ლაგოდეხის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ

ლაგოდეხის მუნიციპალიტეტის საკრებულოს

დადგენილება №63

2018 წლის 3 აგვისტო

ქ. ლაგოდეხი

ლაგოდეხის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „დ“ ქვეპუნქტის, 24-ე მუხლის პირველი პუნქტის „დ.ბ“ ქვეპუნქტისა და „სათამაშო ბიზნესის მოსაკრებლის შესახებ“ საქართველოს კანონის მე-5 მუხლის საფუძველზე, ლაგოდეხის მუნიციპალიტეტის საკრებულო ადგენს:

მუხლი 1

შემოღებულ იქნეს ლაგოდეხის მუნიციპალიტეტის ტერიტორიაზე სათამაშო ბიზნესის მოსაკრებელი და განისაზღვროს შემდეგნაირად:

ა) სამორინეს თითოეულ სათამაშო მაგიდაზე კვარტალში 25 000 ლარის ოდენობით;

ბ) თითოეულ სათამაშო აპარატზე კვარტალში 3000 ლარის ოდენობით;

გ) თითოეულ წამახალისებელ გათამაშებაზე საპრიზო ფონდის 10%-ის ოდენობით;

დ) სისტემურ-ელექტრონული ფორმით მოწყობილ თამაშობებზე:

დ.ა) სამორინის თამაშობებზე – კვარტალში 250 000 ლარი;

დ.ბ) სათამაშო აპარატების თამაშობებზე – კვარტალში 250 000 ლარი;

დ.გ) ტოტალიზატორის თამაშობებზე –კვარტალში 250 000 ლარი;

ე) ლატარიების მოწყობაზე - ლატარიის რეალიზებული ბილეთების ჯამური ღირებულებასა და საპრიზო ფონდს შორის სხვაობის 10% ოდენობით.

ვ) აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებ სისტემატურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე − კვარტალში 10 000 ლარის ოდენობით;

ზ) თითოეულ კლუბის მაგიდაზე კვარტალში 5 000 ლარის ოდენობით.

ლაგოდეხის მუნიციპალიტეტის საკრებულოს 2022 წლის 3 ივნისის დადგენილება №10 - ვებგვერდი, 07.06.2022 წ.

ლაგოდეხის მუნიციპალიტეტის საკრებულოს 2024 წლის 5 ივლისის დადგენილება №10 - ვებგვერდი, 08.07.2024 წ.

მუხლი 2

მოსაკრებლის ადმინისტრირებას (ამოღებას) ახორციელებს ლაგოდეხის მუნიციპალიტეტის მერიის შესაბამისი სამსახური.

მუხლი 3

დადგენილება ამოქმედდეს 2018 წლის 1 სექტემბრიდან.

ლაგოდეხის მუნიციპალიტეტის

საკრებულოს თავმჯდომარე

კარლო ჯამბურია

წყარო: საქართველოს საკანონმდებლო მაცნე