„საქართველოს საგადასახადო კოდექსში ცვლილების შეტანის შესახებ“

პროექტი საქართველოს კანონი საქართველოს საგადასახადო კოდექსში ცვლილების შეტანის შესახებ მუხლი 1. საქართველოს საგადასახადო კოდექსში (საქართველოს საკანონმდებლო მაცნე, №54, 12.10.2010, მუხ. 343) შეტანილ იქნეს შემდეგი ცვლილება: 1. მე-100 მუხლის მე-4 ნაწილის „ვ“ ქვეპუნქტი ჩამოყალიბდეს შემდეგი რედაქციით: „ვ) გადასახადის/მოსაკრებლის გადამხდელთან გაფორმებული საგადასახადო შეთანხმების საფუძველზე შემცირებით, აგრეთვე გადასახადის/მოსაკრებლის საგადასახადო დავალიანების ან/და სანქციების ჩამოწერით მიღებული სარგებელი.“; 2. 292-ე მუხლი ჩამოყალიბდეს შემდეგი რედაქციით: „მუხლი 292. საგადასახადო შეთანხმების არსი 1. საგადასახადო შეთანხმება შესაძლებელია გაფორმდეს: ა) შემოსავლების სამსახურსა და გადასახადის გადამხდელს შორის გადასახადის გადამხდელის საგადასახადო დავალიანების შემცირების მიზნით; ბ) შემოსავლების სამსახურსა და მოსაკრებლის გადამხდელს შორის ბუნებრივი რესურსებით სარგებლობისათვის მოსაკრებლის (რომლის ადმინისტრირებას ახორციელებს საგადასახადო ორგანო), მასთან დაკავშირებული ჯარიმისა და საურავის შემცირების მიზნით. 2. ამ მუხლის მოქმედება არ ვრცელდება ამ კოდექსის 155-ე და 205-ე მუხლებით დარიცხულ მიმდინარე გადასახდელებზე, აგრეთვე მოსაკრებელზე და მასთან დაკავშირებულ ჯარიმასა და საურავზე, რომლის ადმინისტრირებას ახორციელებს საგადასახადო ორგანო (გარდა ამ მუხლის პირველი ნაწილის „ბ“ ქვეპუნქტით გათვალისწინებული შემთხვევისა). 3. ამ მუხლის პირველი ნაწილის „ბ“ ქვეპუნქტით გათვალისწინებული შემთხვევაში, შესაბამისად გამოიყენება ამ კოდექსის 293-ე - 295-ე მუხლები.“. მუხლი 2. ეს კანონი ამოქმედდეს გამოქვეყნებიდან მე-15 დღეს. საქართველოს პრეზიდენტი გიორგი მარგველაშვილი

განმარტებითი ბარათი საქართველოს კანონის პროექტზე „საქართველოს საგადასახადო კოდექსში ცვლილების შეტანის შესახებ“ ა) ზოგადი ინფრომაცია კანონპროექტის შესახებ ა.ა) კანონპროექტის მიღების მიზეზი: ბუნებრივი რესურსებით სარგებლობისათვის მოსაკრებლის (რომლის ადმინისტრირებას ახორციელებს საგადასახადო ორგანო) გადამხდელი პირის სალიცენზიო საქმიანობა დაკავშირებულია ბუნებრივი რესურსების (მათ შორის, სასარგებლო წიაღისეულის) მოპოვებასთან, დამუშავებსათან და წარმოებასთან, რასაც მნიშვნელოვანი წვლილი შეაქვს ქვეყნის ეკონომიკის განვითარებაში, მათ შორის, უმუშევრობის შემცირებაში, ადგილობრივი წარმოების გაფართოებასა და ექსპორტის ზრდაში. ვინაიდან, გადასახადებისა ბუნებრივი