უიმედო ვალი (არ გამოიქვითა, რადგან ვერ დგინდება დებიტორული დავალიანების წარმოშობის ვადა) N 0302

სიტუაციური სახელმძღვანელო

უიმედო ვალი N 0302

ფაქტობრივი გარემოებები

· პირს წლიური დეკლარაციის მიხედვით, ერთობლივი შემოსავლიდან გამოქვითული აქვს უიმედო ვალის სახით საქონლის მიწოდების შედეგად წარმოშობილი დებიტორული დავალიანება

· პირმა ვერ წარმოადგინა დოკუმენტი, რომლითაც დადასტურდება გადახდის ვადის გადაცილება

შეფასება

· იმის გათვალისწინებით, რომ პირი ვერ ასაბუთებს დებიტორული დავალიანების დაფარვის ვადის გადაცილებას, გამოქვითული თანხა ვერ დაკვალიფიცირდება უიმედო ვალად

· პირმა არასწორად გამოქვითა თანხა უიმედო ვალის საახით, შესაბამისად, მას გაზრდილი აქვს ერთობლივი შემოსავლიდან გამოსაქვითი ხარჯი

ღონისძიებები

· უნდა დაზუსტდეს (შემცირდეს) ერთობლივი შემოსავლიდან გამოსაქვითი ხარჯი

· დეკლარაციაში გადასახადის შემცირების შემთხვევაში, პირს დაერიცხება მოგების (საშემოსავლო - ფიზიკურ პირის შემთხვევაში) გადასახადის ძირითადი თანხა და ჯარიმა სსკ-ის 275-ე (ძვ. 132-ე) მუხლის შესაბამისად

აღნიშნული გარემოება და შეფასება არ გამორიცხავს კოდექსით დადგენილი, უიმედო ვალად აღიარებისათვის სხვა ნორმების შესრულების ვალდებულებას

სახელმძღვანელო დამტკიცებულია 2011 წლის 24 ივნისისათვის მოქმედი საგადასახადო კანონმდებლობის მიხედვით