ბრძანება №8692

N 8692

20 აპრილი 2026

ბრძანება

შპს „-------“ (ს/ნ „-------“)

(მის.: „-------“)

2026 წლის 19 მარტის საჩივრის

დაკმაყოფილებაზე უარის თქმის თაობაზე

შემოსავლების სამსახურმა დავების განხილვის საბჭოს 2026 წლის პირველ აპრილს გამართულ სხდომაზე (ოქმი №28) განიხილა შპს „-------“ (ს/ნ „-------“) 2026 წლის 19 მარტის №101384/1/2026 საჩივარი, შემოსავლების სამსახურის აუდიტის დეპარტამენტის 2026 წლის 20 თებერვლის №071-3 კორექტირებულ საგადასახადო მოთხოვნასთან დაკავშირებით.

სადავო საკითხი:

გადასახადის გადამხდელი არ ეთანხმება აუდიტის დეპარტამენტის მიერ შედგენილ დასკვნას და აცხადებს, როდესაც კომპანიამ მოითხოვა საგადასახადო შეთანხმება მაშინ უკვე გამოცემული იყო შემოსავლების სამსახურის 2024 წლის პირველი აპრილის №7103 ბრძანება საჩივრის ნაწილობრივ დაკმაყოფილების თაობაზე, თუმცა აქტით დარიცხული თანხები აუდიტის დეპარტამენტის მიერ გადაანგარიშდა გვიან და დასჭირდა 7 თვეზე მეტი დრო, რაც კომპანიის ბრალით არ იყო გამოწვეული. მიუთითებს, რომ საგადასახადო შეთანხმებაზე (რომელიც გაფორმდა 2024 წლის 21 აგვისტოს მდგომარეობით) თანხმობა კომპანიის მხრიდან მოხდა ზემოაღნიშნული გადაანგარიშების დაშვების გათვალისწინებით. მომჩივანი ითხოვს გადაანგარიშების შედეგად შემცირებული თანხის-66 404 ლარის გაუქმების შესახებ მიღებული გადაწყვეტილების გაუქმებას და ასევე, ამ შემცირების გაუქმებით წარმოშობილი დამატებითი საურავების გაუქმებასაც. აგრეთვე, ითხოვს, იმ შემთხვევაში, თუ ზემოაღნიშნული გადასახადის შემცირების გაუქმება ძალაში დარჩება აღნიშნული განხორციელდეს ახალი თარიღით, რათა მასზე არ მოხდეს საურავების დარიცხვა.

ფაქტობრივი გარემოებები:

საქმეში არსებული მასალებით დგინდება, რომ შემოსავლების სამსახურის 2024 წლის პირველი აპრილის №7103 ბრძანებით აუდიტის დეპარტამენტის 2023 წლის 26 დეკემბრის №071-20 საგადასახადო მოთხოვნასთან დაკავშირებით 2024 წლის 23 იანვრის საჩივარი ნაწილობრივ დაკმაყოფილდა, კერძოდ, ბრძანების სარეზოლუციო ნაწილის მიხედვით:

„1. შპს „-------“ (ს/ნ „-------“) საჩივარი დაკმაყოფილდეს ნაწილობრივ;

2. მე-2 სადავო საკითხთან დაკავშირებით:

ა) გადასახადის გადამხდელს მიეცეს წინადადება ამ ბრძანების ჩაბარებიდან 15 კალენდარული დღის ვადაში აუდიტის დეპარტამენტს წარუდგინოს საჩივარში მითითებული არგუმენტაციის დოკუმენტურად დადასტურებული მტკიცებულებები;

ბ) ამ ბრძანების სარეზოლუციო ნაწილის მე-2 პუნქტის „ა“ ქვეპუნქტით განსაზღვრულ ვადაში მტკიცებულებების წარმოდგენის შემთხვევაში, დაევალოს აუდიტის დეპარტამენტს შეისწავლოს წარდგენილი მტკიცებულებები და შესწავლის შედეგების გათვალისწინებით, სათანადო საფუძვლების არსებობის შემთხვევაში, განახორციელოს საგადასახადო ვალდებულებების კორექტირება (შემცირება).

