ბრძანება N 8222

N 8222

07 აპრილი 2026

ბ რ ძ ა ნ ე ბ ა

 

შპს „-------“-ის (ს/ნ -------)

(მის.: -------, -------)

2026 წლის 10 მარტის საჩივრის

დაკმაყოფილებაზე უარის თქმის თაობაზე

 

შემოსავლების სამსახურმა დავების განხილვის საბჭოს 2026 წლის პირველი აპრილის სხდომაზე (ოქმი №28) განიხილა შპს „-------“-ის (ს/ნ -------) 2026 წლის 10 მარტის №101233/1/2026 საჩივარი, შემოსავლების სამსახურის აუდიტის დეპარტამენტის 2026 წლის 10 თებერვლის №007-8 კორექტირებულ საგადასახადო მოთხოვნასთან დაკავშირებით.

 

სადავო საკითხები საგადასახადო შემოწმების შედეგების გადაანგარიშების შედეგებთან დაკავშირებით:

1. მომჩივანი ითხოვს მოგების გადასახადში დარიცხული თანხების შემცირებას. აცხადებს, რომ აუდიტის დეპარტამენტმა არ გაითვალისწინა გადაანგარიშებული ფინანსური ანგარიშგება. მიუთითებს, რომ შემოწმების შემდეგ კომპანიამ აღადგინა ბუღალტრული ბაზა და 2021 წლის საწყისი ნაშთები წარადგინა. გადაანგარიშებისას შეიცვალა მარაგის ნაშთიც, რადგან დირექტორთან გავლის შემდეგ ფასნამატი არ იყო 80%, არამედ შეადგენდა 55-60%-ს. რაც შეეხება აუდიტორის დასკვნას, რომ გაუნაწილებელი მოგება ემთხვეოდა, მიუთითებს, რომ კომპანიის ბუღალტერს ფინანსურ ანგარიშგებაში მოგება და ვალდებულება ერთად ეწერა, რაც ნათლად დასტურდება, ვინაიდან საბანკო სესხის ვალდებულება არ ეწერა. შესაბამისად, შემმოწმებელს მოგების თანხისთვის უნდა გამოეკლო. აუდიტორმა გაითვალისწინა ხარჯები და რისი მოძიებაც 2012 წლიდან 2021 წლამდე კომპანიამ შეძლო, თუმცა არ გაითვალისწინა შესამოწმებელი პერიოდის ბაზის აღდგენის შემდეგ გადაანგარიშებული საწყისი ნაშთები. აცხადებს, რომ მე-4 კატეგორიის ფინანსური ანგარიშგება აუდიტორულ დასკვნას არ მოითხოვს და ბუღალტერმა ყველანაირი აღრიცხვის გარეშე წარადგინა. ბაზის აღდგენის შემდეგ დაკორექტირდა ფინანსური ანგარიშგებები და ანგარიშგების პორტალზეც ასახულია დაზუსტებული. მიუთითებს, რომ კომპანიას ხანდაზმულ პერიოდშიც ბევრი სესხი ჰქონდა ვალუტაში და ვინაიდან შემოწმება ვერ გაითვალისწინებდა საკურსო სხვაობებსა და კონვერტაციებს, ამიტომ კომპანიამ აღადგინა ბაზები და გადაიანგარიშა ნაშთები.

2. გადასახადის გადამხდელი ითხოვს სადავო საგადასახადო მოთხოვნით განსაზღვრული ჯარიმასაურავის პატიებას.

 

ფაქტობრივი გარემოებები:

საქმის მასალებით დგინდება, რომ შემოსავლების სამსახურის 2024 წლის 15 ოქტომბრის №22225 ბრძანების საფუძველზე შპს „-------“-ის (ს/ნ -------) 2024 წლის 7 აგვისტოს საჩივარი დაკმაყოფილდა ნაწილობრივ. კერძოდ, ბრძანების სარეზოლუციო ნაწილის თანახმად:

„1. შპს „-------“-ის (ს/ნ -------) საჩივარი დაკმაყოფილდეს ნაწილობრივ; 2. სადავო საკითხებთან დაკავშირებით:

