უკუდაბეგვრა (2009 წელს გაწეულ მომსახურებაზე 2010 წელს მიღებული ინვოისით არასწორად აღიარა ხარჯად ამავე წელს) N 1138

სიტუაციური სახელმძღვანელო

უკუდაბეგვრა N 1138

ფაქტობრივი გარემოებები

•დღგ-ის გადამხდელმა საწარმომ 2009 წლის დეკემბერში არარეზიდენტის მიერ გაწეულ მომსახურებაზე ინვოისი მიიღო და თანხა გადაიხადა 2010 წლის მარტში

•საწარმომ მიღებული მომსახურების ღირებულება გამოქვითა 2010 წლის ერთობლივი შემოსავლიდან, ამასთან დღგ-ის უკუდაბეგვრა განახორციელა 2010 წლის მარტის თვის მიხედვით

შეფასება

•საწარმოს დღგ-ის უკუდაბეგვრის დეკლარირება უნდა მოეხდინა მმომსახურების მიღების პერიოდის (2009 წლის დეკემბერი) მიხედვით

•საწარმოს ხარჯების აღიარება უნდა მოეხდინა მომსახურების მიღების პერიოდის მიხედვით (2009 წელი)

ღონისძიებები

•უნდა დაზუსტდეს დღგ-ის უკუდაბეგვრის დასაბეგრი ბრუნვა მომსახურების მიღების პერიოდების მიხედვით

•უნდა დაკორექტირდეს გამოსაქვითი ხარჯი და დასაბეგრი მოგება მომსახურების მიღების პერიოდების მიხედვით

•საწარმოს მიმართ საგადასახადო ვალდებულებების შეუსრულებლობაზე გავრცელდება სსკ-ის 131-ე და 132-ე მუხლებით გათვალისწინებული სანქციები

სიტუაციური სახელმძღვანელო არ ვრცელდება 2021 წლის შემდგომ წარმოშობილ სამართლებრივ ურთიერთობებზე. 2021 წლიდან წარმოშობილ სამართლებრივ ურთიერთობებზე იხელმძღვანელეთ დამატებული ღირებულების გადასახადის შესახებ მეთოდური მითითებით