გადაწყვეტილება N 8768
📜 საკანონმდებლო ნორმები
📄 სრული ტექსტი
N 8768
21 აპრილი 2026
ბ რ ძ ა ნ ე ბ ა
შპს ------- (ს/ნ ---------------)
(მის.: ----------------------------)
2026 წლის 6 აპრილის საჩივრის
დაკმაყოფილებაზე უარის თქმის თაობაზე
შემოსავლების სამსახურმა დავების განხილვის საბჭოს 2026 წლის 17 აპრილის სხდომაზე (ოქმი №32) განიხილა შპს „-----“ (ს/ნ -------) 2026 წლის 6 აპრილის №101624/1/2026 საჩივარი, შემოსავლების სამსახურის აუდიტის დეპარტამენტის 2026 წლის 30 მარტის №189159 საგადასახადო სამართალდარღვევის ოქმთან დაკავშირებით.
სადავო საკითხი:
მომჩივანი არ ეთანხმება სამართალდარღვევის ოქმის შედეგად დარიცხულ ჯარიმას. მიუთითებს, რომ შემოწმების მიმდინარეობისას კომპანია სრულყოფილად თანამშრომლობდა შემმოწმებელთა ჯგუფთან და მის მიერ სრულად იქნა წარდგენილი მათ მიერ მოთხოვნილი დოკუმენტაცია/ინფორმაცია. აღნიშნული დოკუმენტაცია, ასევე, დაურთო საჩივარზეც.
ყოველივე ზემოაღნიშნულიდან გამომდინარე, მომჩივანი ითხოვს დარიცხული ჯარიმის გაუქმებას.
ფაქტობრივი გარემოებები:
საქმის მასალებით დგინდება, რომ შემოსავლების სამსახურის აუდიტის დეპარტამენტის 2026 წლის 29 იანვრის №---- წერილის საფუძველზე შპს „-----
“ (ს/ნ ------) საქართველოს საგადასახადო კოდექსის 70-ე მუხლის თანახმად, გამოთხოვილ იქნა შემდეგი სახის ინფორმაცია/დოკუმენტაცია, კერძოდ:
„1.დეტალური ახსნა-განმარტება ეკონომიკური საქმიანობის სახის, ანგარიშსწორების ფორმის ნაღდი/უნაღდო) და ეკონომიკური საქმიანობის განხორციელების ადგილ(ებ)ის მფლობელობის სამართლებრივი ფორმის შესახებ (საკუთრება, იჯარა, ქირა და სხვა). ამასთან, შესაბამისი შემთხვევისთვის, სათანადო ფორმით ფლობის დამადასტურებელი დოკუმენტი;
2. ფულადი სახსრების ინვენტარიზაციის შედეგები მათი ადგილმდებარეობის და მატერიალურად პასუხისმგებელი პირების მიხედვით;
3. ბასს-ის ანგარიშთა გეგმის მიხედვით, საბუღალტრო ანგარიშებზე არსებული ნაშთების შესახებ ინფორმაცია 2025 წლის პირველი დეკემბრის, 2025 წლის პირველი იანვრის და ხსენებული ფულადი სახსრების ინვენტარიზაციის ჩატარების მდგომარეობით, მათ შორის მოკლევადიანი მოთხოვნების, დარიცხული მოთხოვნებისა და ვალდებულებების (გარდა საგადასახადო ვალდებულებებისა) ნაწილში ინფორმაცია იდენტიფიცირებული უნდა იყოს საგადასახადო კოდექსით განსაზღვრული თითოეული პირის მიხედვით;
4. 2025 წლის პირველი დეკემბრიდან ხსენებული ფულადი სახსრების ინვენტარიზაციის ჩატარების მდგომარეობით, სალაროში (ანგარიშთა გეგმის 1100-იანების ანგარიში (მათ შორის 1110, 1120 და ა.შ)) და საბანკო ანგარიშებზე (ანგარიშთა გეგმის 1200-იანების ანგარიში (მათ შორის 1210, 1220 და ა.შ)) თანხების მოძრაობის შესახებ იდენტიფიცირებული ინფორმაცია, ცალკეული სამეურნეო ოპერაციების მიხედვით;
5. გადასახადის გადამხდელის სახელზე საბანკო დაწესებულებაში გახსნილი ანგარიშების შესახებ ცნობები და აღნიშნული ანგარიშებიდან 2025 წლის დეკემბრის თვის ამონაწერები (მათ შორის ნულოვანი). ყველა მომსახურე ბანკიდან ყველა ვალუტაში (მოქმედი/დახურული, როგორც PDF, ასევე, Excel ფორმატში). ასევე, ელექტრონული საფულის ამონაწერები (ასეთის არსებობის შემთხვევაში);
