დღგ-ით დასაბეგრი ბრუნვა (საერთაშორისო გადაზიდვის დროს ჩატვირთვა-გადმოტვირთვა) N 1113

სიტუაციური სახელმძღვანელო

დღგ-ით დასაბეგრი ბრუნვა N 1113

ფაქტობრივი გარემოებები

· საწარმოს საბაჟო საწყობში შედის როგორც დატვირთული, ასევე ცარიელი სატრანსპორტო საშუალებები. საწარმო საბაჟო საწყობში დგომის ღირებულებას ბეგრავს დღგ-ის 0%-იანი განაკვეთით, რამდენადაც თვლის, რომ ეწევა საერთაშორისო გადაზიდვასთან დაკავშირებულ მომსახურებას

· ვარიანტი 1: სატრანსპორტო საშუალება, როგორც საქონელი არ არის განკუთვნილი იმპორტისათვის, ასევე არ არის მოქცეული ექსპორტისა და ტრანზიტის რეჟიმში

· ვარიანტი 2: სატრანსპორტო საშუალებაზე განთავსებული ტვირთი არ არის განკუთვნილი იმპორტისათვის, ასევე არ არის მოქცეული ექსპორტისა და ტრანზიტის რეჟიმში

· ვარიანტი 3: სატრანსპორტო საშუალებაზე განთავსებული ტვირთი მოქცეულია ექსპორტის/ტრანზიტის რეჟიმში

· ვარიანტი 4: სატრანსპორტო საშუალებაზე განთავსებული ტვირთი განკუთვნილია იმპორტისათვის

შეფასება

· სსკ–ის 233–ე მუხლის მიხედვით, დღგ–ის ნულოვანი განაკვეთით დაბეგვრა გათვალისწინებულია მხოლოდ ტრანსპორტირებისათვის (საერთაშორისო გადაზიდვისათვის) განკუთვნილი ტვირთის შენახვის, შეფუთვის, დატვირთვისა და გადმოტვირთვის მომსახურებისათვის

· პირველ, მე–2 და მე–4 ვარიანტებში, მომსახურება ექვემდებარებოდა დღგ–ის 18%–ით დაბეგვრას. შემცირებულია საწარმოს მიერ დღგ-ს 18 %-იანი განაკვეთით დასაბეგრი ბრუნვა

ღონისძიებები

· პირველ, მე–2 და მე–4 ვარიანტებში, საწარმოს დამატებით დაერიცხება დღგ-ის ძირითადი გადასახადი

· საწარმო დაჯარიმდება დეკლარაციაში თანხის შემცირებისათვის (სსკ-ის 132-ე მუხლი)

სიტუაციური სახელმძღვანელო არ ვრცელდება 2021 წლის შემდგომ წარმოშობილ სამართლებრივ ურთიერთობებზე. 2021 წლიდან წარმოშობილ სამართლებრივ ურთიერთობებზე იხელმძღვანელეთ დამატებული ღირებულების გადასახადის შესახებ მეთოდური მითითებით