და რესურსებით მოსაკრებლის მოსარგებლე ნაწილში პირებს თანაბარ დავალიანება ტვირთად აწვება, მიზანშეწონილია, კანონმდებლობით დაშვებული იქნეს საგადასახადო შეთანხმების გაფორმების შესაძლებლობა დარიცხული და გადაუხდელი ბუნებრივი რესურსებით სარგებლობისათვის მოსაკრებლის (რომლის ადმინისტრირებას ახორციელებს საგადასახადო ორგანო), მასთან დაკავშირებული ჯარიმისა და საურავის შემცირების მიზნით. ა.ბ) კანონპროექტის მიზანი: კანონპროექტის მიღების მიზანს წარმოადგენს, დარიცხული და გადაუხდელი ბუნებრივი რესურსებით სარგებლობისათვის მოსაკრებლის (რომლის ადმინისტრირებას ახორციელებს საგადასახადო ორგანო) და მასთან დაკავშირებული ჯარიმისა და საურავის შემცირება განხორციელდეს საგადასახადო შეთანხმების მექანიზმის გამოყენებით. ა.გ) კანონპროექტის ძირითადი არსი: 1. კანონპროექტის შესაბამისად, ცვლილება შედის საგადასახადო კოდექსის მე100 მუხლის მე-4 ნაწილის „ვ“ ქვეპუნქტი, მოქმედი რედაქციის თანახმად, ერთობლივ შემოსავალში ასახვას არ ექვემდებარება გადასახადის გადამხდელთან გაფორმებული საგადასახადო შეთანხმების საფუძველზე გადასახადების ან/და სანქციების შემცირებით მიღებული სარგებელი. აღნიშნული ნორმა არ ეხება მოსაკრებლის გადამხდელთან გაფორმებული საგადასახადო შეთანხმების საფუძველზე მოსაკრებლის შემცირებით მიღებულ სარგებელს. პროექტის მოსაკრებლის შესაბამისად, და მასთან ბუნებრივი დაკავშირებული რესურსებით სანქციის სარგებლობისათვის თანხაზე საგადასახადო შთანხმების გაფორმების შემთხვევაშიც, დარიცხული თანხის შემცირებით მიღებული სარგებელი არ აისახოს მოსაკრებლის გადამხდელის ერთობლივ შემოსავალში. 2. საქართველოს საგადასახადო კოდექსის მოქმედი რედაქციის 292-ე მუხლის თანახმად, საგადასახადო შეთანხმება შესაძლებელია გაფორმდეს მხოლოდ გადასახადის გადამხდელის საგადასახადო დავალიანების შემცირების მიზნით. საგადასახადო შეთანხმება არ ფორმდება საგადასახადო ორგანოს მიერ ადმინისტრირებად მოსაკრებელზე, მასთან დაკავშირებულ ჯარიმასა და საურავზე. კანონპროექტით 292-ე მუხლი ყალიბდება ახალი რედაქციით, რომლის შესაბამისადაც, საგადასახადო შეთანხმება შესაძლებელია გაფორმდეს შემოსავლების სამსახურსა და გადასახადის გადამხდელს შორის გადასახადის გადამხდელის საგადასახადო დავალიანების შემცირების მიზნით, აგრეთვე, შემოსავლების სამსახურსა მოსაკრებლის გადამხდელს შორის ბუნებრივი რესურსებით ადმინისტრირებას ახორციელებს და სარგებლობისათვის მოსაკრებლის (რომლის საგადასახადო ორგანო), მასთან დაკავშირებული ჯარიმისა და საურავის შემცირების მიზნით. ბ) კანონპროექტის ფინანსური დასაბუთება: ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღება არ გამოიწვევს აუცილებელი ხარჯების გამოყოფას სახელმწიფო ბიუჯეტიდან. ბ.