განაჩენი

სისხლის სამართლის 16.12.2018

საქმის ნომერი

080100113002803516

სასამართლო

ქუთაისის საქალაქო სასამართლო

ინსტანცია

პირველი ინსტანცია

კატეგორია

სისხლის სამართლის

დავის ტიპი

332 2 , 332 1 , 375

თარიღი

16.12.2018

📄 PDF გადმოწერა 🔗 info.court.ge

გადაწყვეტილების ტექსტი

გ ა ნ ა ჩ ე ნ ი

საქართველოს სახელით

შესავალი ნაწილი

ქუთაისის საქალაქო სასამართლო

საქმის №1/777-13 16.12.2018 წელი ქუთაისი

მოსამართლე ციცინო მოსიძე

სხდომის მდივანი ბორენა იობიძე

სხდომის სახე ღია

ბრალდების მხარე

პროკურორი: ქ------------–------

დაცვის მხარე

1. ბრალდებული: მ--–-------–-------------------- (მონაწილეობის გარეშე)

დაბადების თარიღი: 2--------- წელი

პირადი ნომერი: 0----------

მოქალაქეობა: საქართველოს მოქალაქე

განათლება: უ-----–---

ოჯახური მდგომარეობა: დაოჯახებული

ნასამართლეობა: არმქონე

მცხოვრები: ქ. თბილისი, ა-----–------------–------ N4

ადვოკატი: დ--–------–-----–---

კვალიფიკაცია: საქართველოს სისხლის სამართლის კოდექსის 375-ე მუხლი

2. ბრალდებული: თ-------------------------------

დაბადების თარიღი: 1--------- წელი

პირადი ნომერი: 3----------

მოქალაქეობა: საქართველოს მოქალაქე

განათლება: უ-----–---

ოჯახური მდგომარეობა: დაოჯახებული

ნასამართლეობა: არმქონე

მცხოვრები: სამტრედიის რაიონი, სოფელი ე–----

ადვოკატი: გ-------------–-–---–-

კვალიფიკაცია: საქართველოს სისხლის სამართლის კოდექსის 375-ე მუხლი

3. ბრალდებული: ი-–-----------------–--–-–---–-

დაბადების თარიღი: 1--------- წელი

პირადი ნომერი: 0----------

მოქალაქეობა: საქართველოს მოქალაქე

განათლება: უ-----–---

ოჯახური მდგომარეობა: დაოჯახებული

ნასამართლეობა: არმქონე

მცხოვრები: ქ. თბილისი, ლ--–-----------–---, კვარტალი 4, კორპ. N12, ბინა N66

ადვოკატი: დ------------

კვალიფიკაცია: საქართველოს სისხლის სამართლის კოდექსის 332-ე მუხლის პირველი ნაწილი და სსკ-ის 375-ე მუხლი

4. ბრალდებული: ი------------–------------------

დაბადების თარიღი: 2--------- წელი

პირადი ნომერი: 6----------

მოქალაქეობა: საქართველოს მოქალაქე

განათლება: უ-----–---

ოჯახური მდგომარეობა: დაოჯახებული

ნასამართლეობა: არმქონე

მცხოვრები: ქ. თბილისი, ვ---------–---, მე-3 მ/რ, კორპ. N304, ბინა N55

ადვოკატი: კ-----------–------

5. ბრალდებული: ა-–--------------------------------–---–-

დაბადების თარიღი: 1--------- წელი

პირადი ნომერი: 5----------

მოქალაქეობა: საქართველოს მოქალაქე

განათლება: უ-----–---

ოჯახური მდგომარეობა: დაოჯახებული

ნასამართლეობა: არმქონე

მცხოვრები: ხონის რაიონი სოფელი კ----

ადვოკატი: ი-------------------

კვალიფიკაცია: საქართველოს სისხლის სამართლის კოდექსის 332-ე მუხლის პირველი ნაწილი

6. ბრალდებული: გ------------------------------

დაბადების თარიღი: 16.0------ წელი

პირადი ნომერი: 0----------

მოქალაქეობა: საქართველოს მოქალაქე

განათლება: უ-----–---

ოჯახური მდგომარეობა: დაოჯახებული

ნასამართლეობა: არმქონე

მცხოვრები: ბაღდათის რაიონი, სოფელი ფ--------

ადვოკატი: თ----------------

სისხლის სამართლის საქმე: №088090913801

აღწერილობით-სამოტივაციო ნაწილი:

სასამართლომ დაადგინა:

1.1. მ--–----------------- ჩაიდინა დანაშაულის დაფარვა, რაც გამოიხატა შემდეგში:

სასჯელაღსრულების დეპარტამენტის თავმჯდომარის 2012 წლის 30 ოქტომბრის N1333 პ/შ ბრძანებით მ--–---------------- დაინიშნა ს-------------------------------------–-------–----------------------

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან სასჯელის მოხდის მიზნით სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალური ავტორიტეტი - მსჯავრდებული შ----------------- (მეტსახელად „ბულდოგა“). ეს უკანასკნელი თავისი კრიმინალური ავტორიტეტის გამოყენებით შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში. კერძოდ, ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–- (მეტსახელად „გორსკი“). მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და მომხდარისათვის სამართლებრივი შეფასების ნაცვლად რეაგირება არ მოახდინეს.

სად-ის N14 დაწესებულების თანამშრომლების ამგვარი დამოკიდებულებით წახალისებულმა კრიმინალურმა ავტორიტეტებმა - შ-----------------მ და გი-------–------–---–-- ე.წ. „კრიმინალური ავტორიტეტისათვის“ ხელის დარტყმის გამო - რაც კრიმინალურ სამყაროში დამკვიდრებული წესების მიხედვით მკაცრად ისჯება - ლ--------------- ძალის გამოყენებით წაიყვანეს მეექვსე კორპუსის მესამე სართულზე მდებარე N338 საკანში, სადაც სხვა კრიმინალურ ავტორიტეტებთან - ს---–----------–--------, გ--–----–-------- (მეტსახელად „გალსკი“) და თ-----------------–-------- (მეტსახელად „რუბენიჩი“) ერთად სცემეს ლ---------------.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისთვის, კერძოდ ი-------------------, ი-–---–--–-–---–--, გ-------------- და ა-–------------------–---–--------, რომლებმაც, მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება, ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად.

N338 საკანში ცემიდან რამდენიმე წუთში, ლ---------------სთან, რომელიც იმ პერიოდისათვის იმყოფებოდა მე-6 კორპუსის მეოთხე სართულზე, მივიდა კრიმინალური ავტორიტეტი ლ-–----------–---- ასევე ავტორიტეტებთან - გ--------–------–---–----, შ-----------------სთან, ს---–----------–--------, გ--–----–--------, თ-----------------–-------- და ნ----------------------- (მეტსახელად „რიჟა“) ერთად, რომლებმაც ლ--------------- გაიხმეს N336 საკანში, სადაც იგივე მიზეზით - „კრიმინალური ავტორიტეტისათვის“ ფიზიკური შეურაცხყოფის გამო, ხელებითა და ფეხებით, ასევე ელექტრო ჩაიდანისა და ვენტილატორის მყარი დეტალის გამოყენებით, ცემეს ლ---------------. ამ შემთხვევაშიც ი-–---–--–-–---–--, ი-------------------, გ------------- და ა-–------------------–---–-- ზემოთდასახელებული მიზნით - ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმარებს შორის დაწყებული და განვითარებული კონფლიქტის აღსაკვეთად, რითაც მოძალადე პატიმრებს საშუალება მიეცათ დაუწერელი კრიმინალური წესების დარღვევისათვის ეცემათ ლ---------------. ძალადობის შედეგად მძიმედ დაშავებული ლ--------------- გადაყვანილი იქნა სამედიცინო დაწესებულებაში სასწრაფო დახმარების მიერ, სადაც იგი გარდაიცვალა.

მომხდარი დანაშაულის დეტალები ცნობილი გახდა სად-ის N14 დაწესებულების დირექტორ მ--–-----------------------, რომელმაც დაწესებულების სხვა თანამშრომლებთან - დირექტორის მოადგილე ი-----------------------, ასევე უსაფრთხოების სამსახურის ინსპექტორებთან - ი-–---–--–-–---–---- და თ--------------------- შეთანხმებით, განიზრახა გამოძიება დაეყენებია არასწორ კვალზე და დანაშაულის დაფარვის გზით, როგორც ლ---------------ზე მოძალადე, განსაკუთრებით მძიმე დანაშაულის ჩამდენი პატიმრებისთვის, ასევე დაწესებულების თანამშრომლებისთვის აეცილებია მოსალოდნელი პასუხისმგებლობა.

მიზნის მისაღწევად, მ--–----------------- უშუალო მითითებით, ი-–---–--–-–---–-- დაწესებულების რამდენიმე თანამშრომელთან შეთანხმებით 2013 წლის 12 მაისს, შეადგინა ყალბი შინაარსის ოქმი, რომლის მიხედვით თითქოს ლ---------------მ დაზიანება მიიღო მეორე სართულის კიბიდან გადმოვარდნით. ამასთან, მ--–----------------სთან შეთანხმებით, მოქმედებდა რა დანაშულის დაფარვის განზრახვით, ი------------------- ტელეფონის მეშვეობით შეატყობინა სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტის დასავლეთის სამმართველოს გამომძიებელს ლ---------------ს სხეულის დაზიანების შესახებ, თუმცა დანაშაულის დაფარვის მიზნით განმარტა, რომ ლ---------------მ დაზიანებები კიბეზე დაგორების შედეგად მიიღო.

1.2. თ----------------- ჩაიდინა დანაშაულის დაფარვა, რაც გამოიხატა შემდეგში:

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან სასჯელის მოხდის მიზნით სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალურ ავტორიტეტი - მსჯავრდებული შ----------------- (მეტსახელად „ბულდოგა“). ეს უკანასკნელი თავისი კრიმინალური ავტორიტეტის გამოყენებით შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში, კერძოდ ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–- (მეტსახელად „გორსკი“). მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და მომხდარისათვის სამართლებრივი შეფასების ნაცვლად რეაგირება არ მოახდინეს.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისთვის, კერძოდ, ი-------------------, ი-–---–--–-–---–--, გ-------------- და ა-–------------------–---–--------, რომლებმაც, მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება, ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად.

მომხდარი დანაშაულის დეტალები ცნობილი გახდა სად-ის N14 დაწესებულების დირექტორ მ--–-----------------------. დაწესებულების დირექტორის მოადგილე ი------------------- და მ--–----------------- ერთობლივად განიზრახეს გამოძიება დაეყენებიათ არასწორ კვალზე და დანაშაულის დაფარვის გზით, როგორც ლ---------------ზე მოძალადე, განსაკუთრებით მძიმე დანაშაულის ჩამდენი პატიმრებისთვის, ასევე დაწესებულების თანამშრომლებისთვის აეცილებიათ მოსალოდნელი პასუხისმგებლობა.

მიზნის მისაღწევად, მ--–----------------- უშუალო მითითებით, ი-–---–--–-–---–-- თ--------------------- შეთანხმებით, 2013 წლის 12 მაისს შეადგინა ყალბი შინაარსის ოქმი, რომლის მიხედვით თითქოს ლ---------------მ დაზიანება მიიღო მეორე სართულის კიბიდან გადმოვარდნით. ამასთან, მ--–----------------სთან შეთანხმებით, მოქმედებდა რა დანაშულის დაფარვის განზრახვით, ი------------------- ტელეფონის მეშვეობით შეატყობინა სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტის დასავლეთის სამმართველოს გამომძიებელს ლ---------------ს სხეულის დაზიანების შესახებ, თუმცა დანაშაულის დაფარვის მიზნით განმარტა, რომ ლ---------------მ დაზიანებები კიბეზე დაგორების შედეგად მიიღო.

აღნიშნულის შემდეგ, 2013 წლის 13 მაისს, დაახლოებით 01:30 საათისათვის, სად-ის N14 დაწესებულებაში, დაზიანების ფაქტზე მიმდინარე გამოძიების ფარგლებში შემთხვევის ადგილის დათვალიერების მიზნით მისულ გამომძიებელს, თ----------------- და ი-–---–--–-–---–-- ლ---------------ს მიმართ განხორციელებული განსაკუთრებით მძიმე დანაშაულის დაფარვის მიზნით, შეთანხმებისამებრ, განზრახ არასწორად მიუთითეს ლ---------------ს სხეულის დაზიანების ადგილი, განუცხადეს, რომ მსჯავრდებულმა დაზიანებები მიიღო მეორე სართულის კიბიდან დაგორების შედეგად, ამასთან ხელმოწერით დაადასტურეს საგამოძიებო მოქმედების ოქმი.

1.3. ი-–---–--–-–---–-- ჩაიდინა სამსახურებრივი უფლებამოსილების ბოროტად გამოყენება და დანაშაულის დაფარვა, რაც გამოიხატა შემდეგში:

სასჯელაღსრულების დეპარტამენტის N14 ნახევრად ღია ტიპის დაწესებულების დირექტორის 2012 წლის 09 ნოემბრის ბრძანებით, ი-–---–--–-–---–- დაინიშნა ამავე დაწესებულების უ--------------------------–--------------------- შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 30 მაისის N97 ბრძანებით დამტკიცებული თავისუფლების აღკვეთის დებულებების მეექვსე მუხლის მიხედვით, ი-–---–--–-–---–-, როგორც დაწესებულების უსაფრთხოების განყოფილების ინსპექტორს, სხვა დანარჩენთან ერთად, დაწესებულების მსჯავრდებულთა უსაფრთხოების უზრუნველყოფა, მომხდარი დანაშაულის გამოვლენა- აღკვეთა და დანაშაულის მზადების სტადიაში აცილება ევალებოდა.

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან სასჯელის მოხდის მიზნით სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალური ავტორიტეტი - მსჯავრდებული შ----------------- (მეტსახელად „ბულდოგა“). ეს უკანასკნელი თავისი კრიმინალური ავტორიტეტის გამოყენებით შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში, კერძოდ, ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–- (მეტსახელად „გორსკი“). მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და არ მოახდინეს სამართლებრივი რეაგირება.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისთვის, კერძოდ, ი-–---–--–-–---–--, ი-------------------, გ-------------- და ა-–------------------–---–--------, რომლებმაც, მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება, ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად.

N338 საკანში ცემიდან რამდენიმე წუთში, ლ---------------სთან, რომელიც იმ პერიოდისათვის იმყოფებოდა მე-6 კორპუსის მეოთხე სართულზე, მივიდა კრიმინალური ავტორიტეტი ლ-–----------–---- ასევე ავტორიტეტებთან - გ--------–------–---–----, შ-----------------სთან, ს---–----------–--------, გ--–----–--------, თ-----------------–-------- და ნ----------------------- (მეტსახელად „რიჟა“) ერთად, რომლებმაც ლ--------------- გაიხმეს N336 საკანში, სადაც იგივე მიზეზით - „კრიმინალური ავტორიტეტისათვის“ ფიზიკური შეურაცხყოფის გამო, ხელებითა და ფეხებით, ასევე ელექტრო ჩაიდანისა და ვენტილატორის მყარი დეტალის გამოყენებით, ცემეს ლ---------------. ამ შემთხვევაშიც ი-–---–--–-–---–--, ი-------------------, გ------------- და ა-–------------------–---–-- ზემოთდასახელებული მიზნით - ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად, რითაც მოძალადე პატიმრებს საშუალება მიეცათ დაუწერელი კრიმინალური წესების დარღვევისათვის ეცემათ ლ---------------. ძალადობის შედეგად მძიმედ დაშავებული ლ--------------- გადაყვანილი იქნა სამედიცინო დაწესებულებაში სასწრაფო დახმარების მიერ, სადაც იგი გარდაიცვალა.

1.4. ი------------------- ჩაიდინა სამსახურებრივი უფლებამოსილების ბოროტად გამოყენება და დანაშაულის დაფარვა, რაც გამოიხატა შემდეგში:

სასჯელაღსრულების დეპარტამენტის თავმჯდომარის 2012 წლის 05 ნოემბრის N1365 პ/შ ბრძანებით ი------------------ დაინიშნა ს-------------------------------------–-------–------------------------------–---. შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 30 მაისის N97 ბრძანებით დამტკიცებული თავისუფლების აღკვეთის დებულების მეორე მუხლის მიხედვით, თავისუფლების აღკვეთის დაწესებულების ამოცანა სხვა დანარჩენთან ერთად დაწესებულებაში მართლწესრიგისა და კანონიერების, ასევე მსჯავრდებულთა უსაფრთხოების უზრუნველყოფაა.

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან სასჯელის მოხდის მიზნით სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალური ავტორიტეტი - მსჯავრდებული შ----------------- (მეტსახელად „ბულდოგა“). ეს უკანასკნელი თავისი კრიმინალური ავტორიტეტის გამოყენებით შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში, კერძოდ ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–- (მეტსახელად „გორსკი“). მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და მომხდარისათვის სამართლებრივი შეფასების ნაცვლად რეაგირება არ მოახდინეს.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისთვის, კერძოდ, ი-------------------, ი-–---–--–-–---–--, გ-------------- და ა-–------------------–---–--------, რომლებმაც, მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება, ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად.

N338 საკანში ცემიდან რამდენიმე წუთში, ლ---------------სთან, რომელიც იმ პერიოდისათვის იმყოფებოდა მე-6 კორპუსის მეოთხე სართულზე, მივიდა კრიმინალური ავტორიტეტი ლ-–----------–---- ასევე ავტორიტეტებთან - გ--------–------–---–----, შ-----------------სთან, ს---–----------–--------, გ--–----–--------, თ-----------------–-------- და ნ----------------------- (მეტსახელად „რიჟა“) ერთად, რომლებმაც ლ--------------- გაიხმეს N336 საკანში, სადაც იგივე მიზეზით - „კრიმინალური ავტორიტეტისათვის“ ფიზიკური შეურაცხყოფის გამო, ხელებითა და ფეხებით, ასევე ელექტრო ჩაიდანისა და ვენტილატორის მყარი დეტალის გამოყენებით, ცემეს ლ---------------. ამ შემთხვევაშიც ი-------------------, ი-–---–--–-–---–--, გ------------- და ა-–------------------–---–-- ზემოთდასახელებული მიზნით - ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად, რითაც მოძალადე პატიმრებს საშუალება მიეცათ დაუწერელი კრიმინალური წესების დარღვევისათვის ეცემათ ლ---------------. ძალადობის შედეგად მძიმედ დაშავებული ლ--------------- გადაყვანილი იქნა სამედიცინო დაწესებულებაში სასწრაფო დახმარების მიერ, სადაც იგი გარდაიცვალა.

1.5. ა-–------------------–---–-- ჩაიდინა სამსახურებრივი უფლებამოსილების ბოროტად გამოყენება, რაც გამოიხატა შემდეგში:

სასჯელაღსრულების დეპარტამენტის N14 ნახევრად ღია ტიპის დაწესებულების დირექტორის 2012 წლის 18 ოქტომბრის ბრძანებით, ა-–------------------–---–- დაინიშნა ამავე დაწესებულების ს--------–-----------–---------------–------------------- თანამდებობაზე. შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

2013 წლის 12 მაისს, დილის 10:00 საათიდან, მომდევნი დღის 10:00 საათამდე ა-–------------------–---–- გამწესდა სად-ის N14 დაწესებულების მეექვსე კორპუსის მესამე სართულზე. დაკისრებული მოვალეობებიდან გამომდინარე მას ევალებოდა საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 30 მაისის N97 ბრძანებით დამტკიცებული თავისუფლების აღკვეთის დებულებების მოთხოვნების დაცვა.

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან სასჯელის მოხდის მიზნით სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალური ავტორიტეტი - მსჯავრდებული შ----------------- (მეტსახელად „ბულდოგა“). ეს უკანასკნელი თავისი კრიმინალური ავტორიტეტის გამოყენებით შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში, კერძოდ ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–- (მეტსახელად „გორსკი“). მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და არ მოახდინეს სამართლებრივი რეაგირება.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისთვის, კერძოდ ა-–------------------–---–-ს, ი-------------------, გ-------------- და ი-–---–--–-–---–--ათვის, რომლებმაც, მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება, ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად.

N338 საკანში ცემიდან რამდენიმე წუთში, ლ---------------სთან, რომელიც იმ პერიოდისათვის იმყოფებოდა მე-6 კორპუსის მეოთხე სართულზე, მივიდა კრიმინალური ავტორიტეტი ლ-–----------–---- ასევე ავტორიტეტებთან - გ--------–------–---–----, შ-----------------სთან, ს---–----------–--------, გ--–----–--------, თ-----------------–-------- და ნ----------------------- (მეტსახელად „რიჟა“) ერთად, რომლებმაც ლ--------------- გაიხმეს N336 საკანში, სადაც იგივე მიზეზით - „კრიმინალური ავტორიტეტისათვის“ ფიზიკური შეურაცხყოფის გამო, ხელებითა და ფეხებით, ასევე ელექტრო ჩაიდანისა და ვენტილატორის მყარი დეტალის გამოყენებით, ცემეს ლ---------------. ამ შემთხვევაშიც ა-–------------------–---–--, ი-------------------, გ------------- და ი-–---–--–-–---–--, ზემოთდასახელებული მიზნით - ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად, რითაც მოძალადე პატიმრებს საშუალება მიეცათ დაუწერელი კრიმინალური წესების დარღვევისათვის ეცემათ ლ---------------. ძალადობის შედეგად მძიმედ დაშავებული ლ--------------- გადაყვანილი იქნა სამედიცინო დაწესებულებაში სასწრაფო დახმარების მიერ, სადაც იგი გარდაიცვალა.

1.6. გ------------- ჩაიდინა სამსახურებრივი უფლებამოსილების ბოროტად გამოყენება, რაც გამოიხატა შემდეგში:

სასჯელაღსრულების დეპარტამენტის N14 ნახევრად ღია ტიპის დაწესებულების დირექტორის 2012 წლის 18 დეკემბრის ბრძანებით, გ------------ დაინიშნა ამავე დაწესებულების სოციალური განყოფილების ს--–---–---------–---- თანამდებობაზე. შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

2013 წლის 12 მაისს, დილის 10:00 საათიდან, მომდევნო დღის 10:00 საათამდე გ------------ გამწესდა სად-ის N14 დაწესებულების მეექვსე კორპუსის მესამე სართულზე. დაკისრებული მოვალეობებიდან გამომდინარე მას ევალებოდა საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 30 მაისის N97 ბრძანებით დამტკიცებული თავისუფლების აღკვეთის დებულებების მოთხოვნების დაცვა.

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან სასჯელის მოხდის მიზნით სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალური ავტორიტეტი - მსჯავრდებული შ----------------- (მეტსახელად „ბულდოგა“). ეს უკანასკნელი თავისი კრიმინალური ავტორიტეტის გამოყენებით შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში, კერძოდ ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–- (მეტსახელად „გორსკი“). მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და არ მოახდინეს სამართლებრივი რეაგირება.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისთვის, კერძოდ გ-------------, ი-------------------, ა-–------------------–---–-სა და ი-–---–--–-–---–--ათვის, რომლებმაც, მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება, ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად.

N338 საკანში ცემიდან რამდენიმე წუთში, ლ---------------სთან, რომელიც იმ პერიოდისათვის იმყოფებოდა მე-6 კორპუსის მეოთხე სართულზე, მივიდა კრიმინალური ავტორიტეტი ლ-–----------–---- ასევე ავტორიტეტებთან - გ--------–------–---–----, შ-----------------სთან, ს---–----------–--------, გ--–----–--------, თ-----------------–-------- და ნ----------------------- (მეტსახელად „რიჟა“) ერთად, რომლებმაც ლ--------------- გაიხმეს N336 საკანში, სადაც იგივე მიზეზით - „კრიმინალური ავტორიტეტისათვის“ ფიზიკური შეურაცხყოფის გამო, ხელებითა და ფეხებით, ასევე ელექტრო ჩაიდანისა და ვენტილატორის მყარი დეტალის გამოყენებით, ცემეს ლ---------------. ამ შემთხვევაშიც გ-------------, ი-------------------, ა-–------------------–---–-- და ი-–---–--–-–---–--, ზემოთდასახელებული მიზნით - ე.წ. ,,კრიმინალურ ავტორიტეტებთან“ ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------სა და სხვა პატიმრებს შორის დაწყებული და განვითარებული კონფლიქტის აღსაკვეთად, რითაც მოძალადე პატიმრებს საშუალება მიეცათ დაუწერელი კრიმინალური წესების დარღვევისათვის ეცემათ ლ---------------. ძალადობის შედეგად მძიმედ დაშავებული ლ--------------- გადაყვანილი იქნა სამედიცინო დაწესებულებაში სასწრაფო დახმარების მიერ, სადაც იგი გარდაიცვალა.

2. ქმედების სამართლებრივი აღწერა:

2.1. 2013 წლის 30 ოქტომბრის წინასასამართლო სხდომაზე სასამართლომ მოისმინა ბრალდების მხარისა და დაცვის მხარის მოსაზრებები, გაეცნო წარმოდგენილ მტკიცებულებებს და ბრალდების მტკიცებულებები საკმარისად მიიჩნია ვარაუდისათვის, რომ ალბათობის მაღალი ხარისხით ბრალდებულების თ----------------ს, ი-–---–--–-–---–--, ი-------------------, ა-–------------------–---–-ს, გ------------- და მ--–----------------- მიმართ გამოტანილი იქნებოდა გამამტყუნებელი განაჩენი. (იხ. წინასასამართლო სხდომის ოქმი).

2.2. საქმის არსებითი განხილვის დროს ბრალდებულმა თ----------------- სრულად ცნო თავი დამნაშავედ წარდგენილ ბრალდებაში. ბრალდებულმა ი-–---–--–-–---–-- ნაწილობრივ ცნო თავი დამნაშავედ წარდგენილ ბრალდებაში, კერძოდ, დანაშაულის დაფარვაში. ხოლო ბრალდებულებმა ი-------------------, ა-–------------------–---–-- და გ------------- თავი არ ცნეს დამნაშავედ წარდგენილ ბრალდებაში. ბრალდებულმა მ--–----------------- თავი აარიდა სასამართლოში გამოცხადებას, ხოლო მისი ინტერესების დამცველმა ადვოკატმა მოითხოვა მისი უდანაშაულოდ ცნობა.

სასამართლო სხდომებზე გამოკვლეული მტკიცებულებებით დადგენილი იქნა შემდეგი გარემოებები:

2.3. გამოძიების დაწყების აღრიცხვის ბარათით დადგენილია, რომ (ფორმა N1) - 2013 წლის 12 მაისს სასჯელაღსრულების დეპარტამენტის N14 ნახევრად ღია ტიპის დაწესებულებაში მოთავსებულმა მსჯავრდებულმა ლ---------------მ სხეულზე მიიღო მძიმე დაზიანება. კვალიფიკაცია: სისხლის სამართლის კოდექსის 118-ე მუხლის პირველი ნაწილი.

2.4. გამოძიების დაწყების საფუძველი გახდა 2013 წლის 12 მაისს 23:17 საათზე სასჯელაღსრულების დეპარტამენტის N14 დაწესებულების დირექტორის მოადგილის ი-------------------აგან ელსმენით მიღებული ზეპირი ცნობა დანაშაულის შესახებ, მასზედ, რომ 2013 წლის 12 მაისს დაახლოებით 21:40 საათზე სასჯელაღსრულების დეპარტამენტის N14 დაწესებულებაში შემოყვანილმა მსჯავრდებულმა ლ---------------მ კიბეზე დაგორების შედეგად სხეულზე მიიღო დაზიანებები.