6. სხვა ინფორმაცია/დოკუმენტაცია (ხელშეკრულება, ნებართვები, მიღება-ჩაბარების აქტები, შესყიდვის აქტები ან სხვა ინფორმაცია/დოკუმენტაცია, გარდა შემოსავლების სამსახურის გადასახადების ადმინისტრირების საინფორმაციო სისტემაში ასახული ელექტრონული ინფორმაციისა, ასეთის არსებობის შემთხვევაში), რაც ეხება 2025 წლის დეკემბრის თვის საანგარიშო პერიოდს;
7. 2025 წლის დეკემბრის თვეში რეალიზებული პროდუქციის თვითღირებულების და სარეალიზაციო ფასების გაანგარიშების შესახებ ინფორმაცია.“
ინფორმაციის წარდგენა გადასახადის გადამხდელს დაევალა 5 სამუშაო დღის ვადაში. 2026 წლის 29 იანვრის № ----- წერილი გადასახადის გადამხდელს ელექტრონულად ჩაბარდა 2026 წლის 2 თებერვალს, თუმცა მითითებულ ვადაში გადამხდელს მოთხოვნილი ინფორმაცია არ წარუდგენია სრულად. შედეგად, საქართველოს საგადასახადო კოდექსის 279-ე მუხლის პირველი ნაწილის შესაბამისად, გადასახადის გადამხდელის მიმართ შედგა 2026 წლის 20 თებერვლის №189154 საგადასახადო სამართალდარღვევის ოქმი. ამის შემდგომ, აუდიტის დეპარტამენტის 2026 წლის 23 თებერვლის №----- წერილით, გადასახადის გადამხდელს საქართველოს საგადასახადო კოდექსის 70-ე მუხლის თანახმად, განმეორებით დაევალა წარედგინა შემდეგი სახის ინფორმაცია/დოკუმენტაცია:
1. ფულადი სახსრების ინვენტარიზაციის შედეგები მათი ადგილმდებარეობისა და მატერიალურად პასუხისმგებელი პირების მიხედვით;
2. ბასს-ის ანგარიშთა გეგმის მიხედვით საბუღალტრო ანგარიშებზე არსებული ნაშთების შესახებ ინფორმაცია 2025 წლის პირველი დეკემბრის, 2025 წლის პირველი იანვრის და ხსენებული ფულადი სახსრების ინვენტარიზაციის ჩატარების მდგომარეობით, მათ შორის მოკლევადიანი მოთხოვნების, დარიცხული მოთხოვნების და ვალდებულებების (გარდა საგადასახადო ვალდებულებებისა) ნაწილში ინფორმაცია იდენტიფიცირებული უნდა იყოს საგადასახადო კოდექსით განსაზღვრული თითოეული პირის მიხედვით;
3. 2025 წლის პირველი დეკემბრიდან ხსენებული ფულადი სახსრების ინვენტარიზაციის ჩატარების მდგომარეობით, სალაროში (ანგარიშთა გეგმის 1100-იანების ანგარიში (მათ შორის 1110, 1120 და ა.შ)) და საბანკო ანგარიშებზე (ანგარიშთა გეგმის 1200-იანების ანგარიში (მათ შორის 1210, 1220 და ა.შ)) თანხების მოძრაობის შესახებ იდენტიფიცირებული ინფორმაცია, ცალკეული სამეურნეო ოპერაციების მიხედვით;
4. სხვა ინფორმაცია/დოკუმენტაცია (ხელშეკრულება, ნებართვები, მიღება-ჩაბარების აქტები, შესყიდვის აქტები ან სხვა ინფორმაცია/დოკუმენტაცია, გარდა შემოსავლების სამსახურის გადასახადების ადმინისტრირების საინფორმაციო სისტემაში ასახული ელექტრონული ინფორმაციისა, ასეთის არსებობის შემთხვევაში), რაც ეხება 2025 წლის დეკემბრის თვის საანგარიშო პერიოდს;
5. 2025 წლის დეკემბრის თვეში რეალიზებული პროდუქციის თვითღირებულებისა და სარეალიზაციო ფასების გაანგარიშების შესახებ ინფორმაცია.“
აღნიშნული წერილი გადამხდელს ჩაბარდა 2026 წლის 24 თებერვალს, თუმცა დადგენილ ვადაში ინფორმაცია კვლავ არ იქნა წარმოდგენილი სრულად, რის შედეგადაც, საქართველოს საგადასახადო კოდექსის 279-ე მუხლის მე-2 ნაწილის თანახმად, საწარმოს მიმართ შედგა 2026 წლის 30 მარტის საგადასახადო სამართალდარღვევის ოქმი №189159.
