N 105 - 03/04/2026 - „საინვესტიციო ოქროს სტატუსის დადგენის დამატებითი კრიტერიუმებისა და წესის, აგრეთვე საინვესტიციო ოქროს შესაბამისი ოქროს მონეტების სიის დამტკიცების შესახებ“ საქართველოს ფინანსთა მინისტრის 2026 წლის 12 მარტის №72 ბრძანებაში ცვლილების შეტანის თაობაზე

საქართველოს ფინანსთა მინისტრის

ბრძანება №105

2026 წლის 3 აპრილი

ქ. თბილისი

„საინვესტიციო ოქროს სტატუსის დადგენის დამატებითი კრიტერიუმებისა და წესის, აგრეთვე საინვესტიციო ოქროს შესაბამისი ოქროს მონეტების სიის დამტკიცების შესახებ“ საქართველოს ფინანსთა მინისტრის 2026 წლის 12 მარტის №72 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„საინვესტიციო ოქროს სტატუსის დადგენის დამატებითი კრიტერიუმებისა და წესის, აგრეთვე საინვესტიციო ოქროს შესაბამისი ოქროს მონეტების სიის დამტკიცების შესახებ“ საქართველოს ფინანსთა მინისტრის 2026 წლის 12 მარტის №72 ბრძანებით (ვებგვერდი, 13/03/2026, სარეგისტრაციო კოდი: 200250000.22.033.018002) დამტკიცებული „საინვესტიციო ოქროს სტატუსის დადგენის დამატებითი კრიტერიუმების და წესის“ (დანართი №1) მე-3 მუხლის:

1. პირველი პუნქტი ჩამოყალიბდეს შემდეგი რედაქციით:

„1. საინვესტიციო ოქროს (გარდა მონეტებისა) იმპორტში დეკლარირებისას, საქართველოს საგადასახადო კოდექსის 173-ე მუხლის „უ1“ ქვეპუნქტით გათვალისწინებული საგადასახადო შეღავათის გამოყენების მიზნით აუცილებელია:

ა) ოქროს ზოდზე/ფირფიტაზე დატანილი იყოს:

ა.ა) მწარმოებლის გადამამუშავებელი ქარხნის ლოგო/აღნიშვნა;

ა.ბ) პროდუქციის სერიული ნომერი;

ა.გ) სინჯის აღმნიშვნელი დამღა და წონა;

ბ) დეკლარანტმა წარადგინოს შემდეგი დოკუმენტაცია და ინფორმაცია:

ბ.ა) ASSAY სერთიფიკატი ან დაუზიანებელი შეფუთვა, სადაც მწარმოებლის მიერ დატანილია ASSAY სერთიფიკატის შესაბამისი ინფორმაცია;

ბ.ბ) ინვოისი/ხელშეკრულება, სადაც აღნიშნულია ოქროს ზოდის/ფირფიტის სერიული ნომერი, სინჯის აღმნიშვნელი დამღა და წონა.“.

 

2. მე-3 პუნქტი ჩამოყალიბდეს შემდეგი რედაქციით:

„3. სსიპ – შემოსავლების სამსახურის მიერ შესაძლებელია მოთხოვნილ იქნეს აკრედიტებული შესაბამისობის შემფასებელი ორგანოს ან კანონით პირდაპირ განსაზღვრული სხვა ორგანოს მიერ გაცემული ექსპერტიზის დასკვნა:

ა) თუ ამ მუხლის პირველი პუნქტის შესაბამისად წარდგენილი დოკუმენტაცია არასრულყოფილია;

ბ) ამ მუხლის პირველი ან მე-2 პუნქტის შესაბამისად წარდგენილი ინფორმაციის/დოკუმენტაციის გადამოწმების/სრულყოფილად შესწავლის მიზნით.“.

 

მუხლი 2

ეს ბრძანება ამოქმედდეს გამოქვეყნებისთანავე.

 

საქართველოს ფინანსთა მინისტრი ლაშა ხუციშვილი

 

წყარო: საქართველოს საკანონმდებლო მაცნე