საერთაშორისო გადაზიდვა N 2417

სიტუაციური სახელმძღვანელო

საერთაშორისო გადაზიდვა N 2417

ფაქტობრივი გარემოებები

· საქართველოს საწარმოსა და არარეზიდენტ სატრანსპორტო კომპანიას შორის გაფორმებული ხელშეკრულების საფუძველზე, 2009 წელს არარეზიდენტმა ექსპედიტორულმა საწარმომ კლიენტისათვის განახორციელა ტვირთის პარიზიდან ბაქოში ჩატანა საქართველოს ტერიტორიის გავლით

· არარეზინდეტისთვის გადახდილი თანხები საქართველოს საწარმომ არ დაბეგრა გადახდის წყაროსთან

შეფასება

· 2009 წლისათვის მოქმედი სსკ-ის მე-12 მუხლის მე-15 ნაწილის მიხედვით საერთაშორისო გადაზიდვად ითვლება ნებისმიერი სახის სატრანსპორტო საშუალებით ტრანზიტის ან ექსპორტის საბაჟო რეჟიმში მოქცეული ან იმპორტამდე ტვირთების გადაზიდვა, ამასთან სსკ-ის მე-24 მუხლის “ჟ” ქვეპუნქტის მიხედვით, საქართველოში არსებული წყაროდან მიღებულ შემოსავალში ითვლება საქართველოსა და უცხო ქვეყნებს შორის საერთაშორისო გადაზიდვებში სატრანსპორტო მომსახურებით მიღებული შემოსავალი

· ის ფაქტი, რომ ტრანზიტული ტვირთი მოძრაობს საქართველოს ტერიტორიის გავლით, არ უნდა ჩაითვალოს საქართველოსა და უცხო ქვეყნებს შორის საერთაშორისო გადაზიდვად და შესაბამისად საქართველოს წყაროდან მიღებულ შემოსავლად

ღონისძიებები

· პირის ქმედებაში საგადასახადო სამართალდარღვევა არ იკვეთება და დამატებით საგადასახადო ვალდებულებების დაკისრება არ ხდება