ბ) კანონპროექტის გავლენა ბიუჯეტის საშემოსავლო ნაწილზე: ზემოაღნიშნული ცვლილებები პირდაპირი მნიშვნელობით გავლენას ვერ იქონიებს ბიუჯეტის საშემოსავლო ნაწილზე, ხოლო ირიბად შეამცირებს დარიცხვის მეთოდით არსებულ საშემოსავლო ბაზას, თუმცა რა ოდენობით ამის წინასწარ განსაზღვრა შეუძლებელია, რადგან ეს დამოკიდებულია იმ პირთა რაოდენობაზე, რომლებიც ისარგებლებენ აღნიშნული ნორმით. ბ.გ) კანონპროექტის გავლენა ბიუჯეტის ხარჯვის ნაწილზე: კანონპროექტის მიღება გავლენას არ მოახდენს ბიუჯეტის ხარჯვით ნაწილზე. ბ.დ) სახელმწიფოს ახალი ფინანსური ვალდებულებები: კანონპროექტის მიღებით არ წარმოიშობა სახელწიფოს ახალი ფინანსური ვალდებულება. ბ.ე) კანონპრექტით მოსალოდნელი ფინანსური შედეგი იმ პირთათვის, რომელთა მიმართ ვრცელდება კანონპროექტის მოქმედება: კანონპროექტი ითვალისწინებს საგადასახადო დავალიანების შემცირების მიზნით საგადასახადო შეთანხმების გაფორმებას, რაც დადებითად იმოქმედებს იმ პირთა ფინანსურ მდგომარეობაზე, რომლებზედაც ვრცელდება იგი. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის ოდენობის განსაზღვის წესი (პრინციპი): კანონპროექტით არ ხდება ახალი გადასახადის, მოსაკრებლის ან სხვა სახის გადასახდელის შემოღება. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის დირექტივებთან: კანონპროექტის მიღება არ ეწინააღმდეგება ევროკავშირის დირექტივებს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტის მიღებით არ წარმოიქმნება საერთაშორისო ორგანიზაციებში საქართველოს წევრობასთან დაკავშირებული ვალდებულებები. გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან: კანონპროექტის მიღება არ ეწინააღმდეგება საქართველოს ორმხრივ და მრავალმხრივ ხელშეკრულებებს. დ) კანონპროექტის მომზადების პროცესში მიღებული კონსულტაციები: დ.ა) სახელწიფო, ორგანიზაცია/დაწესებულება, არასახელმწიფო ექსპერტები, ან/და რომლებმაც საერთაშორისო მონაწილეობა მიიღეს კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის (დაწესებულების) ან/და ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. ე) კანონპროექტის ავტორი: კანონპროექტის ავტორია პარლამენტის წევრები: დავით ონოფრიშვილი და გიორგი ცაგარეიშვილი. ვ) კანონპროექტის ინიციატორი: კანონპროექტის ინიციატორია პარლამენტის წევრები: დავით ონოფრიშვილი და გიორგი ცაგარეიშვილი.