ა) გადასახადის გადამხდელს მიეცეს წინადადება ამ ბრძანების ჩაბარებიდან 15 კალენდარული დღის ვადაში აუდიტის დეპარტამენტს წარუდგინოს საჩივარში მითითებული არგუმენტაციის დოკუმენტურად დადასტურებული მტკიცებულებები;

ბ) ამ ბრძანების სარეზოლუციო ნაწილის მე-2 პუნქტის „ა“ ქვეპუნქტით განსაზღვრულ ვადაში მტიცებულების წარდგენის შემთხვევაში, დაევალოს აუდიტის დეპარტამენტს, დამატებით შეისწავლოს წარმოდგენილი მტკიცებულებები და შესწავლის შედეგების გათვალისწინებით, სათანადო საფუძვლის არსებობის შემთხვევაში, განახორციელოს საგადასახადო ვალდებულებების კორექტირება (შემცირება);

3. დანარჩენ ნაწილში საჩივარი არ დაკმაყოფილდეს.”

 

შემოსავლების სამსახურის 2024 წლის 15 ოქტომბრის №22225 ბრძანების აღსრულების მიზნით, აუდიტის დეპარტამენტის მიერ შედგა 2026 წლის 3 თებერვლის დასკვნა საგადასახადო შემოწმების შედეგების გადაანგარიშების თაობაზე, რომლის საფუძველზე გადასახადის გადამხდელს შეუმცირდა სულ 124 249 ლარი, მათ შორის: გადასახადი 82 832 ლარი, ჯარიმა 41 417 ლარი.

 

საგადასახადო შემოწმების შედეგების გადაანგარიშების თაობაზე გამოცემული დასკვნის მიხედვით დგინდება შემდეგი:

● გადასახადის გადამხდელმა წარმოადგინა ბუღალტრული პროგრამა ორისში, 2021 წლის პირველი იანვრისა და 2024 წლის პირველი მარტის მდგომარეობით. აღნიშნული პროგრამის მონაცემებით, ფიქსირდებოდა 2021 წლის საწყისი ნაშთები, კერძოდ: ფულის ნაშთები სალაროსა და ბანკში, რაც შემოწმების აქტში გათვალისწინებულია, ფიქსირდებოდა დებიტორ/კრედიტორების ნაშთები, რომლის ნაწილზეც გადამხდელმა წარმოადგინა შედარების აქტები, სმფ-ს ნაშთი, რომელიც აღრიცხული იყო ჯამურად და განსხვავდებოდა შემოწმების პერიოდში წარმოდგენილი მონაცემისგან, საგადასახადო ვალდებულებები, რომელიც არ ემთხვეოდა შემოსავლების სამსახურის გადასახადების ადმინისტრირების საინფორმაციო სისტემების მონაცემებს, სესხის ნაშთი და გაუნაწილებელი მოგების 2021 წლის საწყისი ნაშთი, რომელიც ასევე განსხვავდებოდა შემოწმების დროს ანალიზით დათვლილი მონაცემისგან (შემოწმების დროს, ხელთ არსებული მონაცემებით, კერძოდ, ფინანსურ ანგარიშგებასა და მოგების გადასახადის დეკლარაციაში დაფიქსირებული სმფ-ს საწყისი ნაშთის, პირველადი საგადასახადო დოკუმენტებისა და დეკლარირებული მონაცემების შესაბამისად, გაანგარიშდა 2021 წლამდე დაგროვილი მოგება, რაც თანხვედრაში იყო გადამხდელის მიერ წარდგენილ ფინანსური ანგარიშგებაში დაფიქსირებულ მოგების მონაცემთან). გადამხდელის განმარტებით, შემოწმების მიერ დარიცხული ავანსის თანხა არ წარმოადგენდა ავანსს და განმარტავდა, რომ აღნიშნული თანხა არასწორად იყო ფინანსურ ანგარიშგებაში დაფიქსირებული და ეს თანხა გადანაწილებული იყო სხვადასხვა აქტივებში, მაგალითად სმფ-ის საწყის ნაშთსა და დებიტორებში. გადასახადის გადამხდელმა ახლადაღრიცხულ საბუღალტრო პროგრამაში დააკორექტირა სმფ-ის საწყისი ნაშთი, ვინაიდან მისი განმარტებით, შემოწმების დროს წარდგენილი ფასნამატი და საქონლის ჩამოწერები არ იყო სწორი და შემოწმების დროს წარდგენილ ახსნა-განმარტებაში დაფიქსირებული 80%-იანი ფასნამატის ნაცვლად, ფასნამატი იყო 55-60%. გადაანგარიშების ფარგლებში, აღნიშნულის გათვალისწინება ვერ მოხერხდა, ვინაიდან შემოწმების მიერ არ მომხდარა ფასნამატის ცვლილება ან/და შემოსავლის გაზრდა არაპირდაპირი მეთოდით. ამასთან, შემოწმება დაეყრდნო კომპანიის მიერ ფინანსურ ანგარიშგებასა და 2021 წლის მარტის თვის მოგების გადასახადის დეკლარაციაში დაფიქსირებულ სმფ-ის ნაშთებს. ამასთან, გადამხდელის მიერ ფასნამატის ცვლილება არ იყო დოკუმენტურად დადასტურებული. გადაანგარიშების ფარგლებში, გადასახადის გადამხდელმა წარმოადგინა 2021 წლამდე არსებული ისეთი ხარჯების, მ.შ. მივლინებების, ავიაბილეთების, პროცენტის და სხვა ხარჯების რეესტრი და დოკუმენტები, რომლებზეც არ იყო პირველადი საგადასახადო დოკუმენტები გამოწერილი. აღნიშნული მონაცემებით (წინა პერიოდის ხარჯებით და შედარების აქტებით) შემცირდა ავანსის საწყისი ნაშთი. შესაბამისად, გადამხდელს შეუმცირდა მოგების გადასახადი და ჯარიმა.