3. მე-3 სადავო საკითხთან დაკავშირებით, დაევალოს აუდიტის დეპარტამენტს შეისწავლოს გადასახადის გადამხდელის მიერ საჩივრის დანართად წარმოდგენილი მტკიცებულებები და შესწავლის შედეგების გათვალისწინებით, თუ დადასტურდება, რომ მომსახურება გაწეულია ინდივიდუალური მეწარმეების მიერ ან/და მიკრო ბიზნესის სტატუსის მქონე ფიზიკური პირის მიერ შესაბამისი საქმიანობის ნაწილში, აღნიშნულ ნაწილში განსაზღვრული საგადასახადო ვალდებულებები დაუქვემდებაროს შემცირებას.

4. დანარჩენ ნაწილში საჩივარი არ დაკმაყოფილდეს.“

შემოსავლების სამსახურის 2024 წლის პირველი აპრილის №7103 ბრძანების აღსრულების მიზნით, აუდიტის დეპარტამენტმა გამოსცა 2024 წლის 12 ნოემბრის დასკვნა საგადასახადო შემოწმების შედეგების გადაანგარიშებაზე, რომლის მიხედვითაც საგადასახადო შემოწმების შედეგად დარიცხული თანხები შემცირდა სულ 66 404 ლარით, მ.შ. გადასახადი 43 788 ლარით და ჯარიმა 22 616 ლარით. აღნიშნულზე, გადასახადის გადამხდელს წარედგინა 2024 წლის 15 ნოემბრის №071-14 კორექტირებული საგადასახადო მოთხოვნა.

ამასთან, 2024 წლის 24 ოქტომბერს გამოიცა საგადასახადო შეთანხმებების გაფორმების შესახებ N1530 საქართველოს მთავრობის განკარგულება და შპს „-------“ (ს/ნ „-------“) და შემოსავლების სამსახურს შორის გაფორმდა 2024 წლის 20 ნოემბრის №ა506-21 საგადასახადო შეთანხმება, რომლის შესაბამისადაც საგადასახადო დავალიანების ოდენობა განისაზღვრა 300 000 ლარით. ზემოაღნიშნულზე გამოიცა შემოსავლების სამსახურის 2025 წლის 21 ნოემბრის N25642 ბრძანება და საქართველოს საგადასახადო კოდექსის 292-ე მუხლის მე-2 ნაწილის გათვალისწინებით, გადასახადის გადამხდელს 2024 წლის 21 აგვისტოს მდგომარეობით, გადამხდელთა პირადი აღრიცხვის ბარათებზე საგადასახადო დავალიანების თანხა განესაზღვრა 300 000 ლარით.