შემოსავლების სამსახურმა განიხილა წარმოდგენილი საჩივარი და მიიჩნია, რომ გადასახადის გადამხდელის მოთხოვნა არ უნდა დაკმაყოფილდეს შემდეგ გარემოებათა გამო:
საქართველოს საგადასახადო კოდექსის 302-ე მუხლის მე-6 ნაწილის მიხედვით, დავის განმხილველ ორგანოებს უფლება აქვთ, საჩივარი განიხილონ დისტანციურად, ტექნიკურ საშუალებათა გამოყენებით. მათ ასევე უფლება აქვთ, საჩივარი განიხილონ მომჩივნის დაუსწრებლად, თუ საქმეში არსებული მასალებიდან სრულად დგინდება დავის საგანთან დაკავშირებული ფაქტობრივი გარემოებები.
სადავო საკითხთან დაკავშირებით, შემოსავლების სამსახური მიუთითებს საქართველოს საგადასახადო კოდექსის 70-ე მუხლის პირველი ნაწილის „ა“ ქვეპუნქტზე, რომლის თანახმად, საგადასახადო ორგანოს უფლება აქვს, პირს მოსთხოვოს მისი სააღრიცხვო დოკუმენტაციის ან/და მის დაბეგვრასთან დაკავშირებული ინფორმაციის (მათ შორის, საქართველოს საერთაშორისო ხელშეკრულების საფუძველზე სხვა სახელმწიფოს კომპეტენტური (უფლებამოსილი) ორგანოს მიერ მოთხოვნილი ინფორმაციის) წარდგენა.
საქართველოს საგადასახადო კოდექსის 43-ე მუხლის პირველი ნაწილის ,,დ“ ქვეპუნქტის თანახმად, გადასახადის გადამხდელი ვალდებულია საგადასახადო შემოწმების ჩატარებისას ან ამ კოდექსით გათვალისწინებულ სხვა შემთხვევებში საგადასახადო ორგანოს და მის უფლებამოსილ პირს წარუდგინოს გადასახადების გამოსაანგარიშებლად და გადასახდელად საჭირო დოკუმენტები (ცნობები).
ამავე მუხლის მე-4 ნაწილის თანახმად, საქართველოს საგადასახადო კანონმდებლობით დადგენილ ვალდებულებათა შეუსრულებლობის ან არაჯეროვნად შესრულების შემთხვევაში გადასახადის გადამხდელს ეკისრება ამ კოდექსით ან/და საქართველოს სხვა საკანონმდებლო აქტებით გათვალისწინებული პასუხისმგებლობა.
საქართველოს საგადასახადო კოდექსის 269-ე მუხლის პირველი ნაწილის თანახმად, საგადასახადო სამართალდარღვევად ითვლება პირის მართლსაწინააღმდეგო ქმედება (მოქმედება ან უმოქმედობა), რომლისთვისაც ამ კოდექსით გათვალისწინებულია პასუხისმგებლობა. საგადასახადო სამართალდარღვევისათვის პირს პასუხისმგებლობა შეიძლება დაეკისროს მხოლოდ ამ კოდექსით დადგენილი საფუძვლითა და წესით.