● გადაანგარიშების ფარგლებში, გადამხდელის მიერ წარმოდგენილი ორმხრივად დამოწმებული დებიტორ/კრედიტორების მონაცემების შედეგად შემცირდა განკარგვადი თანხა. ამასთან, ახლადწარმოდგენილ საბუღალტრო პროგრამაში ასახული იყო გაცემული დივიდენდი. შესაბამისად, აღნიშნული თანხით შემცირდა განკარგვადი თანხა და გაცემული დივიდენდი დაიბეგრა მოგების და საშემოსავლო გადასახადებით. ასევე, გაანგარიშდა ჩასათვლელი თანხა 2017 წლამდე მიღებული და გადახდილი მოგების გადასახადის შესაბამისად. შედეგად, საწარმოს შეუმცირდა საშემოსავლო გადასახადი და ჯარიმა.

 

შემოსავლების სამსახურმა განიხილა წარმოდგენილი საჩივარი და მიიჩნია, რომ გადასახადის გადამხდელის მოთხოვნა არ უნდა დაკმაყოფილდეს შემდეგ გარემოებათა გამო:

საქართველოს საგადასახადო კოდექსის 302-ე მუხლის მე-6 ნაწილის თანახმად, დავის განმხილველ ორგანოებს უფლება აქვთ, საჩივარი განიხილონ დისტანციურად, ტექნიკურ საშუალებათა გამოყენებით. მათ ასევე უფლება აქვთ, საჩივარი განიხილონ მომჩივნის დაუსწრებლად, თუ საქმეში არსებული მასალებიდან სრულად დგინდება დავის საგანთან დაკავშირებული ფაქტობრივი გარემოებები.

 

საქართველოს საგადასახადო კოდექსის 304-ე მუხლის 21 ნაწილის თანახმად, თუ გასაჩივრებული გადაწყვეტილება/საგადასახადო მოთხოვნა გამოცემულია დავის განმხილველი ორგანოს მიერ მიღებული გადაწყვეტილების შესაბამისად, დავის განმხილველი ორგანო იღებს გადაწყვეტილებას საჩივრის დაკმაყოფილებაზე უარის თქმის შესახებ.