2.5. 2013 წლის 12 მაისის ოქმით დადგენილია, რომ გეგუთის N14 დაწესებულების უსაფრთხოების განყოფილების ინსპექტორმა ი/მაიორმა ი. შ--–-–---–--- ამავე განყოფილების ინსპექტორმა უფ/ლეიტენანტმა ი. ნ---------, რეჟიმის განყოფილების ინსპექტორ-კონტროლიორმა თ. ო--------–----, მსჯავრდებულების: ზ----------–----------, გ--------–------–---–-ს, მ--------–-----–----, რ----–--------------- და გ--–----–------ თანდასწრებით შეადგინეს ოქმი მასზედ, რომ ზ/აღნიშნული მსჯავრდებულების სიტყვიერი გადმოცემით დაახლოებით 21:40 საათზე N6 სარეჟიმო კორპუსის 222-ე საკნის მსჯავრდებული კ-----------–-------------- ძე, მეორე სართულზე კიბეებზე ასვლისას მას შემდეგ, რაც მან აიარა ყველა საფეხური, ბოლო საფეხურზე გაუცურდა ფეხი და დაეცა თავით და კიბის ბოლო ქვედა საფეხურამდე ჩამოვიდა გორაობით, რის შემდეგაც მან მიიღო დაზიანებები თავის არეში. ყოველივე ამის შემდეგ მათ მიერ მსჯავრდებული კ--------- ლ----- გადაყვანილი იქნა სამედიცინო ნაწილში დახმარების აღმოსაჩენად.

ოქმი წაკითხულ იქნა ხმამაღლა და ხელის მოწერით დაადასტურეს: ი. შ--–-–---–--- თ. ნ---------, თ. ო--------–----, ზ. მ--–----------, გ. შ------–---–--, გ. წ-----–----, რ. გ---------- და გ. უ–-----ა.

2.6. 2013 წლის 20 მაისს N14 დაწესებულების დირექტორმა, იუსტიციის პოლკოვნიკმა მ. ს----------- სასჯელაღსრულების დეპარტამენტის თავმჯდომარეს მ-----–-------–----- წერილობით მოახსენა, რომ 12 მაისს N6 ს.ა. დაწესებულებიდან N14 დაწესებულებაში სხვებთან ერთად ეტაპირებული იქნა მსჯავრდებული ლ------------- ძე კ---------. სარეჟიმო კორპუსში განაწილების შემდეგ, მათ მიერ მოპოვებული ჯერჯერობით დაუდასტურებელი ინფორმაციის თანახმად, სავარაუდოდ კონკრეტულ მსჯავრდებულთან ურთიერთშელაპარაკებისა და ფიზიკური შეხლა-შემოხლის შემდეგ, მსჯავრდებული ლ. კ--------- დაეცა და ჩაგორდა კორპუსის საფეხურებზე, რის გამოც მიიღო დაზიანება სხეულის სხვადასხვა ადგილზე და განსაკუთრებით თავის არეში. მითითებულ მსჯავრდებულს დაუყოვნებლივ აღმოეჩინა პირველადი სამედიცინო დახმარება და გადაყვანილი იქნა ქალაქის სამედიცინო დაწესებულებაში. აღნიშნულ ფაქტთან დაკავშირებით კონკრეტულ შესაძლო დამნაშავე პირის ან პირთა და ფაქტობრივი გარემოებების დაზუსტების მიზნით მათი ძალებით აგრძელებენ მუშაობას და შედეგების შესახებ ეცნობებოდათ დამატებით.

2.7. გამოძიებით დადგენილი იქნა, რომ 2013 წლის 12 მაისს რუსთავის N6 დაწესებულებიდან გეგუთის მე-14 დაწესებულებაში შემოყვანილ იქნა სულ 64 მსჯავრდებული, მათ შორის ლ------------- ძე კ---------.

2.8. გამოძიებით ასევე დადგენილი იქნა გეგუთის N14 დაწესებულებაში 2013 წლის 12 მაისის 10:00 საათიდან 2013 წლის 13 მაისის 10:00 საათამდე საგუშაგოებზე მიმაგრებულ თანამშრომელთა ჩამონათვალი: ოპერატიული მორიგე - ინსპექტორი გ--–------–---; კონტროლიორები - ო-–----------–---, გ------------; საკონტროლო გამშვები პუნქტი -ოფიცერი ნ-----------------–----; დაწესებულებაში შემსვლელ სატრანსპორტო საშუალებაზე -ოფიცრები ი-------------, გ------------; სამარტოო საკანი - ოფიცერი გ----------------–---, კონტროლიორი თ--------------; მე-5 კორპუსი და დაწესებულების ტერიტორია - გ---------------- დ----------–---; კონტროლიორი ზ----------–---, თ-----------–---, პირველი კორპუსი - ოფიცერი შ------------–---; კონტროლიორები გ---------------, დ--------------; მე-2 კორპუსი - ოფიცერი გ---------------- კონტროლიორები ი-–----------–---–-, პ--------------–---–-, მე-3 კორპუსი - ოფიცერი ვ----–--------, კონტროლიორები მ--–-----------, ი-–------–---, მე-6 კორპუსის პირველი სართული - ოფიცერი ი-----–--–--–-–---–-, კონტროლიორები ა-–---------------–---------------–-------------–-----------, მე-6 კორპუსის მე-2 სართული - ოფიცერი თ----------------, კონტროლიორები დ---------------, ა--–---------–--–---–-, მე-6 კორპუსი მე-3 სართული - ოფიცერი გ------------, კონტროლიორები ა-–------------–---–-, დ------–---–----, მე-6 კორპუსის მე-4 სართული - ოფიცერი ნ-----–-----–------, კონტროლიორები ბ--------–----------------------–---, სანიტარული ნაწილი -ოფიცერი დ---------------, კონტროლიორი დ-----------–---–-.

2.9. სისხლის სამართლის საქმის გამოყოფის შესახებ, პროკურორის 2013 წლის 08 სექტემბერს დადგენილებით ირკვევა, რომ 2013 წლის 12 მაისს სასჯელაღსრულების დეპარტამენტის N14 ნახევრად ღია ტიპის დაწესებულებაში მოთავსებულმა მსჯავრდებულმა ლ---------------მ, დაწესებულების პატიმრების მხრიდან მასზე განხორციელებული ძალადობის შედეგად მიიღო სხეულის მძიმე, სიცოცხლისათვის სახიფათო დაზიანებები, რის გამოც გადაყვანილი იქნა სამედიცინო დაწესებულებაში, სადაც 2013 წლის 23 მაისს გარდაიცვალა.

საქმის გამოყოფის საფუძვლები: საქმეზე ჩატარებული გამოძიებით დადგინდა, რომ ე.წ. ,,კრიმინალური ავტორიტეტისათვის’’ ხელის დარტყმის გამო - რაც კრიმინალურ სამყაროში დამკვიდრებული წესების მიხედვით მკაცრად ისჯება, სად-ის N14 დაწესებულების რამდენიმე მსჯავრდებულმა პატიმარმა, თავდაპირველად დაწესებულების მეექვსე კორპუსის N338 საკანში, ხოლო შემდეგ N336 საკანში სასტიკად სცემეს ლ---------------, როგორც ხელებითა და ფეხებით, ასევე ელექტრო ჩაიდნისა და ვენტილატორის მყარი დეტალის გამოყენებით. განხორციელებული ძალადობის შედეგად ლ---------------მ მიიღო სხეულის სხვადასხვა სახის, სიცოცხლისათვის სახიფათო მძიმე ხარისხის დაზიანება, რაც მისი გარდაცვალების მიზეზი გახდა. ამასთან, საქმეზე ჩატარებული გამოძიებით გამოიკვეთა სად-ის N14 დაწესებულების თანამშრომლების - ი-------------------, ი-–---–--–-–---–--, თ----------------ს, გ-------------- და ა-–------------------–---–-ს მიერ დანაშაულის ჩადენის ფაქტი, რისთვისაც მათ წარედგინათ ბრალდება.

საქმის ინტერესებიდან გამომდინარე, სწრაფი და ეფექტური მართლმსაჯულების უზრუნველსაყოფად, სისხლის სამართლის N073120513001 საქმიდან ცალკე წარმოებად გამოიყო სად-ის N14 დაწესებულების თანამშრომლების - ი-------------------, ი-–---–--–-–---–--, თ----------------ს, გ-------------- და ა-–------------------–---–-ს და სხვათა ბრალდების სისხლის სამართლის საქმე და მასზე გაგრძელდა გამოძიება.

2.10. საქმის მასალებით დადგენილია, რომ:

- სასჯელაღსრულების დეპარტამენტის თავმჯდომარის 2012 წლის 30 ოქტომბრის N1333 პ/შ ბრძანებით მ--–---------------- დაინიშნა ს-------------------------------------–-------–----------------------

თ----------------, სად-ის N-----–-------–---- (ამჟამად სად-ის N14 დაწესებულება) დირექტორის 2009 წლის 20 მაისის N93 პ/შ ბრძანებით დაინიშნა ამავე დაწესებულების უ--------------------------–--------------------- შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

- სასჯელაღსრულების დეპარტამენტის N14 ნახევრად ღია ტიპის დაწესებულების დირექტორის 2012 წლის 09 ნოემბრის ბრძანებით, ი-–---–--–-–---–- დაინიშნა ამავე დაწესებულების უ--------------------------–--------------------- შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

- სასჯელაღსრულების დეპარტამენტის თავმჯდომარის 2012 წლის 05 ნოემბრის N1365 პ/შ ბრძანებით ი------------------ დაინიშნა ს-------------------------------------–-------–------------------------------–---. შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

- სასჯელაღსრულების დეპარტამენტის N14 ნახევრად ღია ტიპის დაწესებულების დირექტორის 2012 წლის 18 ოქტომბრის ბრძანებით, ა-–------------------–---–- დაინიშნა ამავე დაწესებულების ს--------–-----------–---------------–------------------- თანამდებობაზე. შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს.

- სასჯელაღსრულების დეპარტამენტის N14 ნახევრად ღია ტიპის დაწესებულების დირექტორის 2012 წლის 18 დეკემბრის ბრძანებით, გ------------ დაინიშნა ამავე დაწესებულების სოციალური განყოფილების ს--–---–---------–---- თანამდებობაზე. შესაბამისად, „საჯარო სამსახურის შესახებ“ საქართველოს კანონის მეექვსე მუხლის საფუძველზე წარმოადგენდა მოხელეს

2.11. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს რ----–------------- ამოსაცნობად წარედგინა ოთხი პიროვნება, მათ შორის ი-–---–--–-–---–-. წარმოდგენილი ფოტოსურათებიდან მან ამოიცნო რიგით პირველ სურათზე გამოსახული პიროვნება (ი-–---–--–-–---–-). მანვე განმარტა, რომ პირველ ფოტოსურათზე გამოსახული პიროვნება არის მეექვსე კორპუსის ოფიცერი ი-----–--–--–-–---–-. სწორედ მასთან მოუვიდა შელაპარაკება თავიდან ლ---------------ს და აღნიშნულმა პირმა დაუძახა ,,ბულდოგას’’. ამომცნობმა პირმა პირველ ფოტოსურათზე მოთავსებული პირი ამოიცნო შემდეგი ნიშნით: სახის მოყვანილობით, თმით, წარბებით, ცხვირით, ტუჩებით და ლოყებით.

2.12. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს რ----–------------- ამოსაცნობად წარედგინა ოთხი პიროვნება, მათ შორის გ------------. წარმოდგენილი ფოტოსურათებიდან მან ამოიცნო რიგით მეორე სურათზე გამოსახული პიროვნება (გ------------). მანვე განმარტა, რომ მეორე ფოტოსურათზე გამოსახული პიროვნება არის მესამე სართულის ოფიცერი, რომელიც კონტროლიორთან ერთად იმყოფებოდა მესამე სართულზე, N338-ე საკანში ლ---------------ს ცემის დროს. ამომცნობმა პირმა მეორე ფოტოსურათზე მოთავსებული პირი ამოიცნო შემდეგი ნიშნით: სახის მოყვანილობით, ცხვირით, ტუჩებით, წარბებით და ლოყებით.

2.13. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს რ----–------------- ამოსაცნობად წარედგინა ოთხი პიროვნება, მათ შორის ა-–------------------–---–-. წარმოდგენილი ფოტოსურათებიდან მან ამოიცნო რიგით მეორე სურათზე გამოსახული პიროვნება (ა-–------------------–---–-). მანვე განმარტა, რომ მეორე ფოტოსურათზე გამოსახული პიროვნება არის სად-ის N14 დაწესებულების კონტროლიორი, რომელიც იმყოფებოდა მესამე სართულზე ლ---------------ს ცემის დროს. ამომცნობმა პირმა მეორე ფოტოსურათზე მოთავსებული პირი ამოიცნო შემდეგი ნიშნით: სახის მოყვანილობით, კანის ფერით, თმითა და წარბებით, ასევე ცხვირის ფორმითა და ტუჩებით.

2.14. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს რ-----------–---–- ამოსაცნობად წარედგინა ოთხი პიროვნება, მათ შორის ი-–---–--–-–---–-. წარმოდგენილი ფოტოსურათებიდან მან ამოიცნო რიგით პირველ სურათზე გამოსახული პიროვნება (ი-–---–--–-–---–-). მანვე განმარტა, რომ პირველ ფოტოსურათზე გამოსახული პიროვნება არის სად-ის N14 დაწესებულების თანამშრომელი ირაკლი, რომელიც 2013 წლის 12 მაისს მორიგეობდა N6 კორპუსში. ამომცნობმა პირმა პირველ ფოტოსურათზე მოთავსებული პირი ამოიცნო შემდეგი ნიშნით: ცხვირით, თვალებით, ტუჩებით, სახის მოყვანილობით და თმის ფერით, ასევე წარბებით.

2.15. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს რ-----------–---–- ამოსაცნობად წარედგინა ოთხი პიროვნება, მათ შორის გ------------. წარმოდგენილი ფოტოსურათებიდან მან ამოიცნო რიგით მეორე სურათზე გამოსახული პიროვნება (გ------------). მანვე განმარტა, რომ მეორე ფოტოსურათზე გამოსახული პიროვნება არის სად-ის N14 დაწესებულების იმ ორი თანამშრომლიდან ერთ-ერთი, რომელიც 2013 წლის 12 მაისს მორიგეობდა ამავე დაწესებულების მეექვსე კორპუსის მესამე სართულზე, სადაც ამავე დაწესებულების პატიმრებმა სცემეს პატიმარ ლ---------------ს. ამომცნობმა პირმა მეორე ფოტოსურათზე მოთავსებული პირი ამოიცნო შემდეგი ნიშნით: თმის ფერით, სახის მოყვანილობით, ცხვირით, თვალებით და ტუჩებით.

2.16. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს რ-----------–---–- ამოსაცნობად წარედგინა ოთხი პიროვნება, მათ შორის ა-–------------------–---–-. წარმოდგენილი ფოტოსურათებიდან მან ამოიცნო რიგით პირველ სურათზე გამოსახული პიროვნება (ა-–------------------–---–-). მანვე განმარტა, რომ პირველ ფოტოსურათზე გამოსახული პიროვნება არის სად-ის N14 დაწესებულების თანამშრომელი, რომელიც 2013 წლის 12 მაისს მორიგეობდა მეექვსე კორპუსის მესამე სართულზე, სადაც დროის სხვადასხვა მონაკვეთში ამავე დაწესებულების პატიმრებმა სცემეს პატიმარ ლ---------------ს. ამომცნობმა პირმა პირველ ფოტოსურათზე მოთავსებული პირი ამოიცნო შემდეგი ნიშნით: სახის მოყვანილობით, თმის ფერით, ცხვირით, წარბებით, ნიკაპით.

2.17. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს გ-----------------–---–- ამოსაცნობად წარედგინა ოთხი პიროვნება, მათ შორის ი-–---–--–-–---–-. წარმოდგენილი ფოტოსურათებიდან მან ამოიცნო რიგით მესამე სურათზე გამოსახული პიროვნება (ი-–---–--–-–---–-). მანვე განმარტა, რომ მესამე ფოტოსურათზე გამოსახული პიროვნება არის სად-ის N14 დაწესებულების თანამშრომელი ირაკლი, ეს უკანასკნელი 2013 წლის 12 მაისს მორიგე იყო N14 დაწესებულების მეექვსე კორპუსში, სადაც პატიმრებმა სცემეს პატიმარ ლ---------------ს. ამომცნობმა პირმა მესამე ფოტოსურათზე მოთავსებული პირი ამოიცნო შემდეგი ნიშნით: ცხვირით, ტუჩებით, თმის ფერით, თვალებით და სახის მოყვანილობით.

2.18. 2013 წლის 12 ივლისის ფოტოსურათით ამოცნობის ოქმით დადგენილია, რომ ამომცნობ პირს გ--------–------------------ ამოსაცნობად წარედგინა ოთხი პიროვნება, მათ შორის ი-–---–--–-–---–-. წარმოდგენილი ფოტოსურათებიდან მან ამოიცნო რიგით მეორე სურათზე გამოსახული პიროვნება (ი-–---–--–-–---–-). მანვე განმარტა, რომ მეორე ფოტოსურათზე გამოსახული პიროვნება არის სად-ის N14 დაწესებულების ოფიცერი ი-----–--–--–-–---–-. აღნიშნულ პიროვნებასთან მოუვიდა შელაპარაკება ლ---------------ს მეექვსე კორპუსის შესასვლელთან და სწორედ მან დაუძახა შ-----------------ს და მიანიშნა ლ---------------ზე. ამომცნობმა პირმა მეორე ფოტოსურათზე მოთავსებული პირი ამოიცნო შემდეგი ნიშნით: სახის მოყვანილობით, ცხვირით, ტუჩებით, წარბებით, თმის ფერითა და ვარცხნილობით.

2.19. სსიპ ლევან სამხარაულის სახელობის სასამართლო ექსპერტიზის ეროვნული ბიუროს სამედიცინო ექსპერტიზის N002204113 დასკვნით დადგენილია, რომ მსჯავრდებულ ლ---------------ს სიკვდილის მიზეზია ქალა-ტვინის ბლაგვი დახურული ტრავმის შედეგად განვითარებული ტავის ტვინის მკვეთრად გამოხატული შეშუპება ღეროს დისლოკაციით და ჩაჭედვით, შემდგომი დარბილებით.

წარმოდგენილი სამედიცინო დოკუმენტაციის (აკადემიკოს ზ. ცხაკაიას სახელობის დასავლეთ საქართველოს ინტერვენციული მედიცინის ეროვნული ცენტრის სტაციონარული პაციენტის სამედიცინო ბარათი N1738/13-ის ასლი და ამავე საავადმყოფის ცნობა N05/13026 ჯანმრთელობის მდგომარეობის შესახებ (გაცემის თარიღი 23.05.2013 წ)) - მონაცემების თანახმად მსჯავრდებულ ლ---------------ს ბიოლოგიური სიკვდილის ფაქტი კონსტატირებული იქნა მ/წლის 23.05.2013 წ. 11:30 სთ. გვამის გამოკვლევისას ნანახი სიკვდილის შემდგომი გვამური მოვლენების მხედველობაში მიღებით: სიკვდილის დადგომის ხანდაზმულობა არ ეწინააღმდეგება მითითებულ დროს.

მსჯავრდებულ ლ---------------ს გვამზე აღინიშნებოდა სიცოცხლისდროინდელი დაზიანებები: მრავლობითი ნაჭდევები და სისხლნაჟღენთები შუბლის, ორივე თვალბუდის, მარჯვენა საფეთქლის და ცხვირის მიდამოებში, სისხლჩაქცევებით ქალას რბილი საფარის ქსოვილში, რბილ გარსებში და თავის ტვინის ნივთიერებაში, სამედიცინო დოკუმენტაციით ცხვირის ძვლის ხაზოვანი მოტეხილობა - განვითარებულნი არიან რაიმე მკვრივი-ბლაგვი საგნის (საგნების) ზემოქმედებით, სიკვდილამდე წინა ადრეულ პერიოდში. ერთობლიობაში მიეკუთვნებიან სხეულის დაზიანებათა სიცოცხლისათვის სახიფათო მძიმე ხარისხს და მიზეზობრივ კავშირში იმყოფებიან დამდგარ შედეგთან - სიკვდილთან.

გარდა აღნიშნულისა მსჯავრდებულ ლ---------------ს გვამზე აღინიშნებოდა სიცოცხლისდროინდელი დაზიანებები მრავლობით ნაჭდევების და სისხლნაჟღენთების სახით სხეულის სხვადასხვა მიდამოებში (მათი აღწერილობა და ზუსტი ლოკალიზაცია იხილეთ გვამის გარეგნული გამოკვლევის მონაცემებში) - განვითარებულნი არიან რაიმე მკვრივი-ბლაგვი საგნის (საგნების) ზემოქმედებით სიკვდილამდე წინა ადრეულ პერიოდში. ცოცხალ პირთა ექსპერტიზის შემთხვევაში ერთობლიობაში ატარებენ სხეულის დაზიანებათა მსუბუქი ხარისხის ნიშანს და მიზეზობრივ კავშირში არ იმყოფებიან დამდგარ შედეგთან სიკვდილთან.

მსჯავრდებულ ლ---------------ს გვამზე ასევე აღინიშნებოდა სამედიცინო მანიპუალციების: ტრაქეოსტომიის (17.05.2013წ) შემდგომი მდგომარეობა, ლავიწქვეშა ვენის კათეტერიზაციის შემდგომი კვლები.

შესაძლებელი იყო თუ არა ლ---------------ს სხეულზე არსებული დაზიანებები მიეღო კიბეზე დაგორების/კიბიდან გადმოვარდნის შედეგად აღნიშნული საკითხის გადასაწყვეტად საჭიროა ჩატარდეს სასამართლო-სამედიცინო კომისური ექსპერტიზა.

გვამიდან აღებული სისხლის ნიმუში გადაგზავნილია სასამართლო ექსპერტიზის ეროვნული ბიუროს ბიოლოგიური ექსპერტიზის დეპარტამენტის ბიოლოგიურ მასალათა არქივში შესანახად. (ექსპერტი გ----------------.

2.20. ქიმიურ-ტოქსიკოლოგიურ ექსპერტიზაზე წარმოდგენილ ლ---------------ს გვამიდან აღებულ სისხლში არ აღმოჩნდა მეთილის, ეთილის, იზოპროპილის სპირტები, სისხლსა და შინაგან ორგანოებში აღმოჩნდა სანარკოზე საშუალებები: თიოპენტალი და მიდაზოლამი (პრეპარატების ბენზოსედისა და დორმიკუმის ფარმაკოლოგიურად აქტიური კომპონენტი), ნარკოტიკული ანალგეზიური საშუალება - ფენტანილი, ფსიქოტროპული ნივთიერება ალპრაზოლამი (პრეპარატ ზოლომაქსის ფარმაკოლოგიურად აქტიური კომპონენტი). სისხლსა და შინაგან ორგანოებში არ აღმოჩნდა ნარკოტიკული საშუალებები: ოპიატები, კოკაინი, ბუპრენორფინი, მეტადონი, ამფეტამინი, მეტამფეტამინი, ტეტრაფიდროკანაბინოლი, შინაგან ორგანოებში არ აღმოჩნდა: ცინაწყალბადმჟავა და მისი მარილები, ფორმალინი, ფენოლი, კრეზოლი, ქლოროფორმი, ქლორალჰიდრატი, დიქლორეთანი, ოთხქლორნახშირბადი, ქლორორგანული და ფოსფორორგანული პესტიციდები, დარიშხანი, სინდიყი. (ექსპერტი მ-------------–---–-).

2.21. სასჯელაღსრულების დეპარტამენტის სამართლებრივი უზრუნველყოფის სამმართველოს უფროსის გ----------------- მომართვით დადგენილია, რომ მხოლოდ საქართველოს კანონის ,,პატიმრობის კოდექსის და პატიმრობის, თავისუფლების აღკვეთის, შერეული ტიპის ბრალდებულთა და მსჯავრდებულთა დაწესებულებების, ბრალდებულთა და მსჯავრდებულთა სამკურნალო დაწესებულებისა და ტუბერკულოზის სამკურნალო და სარეაბილიტაციო ცენტრის დებულებების დამტკიცების შესახებ’’ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 30 მაისის N97 ბრძანებით რეგულირდებოდა დაწესებულების მოსამსახურეთა მოვალეობებს და მოქმედებათა თანმიმდევრობას დაწესებულებაში რთული სიტუაციების მართვის საკითხი 2013 წლის 12 მაისის მდგომარეობით. აგრეთვე, ,,პატიმრობისა და თავისუფლების აღკვეთის აღსრულების სისტემის ორგანოებში სახელმწიფო სამსახურის გავლის წესის დამტკიცების შესახებ’’ საქართველოს პრეზიდენტის 2010 წლის 15 ოქტომბრის N832 ბრძანებულების მე-10 მუხლის მე-10 პუნქტის შესაბამისად ,,მოსამსახურეთა თანამდებობრივ გადაადგილებაზე უფლებამოსილ პირს შეუძლია მოსამსახურე მიამაგროს იმავე ორგანოს სხვა სტრუქტურულ ერთეულს ან სისტემის სხვა ორგანოს’’.

2.22. სასამართლო სხდომაზე მოწმის სახით დაკითხული თ---------------–---- ჩვენებით დადგენილია, რომ ის მუშაობს სასჯელაღსრულების დეპარტამენტის მე-14 დაწესებულებაში კონტროლიორად და 2013 წლის 12 მაისს იყო მორიგე. მოწმის განმარტებით, იმ დღეს, სამსახურში გამოცხადდა 09:00 საათზე, მაგრამ თათბირი ჰქონდა 10:00 საათზე. თათბირის შემდგომ გაანაწილეს მეექვსე კორპუსის პირველ სართულზე. მასთან ერთად პირველ სართულზე განაწილებული იყვნენ ა-–------------–---–-, გ---------–---, მ-------–----------- და ი-–---–--–-–---–-. მეორე სართულზე - დ---------------, ა-–-----------–--–---–- და თ---------------. მესამე სართულზე - დ------–---–----, ა-–------------–---–-, გ------------. მეოთხე სართულზე - ა-–---------------–----------–--------------–-------–-. ი-–---–--–-–---–- იყო განაწილებული პირველ სართულზე, იყო კორპუსის სმენის უფროსი. თვითონ იყო რეჟიმის კონტროლიორი. ევალებოდა - არ მომხდარიყო დაძაბულობა პატიმართა შორის, არ ეჩხუბათ, გაეწიათ ზედამხედველობა, რომ ერთმანეთში არ ჰქონოდათ კონფლიქტი. მორიგეობის დროს ა-–---------------–--------, ა--–---------–--–---–---- და დ------–---–----სთან ერთად განახორციელა ეტაპის მიღება. ეტაპი მოვიდა დღის მეორე ნახევარში. ეტაპის მიღების დროს ხდება პატიმართა სათითაოდ შემოწმება, აკრძალული ნივთების გამოსავლენად. ეტაპით მოყვანილი პატიმრები თავსდებოდნენ კარცერში. ეტაპი იყო აღმოსავლეთიდან. ჩვეულებრივ მიმდინარეობდა ეტაპის მიღება. ახალმოყვანილ პატიმრებთან კარცერში ძველი პატიმრებიდან შესულნი იყვნენ - გ--------–------–---–-, შ-----------------, ლ-–----------–----. ისინი იყვნენ ზონაში მაყურებლები. შეხვედრის მიზანი იყო ის, რომ თუკი რამე დასჭირდებოდათ მათთან მისულიყვნენ - წამალი, ექიმი. საუბარი მაყურებლებსა და ახლადმიღებულ პატიმრებს შორის გაგრძელდა დაახლოებით ნახევარი საათი. ახლადმიღებული პატიმრები განაწილების შემდეგ მეექვსე კორპუსში გადაიყვანა გ---------–---მ. მას კორპუსში გადასვლა დაუგვიანდა, რადგან მისაღები იყო კიდევ პატიმრები. კორპუსში მასთან ერთად გადავიდნენ ა--–---------–--–---–-, ალ---------------–--- და დ------–---–----. როცა კორპუსთან მივიდნენ, ზონა არ იყო დაკეტილი. იქ დახვდათ - ი-–---–--–-–---–-, თ---------------, დ------–---–----. ისინი იყვნენ მისაღებში, ისხდნენ მაგიდასთან. ი-–---–--–-–---–-- თქვა, რომ ლ---------------სთან მოუვიდა შელაპარაკება, წამალი მოითხოვა ფსიქოტროპული, წაიყვანა შ-----------------მ - მეექვსე კორპუსში მყოფმა მაყურებელმაო. მას არ ჰქონია წამალი, საიდან მისცემდა. შ----------------- ამ დროს ყოფილა ძირს, შემოსულა და დაუნახავს კონფლიქტი. ჩხუბი მოუხდა - ლ-–----------–----, შ-----------------ს, გ--------–------–---–- ლ---------------სთან. ისინი იყვნენ - მსჯავრდებულები, მაყურებლები. მაყურებლები სარგებლობდნენ პრივილეგიით სხვა პატიმრებთან შედარებით. როცა გადავიდა კორპუსში, ოქმი დაწერილი იყო. იქ იყვნენ - პატიმრები და ასევე ი-–---–--–-–---–-, თ----------------. უთხრეს ხელი მოეწერა. რომ დახედა ხელი ყველას ჰქონდა მოწერილი. რომ არ გამოეწვია დაპირისპირება პატიმრებთან, მანაც მოაწერა ხელი. ოქმის შინაარსს არ გაცნობია. ოქმი შეადგინა ი-–---–--–-–---–--. მსჯავრდებულების ხელმოწერას არ დასწრებია, უკვე ჰქონდათ მოწერილი. ი-–---–--–-–---–-- უთხრა, რომ პრობლემა არ შეექმნებოდა, ყველაფერი იყო მოგვარებული. ი-–---–--–-–---–- ხელმძღვანელობას შეხვდა და იქედან პრობლემა არ არისო, მოგვარებულია ყველაფერიო. ამიტომ მოაწერა ხელი.

