მასალის (ნედლეულის) დანაკარგი N 1714

სიტუაციური სახელმძღვანელო

მასალის (ნედლეულის) დანაკარგი N 1714

ფაქტობრივი გარემოებები

· საწარმოს საგადასახადო შემოწმებით საცავში დაუდგინდა ბუღალტრულ ჩანაწერებთან შედარებით შაქრის ფხვნილის ნაკლებობა საერთო მასის 2%-ის ოდენობით. ამასთან, დადგენილი არ არის დებიტორი (ამნაზღაურებელი) ან/და მიმთვისებელი

· შაქრის დანაკარგზე არ არსებობს შესაბამისი უფლებამოსილი ორგანოს მიერ დადგენილი ზღვრული ნორმა

· წინა პერიოდებში ჩატარებული მიმდინარე კონტროლის პროცედურებით სამართალდარღვევა (პირველადი დოკუმენტის გარეშე რეალიზაცია – მოხმარება, ჩეკის ამოურტყმელობა, პირადი მოხმარებისათვის გამოყენება) გამოვლენილი არ არის

შეფასება

· საგადასახადო ორგანო მიმართავს საქართველოს ფინანსთა სამინისტროს საკითხის სამთავრობო კომისიაზე განსახილველად. ამასთან, თუ შემოწმების დასრულებამდე არ იქნა მიღებული შესაბამისი გადაწყვეტილება, დგება საგადასახადო შემოწმების შუალედური აქტი

· შემოწმების დასრულებამდე მიღებული იქნა მთავრობის დადგენილება, რომლის მიხედვითაც შაქრის ფხვნილის შენახვის პროცესში დანაკარგის ნორმა დადგინდა 0.5%–ის ოდენობით

· გამოვლენილი ნაკლებობა დადგენილ ზღვრულ ნორმაზე მეტი ოდენობით (1.5%) ჩაითვლება დანაკლისად

ღონისძიებები

· პირი ჯარიმდება გამოვლენის მომენტში დანაკლისის საბაზრო ღირებულების 50%-ის ოდენობით (მასზე გაწეული ხარჯისა და დღგ-ის ჩათვლის გაუქმების გარეშე), ამასთან, პირს გამოვლენილ დანაკლისთან დაკავშირებით შემდგომ პერიოდში საგადასახადო ვალდებულებები აღარ დაეკისრება (სსკ–ის 286–ე მუხლის მე–8 ნაწილი)