პირველ სადავო საკითხთან დაკავშირებით, შემოსავლების სამსახური აღნიშნავს, რომ გადასახადის გადამხდელის პრეტენზიები საფუძველს მოკლებულია, ვინაიდან აუდიტის დეპარტამენტს დავალებული ჰქონდა შეესწავლა გადამხდელის მიერ წარდგენილი, საჩივარში მითითებული არგუმენტაციის დოკუმენტურად დადასტურებული მტკიცებულებები, რაც აუდიტის დეპარტამენტის მიერ შესრულდა და შედეგად, გადამხდელს შეუმცირდა დარიცხული მოგების გადასახადი და ჯარიმა. კერძოდ, გადაანგარიშების ეტაპზე გადამხდელმა შემმოწმებელს წარუდგინა ბუღალტრული პროგრამა ორისში, 2021 წლის პირველი იანვრისა და 2024 წლის პირველი მარტის მდგომარეობით. აღნიშნული პროგრამის მონაცემებით, ფიქსირდებოდა 2021 წლის საწყისი ნაშთები, კერძოდ: ფულის ნაშთები სალაროსა და ბანკში, რაც საგადასახადო შემოწმების აქტში გათვალისწინებული იყო, ფიქსირდებოდა დებიტორ/კრედიტორების ნაშთები, რომლის ნაწილზეც გადამხდელმა წარადგინა შედარების აქტები, სმფ-ს ნაშთი, რომელიც აღრიცხული იყო ჯამურად და განსხვავდებოდა შემოწმების პერიოდში წარდგენილი მონაცემისგან, საგადასახადო ვალდებულებები, რომელიც არ ემთხვეოდა შემოსავლების სამსახურის გადასახადების ადმინისტრირების საინფორმაციო სისტემების მონაცემებს, სესხის ნაშთი და გაუნაწილებელი მოგების 2021 წლის საწყისი ნაშთი, რომელიც ასევე განსხვავდებოდა შემოწმების დროს ანალიზით დათვლილი მონაცემისგან (შემოწმების დროს, ხელთ არსებული მონაცემებით, კერძოდ ფინანსურ ანგარიშგებასა და მოგების გადასახადის დეკლარაციაში დაფიქსირებული სმფ-ს საწყისი ნაშთის, პირველადი საგადასახადო დოკუმენტებისა და დეკლარირებული მონაცემების შესაბამისად, გაანგარიშდა 2021 წლამდე დაგროვილი მოგება, რაც თანხვედრაში იყო გადამხდელის მიერ წარდგენილ ფინანსური ანგარიშგებაში დაფიქსირებულ მოგების მონაცემთან). გადამხდელის განმარტებით, შემოწმების მიერ დარიცხული ავანსის თანხა არ წარმოადგენდა ავანსს და განმარტავდა, რომ აღნიშნული თანხა არასწორად იყო ფინანსურ ანგარიშგებაში დაფიქსირებული და ეს თანხა გადანაწილებული იყო სხვადასხვა აქტივებში, მაგალითად სმფ-ის საწყის ნაშთსა და დებიტორებში. გადასახადის გადამხდელმა ახლადაღრიცხულ საბუღალტრო პროგრამაში დააკორექტირა სმფ-ის საწყისი ნაშთი, ვინაიდან მისი განმარტებით, შემოწმების დროს წარდგენილი ფასნამატი და საქონლის ჩამოწერები არ იყო სწორი და შემოწმების დროს წარდგენილ ახსნა-განმარტებაში დაფიქსირებული 80%-იანი ფასნამატის ნაცვლად, ფასნამატი იყო 55-60%. გადაანგარიშების ფარგლებში, აღნიშნულის გათვალისწინება ვერ მოხერხდა, ვინაიდან შემოწმების მიერ არ მომხდარა ფასნამატის ცვლილება ან/და შემოსავლის გაზრდა არაპირდაპირი მეთოდით. ამასთან, შემოწმება დაეყრდნო კომპანიის მიერ ფინანსურ ანგარიშგებასა და 2021 წლის მარტის თვის მოგების გადასახადის დეკლარაციაში დაფიქსირებულ სმფ-ის ნაშთებს. ამასთან, გადამხდელის მიერ ფასნამატის ცვლილება არ იყო დოკუმენტურად დადასტურებული. გარდა ამისა, გადაანგარიშების ფარგლებში, გადასახადის გადამხდელმა წარადგინა 2021 წლამდე არსებული ისეთი ხარჯების, მ.შ. მივლინებების, ავიაბილეთების, პროცენტის და სხვა ხარჯების რეესტრი და დოკუმენტები, რომლებზეც არ იყო პირველადი საგადასახადო დოკუმენტები გამოწერილი. აღნიშნული მონაცემებით (წინა პერიოდის ხარჯებით და შედარების აქტებით) შემცირდა ავანსის საწყისი ნაშთი, რამაც გამოიწვია მოგების გადასახადის შემცირება.

