საშემოსავლო გადასახადით დაბეგვრის ობიექტი N 2403

სიტუაციური სახელმძღვანელო

საშემოსავლო გადასახადით დაბეგვრის ობიექტი N 2403

ფაქტობრივი გარემოებები

•საწარმომ დაქირავებულ პირს არ დაუკავა საშემოსავლო გადასახადი და სახელფასო ბარათზე სრულად გადაურიცხა საკონტრაქტო თანხა (დარიცხული ხელფასი) - 1000 ლარი

•საწარმომ დაადეკლარირა და ბიუჯეტში გადაიხადა საშემოსავლო გადასახადი - 200 ლარი

•საწარმომ ხარჯებში გამოქვითა 1 200 ლარი

•საგადასახადო შემოწმების დაწყებამდე, სახელფასო ბარათზე არ მომხდარა კორექტირებები, დაქირავებულის მიერ თანხის უკან დაბრუნება და საშემოსვლო გადასახადის დეკლარაციაში დაზუსტებები

შეფასება

•ა) საწარმოს საშემოსავლო გადასახადი უნდა დაეკავებინა დარიცხული ხელფასიდან - 1000 ლარიდან (200 ლარი), ხოლო დაქირავებულისათვის უნდა გადაერიცხა 800 ლარი; ბ) ხარჯებში უნდა გაეტარებინა 1 000 ლარი; გ) 200 ლარი უნდა გადაეხადა 800 ლარის გადარიცხვიდან არა უგვიანეს მე-2 დღისა

•ზემოაღნიშნულის განუხორციელებლობის გამო:

ა) საწარმოს სარგებლის სახით უნდა დაებეგრა საშემოსავლო გადასახადით დაქირავებულისათვის საშემოსავლო გადასახადის ანაზღაურებაც (200 ლარი)

ბ) 40 ლარი აესახა საშემოსავლო გადასახადის დეკლარაციაში (200 ლარი X 20%)

გ) 200 ლარი მიეკუთვნება გამოსაქვით ხარჯებს, რადგან ჩაითვლება ხელფასის სახით განაცემად

ღონისძიებები

•ა) საწარმოს დაერიცხება დაუკავებელი საშემოსავლო გადასახადი - 40 ლარი; ბ) საწარმოს გამოქვითვები (1 000 ლარი + 200 ლარი) არ შეეცვლება; გ) საწარმო დაჯარიმდება სსკ-ის 134-ე მუხლის საფუძველზე საშემოსავლო გადასახადის წყაროსთან დაუკავებლობის გამო; დ) საწარმო დაჯარიმდება სსკ-ის 132-ე მუხლის საფუძველზე შესაბამის დეკლარაციაში გადასახადის შემცირების გამო