გარე გადამუშავების სასაქონლო ოპერაციის განსაზღვრა N 2517
📄 სრული ტექსტი
სიტუაციური სახელმძღვანელო
გარე გადამუშავების სასაქონლო ოპერაციის განსაზღვრა N 2517
ფაქტობრივი გარემოებები
· საქართველოს საწარმო ახორციელებს საქართველოდან უცხო ქვეყნის მიმართულებით გამავალი ტვირთების სატრანსპორტო მომსახურებას საქართველოში რეგისტრირებული სატვირთო ავტოსატრანსპორტო საშუალებებით
· უცხო ქვეყანაში რეგისტრირებულ პირთან დადებული გრძელვადიანი ხელშეკრულებების საფუძველზე, შესაბამისი ქვეყნის ტერიტორიაზე რეგულარულად ხორციელდება ავტოსატრანსპორტო საშუალების კაპიტალური შეკეთება (გარდა მიმდინარე საექსპლუატაციო შეკეთებისა) გარე გადამუშავების სასაქონლო ოპერაციების დეკლარირების განხორციელების გარეშე
შეფასება
· ავტოსატრანსპორტო საშუალება, რომელზედაც განხორციელდა კაპიტალური შეკეთება ან/და აგრეგატის მონტაჟი, უნდა ჩაითვალოს გადამუშავების პროდუქტად
· ვინაიდან სასაქონლო დეკლარაციები წარდგენილი არ არის გაფორმების ორგანოში და შეუძლებელია ვალდებულების წარმოშობის თარიღის განსაზღვრა, საქონლის ან/და მომსახურების შესყიდვის დამადასტურებელი დოკუმენტის თარიღი ჩაითვლება საგადასახადო ვალდებულების წარმოშობის თარიღად
· სსკ-ის 236-ე მუხლის მე-2 ნაწილის გათვალისწინებით, სასაქონლო ოპერაციაზე საგადასახადო ვალდებულების განსაზღვრის საფუძვლად ჩაითვლება მომსახურების შესყიდვის დამადასტურებელ დოკუმენტებში (ინვოისი) დაფიქსირებული ღირებულება
ღონისძიებები
· პირი ექვემდებარება დაჯარიმებას სსკ-ის 289-ე მუხლის მე-17 ნაწილის შესაბამისად
· პირს დაერიცხება იმპორტის კუთვნილი გადასახდელები სსკ-ის 236-ე მუხლის პირველი ნაწილის თანახმად
სახელმძღვანელო დამტკიცებულია 2012 წლის 10 თებერვლის მოქმედი საგადასახადო კანონმდებლობის მიხედვით და ვრცელდება 2012 წლამდე საგადასახადო პერიოდზეც.