ლ---------------ს გარდაცვალების ვერსიის შესახებ იცის შემდეგი: მოსვლია კონფლიქტი, მომხდარა ჩხუბი მესამე სართულზე. მესამე სართულზე იმ დღეს განაწილებული იყო სამი პიროვნება - ა-–------------–---–-, დ------–---–---- და გ------------. დ------–---–---- მასთან ერთად იყო ეტაპის მიღების დროს. დილით როცა შეიცვალა, იყო თათბირი. მომხდარი ფაქტის შესახებ თუ ვინმე ეტყოდათ, უნდა ეთქვათ, რომ ლ--------------- დაგორდა კიბეზე. თათბირი ჰქონდათ ი----------------------- და უთხრა, რომ ასე უნდა მიეცათ ჩვენება, რომ ყველა გადარჩეს და არავინ დაიჭირონო. თათბირი ჩაატარა ი------------------- და ესწრებოდნენ ის პირები, რომლებიც 12 მაისს განაწილებული იყვნენ მეექვსე კორპუსში.

მოწმის განმარტებით, გამოძიებაში მიცემულ ჩვენებებს შორის არის განსხვავება. პირველი ჩვენება არის გამოგონილი. მეორე ჩვენება სწორია. გამოძიების მიმდინარეობის პროცესში დაბარებული იყვნენ მ--–----------------- სახლთან, სადაც შევიდა ი-–---–--–-–---–-. ჭავჭავაძის ქუჩაზე დაიბარეს იმის გამო, რომ უნდა ეთქვათ - ლ--------------- დაგორდა კიბეზე. თუ არ იტყოდა, მაშინ პატიმრები იტყოდნენ, რომ ლ--------------- სცემეს თანამშრომლებმაო. გამოძიებას თავდაპირველად მისცა არასწორი ჩვენება. მერე კი გადაწყვიტა, რომ ეთქვა სიმართლე. სიმართლე კი იყო ის, რომ ლ--------------- ცემეს პატიმრებმა - ლ-–----------–-----, შ-----------------მ და გი-------–------–---–--. ი-–---–--–-–---–- ყვებოდა, რომ მოუვიდა შელაპარაკება ლ---------------სთან, რომელმაც მიღების დროს, როცა გადმოიყვანეს მეექვსე კორპუსში, მოითხოვა წამალი და იგი როგორ მისცემდა. იქ იდგა შ-----------------, წაიყვანა ზემოთ და იქ მოუვიდა კონფლიქტი და გადაყვანილი არის საავადმყოფოშიო. შვებულებაში ყოფნის დროს დაურეკა ი-–---–--–-–---–-- დაიბარა სამსახურში და უთხრა, რომ დაბარებული ჰყავდა მ--–----------------ს და არ უნდა შეეცვალათ ჩვენება. უნდა ეთქვათ, რომ ლ--------------- დაგორდა კიბეზე.

2.23. ანალოგიური ჩვენება მისცა სასამართლო სხდომაზე მოწმის სახით დაკითხულმა ა-–---------- ო--------–----, რომელიც მუშაობს სასჯელაღსრულების დეპარტამენტის მე - 14 დაწესებულებაში კონტროლიორად და 2013 წლის 12 მაისს განაწილებული იყო მეექვსე კორპუსის მეოთხე სართულზე.

2.24. სასამართლო სხდომაზე მოწმის სახით დაკითხული ა-–------------------–---–-- ჩვენებით დადგენილია, რომ მუშაობს სასჯელაღსრულების დეპარტამენტის მე-14 დაწესებულებაში კონტროლიორად. 2013 წლის 12 მაისს იყო მორიგე. სამსახურში გამოცხადდა დილით. გაანაწილეს მეექვსე კორპუსის უკანა ტერიტორიაზე. იმ დღეს, პირველ სართულზე განაწილებულნი იყვნენ ი-----–--–--–-–---–-, თ---------------–---, მ-------–----------- და გ---------–---. მეორე სართულზე - ა--–---------–--–---–-, დ--------------- და თ----------------. მესამე სართულზე - გ------------, ა-–------------------–---–- და დ------–---–----. მეოთხე სართულზე - ო--------–------–---------------–--------–----------–-. ი-–---–--–-–---–- იყო პირველ სართულზე კორპუსის უფროსი. თუ რამე იქნებოდა კორპუსში, პირველ რიგში საქმის კურსში აყენებდნენ ი-–---–--–-–---–-. ოფიცრებიდან მეორე სართულზე იყო - თ----------------, მესამე სართულზე - გ------------, მეოთხე სართულზე - ნიკა წიქვაძე. ეტაპზე შეტყობინება მიიღეს საღამოს დაახლოებით ხუთ საათზე. ეტაპის მიღება ხდება კარცერში. არის კარანტინი. ამოწმებენ მსჯავრდებულებს. იმ დღეს პატიმრები ეტაპირებული იყვნენ თბილისიდან. მეექვსე კორპუსიდან კარანტინის მისაღებად გადავიდნენ - თ---------------–---, ა--–---------–--–---–-, დ------–---–---- და ალ---------------–---. მოწმის განმარტებით, მან ახალმოყვანილი პატიმრები დაინახა დაკეტვის პროცესის დროს. იქნებოდა საღამოს რვა საათი. გ---------–---ს მოჰყავდა ეტაპიდან. ლ---------------ს შელაპარაკება მოუვიდა მსჯავრდებულ ს-----------თან, ზედმეტსახელად „ბულდოგასთან“, რომელსაც აგრესიული ტონით მიჰყავდა ზემოთ. ხმაურზე ის ავიდა ზემოთ. მან მეექვსე კორპუსის მესამე სართულზე დაჰყო დაახლოებით ერთი წუთი. იმ დროისათვის იქ იმყოფებოდნენ - ა-–------------------–---–-, თ----------------, გ------------, ი-–---–--–-–---–-. შესასვლელში, დერეფანში იდგნენ თანამშრომლები. თვითონ მსჯავრდებულები კი იყვნენ დერეფნის ბოლოში, 336-ე და 338-ე საკნებთან. ხმამაღალი საუბარი გამოდიოდა, როგორც გაირკვა ჩხუბი იყო. ძალიან ბევრი მსჯავრდებული იყო. ციხე არ იყო დაკეტილი. მოწოდება იყო შესულიყვნენ კამერებში. ის პირველ სართულზე ჩამოვიდა მალევე და დაიწყეს საჭმლის დარიგება. რამდენიმე ხანში მოითხოვეს საკაცე, ჩამოიყვანეს ლ---------------. ის იყო ნაცემი. მერე გადაიყვანეს საავადმყოფოში, სადაც გარდაიცვალა. მოწმის განმარტებით, ლ---------------ს გადაყვანის შემდეგ დაიწერა ოქმი. იმ ოქმზე ხელი მოწერილი ჰქონდათ ი-–---–--–-–---–-, თ----------------ს და გ---------–---ს. მერე, იმ საღამოსვე დაიხა ოქმი და გ---------–---- ნაცვლად, ხელი მოაწერა თ---------------–---მ. ეს ოქმი შეადგინა ი-–---–--–-–---–--, რომელმაც მათ უთხრა, რომ ეთქვათ, თითქოს ერთ-ერთ მსჯავრდებულთან მოუვიდა შელაპარაკება და ხელისკვრით დაგორდაო. თუ ასე არ იტყოდნენ, პატიმრები ხელს დაადებდნენ თანამშრომლებს, რომ მათ გალახესო. მეორე დღეს ჰქონდათ თათბირი მეექვსე კორპუსის თანამშრომლებს, რომლებიც იმ დღეს იყვნენ მორიგეები. ამ თათბირის დროს ი------------------ შევიდა და უთხრა, რომ თანამშრომლები არ იყვნენ გარეულები და არ ეწირებოდნენ ისინი. დანარჩენს ისინი მიხედავდნენ. პროკურატურაში დაკითხვაზე მისვლამდე რამდენიმე თანამშრომელმა გაიარა მ--–----------------სთან სახლში. მ--–----------------- სახლში შევიდა ი-----–--–--–-–---–-, რომელიც გამოვიდა რამოდენიმე წუთში და უთხრათ, რომ ეთქვათ ისე, როგორც მოლაპარაკებული იყვნენ. დაკითხვის შემდეგ, შეხვედრა მოხდა პროკურატურის გზის მეორე მხარეს. შეხვედრას ესწრებოდნენ - მ--–----------------, ი------------------, თ-------------- და ვინც პროკურატურაში იყვნენ დაბარებულნი დაკითხვაზე. ამ შეხვედრაზე ყველა თანამშრომელმა თქვა, რომ როგორც იყვნენ მოლაპარაკებულები ისე თქვეს. მ--–----------------- უთხრათ, რომ თუ ასე არ იტყოდნენ, პატიმრები დაადებდნენ ხელს. მოწმის განმარტებით, პირველი ჩვენება არ იყო სიმართლე.

2.25. სასამართლო სხდომაზე მოწმის სახით დაკითხული დ---------------- ჩვენებით დადგენილია, რომ მუშაობს სასჯელაღსრულების დეპარტამენტის მე - 14 დაწესებულებაში. 2013 წლის 12 მაისს დილით გაანაწილეს მეექვსე კორპუსის მეორე სართულზე. მასთან ერთად იყო ოფიცერი - თ---------------- და კონტროლიორი - ა--–---------–--–---–-. დაახლოებით საღამოს ექვს საათზე გაიგო, რომ მოსული იყო ეტაპი, მსჯავრდებულები ჰყავდათ მოყვანილი და მსჯავრდებულების მისაღებად საჭირო იყო თანამშრომლები. ამისათვის, ი-–---–--–-–---–-- დავალებით, თითო სართულიდან თითო თანამშრომელი გადავიდა ეტაპის მისაღებად. მისი სართულიდან, გადავიდა ა--–---------–--–---–-. ხოლო ის და თ---------------- დარჩნენ მე-2 სართულზე. საღამოს რვა საათზე, ჩვეულებრივ დაიწყეს ზონის დაკეტვა. ამ დროს მუშა პატიმრებიც იყვნენ ამოსულები და მიმდინარეობდა საჭმლის დარიგება. ამ დროს შემოესმა ხმაური ზემოდან და „რაციაზე“ გაიგონა, რომ მესამე სართული ეძახდა ი-–---–--–-–---–- ასულიყო მესამე სართულზე. შემდეგ ი-–---–--–-–---–-- გადაძახილიც გაიგო. ეძახდა დირექტორის მოადგილეს - ი------------------ს. ჩათვალა საჭიროდ, რომ ეს ფაქტი ეთქვა მისი სართულის ოფიცერ თ----------------სათვის, ვინაიდან ეგონა, რომ იქ რაღაც ხდებოდა. თ---------------- ავიდა. იქედან ჩამოსულმა კი უთხრა, რომ „ისეთი არაფერი არ არის, რაღაც დაპირისპირება მოხდა მსჯავრდებულებს შორისო“. შემდეგ ჩვეულებრივ გააგრძელეს მუშაობა. რამდენიმე ხანში ისევ გაიგო ხმაური ზემოდან, რა დროსაც იდგა კიბეებთან, ამოსასვლელთან და კიბეებთან ქვემოდან ამოიარეს - ლ-–----------–----- და ნ------------------- (ლ-–----------–---- იყო ზონის მაყურებელი, ნ------------------ პირველი კორპუსის მაყურებელი), რაც უთხრა თ----------------ს და ის ისევ ავიდა ზევით. მან კი ჩვეულებრივ გააგრძელა სამსახური. დილით რომ იცვლებოდნენ, კორპუსის შემოსასვლელში შეიკრიბნენ თანამშრომლები. გადაწყვიტეს, რომ ამ ფაქტთან დაკავშირებით ვინაიდან დაწერილი იყო ოქმი, ეტაპიდან მოსული პატიმარი თითქოსდა დაგორდა კიბეებიდან და გამოძიებას კითხვა თუ გაუჩნდებოდა, ეთქვათ, რომ პატიმარი დაგორდა კიბეებიდან. დილით შეიკრიბნენ სათათბირო ოთახში თანამშრომლები და უთხრეს, რომ თუ საჭირო იქნება და თუ გამოძიება ეტყოდა, ეთქვათ, რომ ბრალდებული დაგორდა კიბეებიდან.

მოწმის განმარტებით, მეექვსე კორპუსის წინ შეიკრიბა ყველა თანამშრომელი და ი-–---–--–-–---–-. ოქმი დაიწერა, რომ ლ--------------- დაგორდა კიბეებიდან და თუ ვინმე შეეკითხებოდათ, ისინი არაფერ შუაში არ იყვნენ და არავინ არაფერს არ ეტყოდათ. ეს თქვა ი-–---–--–-–---–--. ხელმძღვანელობის გადაწყვეტილებით დაიწერა ოქმი ისე და მათაც უნდა გაეგრძელებინათ ეს ვერსია, რომ თითქოს ლ--------------- დაგორდა კიბეებიდან. დილით თათბირზე ხელმძღვანელობიდან იყო ი------------------ და უთხრათ, რომ ნუ ეშინოდათ, ისინი არაფერ შუაში არ იყვნენ, თუკი გამოძიება შეეკითხებოდათ, ეთქვათ, რომ ლ--------------- დაგორდა კიბეებიდან. მის მიერ გამოძიებაში მიცემულ ჩვენებებს შორის სხვაობა გამოწვეულია იმით, რომ უნდა გაევრცელებინათ ვერსია, რომ ლ--------------- დაგორდა კიბეებიდან და ისინი არაფერ შუაში არ იყვნენ.

2.26. სასამართლო სხდომაზე მოწმის სახით დაკითხული გ---------–---- ჩვენებით დადგენილია, რომ ის მუშაობს სასჯელაღსრულების დეპარტამენტის მე-14 დაწესებულებაში. 2013 წლის 12 მაისს გაანაწილეს მეექვსე კორპუსის პირველ სართულზე. დაახლოებით საღამოს ექვსი საათისათვის, მისთვის ცნობილი გახდა, რომ დაწესებულებაში მოვიდა ეტაპი. მსჯავრდებულების მიღებას ესაჭიროებოდა თანამშრომლები. ამის გამო, მეექვსე კორპუსიდან გადაყვანილი იქნა ოთხი თანამშრომელი - თ---------------–---, - ჯ----–--–---–-, ც---–---- და ალ---------------–---. დაახლოებით საათნახევრის შემდეგ დაიძახეს კარანტინის კორპუსიდან, რომ ერთ-ერთი თანამშრომელი გადასულიყო განაწილებული მსჯავრდებულების გადმოსაყვანად, რაც ი-–---–--–-–---–-- მას დაავალა. გადავიდა კარანტინის კორპუსში, სადაც დახვდა ი------------------ და ჩააბარა ხუთი თუ ექვსი მსჯავრდებული, რომლებიც უნდა გადმოეყვანა, სპეციალური გზით, რომელიც ეტაპირებული პატიმრებისათვის არის გათვალისწინებული. განაწილებული პატიმრები მიიყვანა მეექვსე კორპუსში. დაემთხვა ზონის დაკეტვის დროს. ზონა იკეტებოდა იმ დროს 20:00 საათისათვის. ახალი მსჯავრდებულების მიყვანამ გამოიწვია ძველ მსჯავრდებულთა დიდი ინტერესი. შესასვლელ ჭიშკართან ბევრი მსჯავრდებული მოგროვდა. ი-----–--–--–-–---–-- რამდენიმეჯერ მოუწოდა მსჯავრდებულებს, რომ შესულიყვნენ კორპუსში, რაზეც რეაგირება არ მოახდინეს მსჯავრდებულებმა და ისევ გააგრძელეს ახალმოყვანილ მსჯავრდებულებთან ურთიერთობა. ამისათვის ი-–---–--–-–---–-- განკარგულება გასცა, რომ მსჯავრდებულები გადაეყვანა უკან, რამეთუ ეს მსჯავრდებულები აფერხებდნენ ზონის დაკეტვას. რადგან ახალმა მსჯავრდებულებმა პროტესტი გამოთქვეს „რას გვატარებთ აქეთ-იქეთო“, მან შესთავაზა ი-–---–--–-–---–-, რომ ორ ჭიშკარს შორის მოეთავსებინათ ახალმოყვანილი მსჯავრდებულები ზონის დაკეტვამდე. მიმდინარეობდა დაკეტვის პროცესი, რაც 15–20 წუთი გაგრძელდა. გადმოიყვანეს ეს მსჯავრდებულები კორპუსის შესასვლელში და იქ დაიწყო ი-–---–--–-–---–-- მათი განაწილება. დაახლოებით რამდენ წუთს გაგრძელდა არ იცის, რადგან ისევ გადავიდა კარანტინის კორპუსში სხვა ახალმოყვანილი მსჯავრდებულების წამოსაყვანად. იქ განუცხადეს, რომ მეექვსე კორპუსში არავინ აღარ იყო განაწილებული და შეეძლო უკან დაბრუნება. იგიც დაბრუნდა. მან განკარგულება მიიღო ი-–---–--–-–---–--გან, რომ გადმოეყვანა ექთანი, რადგან ის პერიოდი ახლოვდებოდა, როცა უნდა დაწყებულიყო გეგმური და არაგეგმური ნემსის კეთება ექთნის მიერ. იგი წავიდა „სანჩასტში“ და დარეჯან ექთანი წამოიყვანა კორპუსში. მან ექთანი თავის სართულზე აუშვა. იქ საჭმლის დარიგება მიმდინარეობდა, თავზე ადგა ა-–------------–---–- და შეცვალა მან. იგი დაადგა საჭმლის დარიგებას და ა-–------------–---–-- დაიწყო მსჯავრდებულების კამერებიდან გამოყვანა და ექთანთან მიყვანა. კორპუსში შესვლის დროს რაღაც ხმები ისმოდა. გაურკვეველი იყო რომელი სართულიდან და გაურკვეველი იყო სიტყვები. საკანს აქვს რკინის კარები და მის დაკეტვას ყოველთვის მოსდევს ხმაური, მაგრამ ეს განსხვავებული ხმაური იყო. მან გააგრძელა საჭმლის დარიგება. შემდეგ გადაიყვანა ექთანი უკან. ი-–---–--–-–---–- იქ უკვე აღარ იყო. რამდენიმე ხნის შემდეგ, საჭმლის დარიგება თითქმის დამთავრებული იყო, დერეფანში გადაადგილდებოდნენ ი-–---–--–-–---–- და ი------------------ და გავიდნენ გასასვლელში. დაახლოებით 10-15 წუთში ვიღაც ჩამოატარეს საკაცით. საღამოს შემოწმების შემდეგ, საუბარი მიმდინარეობდა მსჯავრდებულებს შორის, თანამშრომლებიც საუბრობდნენ, რაღაც შეხლა - შემოხლა მოხდა პატიმრებს შორისო და დაზიანებული გადაყვანილი იყო „სანჩასტში“. შემდეგ მას დაუძახეს და ი-–---–--–-–---–-- უთხრა, რომ მომხდარ ფაქტთან დაკავშირებით შეადგინეს ოქმი, რომ მსჯავრდებულებს შორის უთანხმოება მომხდარა, მერე ეს მსჯავრდებული უნახიათ წაქცეული კიბეზე და ამ ფაქტზე შედგენილ ოქმზე უნდა მოეწერა ხელი. დილით დაუძახეს, რომ უნდა შეკრებილიყვნენ ადმინისტრაციულ კორპუსში. იმ დღეს მოხდა მხოლოდ მეექვსე კორპუსის სმენის შეკრება, რომელსაც ესწრებოდა ი------------------. ამბობდნენ, რომ მსჯავრდებულებს შორის მოხდა ჩხუბი, რა დროსაც მსჯავრდებულმა მიიღო დაზიანება და საავადმყოფოში გადაიყვანეს. ი------------------ ამბობდა, რომ კიდევ კარგი რომელიმე თანამშრომელი არ არის გარეული და რაიმეში მონაწილეო. ეს არის მთავარიო.

ერთხელ, როცა დაბარებული იყო დასაკითხად პროკურატურაში, გაიარეს მ--–----------------- სახლთან, სადაც შევიდა ი-–---–--–-–---–-. პროკურატურიდან გამოსვლისას აბაშიძის ქუჩაზე ელოდებოდნენ მ--–----------------, ი------------------, თ-------------. ს----------- უთხრა, რომ როგორც მათ ჰქონდათ სურვილი, ისეთი ჩვენება მიეცათ, მაგრამ თუ ისინი რომელიმე მსჯავრდებულს დაადებდნენ ხელს, მთელი კორპუსი ადგებოდა და თანამშრომლებს დაადებდნენ ხელს.

2.27. სასამართლო სხდომაზე მოწმის სახით დაკითხული ა--–---------–--–---–-ს ჩვენებით დადგენილია, რომ 2009 წლის 21 თებერვლიდან მუშაობს სასჯელაღსრულების დეპარტამენტის მე-14 დაწესებულებაში რეჟიმის კონტროლიორად. მის უფლებებს წარმოადგენს: მსჯავრდებულის მეთვალყურეობა, საკნების შემოწმება-დათვალიერება, მსჯავრდებულის გაჩხრეკა. 2013 წლის 12 მაისს გაანაწილეს მეექვსე კორპუსში მე-2 სართულზე. მის სართულზე იყვნენ - თ---------------- და დ---------------. მე-6 კორპუსში ასევე განაწილებულნი იყვნენ - ა-–------------–---–-, გ------------, ი-----–--–--–-–---–-. ოფიცერი მის სართულზე იყო თ----------------. ოფიცრის მოვალეობა სართულზე არის ის, რომ რაც მოხდება უთხრან მას, იგი კი ახსენებს კორპუსის უფროსს, კორპუსის უფროსი ახსენებს დაწესებულების დირექტორს ან მოადგილეს. იმ დღეს, კორპუსის უფროსი იყო ი-----–--–--–-–---–-. ეტაპის მოსვლაზე შეტყობინება მოვიდა საღამოს. თითო კაცი სართულიდან უნდა გადასულიყო ეტაპის მისაღებად - მსჯავრდებულების მისაღებად და ბარგის გასაჩხრეკად. საკარანტინო კორპუსში მასთან ერთად გადავიდნენ დ----- ც---–---- და ა-–---- და თ---------------–---ები. შემოწმების დასრულების შემდეგ დაიწყო პატიმრების განაწილება. ანაწილებდა ი------------------. საკარანტინო კორპუსში იყო გვიანობამდე. შემდეგ გაჩხრიკეს ბარგი. დაასრულა გვიან, ზონა დაკეტილი იყო, საჭმელიც დარიგებული და საკნებიც დაკეტილი. იგი მეექვსე კორპუსში გადავიდა მარტო. კორპუსის შესასვლელში იყო ი-----–--–--–-–---–-, რომელმაც უთხრა, რომ ასულიყო მეორე სართულზე და მიექცია ყურადღება. დილით შემოვიდა ახალი სმენა. გადააბარეს წესის შესაბამისად. როცა პირველ სართულზე ჩამოვიდა, იქ შეკრებილნი იყვნენ თანამშრომლები - კორპუსის უფროსი - ი-----–--–--–-–---–- და თანამშრომლები. ი-----–--–--–-–---–- ამბობდა, რომ გამოძიებისთვის უნდა ეთქვათ, რომ ლ--------------- დაგორდა კიბეებიდან. ამ საუბრის შემდეგ მთელი სმენა უნდა ასულიყო ზემოთ კორპუსში, ი-----------------------. მაგრამ პირადი პრობლემების გამო თათბირს არ დასწრებია. მესამე დღეს, როცა მოდიოდა სამსახურში, დაწესებულების ავტობუსში გაიგო, რომ ერთ-ერთ მსჯავრდებულს მოსვლია შელაპარაკება მაყურებელთან და გაულახიათ. ეს იყო ლ---------------. მოწმის განმარტებით, მაყურებელს დიდი პრივილეგია გააჩნია სხვა პატიმრებთან შედარებით. კერძოდ, გადაადგილება შეზღუდვების გარეშე ტერიტორიაზე. როცა დაწესებულების კამერები დაკეტილი იყო, ისინი თავისუფლად შედიოდნენ კამერებში. ეს ფაქტი, მაყურებლების არსებობა იცოდა მ--–----------------- და ი------------------- და მათი ნებართვით დადიოდნენ დაწესებულების ტერიტორიაზე.

2.28. სასამართლო სხდომაზე მოწმის სახით დაკითხული დ----------–--------- ჩვენებით დადგენილია, რომ მუშაობს სასჯელაღსრულების დეპარტამენტის მე-14 დაწესებულებაში ექთნად. 2013 წლის 12 მაისს იყო მორიგე. საღამოს საათებში გადავიდა მეექვსე კორპუსში დანიშნულების და ინექციების გასაკეთებლად. იქ მიამაგრეს კონტროლიორი - ზ-----ძე. რაციის საშუალებით ზ-----ძემ დაიწყო მისი მიცემული სიის შესაბამისად გამოძახება, ვინც ჰყავდა ჩამოწერილი. ეყოლებოდა ოთხი მსჯავრდებული გამოძახებული, როცა რაციაში გაისმა ხმა, რომ სამედიცინო ნაწილში სასწრაფოდ გადასულიყო ექთანი. რადგან საქმე ჯერ კიდევ არ ჰქონდა დამთავრებული, ითხოვა ინექციების გაკეთებამდე დარჩენა, თუმცა უარი უთხრეს. რადგან სასწრაფოდ უნდა გადასულიყო, აალაგა მედიკამენტები და ჩავიდა პირველ სართულზე. იქ ვიღაც იყო ცუდად, დასჭირდა ტკივილგამაყუჩებელი. კიდევ დაეხმარა ორ პირს და გადმოვიდა სამედიცინო ნაწილში. იქ რომ შევიდა, სამედიცინო ტაპჩანზე დახვდა ახალგაზრდა ადამიანი უგონოდ. გაუკვირდა პირველად, რადგან არ ჰყავდა ნანახი და იკითხა ვინ იყო. კითხვაზე რა დაემართა, უპასუხეს, რომ დაგორდა კიბეებიდანო. შეხედა, იყო უგონოდ, შუბლის არეში ჰქონდა კოპები. უკეთებდნენ საფენებს, პირი ამოუწმინდეს, ნერწყვი ამოსდიოდა, საყლაპავი გაუსუფთავეს და სასუნთქი მილი ჩაუდგეს. ექიმმა ჩათვალა, რომ იქ გასაჩერებელი არ იყო და მიმართა უფროსობას. ნახევარ საათში სასწრაფოც მოვიდა, რადგან ჩათვალეს, რომ იქ მეტ დახმარებას ვერ აღმოუჩენდნენ. სჭირდებოდა - რენტგენი, კომპიუტერული ტომოგრაფია და ა.შ. მოწმის განმარტებით, მეექვსე კორპუსიდან გადასვლის შემდეგ, შესასვლელში იდგა ბევრი თანამშრომელი. სამედიცინო ნაწილის შესასვლელთან იჯდა ი------------------. კონტროლიორმა სთხოვა, რომ ი------------------ს ვალიდოლი სჭირდებოდა. როგორც შემდეგ გაიგო, მის მისვლამდე სამედიცინო ნაწილში მისული ყოფილა მ--–----------------. პატიმარი „ტაპჩანზე“ ტანსაცმლით იწვა. მოსინჯეს ხელით მოტეხილობა ხომ არ ჰქონდა, თუმცა გარეგანი დათვალიერებით ვერაფერი ვერ შეამჩნიეს. სახეზე ჰქონდა ექსკორაციები, შეშუპებები ორივე მხარეს, სახე ჰქონდა შესიებული, მგრძნობელობაზე არ იყო. სუნთქავდა მხოლოდ. სასწრაფოს მოსვლამდე გონზე არ მოსულა.