ასევე, შემოსავლების სამსახური აღნიშნავს, რომ შესამოწმებელი პერიოდის ბოლოს შემოწმებით გაანგარიშებული ფულის ნაშთის დირექტორზე გაცემულ ხელფასად დაკვალიფიცირებასთან დაკავშირებით, აუდიტის დეპარტამენტს დავალებული ჰქონდა გადამხდელის მიერ საჩივარში მითითებული არგუმენტაციის დოკუმენტურად დადასტურებული მტკიცებულებების შესწავლა, რაც აუდიტის დეპარტამენტის მიერ შესრულდა. კერძოდ, გადაანგარიშების ფარგლებში გადამხდელის მიერ წარდგენილი ორმხრივად დამოწმებული დებიტორ/კრედიტორების მონაცემების შედეგად შემცირდა განკარგვადი თანხა. ამასთან, ახლადწარმოდგენილ საბუღალტრო პროგრამაში ასახული იყო გაცემული დივიდენდი. შესაბამისად, აღნიშნული თანხით შემცირდა განკარგვადი თანხა და გაცემული დივიდენდი დაიბეგრა მოგების და საშემოსავლო გადასახადებით. ასევე, გაანგარიშდა ჩასათვლელი თანხა 2017 წლამდე მიღებული და გადახდილი მოგების გადასახადის შესაბამისად. შედეგად, საწარმოს შეუმცირდა საშემოსავლო გადასახადი და ჯარიმა.

მე-2 სადავო საკითხთან დაკავშირებით, შემოსავლების სამსახური აღნიშნავს, გადამხდელს სადავო საკითხად წარმოდგენილი აქვს ისეთი ფაქტობრივი გარემოებები, რომელიც არ გაუხდია სადავოდ თავდაპირველი საჩივრით და შესაბამისად, არ ყოფილა დავალებული აუდიტის დეპარტამენტისთვის შესასრულებლად.

 

ამასთან, შემოსავლების სამსახური აღნიშნავს, რომ მომჩივანს საგადასახადო დავის ეტაპზე არ წარმოუდგენია რაიმე დოკუმენტაცია/მტკიცებულება, რომელიც შეცვლიდა საგადასახადო შემოწმების შედეგების გადაანგარიშებაზე გამოცემულ დასკვნაში ასახულ ფაქტობრივ გარემოებებს.

საქმეზე არსებული მტკიცებულებების, აუდიტის დეპარტამენტის დასკვნისა და შესაბამისად, განხორციელებული გადაანგარიშების შედეგებზე დაყრდნობით, შემოსავლების სამსახურმა მიიჩნია, რომ შემოსავლების სამსახურის გადაწყვეტილების აღსრულება განხორციელებულია საქმისთვის არსებითი მნიშვნელობის მქონე ყველა გარემოებების გამოკვლევის/შესწავლის საფუძველზე, გასაჩივრებული ადმინისტრაციული აქტის შინაარსი შეესაბამება დავის განხილვისას მიღებულ გადაწყვეტილებას და არ არსებობს წარმოდგენილი საჩივრის დაკმაყოფილების სამართლებრივი საფუძველი.

 

საქართველოს საგადასახადო კოდექსის 304-ე მუხლის საფუძველზე,ვ ბ რ ძ ა ნ ე ბ :

 

1. შპს „-------“-ის (ს/ნ -------) საჩივარი არ დაკმაყოფილდეს;

2. აღნიშნული ბრძანება შეიძლება გასაჩივრდეს საქართველოს ფინანსთა სამინისტროსთან არსებულ დავების განხილვის საბჭოში (მის.: ქ. თბილისი, ვახტანგ გორგასლის ქ. №16) ან სასამართლოში (მის.: ქ. თბილისი, დავით აღმაშენებლის ხეივანი №64), საქართველოს საგადასახადო კოდექსის XIV კარით დადგენილი წესის შესაბამისად, ამ ბრძანების ჩაბარებიდან 20 კალენდარული დღის ვადაში.

 

სადავო საკითხები:

1. მომჩივანი ითხოვს მოგების გადასახადში დარიცხული თანხების შემცირებას.

