გრძელვადიანი კონტრაქტის დღგ-ით დაბეგვრა N 1168

სიტუაციური სახელმძღვანელო

გრძელვადიანი კონტრაქტის დღგ-ით დაბეგვრა N 1168

ფაქტობრივი გარემოებები

•დღგ-ის გადამხდელმა სამშენებლო კომპანიამ დამკვეთთან გააფორმა კონტრაქტი სამშენებლო-სამონტაჟო სამუშაოების შესრულებაზე. კონტრაქტი არ ითვალისწინებს დამკვეთისათვის მომსახურების ეტაპობრივად მიწოდებას (მიღება-ჩაბარებას)

•I ვარიანტი: პირმა სამუშაოების წარმოება დაიწყო 2010 წელს და დაასრულა 2012 წლის სექტემბრის თვეში

•II ვარიანტი: პირმა სამუშაოების წარმოება დაიწყო 2011 წელს და დაასრულა 2012 წლის სექტემბრის თვეში

•ორივე ვარიანტში: პირმა მომსახურება (სამუშაოები) დღგ-ით დაბეგრა მისი მიწოდებისას - 2012 წლის სექტემბერში

შეფასება

•სსკ-ის მე-8 მუხლის მე-10 ნაწილის მიხედვით, მოცემული კონტრაქტი წარმოადგენს გრძელვადიან კონტრაქტს

•ორივე ვარიანტში: პირი ვალდებული იყო 2011 წელს დღგ-ით დასაბეგრი ოპერაციის თანხა განესაზღვრა ამ წელში გაწეული ხარჯების შეპირისპირებით კონტრაქტით გათვალისწინებულ ერთობლივ ხარჯებთან და დღგ-ით დაებეგრა 2011 წლის დეკემბრის თვეში (სსკ-ის მუხლი 161 (6)), ხოლო მიწოდების საკომპენსაციო თანხის დარჩენილი ნაწილი - 2012 წლის სექტემბრის თვეში

ღონისძიებები

•ორივე ვარიანტში 2011 წელს პირს დაერიცხება კუთვნილი დღგ

•დეკლარაციაში გადასახადის თანხის შემცირების შემთხვევაში პირი დაჯარიმდება სსკ-ის 275 (1)-ე მუხლით

სახელმძღვანელო დამტკიცებულია 2012 წლის 1 იანვრისთვის მოქმედი საგადასახადო კანონმდებლობის მიხედვით

სიტუაციური სახელმძღვანელო არ ვრცელდება 2021 წლის შემდგომ წარმოშობილ სამართლებრივ ურთიერთობებზე. 2021 წლიდან წარმოშობილ სამართლებრივ ურთიერთობებზე იხელმძღვანელეთ დამატებული ღირებულების გადასახადის შესახებ მეთოდური მითითებით