N 336 - 09/10/2024 - „სიგარაბარის მოწყობის სანებართვო მოწმობის ფორმის დამტკიცების შესახებ“ საქართველოს ფინანსთა მინისტრის 2018 წლის 30 აპრილის №172 ბრძანებაში ცვლილების შეტანის თაობაზე

საქართველოს ფინანსთა მინისტრის

ბრძანება №336

2024 წლის 9 ოქტომბერი

ქ. თბილისი

„სიგარაბარის მოწყობის სანებართვო მოწმობის ფორმის დამტკიცების შესახებ“ საქართველოს ფინანსთა მინისტრის 2018 წლის 30 აპრილის №172 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„სიგარაბარის მოწყობის სანებართვო მოწმობის ფორმის დამტკიცების შესახებ” საქართველოს ფინანსთა მინისტრის 2018 წლის 30 აპრილის №172 ბრძანებაში (www.matsne.gov.ge, 30/04/2018, სარეგისტრაციო კოდი 190040000.22.033.017090) შეტანილ იქნას ცვლილება და ბრძანების:

1. სათაური ჩამოყალიბდეს შემდეგი რედაქციით:

„სიგარაბარის მოწყობის სანებართვო მოწმობისა და სანებართვო პირობების შესრულების შემოწმების აქტის ფორმების დამტკიცების შესახებ“.

 

2. პრეამბულა ჩამოყალიბდეს შემდეგი რედაქციით:

„ლიცენზიებისა და ნებართვების შესახებ“ საქართველოს კანონის 30-ე მუხლისა და 33-ე მუხლის მე-6 პუნქტის საფუძველზე, ვბრძანებ:“.

 

3. პირველი მუხლი ჩამოყალიბდეს შემდეგი რედაქციით:

 

მუხლი 1

დამტკიცდეს:

1. სიგარაბარის მოწყობის სანებართვო მოწმობის ფორმა, თანდართული რედაქციით (დანართი №1).

2. სიგარაბარის მოწყობის სანებართვო პირობების შესრულების შემოწმების აქტის ფორმა, თანდართული რედაქციით (დანართი №2).“.

 

4. დანართი №1 ჩამოყალიბდეს თანდართული რედაქციით.

 

5. დაემატოს დანართი №2 (სიგარაბარის მოწყობის სანებართვო პირობების შესრულების შემოწმების აქტის ფორმა) თანდართული რედაქციით.

 

მუხლი 2

ეს ბრძანება ამოქმედდეს გამოქვეყნებისთანავე.

 

საქართველოს ფინანსთა მინისტრი ლაშა ხუციშვილი

 

წყარო: საქართველოს საკანონმდებლო მაცნე