შეთანხმების გაფორმების შემდგომ, აუდიტის დეპარტამენტმა გამოსცა 2026 წლის 19 თებერვლის დასკვნა საგადასახადო შემოწმების შედეგების გადაანგარიშებაზე და 2026 წლის 20 თებერვლის №3870 ბრძანება შპს „-------“-ს (ს/ნ „-------“) მიმართ შედგენილი/გამოცემული ინდივიდუალური ადმინისტრაციულ-სამართლებრივი აქტების ბათილად ცნობისა და გადასახადების/გადასახდელების და საგადასახადო სანქციების თანხების დარიცხვის/შემცირების შესახებ, რომლის თანახმადაც ბათილად იქნა ცნობილი შპს „-------“-ს (ს/ნ„-------“) მიმართ შედგენილი/გამოცემული შემდეგი ინდივიდუალური ადმინისტრაციულ-სამართლებრივი აქტები: აუდიტის დეპარტამენტის 2024 წლის 12 ნოემბრის დასკვნა, 2024 წლის 15 ნოემბრის N24210 ბრძანება და 2024 წლის 15 ნოემბრის N071-14 კორექტირებული საგადასახადო მოთხოვნა; გადაანგარიშების შედეგად შემცირებული 66 404 ლარი გაუქმდა დარიცხვის გზით, კერძოდ, შპს „--------“ (ს/ნ „-------“) დაერიცხა სულ 66 404 ლარი, მათ შორის: გადასახადი 43 788 ლარი, ჯარიმა 22 616 ლარი და დასარიცხი/შესამცირებელი გადასახადები/გადასახდელები შპს „-------“-ს (ს/ნ „-------“) პირადი აღრიცხვის ბარათზე ასახვას დაექვემდებარა ბრძანების დანართში მითითებული გადასახადების/გადასახდელების სახეებისა და გადახდის ვადების მიხედვით. აღნიშნულზე გამოიცა 2026 წლის 20 თებერვლის №071-3 კორექტირებული საგადასახადო მოხოვნა. ასევე, გამოიცა აუდიტის დეპარტამენტის 2026 წლის 20 თებერვლის №3876 ბრძანება გადასახადების/გადასახდელების და საგადასახადო სანქციების თანხების დარიცხვის/შემცირების შესახებ, რომლის თანახმადაც, შპს „-------“ (ს/ნ „-------“) 2023 წლის 25 დეკემბრის საგადასახადო შემოწმების აქტის საფუძველზე, დამატებით დარიცხული თანხები არ შეუმცირდა.

 

სადავო საკითხთან დაკავშირებით გამოცემული დასკვნების მიხედვით დგინდება შემდეგი:

● შემოსავლების სამსახურის აუდიტის დეპარტამენტის 2023 წლის 31 მარტის №6857 ბრძანების საფუძველზე ჩატარდა შპს „-------“-ს (ს/ნ „-------“) საქმიანობის კამერალური საგადასახადო შემოწმება. შესამოწმებელ პერიოდად განისაზღვრა 2020 წლის 1 იანვრიდან 2023 წლის 1 მარტამდე საანგარიშო პერიოდები. შემოწმების შედეგად, 2023 წლის 25 დეკემბერს შედგა შპს „------“-ს (ს/ნ „-------“) საგადასახადო შემოწმების აქტი და გამოიცა 2023 წლის 26 დეკემბრის №071-20 საგადასახადო მოთხოვნა, რომლის თანახმად გადასახადის გადამხდელს დამატებით დაერიცხა სულ - 499 244 ლარი, მათ შორის გადასახადი - 264 775 ლარი; ჯარიმა - 129 849 ლარი, ხოლო საურავი 104 620 ლარი.

ზემოაღნიშნულ საგადასახადო მოთხოვნასთან დაკავშირებით შპს „-------“-ს (ს/ნ „-------“) საჩივარი (2023 წლის 25 დეკემბრის საგადასახადო შემოწმების აქტით დარიცხულ თანხებზე) შემოსავლების სამსახურის 2024 წლის 1 აპრილის №7103 ბრძანებით ნაწილობრივ დაკმაყოფილდა. აღნიშნული ბრძანების აღსრულების მიზნით 2024 წლის 12 ნოემბერს შედგენილ იქნა დასკვნა საგადასახადო შემოწმების აქტით დარიცხული თანხების გადაანგარიშების თაობაზე, რომლის საფუძველზეც 2023 წლის 25 დეკემბრის საგადასახადო შემოწმების აქტით დარიცხული თანხები დაექვემდებარა შემცირებას სულ 66 404 (გადასახადი- 43788 ლარი; ჯარიმა - 22616 ლარი) ლარით. აღნიშნულზე გამოიცა აუდიტის დეპარტამენტის 2024 წლის 15 ნოემბრის №24210 ბრძანება და ამავე თარიღის №071-14 კორექტირებული საგადასახადო მოთხოვნა.

