საქართველოს პარლამენტის ეკონომიკური პოლიტიკის კომიტეტის მომართვა საქართველოს მთავრობის მიერ საკანონმდებლო ინიციატივით წარმოდგენილი საკანონმდებლო პაკეტის – საქართველოს კანონის პროექტის „საავტომობილო გზების შესახებ“ საქართველოს კანონში ცვლილების შეტანის თაობაზე“ და მისი თანამდევი საქართველოს კანონების პროექტების: „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ და „ნარჩენების მართვის კოდექსში ცვლილების შეტანის შესახებ“ (№336/2-XIმპ, 03.06.2026) დაჩქარებული წესით პლენარულ სხდომაზე განხილვის ახალი ვადის განსაზღვრის შესახებ (23–26 ივნისი)

2-7976/26 15-06-2026 საქართველოს პარლამენტის ბიუროს საქართველოს პარლამენტის ბიუროს N146/6-XIმპ, 08.06.2026 გადაწყვეტილებით, საქართველოს პარლამენტის ეკონომიკური პოლიტიკის კომიტეტი განისაზღვრა წამყვან კომიტეტად საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს კანონების პროექტებზე: „საავტომობილო გზების შესახებ“ საქართველოს კანონში ცვლილების შეტანის თაობაზე“, „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ და „ნარჩენების მართვის კოდექსში ცვლილების შეტანის შესახებ“ (№336/2-XIმპ, 03.06.2026). ამასთანავე, ბიუროს მიერ დადგენილ იქნა, რომ კანონპროექტები კომიტეტზე უნდა განხილულიყო დაჩქარებული წესით, მიმდინარე წლის 8 ივნისიდან 12 ივნისის ჩათვლით. აღნიშნული კანონპროექტები კომიტეტმა 2026 წლის 9 ივნისის სხდომაზე განიხილა და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით დაჩქარებული წესით განხილვისათვის. თუმცა, ბიუროს მიერ განსაზღვრულ ვადებში (9-12 ივნისი) პლენარულ სხდომაზე ვერ მოხერხდა მათი განხილვა და მიღება. ზემოაღნიშნულის გათვალისწინებით, გთხოვთ, საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონების პროექტების: „საავტომობილო გზების შესახებ“ საქართველოს კანონში ცვლილების შეტანის თაობაზე“, „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ და „ნარჩენების მართვის კოდექსში ცვლილების შეტანის შესახებ“ (№336/2-XIმპ, 03.06.2026) პლენარულ სხდომაზე განხილვის ვადად განისაზღვროს მიმდინარე წლის 23-26 ივნისი. პატივისცემით, კომიტეტის თავმჯდომარე შოთა ბერეკაშვილი თბილისი 0118, რუსთაველის გამზ. № 8 საქართველოს პარლამენტის სასახლე ტელეფონი: (995 32) 2281679, ელ-ფოსტა contact@parliament.ge