ფიზიკური პირისგან აღებულ სესხზე გადახდილი პროცენტების სოციალური გადასახადით დაბეგვრა N 2501

სიტუაციური სახელმძღვანელო

ფიზიკური პირისგან აღებულ სესხზე გადახდილი პროცენტების სოციალური გადასახადით დაბეგვრა N 2501

ფაქტობრივი გარემოებები

· 2006 წელს საწარმომ დამფუძნებელი ფიზიკური პირისაგან აიღო სესხი

· გადახდილი პროცენტები საწარმომ დაბეგრა გადახდის წყაროსთან მხოლოდ საშემოსავლო გადასახადით, სსკ-ის 196-ე მუხლის თანახმად

· ვარიანტი I: დამფუძნებელი რეგისტრირებულია გადასახადის გადამხდელად

· ვარიანტი II: დამფუძნებელი არ არის რეგისტრირებული გადასახადის გადამხდელად

შეფასება

· დამფუძნებელი ფიზიკური პირი სსკ-ის მე-19 მუხლის შესაბამისად, საწარმოს უწევს ფინანსურ მომსახურებას

· II ვარიანტისთვის, მომსახურების მიმღებისათვის გადამხდელად არარეგისტრირებული პირის მიერ გაწეული მომსახურების საზღაური წარმოადგენს სოციალური გადასახადით დაბეგვრის ობიექტს, მიუხედავად იმისა, რომ აღნიშნული მომსახურება არ განიხილებოდა სამეწარმეო-ეკონომიკურ საქმიანობად

· II ვარიანტისთვის, ერთობლივი შემოსავლიდან გამოიქვითება სოციალური გადასახადი

· I ვარიანტისთვის, გაწეული ამომსახურება არ წარმოადგენს სოციალური გადასახადით დაბეგვრის ობიექტს, რამდენადაც აღნიშნული მომსახურება არ განიხილებოდა სამეწარმეო-ეკონომიკურ საქმიანობად

ღონისძიებები

· II ვარიანტში, გაიზრდება სოციალური გადასახადით დასაბეგრი ბაზა და საწარმოს ძირითადი გადასახადის სახით დაერიცხება სოციალური გადასახადი

· II ვარიანტში, მოგების დეკლარაციაში გაიზრდება გამოსაქვითი ხარჯები, დაზუსტდება დასაბეგრი მოგება (ზარალი)

· II ვარიანტში, პირი დაჯარიმდება დეკლარაციაში გადასახადის თანხის შემცირების შემთხვევაში სსკ-ის 132-ე მუხლით