2.29. სასამართლო სხდომაზე მოწმის სახით დაკითხული თ------------–--------- ჩვენებით დადგენილია, რომ მუშაობს დასავლეთ საქართველოს საოლქო პროკურატურის საგამოძიებო ნაწილის უფროსს გამომძიებლად. 2013 წლის მაისში, მისთვის ცნობილი გახდა სასჯელაღსრულების დაწესებულებაში მომხდარი ლ---------------ს გარდაცვალების ფაქტი. გამოძიებას აწარმოებდა სასჯელაღსრულების სამინისტროს შესაბამისი სამსახური. მაისის ბოლოს, 27 ან 28 მაისს, ეს საქმე გამოსაძიებლად გადმოეცა დასავლეთ საქართველოს საოლქო პროკურატურას. სწორედ ამ მომენტიდან ჩაერთო იგი საქმეში როგორც გამომძიებელი. თავდაპირველი ვერსიით ლ--------------- დაგორდა კიბეებზე და დაზიანებები მიიღო კიბეზე დაგორების შედეგად, რომელმაც ფატალური შედეგი გამოიღო 10 დღის შემდეგ. ამ ვერსიის გადამოწმების მიზნით, შეხვდა რამდენიმე ადამიანს, დაკითხა კიდეც მოწმის სახით, თუმცა შემთხვევის ადგილის ზედაპირული დათვალიერებით გაჩნდა ეჭვი, რომ ეს ასე არ იყო. დაიწყო სხვა ვერსიაზე მუშაობა. მალევე, დაკითხვის შემდეგ, გაჩნდა მოწმეთა ბაზა, რომლებიც ადასტურებდნენ, რომ ლ--------------- კიბეებზე არ დაგორებულა და მან დაზიანებები მიიღო ფიზიკური ძალადობის შედეგად. მოწმეები ჩვენებებში უთითებდნენ გარემოებებს თუ რა ვითარებაში მიიღო ლ---------------მ დაზიანება. ისინი მიუთითებდნენ, რომ ლ---------------ს რამოდენიმეჯერ მიაყენეს ფიზიკური შეურაცხყოფა სასჯელაღსრულების დეპარტამენტის მე-14 დაწესებულების მეექვსე კორპუსის მესამე სართულზე, თავდაპირველად 338-ე, ხოლო შემდეგ 336-ე საკანში და უკანასკნელი ცემის შედეგად, რაც 336-ე საკანში მოხდა, ფაქტიურად ამ ადამიანმა დაკარგა გონება და გონმოუსვლელად გარდაიცვალა. მოწმეები ასახელებდნენ პირებს, ვინც ჩხუბში ღებულობდა მონაწილეობას. ეს იყო მე-14 დაწესებულების პატიმრები. გარდა ამისა, მოწმეთა ჩვენებებით გამოიკვეთა სასჯელაღსრულების დაწესებულების თანამშრომლების დანაშაულებრივი ქმედების ფაქტები იმ კუთხით, რომ ლ---------------ს მიმართ დანაშაულის ჩადენის დროს სასჯელაღსრულების თანამშრომლები იმყოფებოდნენ შენობაში იმავე სართულზე. მათთვის ცნობილი იყო საკნებში მიმდინარე ძალადობის ფაქტი, თუმცა ამ დანაშაულის აღკვეთა იმ ეტაპზე ვერ მოხერხდა. მან და მისი დანაყოფის გამომძიებლებმა ამ საქმესთან დაკავშირებით ჩაატარეს რიგი საგამოძიებო მოქმედებები. კერძოდ, დაკითხეს მოწმეები, დაათვალიერეს შემთხვევის ადგილი. დანიშნული იქნა რამდენიმე ექსპერტიზა, გამოთხოვილი იქნა ინფორმაციები სხვადასხვა დაწესებულებებიდან, ჩატარებული იქნა ამოცნობები. შედეგების მიხედვით, სასჯელაღსრულების თანამშრომლების კუთხით, გამოიკვეთა, რომ დანაშაულის ჩადენის დღეს - 12 მაისს, განწესში იმყოფებოდნენ ბრალდებულები სხვა თანამშრომლებთან ერთად. გამოძიებით დადასტურდა, რომ თავდაპირველი შეხება ლ---------------ს ჰქონდა ი-–---–--–-–---–----. ჩვენებების მიხედვით გამოიკვეთა, რომ დანაშაულის ჩადენის დროს იმ სართულზე იმყოფებოდნენ მესამე სართულის კონტროლიორი - ა-–------------------–---–- და სოც. მუშაკი, იმ დღეს განწესში შეყვანილი გ------------; იმჟამინდელი დირექტორის მოადგილე - ი------------------ და თ----------------, რომელიც განაწილებული იყო მეორე სართულზე. რაც შეეხება თ----------------ს მიერ ჩადენილ დანაშაულებრივ ქმედებას, წარმოადგენს ის, რომ კ---------ს ცემისა და სხეულის დაზიანების შემდეგ შედგენილი იქნა ყალბი შინაარსის შემცველი ოქმი, რომელშიც ასახული იყო სხეულზე არსებული დაზიანებების მექანიზმი და მითითებული იყო კიბეზე დაგორების შესახე. ამ ოქმზე ხელი აქვს მოწერილი თ----------------ს. შესაბამისად მის მიმართაც განხორციელდა დევნა შესაბამისი კვალიფიკაციით. განწესის მიხედვით დადგენილი იქნა თანამშრომლები, რომლებიც განაწილებულნი იყვნენ იმ დღეს კორპუსში. ამოღებულ იქნა შესაბამის თანამშრომელთა ფოტოსურათები, რომელთა შესატყვისი სურათები მოძიებულ იქნა სამოქალაქო რეესტრის ბაზიდან. ეს ბაზა იძლევა საშუალებას 70%-მდე სიზუსტით მიუთითოს ადამიანის ფოტოსურათები. შესაბამისად, შედარება მოხდა ძალიან მსგავს სურათებზე. ამოცნობილი იყო ბ------–---–-, შ--–-–---–-, გ------------, ნ--------. რაც შეხება ი------------------ს, მის მიმართ ამოცნობა არ ჩატარებულა, რადგან იცნობდნენ სახელითა და გვარით. ასევე იცოდნენ თანამდებობა. ასევე არ ჩატარებულა ამოცნობა ერთ - ერთი პირის, მ--–----------------- მიმართ. შემთხვევის ადგილი საქმეში დათვალიერებულია ორჯერ. ერთი ფაქტის მოხდენისთანავე. დათვალიერება ჩატარებული აქვს სასჯალაღსრულების შესაბამის დანაყოფს. ოღონდ დათვალიერებული იქნა თვისობრივად სხვა ადგილი, კიბის უჯრედი, რომელიც მდებარეობდა დაწესებულების მეექვსე კორპუსის პირველ და მეორე სართულებს შორის. მოგვიანებით, დათვალიერება ჩატარდა ნოემბრის შუა რიცხვებში. დათვალიერების შედეგად დადგინდა როგორც 338-ე და 336-ე საკნების ზომები, მათი ავეჯის განლაგება, ფანჯრები, კარები. ყველა დეტალი რაც საჭირო იყო სრული სურათის შესაქმნელად.

თავდაპირველად ვითარდებოდა ვერსია, რომ ლ--------------- დაგორდა კიბეზე. შესაბამისად დათვალიერდა კიბის უჯრედი. მიზეზი, თუ რატომ დათვალიერდა კიბის უჯრედი, გახდა პირველ რიგში შეტყობინების ოქმი, რომელიც შედგენილი ჰქონდა გამომძიებელს. შეტყობინების ოქმში იყო სატელეფონო საუბარი, რომლის მიხედვითაც სასჯელაღსრულების დეპარტამენტის მე-14 დაწესებულებიდან გამომძიებელს შეატყობინეს, რომ პატიმარი - ლ--------------- დაგორდა კიბიდან. შეტყობინების ოქმის შემდეგ, პირველი დოკუმენტი, რომელიც საქმეში იყო, ეს იყო ოქმი, სადაც ხელმოწერილი იყო შ--–-–---–-ს და ნ--------ს და კიდევ ერთი კონტროლიორის ო--------–---- მიერ, რომელშიც მითითებული იყო, რომ პატიმარი დაგორდა კიბეზე და სხეულზე არსებული დაზიანებანი მიიღო ამის გამო. სწორედ ეს იყო მიზეზი იმისა, რომ პირველი შემთხვევის ადგილად მიჩნეული იყო კიბეები და დათვალიერდა ის კიდეც, როგორც შემთხვევის ადგილი. თუმცა მოგვიანებით ჩატარებული გამოძიებით ფაქტიურად კატეგორიულად იქნა უარყოფილი აღნიშნული ვერსია და დადგინდა რეალური შემთხვევის ადგილი, რამაც გამოიწვია მისი დათვალიერების აუცილებლობა.

2.30. სასამართლო სხდომაზე მოწმის სახით დაკითხული ლ---------------- ჩვენებით დადგენილია, რომ მუშაობს სასჯელაღსრულების სამინისტროს საგამოძიებო სამმართველოს დასავლეთის განყოფილების გამომძიებლად. ლ---------------ს საქმესთან დაკავშირებით მიიღო შეტყობინება, რომ კიბეზე დაგორების შედეგად პატიმარ ლ---------------ს ჰქონდა დაზიანებები, იყო ცუდად და უნდა გადაეყვანათ საავადმყოფოში. შეტყობინების საფუძველზე მივიდა ინტერვენციულში, სადაც მოგვიანებით მოიყვანეს უგონო მდგომარეობაში მყოფი პატიმარი. მასთან საგამოძიებო მოქმედებების ჩატარება შეუძლებელი იყო. იმავე დღეს წავიდა მე-14 დაწესებულებაში შემთხვევის ადგილის დასათვალიერებლად. დაწესებულების თანამშრომლების მითითებით დაათვალიერა შემთხვევის ადგილი, კერძოდ - მეექვსე კორპუსის პირველი სართულიდან მეორე სართულზე ასასვლელი კიბის საფეხურები და ვინაიდან იყო გვიან ღამე, მოწმეთა დაკითხვა და სხვა საგამოძიებო მოქმედებები აწარმოა მეორე დღეს. სამმართველოს უფროსი ჯ--------------- დაუკავშირდა გვიან ღამით და უთხრა, რომ რაღაც შემთხვევა იყო გეგუთში, მისცა ტელეფონის ნომერი, რომ დაერეკა და გაეგო კონკრეტულად რა მოხდა. გადარეკა და ესაუბრა ი------------------ს, რომელსაც ჰკითხა რა მოხდა. ი------------------- უთხრა, რომ კიბის საფეხურიდან დაგორდა პატიმარი - ლ---------------, დროც უთხრა და ამის შემდეგ შეეკითხა - რა სიმაღლიდან დაგორდა, მარტო იყო ამ საფეხურზე, ახლდა თუ არა ვინმე - მსჯავრდებული ან თანამშრომელი. ეს შეკითხვები როცა დაუსვა, ი------------------- უპასუხა, რომ ეს დეტალები მან არ იცის და რამდენიმე ხანში დაუკავშირდებოდნენ და ამ ნიუანსებს და დეტალებს ეტყოდნენ. მართლაც დაახლოებით ათ წუთში ისევ ი------------------- ტელეფონით დაუკავშირდა სხვა პიროვნება და მან გასცა დეტალური პასუხები.

მოწმის განმარტებით, ის მე-14 დაწესებულებაში მივიდა სამმართველოს უფროსთან - ჯ---------------სთან ერთად. ჯერ ნახეს დირექტორი - მ--–----------------. რომელმაც მათ უთხრა, რომ პატიმარია დაგორებული კიბიდან სარეჟიმო ტერიტორიაზე და იქ ყველაფერს უჩვენებდნენ სად და როგორ მოხდა ეს ფაქტი. ამის შემდეგ, შევიდნენ სარეჟიმო ტერიტორიაზე, გადავიდნენ მეექვსე კორპუსში და იქ მყოფმა თანამშრომლებმა მიუთითეს კონკრეტულად იმ კიბეზე, პირველ სართულზე არსებულ საფეხურზე, შემთხვევის ადგილზე და ამის საფუძველზე მან დაიწყო ამ ადგილის, შემთხვევის ადგილის დათვალიერება. შემთხვევის ადგილის დათვალიერებაში მონაწილე სამივე თანამშრომელი ამბობდა, რომ აქ მოხდა, ამ საფუხერზე მოხდა ეს ფაქტიო. კონკრეტულად ამ საფეხურზე მიიყვანა ი-–---–--–-–---–--. დანარჩენი ორიც ადასტურებდა იმ ფაქტს, რომ იქ მოხდა დაგორება. გამოძიებას აწარმოებდა ერთი თვის განმავლობაში და არავის სხვა ვერსია არ უთქვამს. მიმართვებიც ჰქონდა გაგზავნილი და სამი პასუხი მიუვიდა ერთ დღეს თითქოს ტარდებოდა რაღაც ღონისძიებები. ერთ კონვერტში, სხვადასხვა რიცხვით დათარიღებული. მოწმის განმარტებით, მან ოქმი ელსმენით ზეპირი ცნობის მიღების შესახებ შეადგინა მაშინ, როცა მიიღო შეტყობინება და ამის საფუძველზე დაიწყო გამოძიება. ოქმი შეადგინა ი----------------------- საუბრის შემდეგ, როდესაც გაიგო ეს გარემოებები. ი-–---–--–-–---–-- მიერ 2013 წლის 12 მაისს შედგენილი ოქმი გადმოიგზავნა შეტყობინებასთან ერთად და დართული ჰქონდა შეტყობინებას. აქაც საუბარი იყო მასზედ, რომ თითქოს კიბეზე დაგორების შედეგად მიიღო დაზიანებები პატიმარმა ლ---------------მ და ხელს აწერენ ის პირები, ვინც მიუთითა იმ საფეხურებზე, რომ თითქოს იყო შემთხვევის ადგილი.

2.31. სასამართლო სხდომაზე მოწმის სახით დაკითხული ჯ---------------ს ჩვენებით დადგენილია, რომ 2013 წლის 12 მაისის მდგომარეობით მუშაობდა სასჯელაღსრულების, პრობაციისა და იურიდიული დახმარების სამინისტროს საგამოძიებო სამმართველოს დასავლეთის სამსახურის უფროსად. მის სამსახურებრივ უფლებამოსილებას წარმოადგენდა საგამოძიებო სამსახურზე ხელმძღვანელობა, დანაშაულის ფაქტის შემთხვევაში შემთხვევის ადგილზე გასვლა გამომძიებელთან ერთად, მეთვალყურეობა გამოძიებაზე იმ კუთხით, რომ მიეცა მიმართულება თუ რა უნდა გაეკეთებინა გამომძიებელს. ამ დროისათვის, საგამოძიებო დანაყოფში იყო ორი გამომძიებელი - ე---–----------–----- და ლ---------------. 2013 წლის 12 მაისს იყო ძალიან დაძაბული დღე. სახლში მივიდა დაახლოებით ღამის ათ საათზე. იყო დაწოლილი, როცა დაურეკა ტელეფონმა. ზუსტად ვერ იხსენებს, მაგრამ იყო მ--–----------------, რომელმაც უთხრა, რომ “გეგუთის დაწესებულებაში იყო შემთხვევა მომხდარი, ერთ - ერთი პატიმარი დაგორდა კიბიდან, არის უგონო მდგომარეობაში და უნდა გადავიყვანოთ საავადმყოფოში, იყო დატვირთული ფსიქოტროპული საშუალებებით და დაგორდა კიბეებიდანო“. რომელ საავადმყოფოში უნდა გადაეყვანათ არ იცოდა, რადგან ეს საკითხი უნდა გადაეწყვიტა სამედიცინო დეპარტამენტს. ან უნდა გადაეყვანათ კლინიკურში ან კიდევ ინტერვენციულში, რადგან სასჯელაღსრულების დეპარტამენტს ორივესთან ჰქონდა დადებული ხელშეკრულება. ამის შემდეგ ჩააყენა საქმის კურსში პროკურორი, რომელმაც მისცა მითითება, რომ გასულიყო საავადმყოფოში, ხოლო შემდეგ კი საქმის კურსში ჩააყენა დეპარტამენტის უფროსი. შემდეგ ესაუბრა მორიგე გამომძიებელს - ლ---------------ს, რომელსაც აუხსნა მდგომარეობა, რომ კიბეებზე დაგორებული პატიმარი არის ცუდად და ელოდებოდა რომელ საავადმყოფოში გადაიყვანდნენ. გაეგებნებინა რომელ საავადმყოფოში გადაიყვანდნენ. იგი წავიდოდა საავადმყოფოში, ხოლო მას დაერეკა დაწესებულებაში. იქ ზეპირი შეტყობინება ფორმდებოდა, შეედგინათ ეს ოქმი, აეღო ნომერი, მისულიყო საავადმყოფოში. ამის შემდეგ ჩაიცვა და როგორც თვითონ ახსოვს გადაურეკა, რომ გაეგო თუ სად იყო მსჯავრდებული გადაყვანილი. შემდგომში დაურეკა მ--–----------------- და უთხრა, რომ გადაყვანილი იყო ინტერვენციულში. წავიდა საავადმყოფოში. გზაში დაურეკა გამომძიებელ - ლ---------------ს და უთხრა, რომ მიდიოდა ინტერვენციულში და იქ გამოსულიყო როცა ნომერს აიღებდა. მისვლისას იქ არავინ არ დაუხვდა. დაახლოებით 15 წუთში მოვიდა საბადრაგო სამსახურის უფროსი - ლ--------–-------. მალე მოვიდა ლ---------------ც. მას საქმის ნომერი აღებული ჰქონდა. პატიმარი მოიყვანეს დაახლოებით 24:00 საათისათვის. პატიმარი მოიყვანეს სასწრაფო დახმარების მანქანით. პატიმარი ტანს ზევით იყო შიშველი. ეცვა მხოლოდ შავი ფერის შარვალი და რამაც გააკვირვა იყო ის, რომ პატიმარს თავი ჰქონდა უაზროდ, რუმბივით გასიებული. ტანი წვრილი ჰქონდა. თავი იყო დალილავებული. კისრის ზემოთ იყო დაზიანებული. კისრის ქვემოთ მხოლოდ მარცხენა ხელზე ჰქონდა დაზიანება. სხვა დაზიანება არ უნახავს. ფეხებიც შეუმოწმა. კისრის ზემოთ იყო ჩალურჯებული, ჰქონდა სისხლნაჟღენთები. იყო უგონო მდგომარეობაში, არ ინძრეოდა, ერთადერთი სუნთქავდა. ტომოგრაფიის გადაღების შემდეგ თქვეს, რომ ამას სასიკვდილო არაფერი არ ჭირსო. დაუთვალიერეს მუცლის ღრუ.

იყო ძალიან გვიანი და წამოვიდა ლ---------------სთან ერთად, რათა დაეთვალიერებინათ შეთხვევის ადგილი. ავიდნენ დირექტორთან მ--–----------------სთან, რომელმაც უთხრა, რომ „დღეს ჩამოიყვანეს ეტაპით მე-6 სასჯალაღსრულების დაწესებულებიდან, იყო ფსიქოტროპული ნივთიერებით გაჟღენთილი, მერე კიდევ მოითხოვა ფსიქოტროპულები, დაგორდა კიბეებიდან და ამის დამნახავი არის პატიმრებიო“. ამის შემდეგ, იგი და ლ---------------, ოპერატიული მორიგის თანდასწრებით გადავიდნენ კორპუსში შემთხვევის ადგილის დასათვალიერებლად. მეექვსე კორპუსის შესასვლელში მდგარ მაგიდასთან დახვდათ ი-–---–--–-–---–-. მანაც უთხრა, რომ როცა პატიმრები შემოიყვანეს, თანდათანობით გადაანაწილა პატიმრები, ლ--------------- გაუშვა, ფსიქოტროპულით იყო გაბრუებული, ცოტა ხანში გაიგონა ხმაური. როდესაც იქ მივიდა, კიბის ქვეშ დახვდა დაგორებული, პირველ სართულზე ასასვლელი კიბეების ნახევარზე, იქვე იყვნენ პატიმრები. ი-–---–--–-–---–-- ანახა შემთხვევის ადგილი. მიუთითა კიბეების ქვეშ ადგილი. ლ---------------მ ამოიღო შემთხვევის ადგილის დათვალიერების ოქმი და ითხოვა ორი თანამშრომელი ოქმში შესაყვანად. დაიწყეს შემთხვევის ადგილის დათვალიერება მან და ლ---------------მ. უკან მოჰყვებოდათ ი-–---–--–-–---–- და ის ორი თანამშრომელი. ავიდა მეორე სართულამდე. ეძებდა სისხლის კვალს. ლ--------------- კი ავიდა მესამე სართულამდე, მაგრამ არანაირი სისხლის კვალი არ ყოფილა. ერთადერთი რაც თვალში საცემი იყო, ძაან მოპრიალებული იყო იქაურობა და შეიძლება ვინმე მართლაც დაგორებულიყო. ასევე კიბეები იყო ძალიან მაღლა. საეჭვო იყო ის, რომ დაზიანებები ჰქონდა სახეზე, ტანზე კი არ ჰქონდა. დაათვალიერეს შემთხვევის ადგილი, თანამშრომლებმაც მოუწერეს ხელი და დაახლოებით 04:00 საათზე დატოვეს იქაურობა. იყო გვიან და რაიმეს გაკეთება შეუძლებელი იყო. მეორე დღეს, დაახლოებით 11:00 – 12:00 საათზე, ჩავიდა დაწესებულებაში ლ---------------სთან და ე---–---------–---------- ერთად. დათვალიერების დროს მან თხოვა ი-–---–--–-–---–-, რომ დაეძახა პატიმრებისათვის, რომლებსაც გადმოეცათ რა მოხდა. ერთ-ერთი პატიმარი იყო გვარად უ–-----. მეორის გვარი არ ახსოვს. პატიმრებმა უთხრეს, რომ „ღამით ჩამოვდიოდით ექთანთან წამალზე და როდესაც ჩამოვდიოდით კიბეებზე დავინახეთ, რომ კიბეებზე ბარბაცით ამოდიოდა კ--------- და როდესაც ბოლო საფეხურზე რომ მიაღწია გადატრიალდა და წავიდა, ძირს დაეცა, წამოდგა და მერე ისევ დაეცა ცხვირ-პირითო“. დაიკითხა მათი გადმოცემით ფაქტის შემსწრე პირები - თანამშრომლებიც, მსჯავრდებულებიც და ექთანი. დაახლოებით მესამე დღეს, არსებობდა ეჭვი, რომ ეს დაზიანებები არ შეიძლება მსჯავრდებულს მიეღო დაცემის შედეგად. დაზიანებები ჰქონდა მხოლოდ სახის არეში. ტანზე სხვა დაზიანებები არ ჰქონდა.

გავრცელდა ჭორი, რომ პატიმრებს შორის მოხდა შელაპარაკება, ამიტომ გაუკეთდა წერილი მე-14 დაწესებულებას გაეტარებინათ ოპერატიულ-სამძებრო ღონისძიებები. წერილის გაკეთებიდან დაახლოებით ორ დღეში ესაუბრა მ--–-----------------. მანამდეც ესაუბრებოდა. აინტერესებდა კ---------ს მდგომარეობა. ორი დღის შემდეგ მ--–----------------- უთხრა, რომ დადგინდეს ვისთან მოუვიდა ჩხუბი და ამ კუთხით მუშაობდნენ. მ--–----------------- უთხრა, რომ არის პატიმარი, რომელიც აღიარებდა და იქნებ გამომძიებელი გამოეშვა. კიდევ იყო ორი თვითმხილველი პატიმარი. მან უთხრა, რომ გაგზავნილ წერილზე გაეცა პასუხი, რადგან ასე ვერ დაკითხავდა. მ--–---------------- დაჰპირდა, რომ წერილს დაწესებულებაში დაახვედრებდა. მან საქმის კურსში ჩააყენა პროკურორი. ასევე საქმის კურსში ჩააყენა საგამოძიებო ნაწილის უფროსი. საღამოს გაირკვა რომ საქმე პროკურატურას მიჰქონდა. ამის შემდეგ, მხოლოდ გაესაუბრა იმ პირს, რომელიც ოპერატული ინფორმაციის საფუძველზე თვითონ იბრალებდა ლ---------------ს კიბეებზე დაგორებას, თუმცა თქვა აბსურდი. შემდგომ გამოიყვანეს პატიმრები, რომლებსაც თითქოს ჰქონოდათ დანახული, მაგრამ აღმოჩნდა, რომ არაფერი არ დაუნახავთ.

მოწმის განმარტებით, ოქმი ესლმენით ზეპირი ცნობის შესახებ დგებოდა მაშინ, როდესაც წერილობითი მომართვა დაწესებულებიდან გვიანდებოდა. გამოძიების დაწყების საფუძველი იყო ეს დოკუმენტი. ელსმენით ზეპირად მიიღეს რა მოხდა და რასთან დაკავშირებით უნდა იყოს გამოძიება. ზეპირ შეტყობინებაში უნდა ჩაწერილიყო როდის, სად, რა ვითარებაში, ვის მიერ გადმოიცა ეს შეტყობინება. ამას აფიქსირებდა გამომძიებელი. რეზოლუციას ადებდა იგი. აქვე დარტყმულია შტამპი, სადაც დაფიქსირებულია სისხლის სამართლის საქმის ნომერი. ასევე შტამპი როდის შემოვიდა ეს შეტყობინება. შინაარსი არის ის, რომ გამომძიებელმა - ლ---------------მ 23:17 საათზე შეადგინა ზეპირი შეტყობინების ოქმი, რომ სასჯელაღსრულების დეპარტამენტის მე-14 დაწესებულების მოადგილისაგან, ი-------------------აგან მიიღო დანაშაულის შესახებ შემდეგი შინაარსის ცნობა: დაახლოებით 21:40 საათზე, სასჯელაღსრულების დეპარტამენტის მე-14 დაწესებულებაში შემოყვანილმა მსჯავრდებულმა - ლ---------------მ კიბეზე დაცემის შედეგად მიიღო სხეულის დაზიანება. იმ დღეს პასუხისმგებელი მორიგე იყო ი------------------ და გამომძიებელი ნამდვილად მას ესაუბრა.

