N 301 - 14/08/2023 - „საჯარო სამართლის იურიდიული პირის – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე

საქართველოს მთავრობის

დადგენილება №301

2023 წლის 14 აგვისტო

ქ. თბილისი

„საჯარო სამართლის იურიდიული პირის – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საჯარო სამართლის იურიდიული პირის – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში (სსმ III , №33, 31/03/2010 წელი) შეტანილ იქნეს ცვლილება და:

1. დადგენილების 117 მუხლს დაემატოს შემდეგი შინაარსის მე-2 პუნქტი:

„2. „სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“ 122-ე – 125-ე გრაფებით გათვალისწინებული მომსახურების გაწევისათვის გადახდილი თანხა ზედმეტად გადახდილად ჩაითვლება იმ შემთხვევაში, თუ:

ა) არ განხორციელდა ექსპორტის პროცედურით იმ საქონლის გატანა, რომლის ექსპორტის პროცედურაში გაფორმებისთვისაც გადახდილია მომსახურების საფასური;

ბ) მომსახურების საფასურის თანხა გადახდილია შეცდომით ან ამ დადგენილებით განსაზღვრულ განაკვეთზე მეტი ოდენობით.“.

2. დადგენილებით დამტკიცებული „სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“:

ა) 122-ე და 123-ე გრაფები ჩამოყალიბდეს შემდეგი რედაქციით:

#tableId {null margin: 0 auto !important; }#assignedTableId-1692017459798 {width:525.0pt;mso-cellspacing:0cm;mso-yfti-tbllook:1184;mso-padding-alt:0cm 0cm 0cm 0cm margin: 0 auto !important; }„122

შავი ან/და ფერადი ლითონების ჯართისა და შავი ან/და ფერადი ლითონების ნარჩენის (შავი ლითონის წარმოების ნარჩენის, ფერადი ლითონების დაუმუშავებელი შენადნობისა და შიდა გადამუშავების პროცედურაში მოქცეული სარკინიგზო ვაგონების გადამუშავებით მიღებული შავი ლითონის ჯართის გარდა) ექსპორტის პროცედურაში გაფორმება

 

1 ტონა –

320 ლარი

 

123

შავი ლითონის წარმოების ნარჩენის ექსპორტის პროცედურაში გაფორმება

 

1 ტონა –

40 ლარი“;

 

ბ) 124-ე , 125-ე და 1251 გრაფები ჩამოყალიბდეს შემდეგი რედაქციით:

#tableId {null margin: 0 auto !important; }#assignedTableId-1692017473455 {width:525.0pt;mso-cellspacing:0cm;mso-yfti-tbllook:1184;mso-padding-alt:0cm 0cm 0cm 0cm margin: 0 auto !important; }„124

ფერადი ლითონების დაუმუშავებელი შენადნობის ექსპორტის პროცედურაში გაფორმება

 

1 ტონა –

50 ლარი

 

125

შიდა გადამუშავების პროცედურაში მოქცეული სარკინიგზო ვაგონების გადამუშავებით მიღებული შავი ლითონის ჯართის ექსპორტის პროცედურაში გაფორმება

 

1 ტონა –

10 ლარი

 

1251

ავტოსატრანსპორტო საშუალების კატალიზური კონვერტორის (კატალიზატორის) ან/და ავტოსატრანსპორტო საშუალების კატალიზური კონვერტორის (კატალიზატორის) მაკომპლექტებელი ნაწილების (მათ შორის, ამორტიზებული მაყუჩის ფილტრის ან/და მაყუჩის კერამიკული ფილტრის) ნარჩენის/ჯართის ექსპორტის პროცედურაში გაფორმება

 

1 კილოგრამი –

6 ლარი“.

 

მუხლი 2

დადგენილება ამოქმედდეს 2023 წლის 29 აგვისტოდან.

 

პრემიერ-მინისტრი

ირაკლი ღარიბაშვილი

 

წყარო: საქართველოს საკანონმდებლო მაცნე