აუდიტის დეპარტამენტი პერიოდულად ახორციელებს აქტით/დასკვით დარიცხული თანხების გადამხდელთა პირადი აღრიცხვის ბარათებზე მონიტორინგს, რომლის ფარგლებში გამოვლინდა შეუსაბამობა შპს „-------“ (ს/ნ „-------“) პირადი აღრიცხვის ბარათზე. საკითხის შესწავლის შედეგად დადგინდა, რომ შპს „-------“ (ს/ნ „-------“) და შემოსავლების სამსახურს შორის გაფორმდა საგადასახადო შეთანხმების აქტი, კერძოდ, საქართველოს საგადასახადო კოდექსის 293-ე მუხლის მე-5 ნაწილის, „საგადასახადო შეთანხმების გაფორმების შესახებ“ საქართველოს მთავრობის 2024 წლის 24 ოქტომბრის N1530 განკარგულებისა და შპს „-------“ და შემოსავლების სამსახურს შორის გაფორმებული 2024 წლის 20 ნოემბრის Nა506 საგადასახადო შეთანხმების საფუძველზე შპს „-------“ (ს/ნ „-------“) 2024 წლის 21 აგვისტოს მდგომარეობით გადამხდელთა პირადი აღრიცხვის ბარათებზე საგადასახადო დავალიანების თანხა, საქართველოს საგადასახადო კოდექსის 292-ე მუხლის მე-2 ნაწილის გათვალისწინებით, განესაზღვრა 300 000 ლარით და შემოსავლების სამსახურის ვალის მართვის დეპარტამენტმა განახორციელა შესაბამისი კორექტირება (შემცირება) კომპანიის პირადი აღრიცხვის ბარათებზე.

საქართველოს საგადასახადო კოდექსის მე-8 მუხლის მე-5 ნაწილის „გ“ ქვეპუნქტის, 306-ე მუხლის მე-4 ნაწილის, ასევე, საქართველოს ზოგადი ადმინისტრაციული კოდექსის 601 მუხლის გათვალისწინებით, აუდიტის დეპარტამენტმა მიიჩნია, რომ მიზანშეწონილი იყო შემოსავლების სამსახურის 2024 წლის პირველი აპრილის N7103 ბრძანების აღსრულების მიზნით, შპს „------- - ს“ (ს/ნ „-------“) მიმართ შედგენილი 2024 წლის 12 ნოემბრის დასკვნისა და მის შესაბამისად გამოცემული ინდივიდუალური ადმინისტრაციულ-სამართლებრივი აქტების ბათილობა და სათანადო კორექტირების განხორციელება, 66 404 ლარის შემცირების გაუქმება დარიცხვის გზით.

აგრეთვე, აუდიტის დეპარტამენტი მიუთითებს იურიდიული დეპარატმენტის 2020 წლის 5 თებერვლის N „-------“ წერილში დაფიქსირებულ პოზიციაზე, რომლის თანახმად, „ვინაიდან, შემოსავლების სამსახურსა და გადასახადის გადამხდელს შორის გაფორმდა საგადასახადო შეთანხმება, ამდენად, სახეზეა აღიარებული საგადასახადო დავალიანება, რაც შესაბამისად გულისხმობს, რომ ის თანხები, რომელზედაც გაფორმდა საგადასახადო შეთანხმება, აღარ უნდა დაექვემდებაროს გადაანგარიშებას”.

ზემოაღნიშნულზე გამოიცა 2026 წლის 19 თებერვლის დასკვნა, 2026 წლის 20 თებერვლის №3870 ბრძანება და გადასახადის გადამხდელს წარედგინა 2026 წლის 20 თებერვლის №071-3 კორექტირებული საგადასახადო მოხოვნა.