2.32. სასამართლო სხდომაზე მოწმის სახით დაკითხული დაზარალებულის უფლებამონაცვლე - ხ------- კ---------ს განმარტებით, როცა მისი ძმისშვილი - ლ--------------- ციხეზე შეიყვანეს, იქ იყვნენ ი------------------ და ი-–---–--–-–---–-. ი-–---–--–-–---–- ჰქონდა ნაგლეჯი ქაღალდი, რომელზეც ეწერა „ლ---------------“. ბავშვი როცა შევიდა ციხეში, წამლები მოითხოვა. ი------------------- უხეშად უპასუხა. მეორეჯერ როცა ცუდად ხდებოდა, ბავშვი ჩამოჯდა. ერთ ხელში ეკავა ქვაბი, მეორეში ჟაკეტი. ისევ უთხრა ი------------------ს „წამლები მჭირდება, ვინ დამეხმარებაო“. ი------------------- ისევ უხეშად უპასუხა. ბავშვმა ჰკითხა თუ რატომ ეუხეშებოდა, წამლები სჭირდებოდა, ვინ დაეხმარებოდა. ი------------------- ისევ უხეშად უპასუხა. ბავშვმა უთხრა „რატომ მეუხეშებიო“. „შენ ეხლა მოგივლიანო“ უპასუხა ი-------------------. ამ დროს გამოვიდა ი-–---–--–-–---–-. ი-–---–--–-–---–- და ი------------------ მას გაესაუბრნენ, რაზე არ იცის. ი-–---–--–-–---–-- ამოიღო ქაღალდი და შეეკითხა „შენ ხარ კ---------? ეხლავე მოგივლიან“ და მერე ყველამ იცის რაც მოხდა. მოწმის განმარტებით, ბავშვი როცა მოკლეს, უგონოდ იყო. ორი საათი გააჩერეს. მართალია ფაქტის თვითმხილველი არ არის, მაგრამ რაც მოხდა, ყველაფერი იცის. მას ლ--------------- რუსთავის მეექვსე დაწესებულებაში ეგულებოდა. დასავლეთში გადმოყვანას არ ელოდებოდნენ. რაც მოხდა, ადმინისტრაციამ მას არ აცნობა. შორეული ნათესავისაგან შემთხვევით 15-ში გაიგო ლ---------------ს საავადმყოფოში მოთავსების შესახებ. დილით იქ იყო, როცა გარდაიცვალა. დილით შეშუპება განუვითარდა, სიცხეები ჰქონდა და დაურეკა ექიმს. სხეულის ნაწილი არ იყო დარჩენილი, რომ ბავშვი ნაცემი არ ყოფილიყო. „კატოკით რომ გადაუარონ, ისე გადაუარეს“. მოწმის განმარტებით, გეგუთის ციხეში ლ--------------- სცემეს ადმინისტრაციის ხელშეწყობით. ი------------------ იყო პირველი, ვინც ლ---------------ს უხეშად მოექცა. ი------------------ იყო ის, ვინც ლ---------------ზე თქვა „ცოტას წაუპატყუნებენ და ჭკუაზე მოიყვანენო“. ი------------------ იყო ეს ჯალათი;

2.33. დახურულ სასამართლო სხდომაზე მოწმის სახით დაკითხული გ------------- ჩვენებით დადგენილია, რომ 2013 წლის 12 მაისისათვის სასჯელს იხდიდა სასჯელაღსრულების დეპარტამენტის მე-14 დაწესებულებაში. კოლონიაში შემოსვლისას ის გაანაწილეს სამეურნეო ნაწილში და მასთან ერთად საცხოვრებლად გაანაწილეს პატიმრები - ა-–---------- თ-------–---–-, ჯ----–-----------–--------------- და რ-----------–---–-. ზონაში შემოსვლიდან დაახლოებით 20 დღეში დაინიშნა „აბსლუგის“ ბრიგადირად. 12 მაისს, როდესაც კ--------- მოიყვანეს ეტაპში, იყო თავის ოთახში. მათთან მივიდა რ----–------------- უმცროსი ძმა - ჯ----–---------- და უთხრა, რომ ეტაპი იყო მოყვანილი და მათ შორის იყო მათი ნაცნობი, ფოთელი, ლ---------------. რ----–------------- უთხრა, რომ ჩაჰყოლოდა კარანტინში, სადაც უნდა ენახა. ის რ-----------–---–----, რ----–-- და ჯ----–----------ებთან ერთად ჩავიდა კარანტინში. როცა შევიდნენ კარანტინში, განაწილება ნახევრად დამთავრებული იყო. იქ იყო ი------------------, რომელიც განაწილებას ხელმძღვანელობდა. ი------------------სა და ლ---------------ს შორის მიდიოდა საუბარი წამალთან დაკავშირებით, როდის მისცემდნენ, ვინ მისცემდა და ა.შ. ი------------------- უთხრა, რომ „მოგვიანებით მოგხედავენ, შემეშვი, მოგხედავენ იქეთ კორპუსში, რომ გადახვალო“. მოუვიდათ წალაპარაკება. მოგროვდა დაახლოებით ათი პატიმარი. იქ იყო კონტროლიორი გ---------–---, რომელმაც კარანტინიდან წამოიყვანა ახალ კორპუსში ახალმოყვანილი პატიმრები. ისინიც მათ გაჰყვნენ. როცა „სანჩასტის“ ბოლოს ჩაცდნენ, ახლოვდებოდა საჭმლის დარიგების დრო. იქედან მოჩანს სასადილო. გაჩერებული იყო ურიკები. ზედ საჭმელები ელაგა. მან რ----–------------- და რ-----------–---–- უთხრა, რომ ნახავდა რატომ იყო „კაჭკები“ გაჩერებული, საჭმელი ამდენი ხანი უნდა შეტანილიყო. ჩვეულებრივ მოკლეზე გადაჭრა გზა. სანამ მიუახლოვდებოდა „კაჭკებიც“ დაიძრა. იგი წავიდა ბეტონის ბილიკით, ხოლო მისი ორი ახლობელი მიჰყვებოდა ეტაპს შემოვლითი გზით. შეასწრო შიგნით ეტაპის ხალხს. ციხე არ იყო დაკეტილი, რის გამოც ი-----–--–--–-–---–- უთხრა, რომ ციხე დაეკეტა, თორემ საჭმელს არ დაარიგებდა. ესე ხდება ყოველთვის. საჭმლის დარიგებისათვის საჭიროა ციხის დაკეტვა. ამ საუბარში ეტაპის ხალხიც მოადგათ. ი-----–-- უთხრა, რომ ეტაპს არ მიიღებდა, რადგან ციხე არ ჰქონდა დაკეტილი და მოითხოვა ეტაპის უკან დაბრუნება. აღნიშნულზე დ-------- უთხრა, რომ მსჯავრდებულები ი------------------- განაწილებული იყო. ამასობაში ი-----–--–--–-–---–- შეტრიალდა. იგი მიხვდა, რომ კორპუსი დაკეტილი იყო, რადგან განაწილებული პატიმრები შევიდნენ შიგნით. დარჩა მხოლოდ კ--------- და რამოდენიმე პატიმარი. კ---------მ, როგორც კარანტინში მოსთხოვა ი------------------ს წამალი, ასევე მოსთხოვა ი-–---–--–-–---–-, რომელმაც უთხრა, რომ ხელები რატომ არ ჰქონდა უკან დაწყობილი. აღნიშნულზე ლ---------------მ უთხრა, რომ „უზრდელი ბიჭი არა ვარ, ხელში ჟაკეტი მიჭირავს და მიტომ ვერ დავიწყვე, ჩამოვჯდები, დაღლილი ვარო“. ამაზე მათ შორის მოხდა შეკამათება. რომ შედიოდა ი-----–--–--–-–---–- კორპუსში, ლ---------------ს უთხრა „ეხლავე მოგხედავენო“. რამოდენიმე წამში ი-----–--–--–-–---–--, მეექვსე კორპუსის პირველი სართულიდან, სადაც შევიდა, გამოიყვანა - ,,ბულდოგა“, ს----------. ს----------- არც არაფერი უკითხავს ლ---------------სათვის და უთხრა; „შედი ბიჭო შიგნით“, დაუწყო ქიჩავი. ლ---------------მ ს----------- უთხრა, რომ წამლის საკითხს არკვევდა და იცოდა, რომ საკანში უნდა შესულიყო. ამ ლაპარაკზე „ბულდოგამ“ დაარტყა ისე, რომ დაჭერილიდან ხელი არ გაუშვია. ქაჩავი დაუწყო პირველი სართულის შესასვლელში. შეიყვანა შიგნით, პირველ სართულზე. მეორედ რომ ხელი დაარტყა, კ---------მ შეუბრუნა ხელი. მეორედ ხელის დარტყმის დროს, კ---------მ ხელიდან მისკა გააგდო, ჟაკეტი მეორე მხარეს გადმოწია და შეუტრიალა ხელი „ბულდოგას“. როცა ხელი შეუტრიალა, „ბულდოგამ“ ყვირილი დაიწყო „ხელი როგორ აწიე მაყურებელზეო“ და გამოვიდა პირველი სართულის მაყურებელი - „გორსკი“. იმას არაფერი არ უკითხავს. „ურტყამენ კ---------ს და მიჰყავთ ზემოთ“ ანუ ზემოთ წასვლაში ისინი გულისხმობდნენ ზონის მთავარ მაყურებელთან წასვლას, რომელიც მესამე სართულზე ცხოვრობდა. ნებისმიერი ჩხუბი ან რაიმე რომ მოხდებოდა და იტყოდნენ „ზევით წავიდეთო“, ეს ნიშნავდა მესამე სართულზე მცხოვრებ ზონის მთავარ მაყურებელთან წასვლას. მოწმის განმარტებით, „ქიჩავ-ქიჩავით მიჰყავთ კ---------“. იგი გამოტრიალდა უკან და ი-----–--–--–-–---–- უთხრა: რა გააკეთე, ხელი რომ შეუბრუნა ეს კარგად არ დამთავრდება და ვინმესთვის გაეგებნებინა ან უფროსისთვის ან ვინმესთვის, რაიმე რომ არ მომხდარიყო. სისტემაში დიდი ხანი იყო ნამყოფი და იცის როგორ სრულდება მაყურებლისათვის ხელის დარტმა. გამოტრიალდა. ი-----–--–--–-–---–-- უთხრა, რომ არაფერი არ უჭირდა, წაარტყამდნენ ცოტას, ჭკუაზე მოიყვანდნენ. ამის შემდეგ შებრუნდა ისევ კორპუსში და ავიდა მეორე სართულზე. იქ ცხოვრობდნენ ახლობლები, მ--–---------, მეორე სართულის მაყურებელი ცხოვრობდა 212-ე საკანში. ავიდა იმის გამო, რომ ენახა მ--–---------, რომელიც იყო ისეთი ფიგურა, სანამ კ-------–---- გადმოვიდოდა შეეძლო სიტუაციის შეჩერება. მაგრამ ვერ ნახა. ამოტრიალდა მესამე სართულზე. იქ იდგნენ თანამშრომლები. წავიდა 336-ე საკნისაკენ. 336-ე და 338-ე საკანი იყო მაყურებლის საკანი. 336-ე საკნიდან გამოსული ანუ კორიდორში იდგნენ - გ------–---–---------------. მათ ჰკითხა თუ რა მოხდა. რაზეც უპასუხეს „არაფერი, შიგნით ურტყამენ, ცემენო“. სანამ საკნამდე მივიდოდა, იქედან გამოვიდა კ---------, რომელსაც ცხვირიდან სისხლი მოსდიოდა, ხელში ჟაკეტი ეჭირა და იმით იწმენდა ცხვირს. გამოვიდნენ მასთან ერთად - „გორსკი“, „ბულდოგა“, „გალსკი“ და შიგნით, როგორც გ------–---–-- და დ-------- უთხრეს, იყო „რუბენიჩი“, ტელეფონის მაყურებელი - დ-–-----. წამოვიდა და დ-------- და გ------–---–- უთხრა, რომ ნახავდა ისეთს, ვინც ამ სიტუაციას გადაწყვეტდა. იკითხა და გაიგო, რომ კ-------–---- არ იყო. რადგან ზონის მაყურებელი ამას არ დაესწრო ე.ი. ცემა ასე არ დამთავრდებოდა. ქურდული წესია ასეთი. ჩამოვიდა ქვევით, რომ ენახა ან ოფიცერი ან მოადგილე ან ი----- ან ს---------- ან კ------, რომელიც შეძლებდა ასეთი სიტუაციის გაჩერებას. როცა ჩამოვიდა კორპუსიდან, აქეთ ყვირილით შემოხვდა „რიჟა“ (ნ------------------) და ზონის მაყურებელი კ-------–----, რომლებიც იგინებოდნენ დედის მისამართით, „მაყურებელს ხელი როგორ დაარტყესო“. ისინი წავიდნენ ზევით მესამე სართულისაკენ. ამ დროს მან ისევ უთხრა ი-----–--–--–-–---–-: „ხომ ხედავ რა გააკეთე, გაშტერებული რომ იყურები, სადმე დარეკეო“. იგი ზევით აჰყვა მათ. კ--------- ჰყავდა წაყვანილი თავის „საზემლიაკოს“ მეოთხე სართულზე. მეგრელების კრუგი წაიყვანს მეგრელს, კახელების კახელს და ა.შ. ასეთი წესია დაწესებულებაში. როცა მესამე სართულზე ავიდა, კ--------- ზემოდან მოჰყავდათ კ-------–----, „რიჟას“, „ბულდოგას“, „რუბენიჩს“ და დ-–-----. შიგნით რომ შევიდნენ, კორიდორში, ბევრი ხალხი იყო. მესამე სართულის შესასვლელთან ძაან მასა ხალხი იყო. ძაანაც რომ ნდომოდა უკან ვერ გამოვიდოდა. ნელ-ნელა მიიწევდა წინ. მივიდნენ 336-ე საკნამდე, სადაც შეიყვანეს კ---------. კ-------–----- ჰკითხა: „მაყურებელს ხელი როგორ დაარტყიო“ და სანამ ხელს დაარტყამდა, დაიძახა: „იმოქმედეთო“. ზონის მაყურებელი ამას რომ იძახის, ეს არის სასიკვდილო განაჩენი. ყველა ვინც არის ქურდული ტრადიციის მატარებელი, უნდა დაარტყას, რაც მოჰყვება ხელში. დაუწყეს ცემა. იქ ვენტილატორს მოგლიჯეს ფეხი. იქ ჩაინიკი დააფშვნეს თავზე. დააგდეს უგონოდ. ძირს რომ დავარდა, მერეთაც ურტყამდნენ უგონოდ მყოფს. ცემის დამთავრებამდე უთხრა გ------–---–- და დ--------, რომ წავიდოდა ქვევით, ნასილკაზე, რადგან ეს საქმე სამეურნეო ნაწილის გასაკეთებელი იყო. წავიდა „სანჩასტში“. იცოდა მისი განლაგება და სად იყო „ნასილკა„. გამოიტანა და გზაში, სანამ მეექვსე კორპუსში შევიდოდა, შეხვდა რ----–------------- ძმა და უთხრა, რომ შეიძლებოდა დაჭირვებოდა და არსად არ წასულიყო. ავიდა მესამე სართულზე. როცა ავიდნენ, პატიმრები იყვნენ დაშლილები, ყველაფერი იყო დამთავრებული. კორიდორში იდგა რამოდენიმე თანამშრომელი. შევიდნენ 336-ე საკანში. ლ--------------- ეგდო თავით ძირს, კარების მხარეს, უგონოდ იყო. დააწვინეს ნასილკაზე. დაუდეს ჟაკეტი. იგი დადგა წინ, გ------–---–--------------- უკან დადგნენ და ჩამოიტანეს მესამე სართულიდან პირველ სართულზე. პირველ სართულზე რომ გამოდიოდნენ, იქ იდგა ი-----–--–--–-–---–-, მოეხმარა ჯ----–---------- და მიიყვანეს სანჩასტში. ის შემდეგ დაბრუნდა სამეურნეო ნაწილში, თავის ოთახში. როცა იქ შევიდა დახვდა მეგობარი - გიორგი თ-------–---–-, რომელმაც ჰკითხა: „როგორ მორჩა ეს ამბავიო“. უთხრა: „რა მორჩა, უგონოდ, ნახევრად მკვდარი არის სანჩასტშიო“. მეორე დღეს, მასთან ოთახში გ------–---–---- ერთად ყოფნისას, მივიდა ი------------------, სთხოვა წყალი. დაალევინა „ნაბეღლავი“. მან ი------------------ს უთხრა „მიხაილოვიჩ, ასეთი როგორ გაგეპარა, ხელის შეტრიალებას ხომ იცი რა მოჰყვებოდა, გამოცდილი თანამშრომელი ხარო“. მი----–------- თქვა „პალაჟენეცს ხელი რომ დაარტყა, აბა რა ეგონაო“. გ------–---–-- და მი----–------- რამოდენიმე ხანი ილაპარაკეს. იყო ზოგი ირიბი, ზოგი პირდაპირი მუქარა: „ხომ იცი რაიმე რომ თქვაო“. მეორე დღეს წავიდა ვერსია - ლ--------------- კიბიდან დაგორდაო. მასთან მივიდნენ - „ბულდოგა“, „გალსკი“ და კ-------–----. უთხრეს: „პატარა რაღაცა და მაგრად დაისჯებიო“. ამას რომ ამბობს მაყურებელი, ეს ნიშნავს სიკვდილს. აინტერესებდათ იგი რას იტყოდა. მან უთხრა, რომ არაფერს არ იტყოდა. მათ შორის ადმინისტრაციამაც რომ დაიწყო საუბარი, რომ კიბიდან დაგორდა, მისთვის ის გახდა ნათელი, რომ იბლოკებოდა და ამიტომ ჩაჯდნენ საჯარიმო იზოლატორში. ჯერ წავიდნენ ორივე ძმები - დ---------- და გ------–---–-- შვიდი დღე გაატარეს მან და თ-------–---–-- ისე, რომ არაფერი არ იცოდნენ და ჩაიკეტეს თავი მათაც. გააკეთეს ეს როცა ს---------- მოხსნეს, მერე ჩაიკეტეს საჯარიმო იზოლატორში თავი. „აბსლუგის“ ბრიგადირი არ ინიშნება ზონის უფროსსა და მაყურებელს შორის შეთანხმება თუ არ არის. უნდა იყოს ორივე მათგანისათვის მისაღები პირი. იმ დროისათვის ზონის უფროსი იყო მ--–----------------, ხოლო ზონის სულ მთავარი მაყურებელი - ლ-–----------–----. რაც არ უნდა ყოფილიყო, თუნდაც სულ უმნიშვნელო დეტალი, უნდა შეთანხმებულიყო კ-------–-------- „ბულდოგა“ იყო მესამე კორპუსის მაყურებელი, „გალსკი“ – ეტაპის მაყურებელი, დ-–----- - ტელეფონების მაყურებელი, „რიჟა“ - ძველი ზონის მაყურებელი. „რუბენიჩი“, რომელიც კ---------ს ეპიზოდში ურევია, ერთადერთია, რომელიც მაყურებელი არ იყო. შიგნით მაყურებელს ნიშნავს ზონის მაყურებელი, ხოლო თვითონ ზონის მაყურებელს დანიშვნას წყვეტს კანონიერი ქურდი. იმ პერიოდში ზონაში მაყურებლის ფუნქცია იყო ქურდული წესით ცხოვრება და ზონის ქურდული წესით ცხოვრება. არ უნდა იყოს არეულობა, არ უნდა იჩივლო, ადმინისტრაციის წინააღმდეგ არ უნდა გააკეთო რამე. როგორც თვითონ იცის, 336-ე საკანში ცხოვრობდა ზონის მაყურებელი - კ-------–----, 338-ში - „ბულდოგა“. 336-ე და 338-ე საკნები არ იკეტებოდა ანუ იქ მაცხოვრებელს შეეძლოთ ერთმანეთის საკნებში დაწოლა. მათთვის შეზღუდვა არ არსებობდა. შეეძლოთ ეცხოვრათ ერთმანეთის საკნებში. მ--–----------------ს და ლ-–----------–---- ერთმანეთთან ჰქონდათ კარგი ურთიერთობა. საკნები რომ არ იკეტებოდა, ეს ადმინისტრაციასთან იყო შეთანხმებული - უფროსი, მოადგილეები.

მოწმის განმარტებით, როცა მეექვსე კორპუსის შესასვლელში მოხდა ჩხუბი და ს----------- დაარტყა კ---------ს, იქ თანამშრომლებიდან იყო ი-----–--–--–-–---–-. იდგა იქ ჩვეულებრივად. პირიქით, მან გამოიყვანა „ბულდოგა“ კორპუსიდან. როცა შეკამათება მოხდა ი-–---–--–-–---–- და ლ---------------ს შორის, ი-–---–--–-–---–-- უთხრა, რომ “მოიცა, მოგხედავენო, რახან ვერ ისვენებო“. გამოიყვანა იმიტომ, რომ კ---------სათვის პასუხი მოეთხოვა. როცა დარტყმა მოხდა, ი-–---–--–-–---–- არც არაფერი არ უთქვამს და არც არაფერი არ მოუმოქმედებია. 338-ე საკანთან განვითარებული ჩხუბის დროს, თანამშრომლებიდან იმყოფებოდნენ მესამე კორპუსის ოფიცერი და კონტროლიორი. როცა ჩხუბი მიმდინარეობდა 338-ე საკანში, თანამშრომლები არაფერს არ აკეთებდნენ. არც პირველ სართულზე, არც 338-ე და არც 336-ე საკანში ჩხუბის დროს არ მისულან და არავინ არ გაუჩერებიათ.

მოწმის განმარტებით, მან მ--–----------------ს უთხრა თუ სინამდვილეში რა მოხდა, მაგრამ მან უთხრა, რომ „გეშლება და კ--------- ნამდვილად კიბეებიდან დაგორდაო“. ამით მიახვედრა, რომ სიმართლის საუბარი აღარ იყო საჭირო. ენა უნდა გაეჩერებინა. მოწმის განმარტებით, შ--–-–---–- შეეძლო საერთოდ კონფლიქტიც არ მომხდარიყო ანუ არ გამოეყვანა „ბულდოგა“. თავშივე გამოუყვანა მესამე კორპუსის მაყურებელი და უთხრა “ესაა კ---------ო. მას შეეძლო უფროსზე დაეძახა, ი-----ზე დაეძახა და კონფლიქტი გაეჩერებინა“;

2.34. სასამართლო სხდომაზე მოწმის სახით დაკითხულმა ბრალდებულმა - ი------------------- განმარტა, რომ წარდგენილ ბრალდებაში თავს არ ცნობს დამნაშავედ. 2013 წლის 12 მაისისათვის იყო მე-14 დაწესებულების დირექტორის მოადგილე სოციალურ დარგში. დაწესებულების დირექტორი იყო მ--–----------------, რომელიც დაინიშნა 2012 წლის 30 ოქტომბერს, ხოლო 03 ნოემბერს, მოადგილედ უსაფრთხოების და რეჟიმის დარგში მასთან ერთად დაინიშნა თ--------------. 2013 წლის 12 მაისს სამსახურში არ გამოცხადებულა, რადგან ცხოვრობდა იქ, თვიდან თვემდე, დაწესებულებაში, კაბინეტში. სახლში მიდიოდა თვეში ერთხელ ორი დღით, ამიტომ წინა ღამითაც, იმ დილითაც იყო იქ. იმ დღეს დაწესებულებაში ცნობილი გახდა, რომ ეტაპი მოდიოდა რუსთავის მე-6 დაწესებულებიდან, დაახლოებით 65 კაცი. ეტაპი დაწესებულებაში დაახლოებით დღის ოთხ საათზე შემოვიდა. იგი არ დასწრებია მანქანების დაწესებულების ტერიტორიაზე შემოსვლას და პატიმრების მიღებას. მანქანები შემოვიდა შლუზში. შლუზში პატიმრების მიღებას აწარმოებდა პირადი საქმეების მიხედვით სპეცნაწილის უფროსი, საღრიცხვო სამსახურის უფროსი. პირად საქმეებს იბარებდა, პატიმრების მიღებას ახდენდა და იბარებდა უშუალოდ მ--–---------------- და თ--------------. იგი იყო კარანტინის კორპუსში. მასთან იყო უსაფრთხოების სამსახურის უფროსი - ო---------------–--–---–-- პერიოდულად შედიოდა რეჟიმის სამსახურის უფროსი. კ---------ს შეხვდა 2013 წლის 12 მაისს, როცა იგი შეიყვანეს კარანტინში. მათ შორის არავითარი საუბარი არ გამართულა. პროცედურების გავლის შემდეგ კ---------მ თქვა, რომ ის იყო ფსიქოტროპული პრეპარატების მომხმარებელი, ჰქონდა დანიშნულება. მან კი უპასუხა, რომ ყველა პატიმარს მოჰყვება ბარათი მისი მკურნალობის და დანიშნულების შესახებ, თუ არის ასეთი დანიშნულება, ნახავს ექიმი, მიიღებს სათანადო კონსულტაციას და მიცემდნენ ჩვეულებრივ. ამის შემდეგ, კ--------- გადავიდა კორპუსში. მას კ---------სთვის არ შეუმჩნევია, რომ რაიმეს გავლენის ქვეშ იყო. პირადი მოხმარების ნივთები ლ---------------ს გადაეცა კორპუსში განაწილების შემდეგ. პატიმრების მიღებას და განაწილებას კარანტინის კორპუსში იგი ხელმძღვანელობდა, თუმცა ეს მისი მოვალეობა არ იყო. 65 კაციდან ოთხმა თუ ხუთმა ითხოვა დახურულ კორპუსში გაშვება ანუ მეექვსეში. ეს ოთხი თუ ხუთი კაცი გაატანა კონტროლიორ - გ---------–---ს და კიდევ ერთ კონტროლიორს. მათ რიცხვში შედიოდა ლ---------------.

გადმოცემით იცის, რომ გ---------–---მ დააპირა კ--------- შეეყვანა მეექვსე კორპუსის სარეჟიმო ტერიტორიაზე. ამ პერიოდში იწყებოდა პატიმართა საკნებში შეყვანის პროცედურა. ამ პროცესში, მეექვსე კორპუსის უფროსმა ი-–---–--–-–---–-- უთხრა ჭ--–----, რადგან პატიმართა შეყვანის პროცედურა მიდიოდა, შეეჩერებინა ეს ხუთი პატიმარი იმიტომ, რომ მისალმება-მოკითხვა შეაფერხებდა პატიმართა კორპუსში შეყვანას. გ---------–---მ უთხრა, რომ ეს კარანტინის კორპუსიდან გამოატანა დირექტორის მოადგილემ და უნდა მიეღო. მან რაციით ი-–---–--–-–---–- უთხრა, რომ მიეღო პატიმრები და იგიც გადავიდოდა. როგორც იცის, კორპუსში მისვლისთანავე ლ---------------მ დაიწყო ფსიქოტროპულის მოთხოვნა და პრეტენზიის გამოხატვა. ი-–---–--–-–---–-- უთხრა იგივე, რომ არ იყო კომპეტენტური, არ იცოდა წამლის არაფერი, მოქცეულიყო ზრდილობიანად და კამერაში გაანაწილებდა. იცის, რომ ი-–---–--–-–---–-- ლ--------------- გაანაწილა კორპუსში. ამ დროს შემოვიდა რამოდენიმე პატიმარი კორპუსის შესასვლელთან ეზოდან, ერთ-ერთი პატიმარი მიესალმა ლ---------------ს, მოიკითხა და უთხრა „რა გინდა ამ ხალხთან, რა იციან ამ ხალხმა წამლის, წამოდი საკანში, შედი სადაც გაგანაწილეს, ექიმს თხოვს ან შენი საკნელი ან მე ან ის და მოგხედავენო“. შ--–-–---–-- ერთ-ერთ კონტროლიორს ც-----------ს გაატანა კ--------- და შ-----------------, მეტსახელად „ბულდოგა“ გაჰყვა მათ. მათ სისტემაში არის ასეთი ტერმინი „ატრიცალოვკა“, უარყოფითი ტრადიციების მიმდევარი პატიმარი. ესენი არიან ქურდული ტრადიციების მიმდევარი პატიმრები ე.წ. კანონიერი ქურდები, თვითდაზაიანებისაკენ მიდრეკილი პირები, გაქცევისაკენ მიდრეკილი პირები, არატრადიციული სექსუალური მიდრეკილების პირები, მუჟიკები და ა.შ. შ----------------- იყო „ატრიცალოვკა“ ანუ მაყურებელიც არა, მაგრამ არც შორს მყოფი მასთან. პატიმრებისათვის შეიძლება მაყურებელი იყო, დაწესებულებისათვის არა. მაყურებლებში გადიოდა - ლ-–----------–----, ბ--------.

