დაჩქარებული წესით განხილვას): გამომდინარე იქედან, რომ კანონპროექტი წარმოადგენს „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში’’ ცვლილების შეტანის შესახებ“ კანონპროექტის თანმდევ პროექტს, საჭიროებს დაჩქარებული წესით განხილვას. ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: წინამდებარე კანონპროექტის მიღებით რაიმე ხარჯის გაღება არ იქნება საჭირო. ბ.ბ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე: კანონპროექტმა შესაძლოა გავლენა მოახდინოს სახელმწიფო ბიუჯეტის საშემოსავლო ნაწილზე, რადგან არქიტექტორებისთვის სერტიფიცირების მოთხოვნის ვალდებულების შეჩერებით, აკრედიტაციის ეროვნული სააგენტოს საკუთარ შემოსავლებში არ აისახება ის თანხები, რომელიც შევიდოდა მასერტიფიცირებელი ორგანოს მიერ სსიპ - ,,აკრედიტაციის ერთიანი ეროვნული ორგანო - აკრედიტაციის ცენტრისთვის“ გადასახდელი თანხებიდან 2024 წლის 1 მარტიდან 2025 წლის 1 დეკემბრამდე. შესაბამისად, სახელმწიფო ბიუჯეტისთვისაც ზემოაღნიშნულ პერიოდში გადავადდება იმ შემოსავლის მიღება, რაც პოტენციურად უნდა შესულიყო სააგენტოს მიერ გადახდილი გადასახადების სახით. ბ.გ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე: კანონპროექტი არ იქონიებს გავლენას სახელმწიფო, ავტონომიური რესპუბლიკური ან/და მუნიციპალიტეტის ბიუჯეტის ხარჯვით ნაწილზე. რესპუბლიკის ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით: კანონპროექტის მიხედვით სახელმწიფოს არ ეკისრება ახალი ფინანსური ვალდებულებები. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: დღეს მოქმედი რედაქციით, სანებართვო დოკუმენტაციის შეფასებისთვის სავალდებულო არ იყო სერტიფიცირება 2024 წლის 1 მარტამდე. წარმოდგენილი ცვლილებით, განხორციელდა სერტიფიცირების ვალდებულების გადავადება 2025 წლის 1 დეკემბრამდე. შესაბამისად, ასეთი საქმიანობის განმახორციელებელ პირებზე, დადებით გავლენას მოახდენს შემოთავაზებული ცვლილება. ისინი საქმიანობას გააგრძელებენ არსებული წესით, არ მოუწევთ შემოსავლის დაკარგვა სერტიფიცირების ვერ მიღების შემთხვევაში და ასევე, არ მოუწევთ სერტიფიკატის მისაღებად საფასურის გადახდა და არ შეფერხდება/დახარვეზდება სანებართვო დოკუმენტაციის შეთანხმების პროცედურა. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი: კანონპროექტი არ ითვალისწინებს გადასახადის, მოსაკრებლის ან სხვა სახის გადასახდელის დადგენას. ბ1) ბავშვის უფლებრივ მდგომარეობაზე კანონპროექტის ზეგავლენის შეფასება: კანონპროექტი არ ახდენს ზეგავლენას ბავშვის უფლებრივ მდგომარეობაზე. ბ2) გენდერული თანასწორობის მდგომარეობაზე კანონპროექტის მოსალოდნელი ზეგავლენის შეფასება: კანონპროექტი არ ახდენს ზეგავლენას გენდერული თანასწორობის მდგომარეობაზე. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან: კანონპროექტი არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტი არ ეწინააღმდეგება საერთაშორისო წევრობასთან დაკავშირებულ ვალდებულებებს. ორგანიზაციებში საქართველოს გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, − მისი შესაბამისი მუხლი ან/და ნაწილი: კანონპროექტი არ ეწინააღმდეგება ხელშეკრულებებსა და შეთანხმებებს. საქართველოს ორმხრივ და მრავალმხრივ გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი არ არსებობს. ე) კანონპროექტის ავტორი: საქართველოს პარლამენტის წევრები: დავით სონღულაშვილი, ისკო დასენი, ელგუჯა გოცირიძე, გოჩა ენუქიძე, ირმა ზავრადაშვილი, ვასილ ჩიგოგიძე, ირაკლი კირცხალია, ბეჟან წაქაძე, ანტონ ობოლაშვილი, რამინა ბერაძე, ლევან მგალობლიშვილი. ვ) კანონპროექტის ინიციატორი: საქართველოს პარლამენტის წევრები: დავით სონღულაშვილი, ისკო დასენი, ელგუჯა გოცირიძე, გოჩა ენუქიძე, ირმა ზავრადაშვილი, ვასილ ჩიგოგიძე, ირაკლი კირცხალია, ბეჟან წაქაძე, ანტონ ობოლაშვილი, რამინა ბერაძე, ლევან მგალობლიშვილი.