 2024 წლის 20 ნოემბერს შპს „-------“ (ს/ნ „-------“) და შემოსავლების სამსახურს შორის გაფორმდა საგადასახადო შეთანხმების აქტი, 2024 წლის 21 აგვისტოს მდგომარეობით, გადასახადის გადამხდელთა პირადი აღრიცხვის ბარათზე არსებულ მდგომარეობაზე და საქართველოს საგადასახადო კოდექსის 292-ე მუხლის მე-2 ნაწილის გათვალისწინებით, განესაზღვრა 300 000 ლარით. ვინაიდან, საგადასახადო დავალიანებაზე გაფორმებული იყო საგადასახადო შეთანხმება, შემოწმების მიერ, საგადასახადო შემოწმების აქტით დარიცხული თანხების კორექტირება არ განხორციელდა. აღნიშნულზე გამოიცა 2026 წლის 19 თებერვლის დასკვნა და აუდიტის დეპარტამენტის 2026 წლის 20 თებერვლის №3876 ბრძანება.

 

შემოსავლების სამსახურმა განიხილა წარმოდგენილი საჩივარი და მიიჩნია, რომ გადასახადის გადამხდელის მოთხოვნა არ უნდა დაკმაყოფილდეს შემდეგ გარემოებათა გამო:

საქართველოს საგადასახადო კოდექსის 302-ე მუხლის მე-6 ნაწილის თანახმად, დავის განმხილველ ორგანოებს უფლება აქვთ, საჩივარი განიხილონ დისტანციურად, ტექნიკურ საშუალებათა გამოყენებით. მათ ასევე უფლება აქვთ, საჩივარი განიხილონ მომჩივნის დაუსწრებლად, თუ საქმეში არსებული მასალებიდან სრულად დგინდება დავის საგანთან დაკავშირებული ფაქტობრივი გარემოებები.

 

შემოსავლების სამსახური მიუთითებს აუდიტის დეპარტამენტის მიერ გამოცემულ დასკვნებზე, რომელთა თანახმად, აუდიტის დეპარტამენტი პერიოდულად ახორციელებს საგადასახადო შემოწმების აქტით/საგადასახადო შემოწმების შედეგების გადაანგარიშების თაობაზე გამოცემული დასკვნით დარიცხული/შემცირებული თანხების გადასახადის გადამხდელთა პირადი აღღიცხვის ბარათზე მონიტორინგს, რომლის ფარგლებშიც გამოვლინდა შეუსაბამობა შპს „------ -ს“ (ს/ნ „-------“) პირადი აღრიცხვის ბარათზე. საკითხის შესწავლის შედეგად დადგინდა, რომ 2024 წლის 20 ნოემბერს შპს „-------“ (ს/ნ „-------“) და შემოსავლების სამსახურს შორის გაფორმდა საგადასახადო შეთანხმება 2024 წლის 21 აგვისტოს მდგომარეობით გადასახადის გადამხდელთა პირადი აღრიცხვის ბარათზე არსებულ მდგომარეობაზე და დავალიანების თანხად საქართველოს საგადასახადო კოდექსის 292-ე მუხლის მე-2 ნაწილის გათვალისწინებით განესაზღვრა 300 000 ლარი და შემოსავლების სამსახურის ვალის მართვის დეპარტამენტის მიერ გადამხდელის პირადი აღრიცხვის ბარათზე განხორციელდა შესაბამისი კორექტირება. ამდენად, ვინაიდან, საგადასახადო დავალიანებაზე გაფორმებული იყო საგადასახადო შეთანხმება, შემოწმების მიერ, საგადასახადო შემოწმების აქტით დარიცხული თანხები კორექტირებას აღარ დაექვემდებარა.