გადმოცემით იცის, რომ ლ---------------ს და შ-----------------ს შორის მოხდა შელაპარაკება. პატიმრის საკანში კ---------ს განაწილების შემდეგ, დაახლოებით ოც წუთში, მასთან კორპუსის ეზოში მისულმა ი-–---–--–-–---–-- უთხრა, რომ პატიმართა შორის შეიძლება არსებობდეს კონფლიქტის გაღვივების კერაო. როგორც კი ავიდა მესამე სართულზე, 338-ე საკნიდან გამოვიდა რამოდენიმე პატიმარი. ამ დროს საკნები დაკეტილი არ იყო, გადაადგილდებოდნენ თავისუფლად სარეჟიმო ტერიტორიაზე. საკნიდან გამოვიდნენ - ლ---------------, გ--------- და გ-----–ია. ისინი მივიდნენ მასთან და ი-–---–--–-–---–---- და თხოვეს, რომ პატარა შელაპარაკება მოხდა პატიმრებს შორის, რაც ამოწურულია, დამთავრებულია და არანაირი გაგრძელების საშუალება არ არის, თანაქალაქელები არიან, ფოთელები, გამოუშვით ჩვენთან, დაისვენებს, დაწყნარდება, დამთავრდებაო. მას აღნიშნულზე საწინააღმდეგი არაფერი არ ჰქონდა. ლ--------------- მეექვსე კორპუსში თუ რომელ სართულზე იქნებოდა, ეს მისთვის სულერთი იყო.

როცა მესამე სართულზე ავიდა ი-–---–--–-–---–---- ერთად, მიმდინარეობდა საკნების დაკეტვის პროცესი. ამ სართულზე სამსახურებრივ მოვალეობას ასრულებდა გ------------ - ოფიცერი და კონტროლიორი - ა-–------------------–---–-. როცა მესამე სართულზე ავიდა, დამთავრებული და ამოწურული იყო კონფლიქტი. რახან გამოვიდნენ და არაფერი არ ხდებოდა, მან გ----------, გ-----–--- და ლ---------------ს მეოთხე სართულზე აყვანა დაავალა ი-–---–--–-–---–-. იგი გაჰყვა მათ. ვალდებული არ იყო გაჰყოლოდა. მას ჰყავდა იქ კორპუსზე ოფიცერი, კონტროლიორი, რომლებსაც უნდა უზრუნველეყოთ პატიმრების შეყვანა საკანში, დაკეტვა და ა.შ. რადგან არ არსებობდა არანაირი საფუძველი კონფლიქტების გაგრძელების, ჩავიდა სარეჟიმო ტერიტორიაზე. მობილური ტელეფონით სცადა დაკავშირებოდა მ--–----------------ს და მოეხსენებინა სიტუაცია, რომ პატიმრებს შორის მოხდა შელაპარაკება, თუმცა ვერ დაუკავშირდა. დაუკავშირდა თ--------------ს და უთხრა, რომ მოსულიყვნენ დროზე. ამ დროს იგი იდგა მეექვსე კორპუსის შესასვლელში. ი-–---–--–-–---–- ცოტა ხანში ჩამოვიდა ქვემოთ და უთხრა, რომ კონფლიქტის განახლება მოხდა 336-ე საკანში. როგორც კი ავიდა მეექვსე კორპუსის მესამე სართულზე, დაინტერესდა რა ხდებოდა. რამოდენიმე ნაბიჯი გადადგა კიბიდან. იქ იმყოფებოდნენ თანამშრომლები: ი-–---–--–-–---–-, გ------------, ა-–------------------–---–-, თ----------------. საკნის მიმდებარედ იყო რამდენიმე ათეული პატიმარი. ამ პატიმართა მასიდან 35-40 პატიმარი გაჩერდა მათ წინ. მ–----------მ, ერთ-ერთმა პატიმარმა, არა მუქარით, არამედ გაფრთხილების ტონით უთხრა: „კონფლიქტი იყო პატარა, ისედაც ამოწურული და დამთავრებულია, ისეთი არაფერი მომხდარა, ნუ ჩაერევით ხისტად, ამან შეიძლება გამოიწვიოს პატიმრებს შორის დაპირისპირება, პატიმრებს და თანამშომლებს შორის დაპირისპირება და შეიძლება უმართავი პროცესების პროვოცირება“. იმ კონფლიქტში ჩარევას აზრი არ ჰქონდა. როცა მათ ჩარევა დააპირეს, კონფლიქტი დამთავრებული იყო. მან 20 – 30 მეტრის მანძილიდან დაინახა 336-ე საკნიდან გამოსული კ-------–----, „ბულდოგა“, შემაზაშვილი. სხვა პატიმრებიც იყვნენ, მაგრამ არ ახსოვს. მან ამ ხალხს, როგორც დირექტორის მოადგილემ, ააცილა ის, რომ ყველაფერი შეიძლება გადაზრდილიყო ბუნტში, ხალხის ხოცვა-ჟლეტაში. უამრავი ადამიანი გადაარჩინა. ვერ ჩაერია. როცა ჩაერია, დამთავრებული და დაგვიანებული იყო.

როცა იგი იმყოფებოდა მეექვსე კორპუსის წინ და ცდილობდა დაკავშირებოდა ტელეფონით დაწესებულების ხელმძღვანელობას, ამ დროისათვის ლ-–----------–---- შემოვიდა სარეჟიმო ტერიტორიიდან მეექვსე კორპუსში. კ-------–----ს კორპუსში შესვლა დაემთხვა ი-–---–--–-–---–-- მასთან მისვლას და იმის თქმას, რომ კონფლიქტის განახლების პროცესი დაიწყო და მიმდინარეობს. მან მესამე სართულზე დატოვა ი-–---–--–-–---–-, როცა წამოვიდა ქვემოთ. მთელი იმ დროის განმავლობაში, კ------- და ბ------–---–- მე-3 სართულზე უნდა ყოფილიყვნენ. მეორედ ასვლის დროს კ-------ს და ბ------–---–- მისთვის რაიმე არ უთქვამთ. მისთვის საკმარისი იყო, რაც უთხრა შ--–-–---–--. როცა ყველაფერი დამთავრდა, ლ--------------- გადაიყვანეს საავადმყოფოში, კ-------მ და ბ------–---–-- კონკრეტულად ვერ უთხრეს რა მოხდა. შედეგი დადგა ის, რომ პატიმარი ლ--------------- აღმოჩნდა ნაცემი, ყოველ შემთხვევაში გონებადაკარგული და მასზე ძალისმიერი ზემოქმედების ნიშნებით. პატიმარი ლ--------------- გადაყვანილი იქნა სამედიცინო ნაწილში. გაესინჯა წნევა, პულსი, დათვალიერდა ვიზუალურად. ვინაიდან უგონო მდგომარეობაში იყო, დირექტორი დაუკავშირდა დაწესებულების მთავარ ექიმს, რომ დაკავშირებოდა სასწრაფოს და გადაეყვანათ საავადმყოფოში.

როცა მ--–---------------- დაწესებულების ტერიტორიაზე შემოვიდა, უთხრა, რომ პატიმართა წინასწარი გადმოცემით შ-----------------ს ანუ „ბულდოგას“ და კ---------ს შორის მოხდა დაპირისპირება უცენზური სიტყვებით და ხელის შეხებითაც კი. პატიმრის ხელით შეხების გამო, ლ---------------ს მოუნდომეს საქმის გარჩევა და შეიკრიბნენ ამ მიზნით.

მ--–----------------- მასთან ერთად დაინახა, როგორ გადაიყვანეს საკაცით ლ--------------- სამედიცინო ნაწილში. მ--–---------------- მისი თანდასწრებით ესაუბრა მ-----–-------–----- და უთხრა, რომ პატიმართა შორის მოხდა კონფლიქტი, უთხრა პირველი ვერსია, რომ დაგორდა კიბეებიდან და მიიღო დაზიანება. მაგრამ მერე ირკვევა, რომ შესაძლოა მოხდა პატიმართა შორის ფიზიკური ფორმით საქმის გარჩევა ხელის შეხებით. მან მომხდარ ფაქტზე საგამოძიებო უწყებას გამოძიების დაწყების შესახებ შეატყობინა. ტელეფონით განაცხადი გააკეთა მ--–-----------------, ხოლო წერილობითი ფორმით, იმ დღესვე, 15 – 20 წუთში, შედგა ტელეფონოგრამა, ოფიციალური დოკუმენტი. შემდეგ დგება ოფიციალური დოკუმენტი - ოქმი, რომელსაც ხელს აწერს ი-–---–--–-–---–- და სხვა პირები და ეს ოქმი იგზავნება საგამოძიებო უწყებაში ი----------ნ. მ-----–-------–-----თან საუბრის შემდეგ მ--–----------------- თქვა, რომ „ოქმი პატიმრის დაზიანების შესახებ, კიბეებიდან დაგორებით, გამოძიება ამ ოქმს აიღებს და ამის მიხედვით ვინც მოაწერა ხელი იმათ დაკითხავს და დააფიქსირეთ თქვენი პოზიცია, როგორც იცითო“. ი-–---–--–-–---–-დან ყველამ იცოდა რა უნდა ეთქვათ, როგორი ფორმით, ოქმთან დაკავშირებით. ი-–---–--–-–---–-- უთხრა, რომ „მე ამ ვერსიით გავაკეთე ოქმი და თუ ვინმე გვეტყვის თანხვედრაში უნდა იყოს ოქმთანო“. მეორე დღეს, 13 მაისს, შეკრებას ესწრებოდნენ როგორც ახსოვს - ი-–---–--–-–---–-, ც-----------, ჭ--–---, შ--–-–---–-. კ------- და ბ------–---–- ესწრებოდნენ თუ არა არ ახსოვს. მეორე დღეს შესული იყო იმ ბარაკში, სადაც გ------------ ცხოვრობდა, მუშა პატიმრები. თუმცა მასთან საუბრის დეტალები არ ახსოვს.

რამოდენიმე პატიმარმა - უ–-----ა, შ------–---–-- და ხუთმა პატიმარმა, ვინც ოქმს აწერს ხელს უთხრეს, რომ კ--------- დაგორდა კიბეებზე. ამ ოქმის შედგენა მოხდა 2013 წლის 12 მაისს, მეექვსე კორპუსში. ოქმი შეადგინა ი-–---–--–-–---–--.

მას დაურეკა ლ---------------მ. რადგან არ იცოდა დეტალები ამიტომ უთხრა, რომ დაურეკავდნენ. მისი ტელეფონით ესაუბრა ო--------------–--–---–-. თუმცა მანამდე ელაპარაკა ტელეფონით მ--–----------------. როგორც ჩვენებაში წერს, მან სანამ ოქმი შედგებოდა (ოქმი ელსმენით ზეპირი შეტყობინების შესახებ) უთხრა ი-–---–--–-–---–-, რომ “გააკეთეთ ოქმი ჩქარა, იმიტომ რომ ი------- მოხსენებული აქვს და მოვა და ოქმი გამზადებული უნდა დახვდესო“. მას ჰკითხა ლ---------------მ რა მოხდაო და რადგან დეტალები არ იცოდა უპასუხა, რომ დაურეკავდნენ. მ--–----------------- ი-–---–--–-–---–- უთხრა, რომ “ოქმი გააკეთე, დარეკილი მაქვს საგამოძიებოში ი----------ნ და მოვლენო“. მსჯავრდებულებს შორის დაწესებულებაში იყვნენ მაყურებლები - კ-------–----, ბ--------, „ბულდოგა“. შ----------------- იყო ნაკლები ფუნქციით, ნაკლები წონადობით, უფრო კ-------–----. ა-–------------------–---–- იყო რეჟიმის სამსახურის ინსპექტორი, რიგითი. მას ევალებოდა პატიმრებზე ყურადღების მიქცევა, გადაბირების კონტროლი, ჩაბარება პატიმრებისა მომავალი ცვლისათვის, პატიმრების დათვლა, საჭმლის დარიგების რეგულირება და გადაადგილების პროცესი, ყურადღების მიქცევა რამე რომ არ მიდის, მაგალითად ფეთქებადსაშიში და ა.შ. საკნის კარების დაკეტვა ევალებოდა როგორც ბ------–---–-, ასევე ოფიცერს.

2.35. სასამართლო სხდომაზე მოწმის სახით დაკითხულმა ბრალდებულმა - ი-–---–--–-–---–-- განმარტა, რომ სასჯელაღსრულების დაწესებულებაში მუშაობდა უსაფრთხოების გაყოფილების ინსპექტორად 2012 წლის 09 ნოემბრიდან 2013 წლის 02 აგვისტომდე. მის უფლება-მოვალეობაში შედიოდა მსჯავრდებულთა შორის მიმდინარე ფარული პროცესების შესწავლა, დანაშაულის პრევენცია და მომხდარი დანაშაულის დროული გახსნა. 2013 წლის 12 მაისს, სამსახურში გამოცხადდა დილის 10:00 საათზე. დაკისრებულ მოვალეობას ასრულებდა 13 მაისის 10:00 საათამდე. სამსახურში მისვლის შემდეგ, გაიარეს ჩვეულებრივი პროცედურა, ჩატარდა დილის თათბირი და შეუდგა მუშაობას. ჩვეულებრივ, სამუშაო დღემ ჩაიარა ნორმალურად. დაახლოებით 18:00 საათზე, საძახისში გაისმა ხმა, რომ შემოვიდა ეტაპი. იგი განაწილებული იყო მეექვსე კორპუსში. თანამშრომლებიდან თითო სართულიდან მოხსნილი იყო თითო კონტროლიორი და გადასული იყვნენ ეტაპის მისაღებად. მათ მონაწილეობა უნდა მიეღოთ მსჯავრდებულთა შემოწმება-დათვალიერებაში. დაახლოებით 19:50 საათზე, მან მისი კორპუსის თანამშრომლებს, რაციის მეშვეობით შეატყობინა, რომ უნდა დაკეტილიყო საკნები და მსჯავრდებულები განთავსებულიყვნენ თავიანთ საკნებში. თანამშრომლები ჩამოვიდნენ დაბლა და მოუწოდებდნენ მსჯავრდებულებს და მიანიშნებდნენ, რომ იწყებოდა ციხის დაკეტვა და ყველა დაბრუნებულიყო თავის საკნებში. დაახლოებით ხუთ წუთში, მან გასცა მითითება, რომ იკეტებოდა საკნები. მეექვსე კორპუსში შემოსასვლელი ერთ-ერთი ცენტრალური კიბიდან დაინახა, რომ შემოვიდა კონტროლიორი - გ---------–---, რომელიც მასთან ერთად იყო განაწილებული პირველ სართულზე და შემოჰყვა ხუთი თუ ექვსი პატიმარი. ხელში ეჭირათ თავიანთი ნივთები. მიხვდა, რომ ისინი ეტაპიდან იყვნენ განაწილებულნი და გ---------–---ს ანიშნა, რომ შეჩერებულიყო და არ შემოეყვანა მსჯავრდებულები. გ---------–---მ უთხრა, რომ ეტაპიდან შემოსული მსჯავრდებულები განაწილებულნი იყვნენ მეექვსე კორპუსში. მან უთხრა, რომ ციხის დაკეტვა ახალი დაწყებული იყო, საკნები არ იყო დაკეტილი და მსჯავრდებულებს ვერ მიიღებდა. ახალი პატიმრების მიღება გამოიწვევდა აღრევას და უთხრა, რომ უკან დაებრუნებინა ეს პატიმრები საკარანტინო კორპუსში. აღნიშნულზე გ---------–---მ უპასუხა, რომ მსჯავრდებულები იყვნენ დაწესებულების დირექტორის მოადგილის - ი------------------- განაწილებულნი და იგი მათ უკან ვერ დააბრუნებდა. ამის შემდეგ, იგი რაციის საშუალებით დაეკონტაქტა ი------------------ს და უთხრა, რომ კორპუსი ჯერ კიდევ არ ჰქონდა დაკეტილი, მსჯავრდებულები ჯერ კიდევ არ იყვნენ განთავსებულნი თავიანთ კორპუსში და თუ შეიძლებოდა ახლადმიღებული მსჯავრდებულების დაბრუნება უკან და მიიღებდა მას შემდეგ, რაც ციხე დაიკეტებოდა. აღნიშნულზე ი------------------- მას უთხრა, რომ მიიღო პატიმრები, თვითონაც მოდიოდა და ორ წუთში იქნებოდა. მოტრიალდა და მეექვსე კორპუსის ეზოში შეკრებილ პატიმრებს მოუწოდა, რომ მიღებული პატიმრები იყვნენ ნამგზავრები და რაც უფრო დროულად შევიდოდნენ საკნებში, მით უფრო ადრე მოხდებოდა მათი განაწილება და ნაკლებად გაწვალდებოდნენ. ამის შემდეგ, პატიმრებმა ნელ-ნელა დაიწყეს გასვლა, გაფანტვა და შესვლა. დაახლოებით ორ- სამ წუთში, ი------------------ც შემოვიდა მეექვსე კორპუსის ეზოში, სივრცეც განთავისუფლდა და ი------------------- მიანიშნა, რომ წამოეყვანა ეს პატიმრები და მიეყვანა მეექვსე კორპუსის შესასვლელ კართან, სადაც იდგა სკამი და მაგიდა. იქვე იმყოფებოდა ი------------------ც. ი----- გ---------- ჩამოჯდა სკამზე, ის კი შეუდგა პატიმრების განაწილებას. როდესაც ეს პატიმრები შემოვიდნენ და მან გ---------–---ს უთხრა, რომ ეს პატიმრები უკან გაებრუნებინა. ამ დროს, ერთ-ერთმა პატიმარი ახალმოყვანილებიდან, როგორც შემდეგ გაირკვა ლ---------------, შეელაპარაკა და უთხრა, რომ „მე კუკლა ხომ არა ვარ, რაკი მიმიღეს შემიშვი კორპუსშიო“. რაზეც მან უპასუხა, რომ იყო მსჯავრდებული, ციხეს ჰქონდა თავისი წესები და უნდა დამორჩილებოდა. ამით მათ შორის შელაპარაკება დასრულდა და მასთან მივიდა მეექვსე კოპრუსის ორი მსჯავრდებული - რ----–-- გ--------- და რ-------------–--, მეტსახელად „რამაშკა და ითხოვეს, რომ ლ--------------- გაეტნიათ მათთვის. მან უპასუხა, რომ ლ---------------ს არავისგან არ გამოარჩევდა და განაწილდებოდა როგორც ყველა პატიმარი. მათაც არაფერი არ უთქვამთ, თხოვეს უბრალოდ, რომ თუ შესაძლებლობა იქნებოდა ლ--------------- გაენაწილებინა მეგრული წარმომავლობის პატიმრებთან, რაზეც თანხმობა მისცა. როცა ეტაპირებული მსჯავრდებულები შემოვიდნენ, ლ---------------ს ახლდნენ მე-14 დაწესებულების სამეურნეო მომსახურების მსჯავრდებულები, ძმები - რ----–-- და ჯ----–----------ები. როგორც შემდეგ გაირკვა, იყვნენ ნაცნობები ერთი ქალაქიდან. ამის შემდეგ გადავიდა მსჯავრდებულების განაწილებაზე. პირველი გაანაწილა ლ--------------- 222-ე საკანში და როდესაც უთხრა, რომ წასულიყო თავის საკანში, ლ---------------მ უპასუხა, რომ რუსთავის მე-6 დაწესებულებაში მას დანიშნული ჰქონდა ფსიქოტროპული წამლები და აქაც უნდოდა მათი მიღება. მან უპასუხა, რომ იყო უსაფრთხოების თანამშრომელი, ზონას ჰყავდა ექიმები, რომლებიც შეხვდებოდნენ, ფსიქიატრიც, ფსიქოლოგიც და თუკი მას ეს წამლები სჭირდებოდა გადახედავდნენ ისტორიას და მისცემდნენ. თუმცა აღნიშნულზე ლ---------------მ მოითხოვა ფსიქოტროპული წამლების მიცემა იქვე. საუბარი მათ შორის გაგრძელდა დაახლოებით ნახევარი წუთი. ამ საუბრის დროს მათ მიუახლოვდათ მეექვსე კორპუსის ერთ-ერთი მსჯავრდებული შ-----------------, მეტსახელად „ბულდოგა“, რომელიც სასჯელს იხდიდა მეექვსე კორპუსის 338-ე საკანში. ლ---------------ს ხელი ჩამოართვა, მოიკითხა და უთხრა, რომ „ამას წამალი საიდან ექნება, თანამშრომელია და წავიდეთ დავილაპარაკოთო“. ლ---------------ც გაჰყვა. ი------------------- მითითება მისცა, რომ გაჰყოლოდა მათ. ისიც გაჰყვა. ორი-სამი ნაბიჯის შემდეგ, ვინაიდან მას დარჩენილი ჰყავდა პატიმრები ეტაპიდან მოსული გასანაწილებელი, იქვე მყოფ ერთ-ერთ კონტროლიორს დაავალა, რომ აეცილებინა „ბულდოგა“ და ლ--------------- თავიანთ საკნებში. იგი კი მიტრიალდა პატიმრების გასანაწილებლად. გაანაწილა დარჩენილი ოთხი პატიმარი და ამის შემდეგ ხუთი წუთი იქნებოდა გასული, რაციაში გაისმა ხმა, რომ უნდა ასულიყო მესამე სართულზე. იგი ავიდა მესამე სართულზე და როცა შევიდა მესამე სართულის დერეფანში, შესასვლელი კარიდან კონტროლიორი შეხვდა დარბაზშივე და უთხრა, რომ რაღაც უსიამოვნება იყო 338-ე საკანში. დერეფანში რაღაც ხმაურიანი, გინების ხმა ისმოდა. მან კონტროლიორს უთხრა, რომ ი------------------ იყო ქვემოთ, სასწრაფოდ ჩასულიყო და ეთქვა ი-------------------ათვის და იგი დაიძრა დერეფანში შესასვლელი კარიდან 338-ე საკნისაკენ. დერეფანში საკმაოდ იყვნენ მსჯავრდებულები შეკრებილნი. 338-ე საკანში რამდენიმე მსჯავრდებული იყო შეკრებილი და წინ წასვლა ჭირდა. იგი ცდილობდა წინ წასულიყო. ამასობაში, მესამე სართულზე, ამოვიდა ი------------------. „მოადგილე მოდის, მოადგილეო“. ცოტა სივრცეში კორიდორი გაკეთდა. 338-ე საკანში ხმაურიც შეწყდა და საკნიდან გამოვიდნენ მსჯავრდებულები - შ-----------------, გ--–- უ–-----, კიდევ რამდენიმე პატიმარი, რომელთა ვინაობას ვერ იხსენებს. თან გამოჰყვა - რ----–-- გ---------, რამაშკა, რ-------------–-- და თვითონ ლ---------------. როდესაც ისინი მიუახლოვდნენ ლ---------------ს, რაიმე დაზიანება არ ჰქონდა. ცხვირიდან სდიოდა სისხლი, რომ ნახეს ეს სურათი ი------------------- იმ წუთში „რა მოხდა, რა ხდებაო, განვმუხტავ სიტუაციას და ამას გადავიყვან კარცერშიო“, მაგრამ თვითონ გ-----–იამაც, კ---------მ და გ---------- „რაღაც პატარა გაუგებრობა იყო, კარცერში გადაყვანა არ არის საჭირო და თუ შეიძლება წავიყვანთ ჩვენთან საკანშიო“. გ--------- და გ-----–ია განთავსებულნი იყვნენ მეექვსე კორპუსის მეოთხე სართულზე 436-ე საკანში. თხოვეს ი------------------ს, რომ მათთან წაიყვანდნენ, ჩაის დაალევინებდნენ, ლუკმას გატეხდა და დაისვენებდა. ი------------------- მას მითითება მისცა, რომ გაჰყოლოდა. გაჰყვა გ----------, გ-----–--- და კ---------ს და შევიდნენ ისინი 436-ე საკანში. ისე, რომ საკანი არ ჩაუკეტავს, იქვე ახლოს ტრიალებდა, იყო საუბარი და მას შემდეგ რაც დარწმუნდა, რომ არაფერი არ მოხდებოდა დაბრუნდა უკან. ჩამოვიდა პირველ სართულზე. კორპუსი დაკეტილი არ იყო, ეტაპმა და ამ გაუგებრობამ, შეკამათებამ შეაფერხა. ჩამოვიდა პირველ სართულზე, რომ მიეხედა მისი სართულისათვის. როდესაც ჩამოვიდა პირველ სართულზე, დერეფნიდან გამოსასვლელ რკინის კარში დაინახა, რომ ამ დროს პირველ სართულზე შემოვიდა ლ-–----------–----, რომელიც ცოტა აგრესიული ჩანდა, შეძახილი მოდიოდა “ვინ არის ეს ახალი ეტაპში მოსული, მაყურებელს ხელს როგორ ურტყამსო“ და უკან მოჰყვებოდა ი------------------ და ეუბნებოდა: „არაფერი არ არის ლ-–-, გასარკვევი გაირკვა“ და კ-------–---- აგრძელებდა გზას. კ-------–---- წავიდა კიბეებისაკენ. გაჰყვა ი------------------ და იგიც გაჰყვა. მან ი------------------ს უთხრა, რომ ხომ არ დაერეკათ მ--–-----------------------, რომელიც იყო დაწესებულების დირექტორი, იქედან გამომდინარე, რომ ლ-–----------–---- მაინც ბობოქრობდა. ი------------------- უპასუხა, რომ არ იყო საჭირო და თვითონ მიხედავდა სიტუაციას, არაფერი არ მოხდებოდა. ლ-–----------–---- შევიდა მეოთხე სართულზე და იქედან გამომდინარე, რომ მას ლ--------------- დატოვებული ჰყავდა 436-ე საკანში განაგრძო გზა. როდესაც შევიდა მეოთხე სართულზე, ლ--------------- გამოსული იყო 436-ე საკნიდან გ----------თან, გ-----–---თან და სხვა მსჯავრდებულებთან ერთად. დერეფნის ნახევარი გავლილი ჰქონდათ. ამ დროს მოვიდა ლ-–----------–----ც. როცა ლ-–----------–---- შემოვიდა მან უთხრა, რომ არაფერი არ მომხდარა საგანგაშოო. თუმცა ხელისკვრით გასწია. მეოთხე სართულზე მას შემოჰყვა რამოდენიმე პატიმარი. მივიდა ლ---------------სთან. არაფერი, უბრალოდ გაიხმო 336-ე საკანში, იმ საკანში, სადაც ლ-–----------–---- იყო განაწილებული, დასალაპარაკებლად. ამის შემდეგ ჩავიდნენ მესამე სართულზე. მესამე სართულზე ხუთი-ექვსი ათეული მსჯავრდებული იყო კორიდორში შეკრებილი და ეს ამხელა მასა გაჰყვა კ-------–---- და კ---------ს 336-ე საკანთან, სადაც შევიდნენ კ-------–----, კ--------- და რამდენიმე მსჯავრდებული. რამოდენიმე ხანში გაისმა ჩხუბის, ყვირილის, ლანძღვა-გინების ხმა. მესამე სართულზე განაწილებული თანამშრომლები შეეცადნენ მისულიყვნენ 336-ე საკანთან, მაგრამ იქ შეკრებილმა მსჯავრდებულებმა ამის საშუალება არ მისცეს. განსაკუთრებით გამოეყო მსჯავრდებული დ-------–----------, რომელიც ჩადგა წინ და უთხრა “ნუ ეცდებით ნურაფერს, არაფერი არ მოხდება სიტუაციას ნუ გაამწვავებთ, ასეთ სიტუაციაში ჩარევას თქვენც კარგად იცით რა მოჰყვებაო“. ჩხუბი დიდხანს არ გაგრძელებულა 336-ე საკანში, სადღაც ხუთი წუთი. ამის შემდეგ, ხუთ წუთში, ხმაურიც ჩაწყნარდა და საკანთან შეკრებილი ხალხი დაიშალა, საკნიდან გამოვიდა მსჯავრდებული ლ-–----------–---- და თქვა, რომ საკაცე მოეტანათ, გონება დაკარგაო. საკნიდან გამოვიდა რამდენიმე მსჯავრდებული. მათ შორის - შ-----------------, გ--–- უ–-----.

