ერთობლივი შემოსავალი N 2135

სიტუაციური სახელმძღვანელო

ერთობლივი შემოსავალი N 2135

ფაქტობრივი გარემოებები

· შესამოწმებელ პერიოდში საწარმოს მიერ ნაღდი ფულით განხორციელებულმა შეძენების ღირებულებამ გადააჭარბა მის განკარგულებაში არსებულ ფულად სახსრებს, ამასთანავე საწარმოს კრედიტორული დავალიანება არ ერიცხება

· საწარმო საერთოდ არ ახორციელებს ბუღალტრულ აღრიცხვას, გააჩნია მხოლოდ შეძენისა და რეალიზაციის დამადასტურებელი პირველადი დოკუმენტაცია

შეფასება

· მოცემული ფაქტობრივი გარემოებების პირობებში სსკ-ის 73-ე (ძვ. 104-ე) მუხლის საფუძველზე საზოგადოების მიერ ნაღდი ფულით განხორციელებულ შეძენების ღირებულებასა და მიღებულ ფულად სახსრებს შორის სხვაობით უნდა გაიზარდოს საწარმოს ერთობლივი შემოსავალი

ღონისძიებები

· საწარმოს დაუკორექტირდება დასაბეგრი მოგება. დეკლარაციაში გადასახადის თანხის შემცირების შემთხვევაში დაჯარიმდება სსკ-ის 275-ე (ძვ. 132-ე) მუხლის შესაბამისად

მოცემულობაში იგულისხმება, რომ არ დგინდება სხვა პირის მიერ საწარმოსათვის ფულადი სახსრების უსასყიდლოდ გადაცემის ფაქტი

სახელმძღვანელო დამტკიცებულია 2011 წლის 5 სექტემბრისთვის მოქმედი საგადასახადო კანონმდებლობის მიხედვით და ვრცელდება წინა საგადასახადო პერიოდებზეც

შემოსავლებისა და გამოქვითვების საკითხზე გამოცემული სიტუაციური სახელმძღვანელოები ვრცელდება მხოლოდ იმ პირებზე, რომლებიც მოგების გადასახადით არ იბეგრებიან სსკ-ის 97-ე მუხლის პირველი და მე-3 ნაწილებით გათვალისწინებული დაბეგვრის ობიექტების მიხედვით