საქართველოს საგადასახადო კოდექსის 279-ე მუხლის პირველი ნაწილის თანახმად, საგადასახადო ორგანოს მიერ ამ კოდექსით დადგენილი წესით მოთხოვნის შემთხვევაში სააღრიცხვო დოკუმენტაციის ან/და დაბეგვრასთან დაკავშირებული ინფორმაციის, აგრეთვე საგადასახადო ორგანოს ან აღსრულების ეროვნული ბიუროს მიერ მითითებულ ვადაში ქონების ნუსხის წარუდგენლობა იწვევს პირის დაჯარიმებას 400 ლარის ოდენობით.
ამავე მუხლის მე-2 ნაწილის თანახმად, ამ მუხლის პირველი ნაწილით განსაზღვრული ქმედება, ჩადენილი განმეორებით, იწვევს პირის დაჯარიმებას ყოველ შემდგომ განმეორებაზე 1 000 ლარის ოდენობით.
საქმეში არსებული მასალებით დგინდება, რომ გადასახადის გადამხდელმა, 2026 წლის 23 თებერვლის №----- წერილის ფარგლებში, საქართველოს საგადასახადო კოდექსის 70-ე მუხლის საფუძველზე, განმეორებით გამოთხოვილი ინფორმაცია მითითებულ ვადაში სრულად არ წარადგინა.
ზემოაღნიშნული სამართლებრივი ნორმებისა და საქმეში არსებული მასალების გათვალისწინებით, შემოსავლების სამსახურმა მიიჩნია, რომ გადასახადის გადამხდელის მიერ დარღვეულია საქართველოს საგადასახადო კოდექსით დადგენილი მოთხოვნები, საგადასახადო სამართალდარღვევის ოქმი შედგენილია გამოვლენილი სამართალდარღვევის ფაქტზე, მოქმედი კანონმდებლობის მოთხოვნათა დაცვით და არ არსებობს საჩივრის დაკმაყოფილების და საგადასახადო სამართალდარღვევის ოქმის გაუქმების სამართლებრივი საფუძველი.
საქართველოს საგადასახადო კოდექსის 304-ე მუხლის საფუძველზე,ვ ბ რ ძ ა ნ ე ბ :
1. შპს „-----“ (ს/ნ -----) საჩივარი არ დაკმაყოფილდეს;
2. აღნიშნული ბრძანება შეიძლება გასაჩივრდეს საქართველოს ფინანსთა სამინისტროსთან არსებულ დავების განხილვის საბჭოში (მის.: ქ. თბილისი, ვახტანგ გორგასლის ქ. №16) ან სასამართლოში (მის.: ქ. თბილისი, დავით აღმაშენებლის ხეივანი №64), საქართველოს საგადასახადო კოდექსის XIV კარით დადგენილი წესის შესაბამისად, ამ ბრძანების ჩაბარებიდან 20 კალენდარული დღის ვადაში.
სადავო საკითხი
მომჩივანი არ ეთანხმება სამართალდარღვევის ოქმის შედეგად დარიცხულ ჯარიმას.
ფაქტობრივი გარემოებები
საქმეში არსებული მასალებით დგინდება, რომ გადასახადის გადამხდელმა, 2026 წლის 23 თებერვლის №21-14/12381 წერილის ფარგლებში, საქართველოს საგადასახადო კოდექსის 70-ე მუხლის საფუძველზე, განმეორებით გამოთხოვილი ინფორმაცია მითითებულ ვადაში სრულად არ წარადგინა.
გადაწყვეტილება
შემოსავლების სამსახურმა მიიჩნია, რომ გამოვლენილი სამართალდარღვევის ფაქტზე, მოქმედი კანონმდებლობის მოთხოვნათა დაცვით და არ არსებობს საჩივრის დაკმაყოფილების და საგადასახადო სამართალდარღვევის ოქმის გაუქმების სამართლებრივი საფუძველი.
დასაბუთება
შემოსავლების სამსახურის დავების განხილვის საბჭო გადაწყვეტილების დასაბუთებისას ეყრდნობა საქართველოს საგადასახადო კოდექსის შემდეგ ნორმებს:70;