საკაცის მოტანამდე რაციაში გაისმა დაწესებულების დირექტორის მ--–----------------- ხმა, რომელიც კითხულობდა დაწესებულების დირექტორის მოადგილეს - ი------------------ს. ი------------------- უთხრა, რომ იყო დაწესებულების მეექვსე კორპუსში და ჩავიდა დაბლა, ეზოში. ამასობაში საკაცე ამოიტანეს და იქ მყოფმა მსჯავრდებულებმა თვითონ დააწვინეს კ---------. ჩხუბი დამთავრებული იყო, მაგრამ თანამშრომლებს მსჯავრდებულები მაინც არ უშვებდნენ, რომ შესულიყვნენ ან წამოეყენებინათ. როდესაც საკნიდან გამოჰყავდათ ნაცემი ლ---------------, მივიდა მათთან დ-------–---------- და უთხრა, რომ თვითონ გადაიყვანდნენ. სიტუაცია რომ არ გამწვავებულიყო, იგი სამი – ოთხი მეტრის მოშორებით მიჰყვებოდა იმ ხალხს, ვისაც ლ--------------- მიჰყავდა სამედიცინო ნაწილისაკენ. მეექვსე კორპუსის ეზოში უკვე შეკრებილი იყო ხელმძღვანელობა - მ--–----------------, ი------------------ და კიდევ მეექვსე კორპუსში მცხოვრები რამოდენიმე მსჯავრდებული. მივიდა და ხელმძღვანელს მოახსენა ლ---------------ს მდგომარეობა. მათთან მისვლის დროს, იგი შეესწრო შემდეგი შინაარსის საუბარს, იყვნენ ლ-–----------–---- და სხვები: „თუკი ეგე არ განვითარდება ან მაგ კუთხით არ წავა, ლ--------------- დაგორდა კიბეებზე, აგერ არის მთელი მეექვსე კორპუსი, სადაც არის ათასი კაცი, ათას ხუთასი კაციანი ზონა, ერთი სიტყვა უნდა, მთელი ზონა დადგება ფეხზე, რა უნდა გააკეთოთ? სპეცნაზი უნდა შემოიყვანოთ? მთელი ზონა იქნება მოწმე, რომ ლ--------------- დაზიანდა და დაზარალდა თანამშრომლების ცემის შედეგადო“. ამის მერე შევიდა მეექვსე კორპუსში თავისი სამსახურებრივი მოვალეობის შესასრულებლად. რამოდენიმე ხანში იხმო ი------------------- და უთხრა, რომ შეედგინა ოქმი. მანაც შეადგინა ოქმი, გამოიტანა და მისცა ი------------------ს, რომელმაც უთხრა, რომ ენახვებინა მ--–------------------------, რომელიც იმყოფებოდა ადმინისტრაციულ კორპუსში. წაკითხვის შემდეგ მ--–----------------- უთხრა, რომ დაგორების ფაქტი უნდა შეცვლილიყო იმ კუთხით, რომ ეს შეიტყვეს მსჯავრდებულებისაგან და იქვე მყოფ ლ-–----------–---- უთხრა, რომ გამოეყვანა მსჯავრდებულები ვინც ამ ფაქტს დაადასტურებდა. ამის შემდეგ წამოვიდა. ოქმი შეადგინა თავიდან. პირველ ოქმში შეიყვანა სამი თანამშრომელი - თვითონ, თ---------------- და გ---------–---. მეორე ოქმის შედგენის დროს გ---------–--- ისვენებდა და ამიტომ ოქმში მის ნაცვლად შეიყვანა თ---------------–---, რომელიც პირველ სართულზე იყო განაწილებული, ასევე პატიმრები - მარადი წითელაძე, გ--–- უ–-----, ზ----- მ--–--------- და რ----–-- გ---------. შედგენილი ოქმი ჩააბარა ხელმძღვანელობას.

მოწმის განმარტებით, 336-ე საკანში შევიდნენ ლ-–----------–----, ლ---------------, იქ მაცხოვრებელი სხვა მსჯავრდებულები. საკნიდან გამოდიოდა ჩხუბის, გინების ხმა. იმ დროს მესამე სართულზე იმყოფებოდნენ თანამშრომლებიდან - ი------------------, გ------------, ა-–------------------–---–-. ი------------------ც და იქ მყოფი თანამშრომლები ეცადნენ მიეღოთ ის ზომები, რაც შეიძლებოდა - ეს იყო საკნამდე მიღწევა და სიტუაციის განმუხტვა. 336-ე საკანი იყო მაყურებლების, სადაც ლ-–----------–---- ცხოვრობდა. რეალურია რაც მისცა ჩვენებაში, ხოლო კიბიდან დაგორება არარეალურია, არასწორია. ოქმში მითითებული დრო მის მიერ არის დაფიქსირებული. დაფიქსირდა მას შემდეგ, რაც ი------------------- უთხრა, რომ დაეფიქსირებინა დრო - 21:40 საათი. როცა გათენდა 13 მაისი, მან შეკრიბა მეექვსე კორპუსის თანამშრომლები თავის მხრივ და უთხრა, რომ “ყველამ იცის გუშინ რაც მოხდა, მაგრამ ფაქტია ოქმი შედგენილია კიბეებზე დაგორების ვერსიით და ყველამ იცოდეთ ასეთი სიტუაციააო“, მერე უთხრა, რომ არავინ არ წასულიყო და შეკრებილიყვნენ სათათბირო ოთახში. იქაც ი------------------- თქვა, რომ “ვიცით რა მოხდა, ოქმი შედგენილია კიბეებზე დაგორების ვერსიითო“. შემთხვევის ადგილის დათვალიერების დროს, შემთხვევის ადგილი მიუთითა არასწორად იმის გამო, რომ ოქმი იყო შედგენილი კიბეზე დაგორების ვარიანტით და არა ისე, როგორც სინამდვილეში მოხდა. გ------------ კონფლიქტის დროს, როგორც თანამშრომელი, უნდა ჩარეული

2.36. სასამართლო სხდომაზე მოწმის სახით დაკითხულმა ბრალდებულმა - თ----------------- განმარტა, რომ წარდგენილ ბრალდებაში თავს სრულად ცნობს დანაშავედ. 2013 წლლის 12 მაისის მდგომარეობით მუშაობდა სასჯელაღსრულების დეპარტამენტის მე-14 დაწესებულებაში უსაფრთხოების სამსახურის ინსპექტორად. მის უფლება-მოვალეობას წარმოადგენდა დაწესებულებაში მსჯავრდებულებზე თვალყურის დევნება, ინფორმაციები მოსალოდნელი, მომხდარი, ფაქტების შესახებ. 2013 წლის 12 მაისს, სამსახურში გამოცხადდა 10:00 საათზე. ჩატარდა თათბირი. შემდეგ ჩვეულებრივად შევიდა ზონაში სამუშაოდ. სამუშაო მიმდინარეობდა ჩვეულებრივად. საღამოს, დაახლოებით ოთხი საათისათვის, გაიგო რაციაზე გადაძახილით, რომ ზონაში შემოდიოდა ეტაპი. მორიგეობდა მეექვსე კორპუსის მეორე სართულზე. ი-–---–--–-–---–-- თქვა, რომ თითო სართულიდან თითო - თითო კონტროლიორი უნდა გადასულიყო ეტაპის მისაღებად. გადავიდა ყველა სართულიდან თითო - თითო თანამშრომელი. სულ ოთხი. ცოტა ხნის შემდეგ დაუძახა ი-–---–--–-–---–-- და უთხრა, რომ ოფიცერსაც ითხოვდნენ და იგიც გადავიდა. იქ იყო ი------------------, დაწესებულების დირექტორი მ--–----------------, თ--------------, უსაფრთხოების სამსახურის უფროსი მ-------–--–---–-. უთხრეს, რომ როცა ეტაპი შემოვიდოდა, პატიმრები აქედან უნდა გადაეყვანა კარანტინის კორპუსში. 60-ზე მეტი პატიმარი იყო. დაახლოებით ორი საათი გაგრძელდა ეს პროცესი - გადაყვანა და შეყვანა. როცა ბოლო ეტაპის მანქანა მოვიდა, ის პერიოდი იყო, რომ საჭმელი უნდა დარიგებულიყო, კორპუსი დაკეტილიყო. უსაფრთხოების სამსახურის უფროსმა მ-------–--–---–-ა მას უთხრა, რომ გადასულიყო ისევ უკან მეექვსე კორპუსში და გაეგრძელებინა მისი საქმიანობა. როცა მოვიდა კორპუსში, დაახლოებით ხუთ-ათ წუთში, რაციაში ი-–---–--–-–---–-- დაიძახა, რომ შეეყვანათ პატიმრები და დაეწყოთ მეექვსე კოპრუსის დაკეტვა. ამ დროს თითო თანამშრომელი ჩამოდის ყველა სართულიდან და მოუწოდებს მსჯავრდებულებს შევიდნენ კორპუსში, რადგან დაკეტვა ასე ადვილი პროცედურა არ არის. როცა ყველა პატიმრები აუშვეს, ისიც ავიდა მეორე სართულზე. რაციაზე გაიგონა ხმა, რომ ი-–---–--–-–---–- ეძახდა „ორს“. ეს იყო ი------------------, რომ “ჯერ ზონა არ მაქვს დაკეტილი და კარანტინის პატიმრებს ნუ გამოუშვებთო“. „ორი“ იყო კ------ც, მაგრამ ხმა აშკარად იყო ი-------------------. ჩავიდა პირველ სართულზე, გავიდა წინა ჭიშკარში, შემოსასვლელში ნახა, რომ ი-–---–--–-–---–--- იყო შემოხვეული პატიმრები. ეტყობოდათ, რომ კარანტინიდან იყვნენ გამოშვებულები. პატიმრებს ამ დროს აინტერესებდათ ვინ მოდის ახალი პატიმრები და ელოდებოდნენ კორპუსში ვის შეუშვებდა ი-–---–--–-–---–-. ი-–---–--–-–---–- მსჯავრდებულებს დაშლისაკენ მოუწოდებდა. ამბობდა, რომ „სანამ კორპუსი არ დაიკეტება, არ შემოვუშვებ, ისინი გასანაწილებელი არიან, შეუძლებელია თვლის დროს ზონაში ახალი პატიმრების შემოშვება, ყველა შედით, შემდეგ შემოვუშვებ და შემდეგ ნახეთო“. არავინ არ მიაქცია ამას ყურადღება. ეს გაგრძელდა დაახლოებით ხუთი-ათი წუთი. ამასობაში ერთი პატიმარი აქტიურობდა, რომ შეეშვათ ზონაში. იქ იყო ასევე გ---------–---, კონტროლიორი, რომელსაც უთხრა ი-–---–--–-–---–--, რომ გადაეყვანა ეს პატიმრები უკან, იგი ზონას დაკეტავდა და ამის მერე გადმოეყვანა. გ---------–---მ კი უპასუხა “როგორ გადაეყვანა უფროსებმა გამომატანესო“. ამ საუბარში იყვნენ, რომ შემოვიდა კორპუსში პატიმარი - ს----------, მეტსახელად „ბულდოგა“ და შეკრებილ ხალხს უთხრა: „რა ამბავია, შედით ზონაშიო“. ამის თქმა იყო და ხალხი შევიდა კორპუსში. ბულდოგას სიტყვებზე პატიმრებმა დაიწყეს დაშლა. მას ი-–---–--–-–---–-- უთხრა, რომ გაჰყოლოდა პატიმრებს და ისიც გაყვა. პირველ სართულზე კონტროლიორი იყო და უთხრა ვინც შევიდოდა დაეკეტა კარები, მეორე სართულზე შევიდა და მესამე სართულზე გადაიძახა, რომ ვინც შევიდოდა დაეკეტათ კარები. მეორე სართულზე იმ მომენტში იყო დ----- ზ-----ძე. მან მეორე სართულზე გააგრძელა მორიგეობა. მორიგეობის დროს სხვადასხვა კამერებში მოუწია შესვლა. შემდეგ დ----- ზ-----ძე მივიდა მასთან და უთხრა: „რამდენი ხანია გეძებ, არ ვიცი რომელ საკანში იყავი, ი-–---–--–-–---–-- დაუძახა მოადგილეს - „ორს“, რაღაც ხდება ზევით და ადი, უფროსობამ საყვედური არ გითხრასო“. ავიდა მესამე სართულზე და როგორც კი კარებში შევიდა, იქ დახვდნენ თანამშრომლები შეკრებილი - ი-–---–--–-–---–-, ი----- გ----------, მესამე სართულის კონტროლიორი - ა-–------------–---–- და მესამე სართულის ოფიცერი - გ------------. პატიმრები იმ ადგილზე არ იყვნენ. 338-ე საკნიდან გამოდიოდა ჩხუბის და გინების ხმა. იქ იყვნენ პატიმრები, დაახლოებით 50 კაცი. ი-–---–--–-–---–-- რომ დააპირა იმ მიმართულებით წასვლა, გაისმა ხმა: “არ ჩაერიოთ, არ მოხვიდეთ, გაართულებთ ვითარებასო“. ეს იყო მეოთხე სართულის მაყურებელი - მ–----------. მოქმედებით თანამშრომლებს არაფერი არ მოუმოქმედებიათ. ი-–---–--–-–---–-- დააპირა ერთი წასვლა და ი------------------- უთხრა, რომ არ წასულიყო, შეიძლება მსჯავრდებულებს შტირი ჰქონოდათ და დაშტირავდნენ. მათაც შეატყვეს, რომ იქ მისვლა არ შეიძლებოდა, უყურებდნენ ძალიან აგრესიულად. რამდენიმე წამიც და ჩხუბიც შეწყდა. პატიმრებმაც დაიწყეს დაშლა. ამ პატიმრებში გამოვიდა სამი მსჯავრდებული და წამოვიდნენ მათი მიმართულებით. ისინი იყვნენ - გ-----–ია და გ---------, რომელთაც შუაში ჰყავდათ კ---------, რომელიც მოდიოდა ჩვეულებრივად და იგინებოდა უმისამართოდ. მისი თანმხლები პირები აწყნარებდნენ და ავიდნენ ზემოთ. პატიმრებიც თანდათან დაიშალნენ. როცა ყველაფერი დამთავრდა ი------------------- უთხრა, რომ ყველანი თავიანთ სართულებზე ჩასულიყვნენ. ი-–---–--–-–---–-- და ი------------------- გადაუსწრეს წინ. ის კი მის სართულზე შევიდა. პირველი ინციდენტის შემდეგ, რაიმე ღონისძიება არ გატარებულა. ერთადერთი რაც იყო ი------------------- უთხრა ი-–---–--–-–---–-, რომ არაფერი აღარ მოხდებოდა, „კარგი გალახულიაო“. თანამშრომლებისათვის ი------------------ს რაიმე არ დაუვალებია და ჩვეულებრივ გააგრძელა მუშაობა. ამასობაში დაიწყეს საჭმლის დარიგება. საჭმელს არიგებდნენ მუშა პატიმრები და რადგან კონტროლიორი არ ჰყავდა, იგი ადგა თავზე საჭმლის დარიგებას. ამ დროს მასთან მივიდა დ--------------- და უთხრა, რომ ლ-–----------–-----, რომელიც იყო ზონის მაყურებელი, “აიარა ზემოთ თავის ამალასთან ერთადო, რაღაცას იგინებოდა, მაყურებელს ხელი ვინ დაარტყაო“. მერე რა მოხდა არაფერი აღარ გაუგია. იყო გვიან. რაციით დაუძახა ი-–---–--–-–---–--. ამის შესახებ უთხრა დ---------------მ, რომ ჩასულიყო ქვემოთ. ჩავიდა ქვემოთ, კორპუსის შესასვლელში იყვნენ მ--–----------------, ი------------------, თ--------------, ი-–---–--–-–---–- და პატიმრები - ლ-–----------–----, უ–-----, ს----------, გ-----–ია და სხვები. როცა ის ქვემოთ ჩამოვიდა, მ--–-----------------, დაწესებულების დირექტორმა, დაასრულა საუბარი და ი-–---–--–-–---–- უთხრა: „ირაკლი დაწერე ოქმი, რაზეც ვილაპარაკეთო“. შემდეგ უთხრა, რომ ხელს მოუწერდა ნ-------- და კიდევ ერთი კონტროლიორი, ხოლო პატიმრებიდან კი ვისაც ეტყოდა ლ-–----------–----, იმათ მოაწერიებდა ხელს. წავიდა მ--–---------------- და გაჰყვნენ - ი------------------ და თ--------------. დარჩნენ - ი-–---–--–-–---–-, კ-------–---- და ასევე ვინც დაასახელა ის პატიმრები, ი-–---–--–-–---–-- დაწერა ოქმი და ყველამ მოაწერა ხელი. მან, ი-–---–--–-–---–--, კონტროლიორმა - გ---------–---მ და პატიმრებმაც მოაწერეს ხელი. ლ-–----------–----- ხელმოწერაზე უარი განაცხადა. ოქმში დაიწერა, რომ პატიმრების გადმოცემით, თითქოს კიბიდან დაგორდა კ---------. ი-–---–--–-–---–-- წაიღო ოქმი, მაგრამ მალევე მობრუნდა და თქვა, რომ: „დირექტორმა - მ--–----------------- გვითხრა, რომ შესაცვლელიაო“. დაწერა ოქმი. დრო იყო ცოტა მოგვიანებით მითითებული. სხვა ცვლილება არ ყოფილა. მხოლოდ დრო. ისევ კიბიდან დაგორება იყო მითითებული. რადგან პატიმრები წასულნი იყვნენ, ი-–---–--–-–---–-- უთხრა მას, რომ მოეყვანა პატიმრები. ჩამოიყვანა ისევ პატიმრები. მოაწერინეს ხელი. გ---------–--- ისვენებდა და აღარ გააღვიძეს. ხელი მოაწერა თ---------------–---მ, თუმცა გადასული იყო იმ დღეს ეტაპის მისაღებად. გამომძიებელი დასათვალიერებლად რომ შემოვიდა, იქ მოაწერინა თ---------------–---ს ხელი ოქმზე. ოქმში რაც ეწერა არ შეესაბამებოდა სიმართლეს. ეწერა, რომ კ--------- დაგორდა კიბეებიდან, რაც იყო არასწორი. სწორი იყო ის, რომ მოხდა დაპირისპირება დაწესებულებაში და კ--------- იყო ნაცემი. მართალია ოქმში დაფიქსირებული ფაქტი არასწორი იყო, მაგრამ მან ხელი მაინც მოაწერა, რადგან უფროსმა - მ--–----------------- უთხრა ი-–---–--–-–---–-, რომ თ----------------ს მოაწერინე ხელიო და კიდევ ერთ კონტროლიორსო. თანაც პატიმარი ცოცხალი იყო. მოწმის განმარტებით, როცა გამომძიებელი მოვიდა, მან მიუთითა სად მოხდა თითქოსდა დაგორება. გამომძიებელმა გადაიღო სურათები. შეადგინა ოქმი. ხელი მოაწერა თვითონ. დილით რაციაში იყო დაძახილი, რომ ყველანი თათბირის ოთახში შეკრებილიყვნენ. იქ შევიდა ი------------------, რომელმაც განუცხადა, რომ “არ დაგიწყებთ არავის ახსნას, შენ რა გითქვია და შენ რა გითქვიაო. ყველამ იცით რა მოხდა. ამის მიხედვით ილაპარაკეთო“. მათ იცოდნენ ი------------------ს საუბარი უფრო კონტროლიორებთან ჰქონდა. როცა ისინი თავიანთი დეპარტამენტის გამომძიებელმა დაიბარა დასაკითხად, უფროსმა - მ--–-----------------, რომელთანაც მისულნი იყვნენ სახლთან ახლოს უთხრა, რომ „მე დაგიცავთ ყველას, ოღონდ პირველი ჩვენება რაც გაქვთ მიცემული რომ ვილაპარაკოთო“. უნდა განევითარებინათ მ--–----------------- თქმით ვერსია კიბიდან გადმოვარდნის შესახებ. მათ არავინ ხელს არ მოკიდებდა. იგი იყო ამის პასუხისმგებელი. ისინი ენდვნენ მ--–----------------- სიტყვებს. როგორც მისთვისაა ცნობილი, ლ--------------- დაისაჯა იმის გამო, რომ მაყურებელს, ს-----------, მეტსახელად „ბულდოგას“ ხელი დაარტყა და როგორც მაყურებელს ხელი დაარტყა, ცემეს ზონის მაყურებლებმა და პატიმრებმა.

მოწმის განმარტებით, მაყურებელი - ნიშნავს კრიმინალურ ავტორიტეტს, რომელსაც სხვა პატიმრებთან შედარებით სიტყვა ეთქმის, ზევით დგას. ზონის მაყურებელი იმ მომენტისათვის იყო კ-------–----. მეექვსე კორპუსის მაყურებელი იყო შ-----------------, მეტსახელად „ბულდოგა“. პირველ სართულს ჰყავდა მისი მაყურებელი - ზედმეტსახელად „გორსკი“, გ--------–------–---–-. მეორე სართულის მაყურებელი იყო - მ--–---------. მესამე სართულის მაყურებელი იყო გ--–- უ–-----. მეოთხე სართული მაყურებელი იყო დ----- მ–----------. იყო ასევე ტელეფონების მაყურებელი, რომლის გვარი არ ახსოვს. ყველას და ყველაფერს მისი მაყურებელი ჰყავდა. პირველი სართულის მაყურებელი ცხოვრობდა 109 - ე საკანში, მეორე სართულის მაყურებელი ცხოვრობდა 212 - ე საკანში, მესამე სართული მაყურებელი ცხოვრობდა 338 - ე საკანში. 336 - ე საკანში ცხოვრობდა ზონის მაყურებელი - კ-------–----, მეოთხე სართულზე 440 - ე საკანში ცხოვრობდა ამ სართულის მაყურებელი. მაყურებლების საკნის კარი იმ დროისათვის არ იკეტებოდა დაწესებულების ხელმძღვანელობის მითითებით.

2.37. სასამართლო სხდომაზე მოწმის სახით დაკითხვისას ბრალდებულმა გ------------- განმარტა, რომ წარდგენილ ბრალდებაში თავს დამნაშავედ არ ცნობს. 2013 წლის 12 მაისისათვის მუშაობდა სასჯელაღსრულების დეპარტამენტის მე-14 დაწესებულებაში სოციალურ მუშაკად. მის უფლება - მოვალეობებს შეადგენდა მსჯავრდებულთა უფლებების, ასევე მათი ახლობლების უფლებების დაცვა, მათთვის სოციალური დახმარების გაწევა, დახმარება განათლების მიღებაში, პაემნების განხორციელება ახლობლებთან. მსჯავრდებულებს უნდა ჰქონოდათ ახლობლებთან ახლო ურთიერთობა, რათა მომხდარიყო მათი ადაპტაცია და რეაბილიტაცია. 2013 წლის 12 მაისს, სამსახურში გამოცხადდა 10:00 საათზე და 13 მაისის 10:00 საათამდე განაწილებული იყო მეექვსე კორპუსის მესამე სართულზე, როგორც სოციალური მუშაკი. სოციალურ მომსახურებას უწევდა მთელ კორპუსს. დღის მეორე ნახევარში ცნობილი გახდა, რომ დაწესებულებაში უნდა შემოსულიყო ეტაპი. მეექვსე კორპუსიდან გადავიდა ოთხი-ხუთი თანამშრომელი, რათა მოეხდინათ მსჯავრდებულთა მიღება და დათვალიერება. არის ოფიცერი-კაპიტანი. ეტაპის შესახებ გაიგო რაციის საშუალებით. მესამე სართულზე ასევე განაწილებული იყვნენ - დ------–---–---- და ა-–------------–---–-. საღამოს რვა საათზე იწყებოდა კორპუსის დაკეტვა. ერთ-ერთი საკნიდან გამოსვლისას შეამჩნია, რომ 338-ე საკნის წინ იკრიბებოდნენ მსჯავრდებულები, რაც მან საეჭვოდ მიიჩნია და რაციის საშუალებით დაუკავშირდა კორპუსის უფროსს - ი-–---–--–-–---–- და თხოვა ამოსულიყო მესამე სართულზე. ამ დროს საკნიდან გინება და ხმაური გამოდიოდა. აშკარა იყო, რომ მიდიოდა ჩხუბი. ი-–---–--–-–---–- მალე ამოვიდა, შეხედა მიდიოდა ჩხუბი და რაციის საშუალებით დაუკავშირდა დირექტორის მოადგილეს. საძახისი „ორი“ იყო დირექტორის მოადგილის. მ--–----------------ს ჰყავდა ორი მოადგილე - თ-------------- და ი------------------. ამ შეტყობინებიდან მალევე ამოვიდა ი------------------ და შეეცადა გადადგილებულიყო 336-ე საკნისაკენ, მაგრამ იქ იყვნენ ბლომად მსჯავრდებულები, რომლებსაც ჩახერგილი ჰქონდათ მისასვლელი, ამიტომ მისვლა ვერ მოახერხეს. როგორც კი დერეფანში ი------------------ გამოჩნდა, ერთ-ერთმა მსჯავრდებულმა დაიძახა ,,დირექტორის მოადგილე მოდისო“, რამაც გამოიწვია მსჯავრდებულების დაშლა და როდესაც მსჯავრდებულები დაიშალნენ დაინახა, რომ 338-ე საკნიდან გამოვიდნენ მსჯავდებული შ----------------- და სხვა მსჯავრდებულები. როცა ი------------------ ამოვიდა მსჯავრდებულები დაიშალნენ და მან ჩათვალა, რომ უკვე არაფერი მოხდებოდა. ი------------------ იქ იყო და კორპუსის უფროსიც და მას არაფერი არ უთქვამს. როგორც კი იგი საკნიდან გამოვიდა და აღნიშნული სიტუაცია შეამჩნია, მაშინვე დაუკავშირდა ი-–---–--–-–---–- - კორპუსის უფროსს და შეეცადა გადაადგილებულიყო საკნისაკენ, რადგან არის თანამშრომელი და მისი მისვლით ეგონა განმუხტავდა სიტუაციას. იქ შეკრებილი იყო ძალიან ბევრი მსჯავრდებული და არ მისცეს მას საშუალება მიახლოებოდა საკანს. ი------------------- ამოსვლისთანავე სიტუაცია განიმუხტა და მან განაგრძო მისი ფუნქცია-მოვალეობების შესრულება.

დაახლოებით 15-20 წუთის გასვლის შემდეგ, როდესაც ის იმყოფებოდა მესამე სართულის ერთ-ერთ საკანში, შემოესმა ხმაური დერეფნიდან. ხმაურზე გამოვიდა საკნიდან და შეამჩნია, რომ უკვე 336-ე საკნის წინ იყო ბევრი მსჯავრდებული, დაახლოებით 30-40. მათი რიცხვი უფრო იზრდებოდა და საკნიდან გამოდიოდა ჩხუბისათვის დამახასიათებელი ხმები. იქ დერეფანში იყვნენ - ი-–---–--–-–---–- და ა-–------------------–---–-. მალევე დერეფანში შემოვიდა ი------------------. თანამშრომლები ცდილობდნენ სიტუაცია განემუხტათ და გადაადგილდებოდნენ 336-ე საკნისაკენ, მაგრამ იქ შეკრებილი მსჯავრდებულები არ აძლევდნენ ამის საშუალებას. ი------------------ც შეეცადა თანამშრომლებთან ერთად 336-ე საკნისაკენ გაწეულიყო, მაგრამ მსჯავრდებულები გადაეღობენ წინ და ერთ-ერთმა მსჯავრდებულმა - დ-------–----------მ არ მისცა წინ გაწევის საშუალება. განუცხადა, რომ არ ჩარეულიყვნენ და თვითონ მიხედავდნენ. იმუქრებოდნენ ბუნტის დაწყებითაც. მათი გაფრთხილების მიუხედავად, ისინი ცდილობდნენ გადაადგილებულიყვნენ საკნის მიმართულებით, მაგრამ მსჯავრდებულების მხრიდან იგრძნობოდა ძალიან დიდი აგრესია და აშკარა იყო, რომ თუ თანამშრომლები ძალისმიერად ჩაერეოდნენ, ბუნტი დაიწყებოდა. 336-ე საკნიდან ჩხუბის და გინების ხმა ისმოდა დაახლოებით ათი წუთის განმავლობაში. შეიძლება ცოტა მეტიც. როცა დაიშალნენ მსჯავრდებულები 336-ე საკნიდან გამოვიდა მსჯავრდებული ლ-–----------–----, რომელიც იყო ძალიან აღგზნებული, ქოშინებდა და მძიმედ სუნთქავდა. ასევე გამოვიდნენ სხვა მსჯავრდებულებიც. როცა მსჯავრდებულები დაიშალნენ არც ამის შემდეგ მიეცათ თანამშრომლებს საშუალება, რომ მიახლოებოდნენ 336-ე საკანს. მალევე ამოიტანეს საკაცე. საკნიდან გამოიყვანეს დაშავებული პატიმარი, რომელიც როგორც შემდგომ გაირკვა იყო ლ--------------- და უგონო მდგომარეობაში იმყოფებოდა. თანამშრომლებს მსჯავრდებულებმა არ მისცეს იმის საშუალება, რომ ახლოს მიახლოებოდნენ დაშავებულ პატიმარს. დაშავებული პატიმარი გადაიყვანეს სამედიცინო ნაწილში. მეორე დღეს, როდესაც მორიგეობა სრულდებოდა, გავიდა მეექვსე კორპუსის პირველ სართულზე. იქ კორპუსის თანამშრომლები იყვნენ შეკრებილნი და კორპუსის უფროსმა - ი-–---–--–-–---–-- განუცხადათ, რომ შედგენილი იყო ოქმი, რომლის მიხედვითაც მსჯავრდებული - ლ--------------- დაგორდა კიბეებიდან და დაგორების შედეგად დაშავდა. თუ კითხვები იარსებებდა და ვინმე შეეკითხებოდათ, მათაც აღნიშნული ვერსია უნდა ეთქვათ. დილით, სათათბირო ოთახში შეხვდათ დირექტორის მოადგილე - ი------------------, რომელმაც მიანიშნა, რომ თუკი შეკითხვები იარსებებდა და ვინმე რამეს შეეკითხებოდათ, უნდა ჰქონოდათ ის ვერსია, რომელიც ოქმში იყო დაფიქსირებული.

