N 3964-XIIIმს-Xმპ - 15/12/2023 - „საგზაო მოძრაობის შესახებ“ საქართველოს კანონში ცვლილების შეტანის თაობაზე

საქართველოს კანონი

„საგზაო მოძრაობის შესახებ“ საქართველოს კანონში ცვლილების შეტანის თაობაზე

მუხლი 1. „საგზაო მოძრაობის შესახებ“ საქართველოს კანონის (საქართველოს საკანონმდებლო მაცნე (www.matsne.gov.ge), 03.01.2014, სარეგისტრაციო კოდი: 310150000.05.001.017312) №1 დანართის:

ა) მე-5 პუნქტს („განსაკუთრებული მითითებების ნიშნები“) დაემატოს შემდეგი შინაარსის 5.39 და 5.40 პუნქტები:

„5.39. „სხვადასხვა კატეგორიის სატრანსპორტო საშუალების მოძრაობის აკრძალვის ზონა“ − აღნიშნავს ტერიტორიას, რომლის ფარგლებშიც აკრძალულია M3, N2 და N3 კატეგორიების სატრანსპორტო საშუალებების (მასის მითითებით) მოძრაობა ნიშანზე მითითებულ დროსა და დღეს (დღეებში).

შენიშვნა: 5.39 ნიშნის მოქმედება არ ვრცელდება საქართველოს კანონმდებლობით დაშვებულ გამონაკლისებზე.

5.40. „სხვადასხვა კატეგორიის სატრანსპორტო საშუალების მოძრაობის აკრძალვის ზონის დასასრული“ − მიუთითებს 5.39 ნიშნით აღნიშნული ტერიტორიის დასასრულს.“;

ბ) „საგზაო ნიშნების“ მე-5 პუნქტს („განსაკუთრებული მითითებების ნიშნები“) დაემატოს განსაკუთრებული მითითებების შემდეგი ნიშნები:

 

5.39

სხვადასხვა კატეგორიის სატრანსპორტო საშუალების მოძრაობის აკრძალვის ზონა

 

5.40

სხვადასხვა კატეგორიის სატრანსპორტო საშუალების მოძრაობის აკრძალვის ზონის დასასრული“.

 

მუხლი 2. ეს კანონი ამოქმედდეს 2024 წლის 1 იანვრიდან.

 

საქართველოს პრეზიდენტი

სალომე ზურაბიშვილი

თბილისი,15 დეკემბერი 2023 წ.

N3964-XIIIმს-Xმპ

 

წყარო: საქართველოს საკანონმდებლო მაცნე