აღურიცხველი საქონლის გამოვლენის დაბეგვრა N 2612

სიტუაციური სახელმძღვანელო

აღურიცხველი საქონლის გამოვლენის დაბეგვრა N 2612

ფაქტობრივი გარემოებები

· შპს „X"-ს საგადასახადო ორგანოს მიერ 2017 წლის აპრილის თვეში ჩატარებული ინვენტარიზაციის შედეგად გამოუვლინდა სააღრიცხვო დოკუმენტაციაში აღურიცხველი საქონელი 50 000 ლარის ოდენობით, რომელზეც არ გააჩნდა პირველადი საგადასახადო დოკუმენტი.

· გადასახადის გადამხდელს მოგების გადასახადში არ განუხორციელებია ინვენტარიზაციის შედეგებზე საგადასახადო ანგარიშგება.

შეფასება

· სსკ-ის 97-ე მუხლის პირველი ნაწილის თანახმად, მოგების გადასახადით დაბეგვრის ობიექტია: ა) განაწილებული მოგება; ბ) გაწეული ხარჯი ან სხვა გადახდა, რომელიც ეკონომიკურ საქმიანობასთან დაკავშირებული არ არის; გ) უსასყიდლოდ საქონლის მიწოდება/მომსახურების გაწევა ან/და ფულადი სახსრების გადაცემა; დ) სსკ-ით დადგენილ ზღვრულ ოდენობაზე მეტი ოდენობით გაწეული წარმომადგენლობითი ხარჯი.

· იმის გათვალისწინებით, რომ სახეზე არ არის მოგების გადასახადით დაბეგვრის ზემოაღნიშნული ობიექტები, პირს არ წარმოეშობა სააღრიცხვო დოკუმენტაციაში აღურიცხველი საქონლის მოგების გადასახადით დაბეგვრის ვალდებულება.

ღონისძიებები

· გადასახადის გადამხდელი დაჯარიმდება სსკ-ის 286-ე მუხლის მე-4 ნაწილით გათვალისწინებული ჯარიმით.

სიტუაციური სახელმძღვანელო ეხება შემთხვევას, როდესაც შპს „X“ მოგების გადასახადით იბეგრება სსკ-ის 97-ე მუხლის პირველი ნაწილით გათვალისწინებული დაბეგვრის ობიექტების მიხედვით