2. გადასახადის გადამხდელი ითხოვს სადავო საგადასახადო მოთხოვნით განსაზღვრული ჯარიმა-საურავის პატიებას.

 

ფაქტობრივი გარემოებები

გადასახადის გადამხდელმა წარმოდგინა ბუღალტრული პროგრამის მონაცემები, ახლადაღრიცხულ საბუღალტრო პროგრამაში დააკორექტირა სმფ-ის საწყისი ნაშთი, ვინაიდან მისი განმარტებით, შემოწმების დროს წარდგენილი ფასნამატი და საქონლის ჩამოწერები არ იყო სწორი და შემოწმების დროს წარდგენილ ახსნა-განმარტებაში დაფიქსირებული 80%-იანი ფასნამატის ნაცვლად, ფასნამატი იყო 55-60%. გადაანგარიშების ფარგლებში, აღნიშნულის გათვალისწინება ვერ მოხერხდა. ამასთან, შემოწმება დაეყრდნო კომპანიის მიერ ფინანსურ ანგარიშგებასა და 2021 წლის მარტის თვის მოგების გადასახადის დეკლარაციაში დაფიქსირებულ სმფ-ის ნაშთებს. ამასთან, გადამხდელის მიერ ფასნამატის ცვლილება არ იყო დოკუმენტურად დადასტურებული. გადაანგარიშების ფარგლებში, გადასახადის გადამხდელმა წარმოადგინა 2021 წლამდე არსებული ისეთი ხარჯების, მ.შ. მივლინებების, ავიაბილეთების, პროცენტის და სხვა ხარჯების რეესტრი და დოკუმენტები, რომლებზეც არ იყო პირველადი საგადასახადო დოკუმენტები გამოწერილი. აღნიშნული მონაცემებით შემცირდა ავანსის საწყისი ნაშთი. შესაბამისად, გადამხდელს შეუმცირდა მოგების გადასახადი და ჯარიმა. გადაანგარიშების ფარგლებში, გადამხდელის მიერ წარმოდგენილი ორმხრივად დამოწმებული დებიტორ/კრედიტორების მონაცემების შედეგად შემცირდა განკარგვადი თანხა. ამასთან, ახლადწარმოდგენილ საბუღალტრო პროგრამაში ასახული იყო გაცემული დივიდენდი. შესაბამისად, აღნიშნული თანხით შემცირდა განკარგვადი თანხა და გაცემული დივიდენდი დაიბეგრა მოგების და საშემოსავლო გადასახადებით. ასევე, გაანგარიშდა ჩასათვლელი თანხა 2017 წლამდე მიღებული და გადახდილი მოგების გადასახადის შესაბამისად. შედეგად, საწარმოს შეუმცირდა საშემოსავლო გადასახადი და ჯარიმა.

მე-2 სადავო საკითხთან დაკავშირებით, შემოსავლების სამსახური აღნიშნავს, გადამხდელს სადავო საკითხად წარმოდგენილი აქვს ისეთი ფაქტობრივი გარემოებები, რომელიც არ გაუხდია სადავოდ თავდაპირველი საჩივრით და შესაბამისად, არ ყოფილა დავალებული აუდიტის დეპარტამენტისთვის შესასრულებლად.

 

გადაწყვეტილება

საქმეზე არსებული მტკიცებულებების, აუდიტის დეპარტამენტის დასკვნისა და შესაბამისად, განხორციელებული გადაანგარიშების შედეგებზე დაყრდნობით, შემოსავლების სამსახურმა მიიჩნია, რომ შემოსავლების სამსახურის გადაწყვეტილების აღსრულება განხორციელებულია საქმისთვის არსებითი მნიშვნელობის მქონე ყველა გარემოებების გამოკვლევის/შესწავლის საფუძველზე, გასაჩივრებული ადმინისტრაციული აქტის შინაარსი შეესაბამება დავის განხილვისას მიღებულ გადაწყვეტილებას და არ არსებობს საჩივრის დაკმაყოფილების სამართლებრივი საფუძველი.

 

დასაბუთება

შემოსავლების სამსახურის დავების განხილვის საბჭო გადაწყვეტილების დასაბუთებისას ეყრდნობა საქართველოს საგადასახადო კოდექსის შემდეგ ნორმებს: 304(21)