შემოსავლების სამსახური მიუთითებს საქართველოს საგადასახადაო კოდექსის მე-8 მუხლის მე-5 ნაწილის ,,გ“ ქვეპუნქტზე, იზიარებს აუდიტისა და იურიდიული დეპარტამენტების პოზიციას და აცხადებს, რომ ვინაიდან, შემოსავლების სამსახურსა და გადასახადის გადამხდელს შორის გაფორმდა საგადასახადო შეთანხმება, სახეზეა აღიარებული საგადასახადო დავალიანება, რაც შესაბამისად გულისხმობს, რომ თანხა, რომელზეც გაფორმდა საგადასახადო შეთანხმება, არ ექვემდებარება გადაანგარიშებას.

ზემოხსენებული სამართლებრივი ნორმების, დადგენილი ფაქტობრივი გარემოებებისა და აუდიტის დეპარტამენტის შედგენილი დასკვნების გათვალისწინებით, შემოსავლების სამსახურმა სადავო საკითხთან დაკავშირებით მიიჩნია, რომ აუდიტის დეპარტამენტის მიერ საგადასახადო ვალდებულებები განსაზღვრულია საგადასახადო კანონმდებლობის შესაბამისად, ხოლო, გადასახადის გადამხდელის საჩივარი დაუსაბუთებელია და არ უნდა დაკმაყოფილდეს.

 

საქართველოს საგადასახადო კოდექსის 304-ე მუხლის საფუძველზე,ვ ბ რ ძ ა ნ ე ბ:

 

1. შპს „-------“ (ს/ნ „-------“) საჩივარი არ დაკმაყოფილდეს;

2. აღნიშნული ბრძანება შეიძლება გასაჩივრდეს საქართველოს ფინანსთა სამინისტროსთან არსებულ დავების განხილვის საბჭოში (მის.: ქ. თბილისი, ვახტანგ გორგასლის ქ. №16) ან სასამართლოში (მის.: ქ. ქუთაისი, ვიქტორ კუპრაძის ქ. №11), საქართველოს საგადასახადო კოდექსის XIV კარით დადგენილი წესის შესაბამისად, ამ ბრძანების ჩაბარებიდან 20 კალენდარული დღის ვადაში.

 

სადავო საკითხი

გადამხდელი არ ეთანხმება აუდიტის დეპარტამენტის მიერ შედგენილ დასკვნას.

მომჩივანი ითხოვს, იმ შემთხვევაში, თუ ზემოაღნიშნული გადასახადის შემცირების გაუქმება ძალაში დარჩება აღნიშნული განხორციელდეს ახალი თარიღით, რათა მასზე არ მოხდეს საურავების დარიცხვა.

 

ფაქტობრივი გარემოებები

საკითხის შესწავლის შედეგად დადგინდა, რომ მომჩივანსა და შემოსავლების სამსახურს შორის გაფორმდა საგადასახადო შეთანხმების აქტი, საგადასახადო შეთანხმების საფუძველზე მოჩივანს 2024 წლის 21 აგვისტოს მდგომარეობით გადამხდელთა პირადი აღრიცხვის ბარათებზე საგადასახადო დავალიანების თანხა, სსკ-ის 292-ე მუხლის მე-2 ნაწილის გათვალისწინებით, განესაზღვრა 300 000 ლარით და შემოსავლების სამსახურის ვალის მართვის დეპარტამენტმა განახორციელა შესაბამისი კორექტირება (შემცირება) კომპანიის პირადი აღრიცხვის ბარათებზე.

 

გადაწყვეტილება

შემოსავლების სამსახურმა სადავო საკითხთან დაკავშირებით მიიჩნია, რომ აუდიტის დეპარტამენტის მიერ საგადასახადო ვალდებულებები განსაზღვრულია საგადასახადო კანონმდებლობის შესაბამისად, ხოლო, გადასახადის გადამხდელის საჩივარი დაუსაბუთებელია და არ უნდა დაკმაყოფილდეს.

 

დასაბუთება

შემოსავლების სამსახურის დავების განხილვის საბჭო გადაწყვეტილების დასაბუთებისას ეყრდნობა საქართველოს საგადასახადო კოდექსის შემდეგ ნორმებს:

292.