იმ მუხლების მოქმედი სრული რედაქცია, რომლებშიც წარმოდგენილი კანონპროექტით შედის ცვლილება მუხლი 100. ერთობლივი შემოსავალი 1. რეზიდენტის ერთობლივი შემოსავალი შედგება საქართველოში არსებული წყაროდან და საქართველოს ფარგლების გარეთ მიღებული შემოსავლებისაგან. 2. არარეზიდენტის ერთობლივი შემოსავალი შედგება საქართველოში არსებული წყაროებიდან მიღებული შემოსავლებისაგან. 3. ერთობლივ შემოსავალს განეკუთვნება ნებისმიერი ფორმით ან/და საქმიანობით მიღებული შემოსავალი, კერძოდ: ა) ხელფასის სახით მიღებული შემოსავლები; ბ) ეკონომიკური საქმიანობით მიღებული შემოსავლები, რომლებიც დაკავშირებული არ არის დაქირავებით მუშაობასთან; გ) სხვა შემოსავლები, რომლებიც დაკავშირებული არ არის დაქირავებით მუშაობასთან და ეკონომიკურ საქმიანობასთან. 4. ერთობლივ შემოსავალში ასახვას არ ექვემდებარება: ა) სახელმწიფოსთვის ან/და ადგილობრივი თვითმმართველობისათვის იმ საწარმოს კაპიტალიდან პროცენტზე მეტი აქტივების სახელმწიფოს გამოტანა, ან/და რომლის ადგილობრივი წილის/აქციების 50 თვითმმართველობის საკუთრებაშია; ბ) სახელმწიფოსთვის ან/და ადგილობრივი თვითმმართველობისათვის საქონლის უსასყიდლოდ გადაცემა ან/და მომსახურების უსასყიდლოდ გაწევა; გ) საქართველოს პარლამენტის მიერ რატიფიცირებული საერთაშორისო ხელშეკრულებებით განსაზღვრული პროექტების (მათ შორის, მოსამზადებელი ეტაპის) განმახორციელებელი საჯარო სამართლის იურიდიული პირების მიერ, რომლებთანაც საქართველოს ფინანსთა სამინისტროს გაფორმებული აქვს პროექტის განხორციელების უფლებამოსილების შესახებ ხელშეკრულება, ამ პროექტების ფარგლებში საქონლის სხვა პირებისათვის გადაცემა; დ) მცირე ბიზნესის სტატუსის მქონე მეწარმე ფიზიკური პირის მიერ დაქირავებულისთვის გადახდილი ხელფასი, ამ კოდექსის 94-ე მუხლის მე-4 ნაწილის „ა“ ქვეპუნქტის გათვალისწინებით; ე) ამ კოდექსის 115-ე მუხლის მე-4 ნაწილის „ბ“ ქვეპუნქტით გათვალისწინებულ შემთხვევაში ძირითადი საშუალების მეიჯარისთვის დაბრუნება. ვ) გადასახადის გადამხდელთან გაფორმებული საგადასახადო შეთანხმების საფუძველზე გადასახადების ან/და სანქციების შემცირებით, აგრეთვე საგადასახადო დავალიანების ჩამოწერით მიღებული სარგებელი. (15.05.2012. N6211) ზ) 2017 წლის 1 იანვრამდე სასოფლო-სამეურნეო კოოპერატივსა და მის წევრთა (მეპაიეთა) შორის სასოფლო-სამეურნეო საქმიანობის შედეგად მიღებული, საქართველოში წარმოებული სოფლის მეურნეობის პროდუქციის მიწოდება ან/და ამ საქმიანობასთან დაკავშირებული მომსახურების გაწევა. (12.07.2013 N 817) თ) საქველმოქმედო ორგანიზაციისთვის უსასყიდლოდ მიწოდებული უძრავი ქონების (მათ შორის, მიწის ნაკვეთის) საბაზრო ღირებულება, თუ ქონების მიმღები ორგანიზაცია ქველმოქმედებას ახორციელებს ბავშვობიდან შეზღუდული შესაძლებლობის ან/და მკვეთრად და მნიშვნელოვნად გამოხატული შეზღუდული შესაძლებლობის მქონე პირთა მიმართ არანაკლებ ბოლო 3 კალენდარული წლის განმავლობაში. (30.07.2013 N 906) მუხლი 292. საგადასახადო შეთანხმების არსი (26.12.2013. N1886) 1. შემოსავლების სამსახურსა და გადასახადის გადამხდელს შორის შესაძლებელია გაფორმდეს საგადასახადო შეთანხმება გადასახადის გადამხდელის საგადასახადო დავალიანების შემცირების მიზნით. 2. ამ მუხლის მოქმედება არ ვრცელდება ამ კოდექსის 155-ე და 205-ე მუხლებით დარიცხულ მიმდინარე გადასახდელებზე, აგრეთვე მოსაკრებელზე და მასთან დაკავშირებულ ჯარიმასა ახორციელებს საგადასახადო ორგანო. და საურავზე, რომლის ადმინისტრირებას