ლობისტ ზაალ სარაჯიშვილის მომართვა „სოციალური დახმარების შესახებ“ საქართველოს კანონის პროექტზე ლობისტის სამართლებრივი მდგომარეობის შეწყვეტის შესახებ

my.gov.ge "ელექტრონული სერვისების ერთიანი პორტალი" საქართველოს იუსტიციის სამინისტროს სსიპ. „ციფრული მმართველობის სააგენტო“ კორესპონდენცია წარმოებულია საჯარო უწყებებთან მიმოწერის სერვისის მეშვეობით № CA00412511153528 05.08.2025 საქართველოს პარლამენტი სათაური: ლობისტური საქმიანობის შეწყვეტის შესახებ შინაარსი: გაცნობებთ, რომ ლობისტად რეგისტრირებული გახლავართ „სოციალური დახმარების შესახებ“ საქართველოს კანონის პროექტის მომზადებასა და განხილვაში მონაწილეობის მიზნით. აღნიშნულ კანონში შესაბამისი ცვლილების მოთხოვნა ინიცირებული იყო საზოგადოებრივი მოძრაობა „ფუხარას ხმა“-ს მიერ 2023 წლის საპეტიციო განცხახების სახით, რომელიც წამყვან კომიტეტმა განსახილველად გადაუგზავნა შესაბამის სამინისტროს, საიდანაც 2024 წლის იანვარს მიღებული იქნა პასუხი, სადაც სამინისტრომ უსახლკარო პირთა რეგისტრაციის ერთიანი წესის შემოღებაზე თავისი მოსაზრება არ წარმოადგენა და მხარი დაუჭირა კანონის მოქმედ რედაქციას (უსახლკარო პირთა რეგისტრაციას ახორციელებენ მუნიცეპალიტეტები). შესაბამისად, წამყვანმა კომიტეტმა აღარ გაარძელა საკითხის განხილვა და საკითხი აღარ შეიტანა სხვა სხდომების დღის წესრიგში. ყოველი შემთხვევისთვის, კომიტეტის სხდომაზე დასწრების მოწვევა არ მიმიღია, როგორც ამას ითვალისწინებს "ლობისტური საქმიანობის შესახებ" საქართველოს კანონის მე10 მუხლის მე-3 პუნქტი. ამიტომაც, ყოველივე ზემოთ აღნიშნულიდან გამომდინარე და თანახმად "ლობისტური საქმიანობის შესახებ" საქართველოს კანონის მე-8 მუხლის მე-2 პუნქტის ბ) ქვეპუნქტისა, გთხოვთ შემიწყვიტოთ ლობისტის სამართლებრივი მდგომარეობა „სოციალური დახმარების შესახებ“ საქართველოს კანონთან დაკავშირებით. დოკუმენტები: 1 ) სამინისტროს პასუხი.pdf; პატივისცემით, ზაალ სარაჯიშვილი პ. #: მობილური: + ელფოსტა:

10 იანვარი 2024 MOH 1 24 00021363 საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარეს ბატონ ზაზა ლომინაძეს ასლი: საზოგადოებრივი მოძრაობა ,,ფუხარას ხმის“ იურისტს ბატონ ირაკლი ბურჭულაძეს მის. ბატონო ზაზა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ განიხილა თქვენი 2023 წლის 28 ნოემბრის №9084/4-13/23 წერილით გადმოგზავნილი საზოგადოებრივი მოძრაობა ,,ფუხარას ხმის“ (ირაკლი ბურჭულაძე) მიერ წარმოდგენილი ,,უსახლკაროთა პეტიციის განაცხადი“. აღნიშნულთან დაკავშირებით გაცნობებთ, რომ ,,სოციალური დახმარების შესახებ” საქართველოს კანონის მე-18 მუხლის მიხედვით ადგილობრივი თვითმმართველობის ორგანოების კომპეტენციებსა და უფლება-მოვალეობებს, სხვა საკითხებთან ერთად, მიეკუთვნება უსახლკარო პირთა თავშესაფრით უზრუნველყოფა და შესაბამისი რეესტრის წარმოება. ამასთანავე, აღსანიშნავია, რომ ადგილობრივი თვითმმართველობის ორგანოები ყველაზე კარგად იცნობენ მათ ტერიტორიაზე მცხოვრები მოსახლეობის საჭიროებებს. აქვე გაცნობებთ, რომ 2024 წლის 8 იანვარს საქართველოს მთავრობის №1 დადგენილებით დამტკიცდა ,,უსახლკარო/მძიმე საცხოვრებელ პირობებში მყოფი მრავალშვილიანი ოჯახ(ებ)ის განსახლების მიზნობრივი სახელმწიფო პროგრამა“, რომელის მიზანია ,,საქართველოს მოქალაქე უსახლკარო/მძიმე საცხოვრებელ პირობებში მყოფი მრავალშვილიანი (3 და მეტი არასრულწლოვანი) ოჯახებისათვის დამატებითი სოციალური მხარდაჭერის მიზნით გრძელვადიანი საცხოვრებლით უზრუნველყოფისათვის საჭირო ღონისძიებების განხორციელება“. პატივისცემით, მინისტრის მოადგილე თამილა ბარკალაია