N 43 - 08/02/2019 - „ადამიანის ორგანოთა ექსპორტ-იმპორტის წესის დამტკიცების შესახებ“ საქართველოს მთავრობის 2016 წლის 22 აპრილის №194 დადგენილებაში ცვლილების შეტანის თაობაზე
📄 სრული ტექსტი
საქართველოს მთავრობის
დადგენილება №43
2019 წლის 8 თებერვალი
ქ. თბილისი
„ადამიანის ორგანოთა ექსპორტ-იმპორტის წესის დამტკიცების შესახებ“ საქართველოს მთავრობის 2016 წლის 22 აპრილის №194 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს კანონის (3024-რს; 05/07/2018) მე-2 მუხლის მე-19 პუნქტის შესაბამისად, „ადამიანის ორგანოთა ექსპორტ-იმპორტის წესის დამტკიცების შესახებ‘‘ საქართველოს მთავრობის 2016 წლის 22 აპრილის №194 დადგენილებაში (www.matsne.gov.ge, 27/04/2016, 470230000.10.003.019259) შეტანილ იქნეს ცვლილება და დადგენილებით დამტკიცებული „ადამიანის ორგანოთა ექსპორტ-იმპორტის წესის“ (დანართი №1):
1. მე-2 მუხლის პირველი პუნქტი ჩამოყალიბდეს შემდეგი რედაქციით:
„1. ორგანოს იმპორტის უფლება აქვს შესაბამისი სამედიცინო საქმიანობის უფლების მქონე სამედიცინო დაწესებულებას (შემდგომში − სამედიცინო დაწესებულება), საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს (შემდგომში − სამინისტრო) წერილობითი თანხმობით (დანართი №1.1).“.
2. „ადამიანის ორგანოს, ორგანოს ნაწილის, ქსოვილისა და უჯრედების იმპორტის/ექსპორტის შესახებ თანხმობის ფორმა“ დანართი 1.1 ჩამოყალიბდეს შემდეგი რედაქციით:
„დანართი 1.1
ადამიანის ორგანოს, ორგანოს ნაწილის, ქსოვილისა და უჯრედების იმპორტის/ექსპორტის შესახებ თანხმობის ფორმა
იმპორტის/ექსპორტის (გახაზეთ) განმახორციელებელი დაწესებულება
-----------------------------------------------------------------------------------------------------------
დასახელება, მისამართი (იურიდიული, ფაქტობრივი)
ორგანოს, ორგანოს ნაწილის, ქსოვილისა და უჯრედების დასახელება ------
------------------------------------------------------------------------------------------
------------------------------------------------------------------------------------------
იმ გამოკვლევათა ჩამონათვალი, რომელიც აუცილებელია ორგანოს, ორგანოს ნაწილის, ქსოვილისა და უჯრედების იმპორტის/ექსპორტის (გახაზეთ) განხორციელებისათვის
________________________________________________________
_________________________________________________________
________________________________________________________
თარიღი „----“ ------------------------------ 20__ წელი
საქართველოს ოკუპირებული ტერიტორიებიდან დევნილთა,შრომის, ჯანმრთელობისა და სოციალური დაცვის სამინისტრო“.
მუხლი 2
დადგენილება ამოქმედდეს გამოქვეყნებისთანავე.
პრემიერ - მინისტრი მამუკა ბახტაძე
წყარო: საქართველოს საკანონმდებლო მაცნე