მოწმის განმარტებით, პირველად როცა დაიკითხა, გამოძიებას მისცა არასწორი ჩვენება, რომ იმ ღამით არაფერი გაუგია და შემდეგ გახდა ცნობილი, რომ დაშავდა კიბეებზე დაგორების შედეგად. ეს გაკეთდა იმის გამო, რომ დილით ი-–---–--–-–---–-- განუცხადათ, რომ ოქმი იყო შედგენილი, უნდა ეთქვათ ოქმში მითითებული ვერსია. შემდეგ დირექტორის მოადგილემაც მიანიშნა ეს ვერსია და ასევე მოდიოდა მუქარა მსჯავრდებულებიდან, რომ თუკი სიმართლეს იტყოდნენ, პატიმრის დაშავებას დააბრალებდნენ თანამშრომლებს და ამას დაადასტურებდა ყველა მსჯავრდებული, რომელიც მეექვსე კორპუსში იმყოფებოდა.

ლ-–----------–---- იყო ზონის მაყურებელი, რომელსაც შეეძლო ზეგავლენის მოხდენა სხვა მსჯავრდებულებზე. შ----------------- იყო ე.წ. მაყურებელი, კვანტალიანზე უფრო დაბლა მყოფი. მაყურებელი არის იგივე მსჯავრდებული, ოღონდ შეუძლია ზეგავლენა იქონიოს სხვა მსჯავრდებულებზე, გადაწყვიტონ მათ შორის არსებული უთანხმოება. მათ შეეძლოთ ემოძრავათ თავისუფლად ზონის მთელ ტერიტორიაზე.

მოწმის განმარტებით, პირველ შემთხვევაში რაციის მეშვეობით დაუკავშირდა ი-–---–--–-–---–-, რომელიც იყო კორპუსის უფროსი და თხოვა ამოსულიყო მესამე სართულზე, რომელმაც შემდეგ დირექტრის მოადგილეს შეატყობინა. იქ იყო დირექტორის მოადგილე, კორპუსის უფროსიც და მისი მოვალეობა ამით შეასრულა.

2.38. სასამართლო სხდომაზე მოწმის სახით დაკითხულმა ბრალდებულმა ა-–------------------–---–-- განმარტა, რომ წარდგენილ ბრალდებაში თავს დამნაშავედ არ ცნობს. 2013 წლის მაისის თვეში მუშაობდა სასჯელაღსრულების დეპარტამენტის მე - 14 დაწესებულების სარეჟიმო განყოფილების კონტროლიორ-ინსპექტორად. მის სამსახურებრივ უფლება- მოვალეობაში შედიოდა პატიმრების მეთვალყურეობა, მათი გადაადგილება, საჭმლის მიწოდება თავის დროზე, ყველაფერი ის რაც სარეჟიმო განყოფილებაში შედიოდა. მეთვალყურეობა უმეტესწილად.

2013 წლის 12 მაისს სამსახურში გამოცხადდა ჩვულებისამებრ 10:00 საათზე. დაესწრო დილის თათბირს. გაანაწილეს პოსტებზე. იგი იყო უშუალოდ მეექვსე კორპუსის მესამე სართულზე. მასთან ერთად იყვნენ ოფიცერი - გ------------ და კონტროლიორი - დ------–---–----.

საღამო ხანს, დაახლოებით 20:00 საათისათვის, როცა კორპუსი იკეტებოდა, გადმოიყვანა ეტაპი. როდესაც ამოვიდა, გ------------- უთხრა, რომ ინციდენტი მოხდა ორ მსჯარდებულს შორის, ერთ - ერთი ახალმოყვანილი იყო ეტაპიდან, მას და ს----------- მოუვიდათ ჩხუბი, ზედმეტსახელად „ბულდოგასო“, რის შემდეგაც დაიშალნენო. როცა ამოვიდა, დაახლოებით 15-20 წუთში მსჯავრდებულებმა დაიწყეს თავშეყრა მესამე სართულზე. მოგროვდნენ მაყურებლები და ისეთი მსჯავრდებულები, რომლებიც გარკვეული პრივილეგიებით სარგებლობდნენ. მათ შორის დაამახსოვრდა - ს----------, გ--–- უ–-----, ბ--------, მეტსახელად „რიჟა“ და სხვები. პატიმრები იკრიბებოდნენ 336-ე საკანთნ. ამის გამო მან საჭიროდ ჩათვალა და რაციით დაუძახა სმენის უფროსს - ი-–---–--–-–---–-, რომელიც ამოვიდა იმ წუთშივე, გაერკვა სიტუაციაში, რა და როგორ იყო. თქვა, რომ უფროსობას ჩააყენებდა საქმის კურსში. ჩავიდა ი-–---–--–-–---–- და დაახლოებით ხუთ წუთში ამოვიდა სართულზე დირექტორის მოადგილე - ი------------------. დაწყებული იყო ხმაური, ჩხუბი, ისმოდა გინება, დაძაბული სიტუაცია იყო. ი------------------- და თანამშრომლებმა სცადეს მისულიყვნენ საკნამდე, თუმცა მისვლა ვერ შეძლეს, რადგან პატიმრებმა გადაუღობეს გზა და უთხრეს, რომ თუ კონფლიქტში ჩაერეოდნენ, მიიღებდნენ უკიდურეს ზომებს. ი-–---–--–-–---–-- დაავალა, რომ საკნების დაკეტვა გაეგრძელებინა. მანაც დაიწყო საკნების დაკეტვა, რომ კიდევ არ მიმატებოდა პატიმრები. დაახლოებით ხუთ-ათ წუთში მიწყდა ხმაური და ჩხუბი. როგორც შემდეგ გაიგო საკაცით გაიყვანეს ნაცემი პატიმარი ლ---------------. 338-ე საკანში მომხდარი ფაქტის დროს იქ არ ყოფილა, თუმცა მოგვიანებით შეიტყო, რომ დაპირისპირება მომხდარა ლ---------------ს და ს-----------, მეტსახელად ბულდოგას შორის. მოწმის გამარტებით, ხმები ისმოდა 336-ე საკნიდან. ზუსტად ვინ შევიდა 336-ე საკანში არ იცის, მაგრამ დაინახა იქედან გამოსული - ს----------, ლ-–----------–----, გ--–- უ–-----, ბ-------- და კიდევ ბევრნი იყვნენ. 336-ე საკანში ინციდენტის დროს იმყოფებოდა 40-50 მეტრის მოშორებით. როცა 336-ე საკანში მიმდინარეობდა ცემა და ჩხუბი, ამ დროს მის გვერდით იმყოფებოდნენ - გ------------, ი-–---–--–-–---–-, ი------------------, თ----------------. ი------------------ შეეცადა იმ წუთში ჩარეულიყო პროცესში, როგორც კი ამოვიდა, მაგრამ არ მისცეს ამის საშუალება პატიმრებმა, მაგრამ არ იცის რა მოხდა შემდეგ, რადგან დაავალეს საკნების დაკეტვა. არ იცის ვინ გადაიყვანა ლ--------------- საკაცით სამედიცინო ნაწილში. საღამოს დარჩა მის სართულზე, აგრძელებდა მორიგეობას. ი-–---–--–-–---–- შეხვდა დილით, როცა იცვლება სმენა და უთხრა, რომ დაბარებულნი იყვნენ თათბირზე და უნდა ასულიყვნენ ყველანი და რაც მოხდა და როგორც მოხდა ისე უნდა ეთქვათ. კერძოდ, როგორც ვითომ დაგორდა კიბეებიდან. ითქვა, რომ ასე დაიწერა ოქმი და ასე უნდა ეთქვა მეექვსე კორპუსის ყველა თანამშრომელს. დილით ავიდა სათათბირო ოთახში, რომელსაც ატარებდა ი------------------ და პირველი რაც ითქვა იყო ის, რომ „კიდევ კარგი, რომ არც ერთი თანამშრომელი არ ვართ შუაში, დამნაშავე, თორემ ალბათ გაგვაციმბირებენ. ყველაფერი ისე გაკეთდება, რომ თანამშრომელი არაფერ შუაში არ არის, რომ დაგიბარებენ იცით რა უნდა თქვათ, ოქმში ვერსია რაც ეწერა ის, კიბიდან დაგორებაზეო“.

მაყურებელი - ნიშნავს გარკვეული ავტორიტეტით სარგებლობას სხვა პატიმრებთან შედარებით. მაგალითად, თუ რამე მოხდება პატიმრებს შორის მიდიოდნენ მათთან საქმის გასარკვევად. სარგებლობდნენ ავტორიტეტით სხვა პატიმრებთან შედარებით. ასევე გააჩნდათ გარკვეული პრივილეგიები. გადადიოდნენ ძველ ზონაში ყოველგვარი შეზღუდვის გარეშე. მათი საკნები არ იკეტებოდა. მეექვსე კორპუსის მესამე სართულზე მაყურებლები ცხოვრობდნენ 336-ე და 338-ე საკნებში.

მის მიერ თავდაპირველად მიცემული ჩვენება, სადაც მითითებულია ლ---------------ს კიბიდან დაგორების შესახებ, გამოიწვია იმ გარემოებამ, რომ თავიდან მოდიოდა ზეწოლა პატიმრებიდან ყველა თანამშრომელზე. თუ ამ ვერსიას არ იტყოდნენ, მაშინ პატიმრები იტყოდნენ, რომ თანამშრომლებმა გალახესო

2.39. საქმეზე მოწმის სახით დაკითხულმა დაცვის მხარის მოწმემ - რ------------------- განმარტა, რომ მუშაობს გეგუთის მე-14 დაწესებულების იურისტად. მუშაობს 2013 წლის 11 თებერვლიდან. მის მოვალეობაში შედის - დაწესებულების სამართლებრივი აქტების პროექტების მომზადება, ყველანაირი დოკუმენტაციის უზრუნველყოფა რაც კი დირექტორის სახელით გამოდის, სანოტარო მოქმედების განხორციელება, ასევე კონსულტაციების გაწევა სხვადასხვა სტრუქტურული დაწესებულებისათვის, სხვა დავალებების შესრულება. გ------------ს იცნობს 2013 წლის 11 თებერვლიდან, დაწესებულებაში მოსვლის დღიდან. იგი მუშაობდა სოციალურ სამსახურში სოციალურ მუშაკად. სოციალური მუშაკები აწარმოებდნენ მსჯავრდებულთან მუშაობას და პასუხს აგებდნენ მათ მიერ გაწეული სამსახურებრივი მოვალეობისათვის. ისინი პასუხისმგებელნი არიან დაწესებულების დირექტორის წინაშე და სოციალური სამსახურის უფროსის წინაშე. კონსულტაციას უწევდნენ მსჯავრდებულებს, აგრეთვე მსჯავრდებულის ახლო ნათესავებს, იცავდნენ მათ უფლებებს, ანხორციელებდნენ მსჯავრდებულების და მათი ახლო ნათესავების განცხადებების მიღებებს, სამართალწარმოებას აკეთებდნენ იმ საქმეებზე, რომლებიც დაკავშირებულია მსჯავრდებულების დაწესებულების დროებით დატოვების ან ხანმოკლე გასვლის დროს საექსპერტო გამოკვლევისათვის, უზრუნველყოფენ მათი დახასიათებების, განცხადებების განხორციელებას. ასევე ვალდებულნი არიან მიაწოდონ სამინისტროს ადგილობრივ საბჭოს, მათი ინფორმაცია პირობით ვადამდე განთავისუფლების და იმ მსჯავრდებულების, რომლებიც უფრო ნაკლებ, მსუბუქ სასჯელზე გადადიან. ანხორციელებენ გამოკითხვებს, კულტურულ-მასობრივი, რელიგიური ღონისძიებების ორგანიზატორები არიან. უწევენ დახმარებას ადაპტაციაში მსჯავრდებულებს. დასჯა - წახალისების საკითხებს ანხორციელებენ. მკაცრ კონტროლზე აჰყავთ დასჯა-წახალისების საკითხი. აკეთებენ დისციპლინური სამართალდარღვევის, გამოვლენას, რათა დროულად იქნეს აღმოფხვრილი. ეს რეგულირდებოდა საქართველოს სასჯელაღსრულების, პრობაციისა და იურიდიული დახმარების მინისტრის #10 ბრძანებით, რომელიც გამოცემული იყო 2013 წლის 17 იანვარს და მოქმედებდა 2013 წლის 12 მაისისათვის, როცა მოხდა შემთხვევა. დაწესებულების დირექტორს შეეძლო დაევალებინა ფუნქციები, რომელიც ეხებოდა მის სამსახურს. ღამის მორიგეობა ეკუთვნის უსაფრთხოების სამსახურს, სამართლებრივი რეჟიმის სამსახურს. სოციალური სამსახური არ არის ვალდებული იმორიგეოს. მომხდარი დანაშაულის შეტყობინება სოციალურ მუშაკს არ ევალება. უსაფრთხოების სამსახური უზრუნველყოფს მსჯავრდებულთა უსაფთხოებას პირველ რიგში, დანაშაულის გამოვლენას და დროულ აღკვეთას. ვალდებულნი არიან და უზრუნველყოფენ დღის განრიგის დაცვას და ანხორციელებენ სხვადასხვა ფუნქციებს. ი------------------ს იცნობს 2013 წლიდან, როცა მოვიდა სამსახურში. იყო დირექტორის მოადგილე სოციალურ დარგში. ი------------------ ზედამხედველობდა სოციალურ სამსახურს. ი------------------ იყო დირექტორის მოადგილე სოციალურ დარგში და შესაბამისად პასუხისმგებლობაც თანაბარი ჰქონდა როგორც დირექტორს და როგორც დირექტორის პირველ მოადგილეს. პასუხისმგებელი მორიგე ვალდებულია შეატყობინოს ყოველგვარი მომხდარი ფაქტი, რაც კი შიგნით ხდება. ვალდებულია მოახსენოს დაწესებულების დირექტორს ყოველგვარი სამართალდარღვევის აღმოჩენის შემთხვევაში და ა.შ.

მოწმის განმარტებით, სოციალურ მუშაკებს ევალებოდათ დაეცვათ მსჯავრდებულთა კანონმდებლობით გათვალისწინებული უფლებები; სოციალური სამმართველოს ამოცანას წარმოადგენდა - სამართლიანობის დაცვა, მსჯავრდებულთა უფლებების დაცვა, სხვა კონკრეტულად არ ახსოვს; სოციალური სამმართველო ვალდებული იყო განეხორციელებინა მსჯავრდებულთა კანონიერი უფლებების დაცვის ხელშეწყობა; რისკ-ფაქტორების გამოვლენა სოციალურ მუშაკს არ ევალებოდა, მაშინ როცა წესია, რომ მათი დაუცველობის, თვითდაზიანების შემთხვევაში, აწარმოოს სოციალურმა მუშაკმა; ს--–---–---------–---- ფუნქციას წარმოადგენდა პირადი პრობლემების გადაჭრა; ბრალდებულ - კ-------ს მისთვის არასოდეს არ მიუმართავს, რომ ის იყო სოციალური მუშაკი და მიუხედავად ამისა ადმინისტრაცია, დირექცია, ავალებდა მას, რომ ემორიგევა და დარჩენილიყო ცვლაში დაწესებულებაში და შეესრულებინა ისეთი სამუშაო, რომელიც მას სამსახურეობრივად არ ევალებოდა; სოციალურ მუშაკს ზოგადად ევალებოდა მსჯავრდებულთა ყველანაირი უფლებების დაცვა. იქ შედიოდა ყველა უფლება; სოციალური მუშაკი როცა მორიგე იყო, ევალებოდა უსაფრთხოების დაცვა. მათ შორის სიცოცხლის უფლების დაცვა; გ------------- მორიგეობა არც იმ დღეს და არც სხვა დროს, უკანონო არ იყო;

3. სამართლებრივი შეფასება:

3.1. საქართველოს სისხლის სამართლის საპროცესო კოდექსის 82-ე მუხლის თანახმად, გამამტყუნებელი განაჩენით პირის დამნაშავედ ცნობისათვის საჭიროა გონივრულ ეჭვს მიღმა არსებულ, შეთანხმებულ მტკიცებულებათა ერთობლიობა.

3.2. საქართველოს სსსკ-ის მე-13 მუხლი ადგენს, რომ გამამტყუნებელი განაჩენი უნდა ეფუძნებოდეს მხოლოდ ერთმანეთთან შეთანხმებულ, აშკარა და დამაჯერებელ მტკიცებულებათა ერთობლიობას, რომელიც გონივრულ ეჭვს მიღმა ადასტურებს პირის ბრალეულობას.

3.3. გონივრულ ეჭვს მიღმა მტკიცების სტანდარტი დადგენილია, ასევე ადამიანის უფლებათა ევროპული სასამართლოს მიერ. აღნიშნულთან დაკავშირებით, ადამიანის უფლებათა ევროპულმა სასამართლომ საქმეში TANIS AND OTHERS v. TURKEY, განმარტა შემდეგი: ,,წერილობითი და ზეპირი მტკიცებულებების შეფასებისას სასამართლო ითვალისწინებს უკვე დადგენილ სტანდარტს - გონივრულ ეჭვს მიღმა. მსგავსი მტკიცება შეიძლება გამომდინარეობდეს მხოლოდ საკმარისად ძლიერი, ნათელი და შეთანხმებული დასკვნებიდან ან მსგავსი უდავო ფაქტების ვარაუდიდან’’.

3.4. აღნიშნულიდან გამომდინარე, არაა სავალდებულო მტკიცების სტანდარტი იყოს აბსოლუტურად სარწმუნო, თუმცა უნდა აკმაყოფილებდეს შესაძლებლობის საკმაოდ მაღალ სტანდარტს და უნდა ტოვებდეს მხოლოდ უმნიშვნელო შესაძლებლობას საპირისპიროს არსებობაში.

3.5. საქართველოს სისხლის სამართლის საპროცესო კოდექსი განმარტავს, რომ სასამართლოს გამამტყუნებელი განაჩენის გამოტანისას აუცილებელია არსებობდეს დამაჯერებელ მტკიცებულებათა ერთობლიობა, რომელთა ურთიერთშეჯერება და სიღრმისეული ანალიზი ობიექტურ პირს დაარწმუნებდა პირის ბრალეულობაში.

3.6. საქართველოს სისხლის სამართლის კანონმდებლობით, სამოხელეო დანაშაული ხელყოფს სახელმწიფო აპარატის ნორმალურ საქმიანობას, ჩადენილია, როგორც წესი, სახელმწიფო მოხელის მიერ თავისი სამსახურებრივი მდგომარეობის გამოყენებითა და საჯარო სამსახურის მოთხოვნის საწინააღმდეგოდ.

3.7. საქართველოს სისხლის სამართლის კოდექსის 332-ე მუხლის პირველი ნაწილით გათვალისწინებული ქმედება ჩადენილად ითვლება იმ შემთხვევაში თუ პირის მხრიდან ადგილი აქვს სამსახურებრივი უფლებამოსილების ბოროტად გამოყენებას.

3.8. სამსახურებრივი უფლებამოსილების ბოროტად გამოყენების ობიექტურ მხარეს ახასიათებს შემდეგი სავალდებულო ნიშნები: 1) მოხელის ან მასთან გათანაბრებული პირის მიერ სამსახურებრივი უფლებამოსილების ბოროტად გამოყენება საჯარო ინტერესის საწინააღმდეგოდ; 2) ფიზიკური ან იურიდიული პირის უფლების, საზოგადოების ან სახელმწიფოს კანონიერი ინტერესების არსებითი დარღვევა; 3) ქმედებასა და დამდგარ შედეგს შორის მიზეზობრივი კავშირის არსებობა.

3.9. ამ დანაშაულის სუბიექტური მხარისათვის აუცილებელია კანონში მითითებული მიზნის არსებობა, კერძოდ, თავისთვის ან სხვისთვის გამორჩენის ან უპირატესობის მიღება. სამსახურებრივი უფლებამოსილების ბოროტად გამოყენებად ჩაითვლება მოხელის ისეთი ქმედება, რომელიც მისი სამსახურებრივი უფლებამოსილებიდან გამომდინარეობს და დაკავებული თანამდებობის საფუძველზე მის უფლება-მოვალეობათა განხორციელებასთან არის დაკავშირებული. მოხელის სამსახურებრივი უფლებამოსილების ფარგლები განსაზღვრულია სათანადო ნორმატიული აქტებით, ეს შეიძლება იყოს დებულება წესდება ან სხვა აქტი. ამიტომაც, სამსახურებრივი მდგომარეობის ბოროტად გამოყენება ბლანკეტურ ნორმას წარმოადგენს. იმისათვის, რომ დადგენილ იქნეს არის თუ არა სახელმწიფო მოხელის ქმედებაში დანაშაულის ნიშნები, საჭიროა განისაზღვროს მოხელის უფლებამოსილება, მისი მოცულობა და შინაარსი. ეს კი მოწესრიგებულია არა სისხლის სამართლის ნორმებით, არამედ სხვა ნორმატიული აქტებით. სამსახურებრივი უფლებამოსილების გამოყენება შეიძლება იყოს მართლზომიერი ისე არამართლზომიერიც, ობიექტური მხრივ მოხელის მიერ მისთვის მინიჭებულ უფლება-მოვალეობათა არამართლზომიერი გამოყენება, ყოველთვის საჯარო ინტერესების საწინააღმდეგო ქმედებაა.

3.10. სამსახურებრივ უფლებამოსილების კონკრეტული ფორმები მრავალგვარია, ვინაიდან მოხელის საქმიანობის სფერო მეტად ფართოა. სისხლისსამართლებრივ ტერმინოლოგიაში ,,გამოყენება“ გულისხმობს როგორც აქტიურ ისე პასიურ მოქმედებასაც.

3.11. მოხელის მიერ სამსახურებრივი უფლებამოსილების ბოროტად გამოყენებისას მოხელე არ სცილდება თავისი უფლებამოსილების ფარგლებს არამედ მოქმედებს მის ფარგლებში მაგრამ საჯარო ინტერესის საწინააღმდეგოდ.

3.12. მოხელის მიერ თავისი უფლებამოსილების არამართლზომიერ გამოყენებასა და მავნე შედეგის დადგომას შორის მიზეზობრივი კავშირის არსებობა აუცილებელია, რაც ფიზიკური ან იურიდიული პირის უფლებათა და საზოგადოების ან სახელმწიფოს ინტერესის არსებით დარღვევაში გამოიხატა, ამიტომაც თავისი კონსტრუქციით ეს დანაშაული მატერიალურ შემადგენლობათა რიცხვს განეკუთვნება.

3.13. ამ დანაშაულის სუბიექტური შემადგენლობისთვის აუცილებელია სათანადო მიზნის არსებობა ეს მიზანია დამნაშავის მიერ თავისთვის ან სხვისთვის გამორჩენის ან უპირატესობის მიღება. დამნაშავის ან სხვისთვის უპირატესობის მიღებას უმეტესად არაქონებრივი ხასიათი აქვს, ის შეიძლება ნაკარნახევი იყოს ისეთი ქვენა გრძნობით როგორიცაა კარიერიზმი, პროტექციონიზმი, თავისთვის კომფორტის მოწყობა, დამნაშავის მიერ თავისი არაკომპეტენტურობის დაფარვის სურვილი და სხვ. ყოველივე ზემოაღნიშნული შეიძლება შეეხებოდეს სხვა პირთა ინტერესსაც. ბრალის ფორმის მიხედვით კი სამსახურებრივი უფლებამოსილების ბოროტად გამოყენება განზრახვაში ვლინდება.

3.14. მოხელის მიერ სამსახურებრივი უფლებამოსილების ბოროტად გამოყენება საშიშია იმით, რომ იგი, დანაშაულებრივი ქმედების განხორციელებისას, არ არღვევს თავისი უფლებამოსილების ფარგლებს, არამედ მოქმედებს მის ფარგლებში. მოხელის ქმედება დაკავშირებულია ამ უფლებამოსილების ბოროტად გამოყენებასთან საჯარო სამსახურის მოთხოვნის საწინააღმდეგოდ, რომელიც მას სწორედ თავისი სამსახურებრივი მდგომარეობის გამო აქვს მინიჭებული.

3.15. სასამართლო მიიჩნევს, რომ მოცემულ კონკრეტულ შემთხვევაში სახეზეა სისხლის სამართლის კოდექსის 332-ე მუხლით გათვალისწინებული დანაშაული, რაც ჩადენილია უმოქმედობით და რასაც შედეგად მოჰყვა სახელმწიფოს კანონიერი ინტერესის არსებითი დარღვევა.

3.16. საქართველოს სისხლის სამართლის კოდექსის 375-ე მუხლით გათვალისწინებული ქმედება ჩადენილად ითვლება იმ შემთხვევაში თუ პირის მხრიდან ადგილი აქვს დანაშაულის დაფარვას. დანაშაულის დაფარვის სოციალური მავნებლობა იმაში მდგომარეობს, რომ ასეთი ქმედება ხელს უშლის დანაშაულის გახსნასა და დამნაშავეთა მხილებას, ხელს უწყობს დანაშაულის კვალის, მტკიცებულებათა დაფარვას და ა.შ. შესაბამისად, სისხლისსამართლებრივი დაცვის უშუალო ობიექტია გამოძიებისა და სასამართლო ორგანოთა ნორმალური ფუნქციონირება.

3.17. დანაშაულის ობიექტური მხარე, როგორც წესი გამოიხატება აქტიურ მოქმედებაში - წინასწარ შეუპირებლად მძიმე ან/და განსაკუთრებით მძიმე აგრეთვე, სსკ-ის 375-ე მუხლით გათვალისწინებული სხვა ნაკლებად მძიმე დანაშაულის დაფარვაში. დანაშაულის დაფარვაში იგულისხმება დამნაშავის, აგრეთვე დანაშაულის ჩადენის იარაღისა და საშუალების, დანაშაულის კვალის ან დანაშაულებრივი გზით მოპოვებული საგნების დაფარვა. დანაშაულის კვალის დაფარვა შეიძლება გამოიხატოს მის განადგურებაში ან მის აღმოსაჩენად დაბრკოლების შექმნაში.

3.18. განსახილველ დანაშაულს ფორმალური შემადგენლობა აქვს და იგი დამთავრებულად ჩაითვლება დაფარვის ცნებაში შემავალი ერთ-ერთი მოქმედების ჩადენის მომენტიდან.

3.19. სუბიექტური მხრივ მოტივსა და მიზანს კვალიფიკაციისათვის მნიშვნელობა არ ენიჭება. განსახილველი დანაშაული პირდაპირ განზრახვას გულისხმობს. დამნაშავეს გაცნობიერებული აქვს, რომ ფარავს კონკრეტულ დანაშაულს, რომელიც მძიმე ან განსაკუთრებით მძიმე კატეგორიისაა და სურს მისი დაფარვა.

3.20. სასამართლო მიუთითებს, რომ ადამიანის უფლებათა ევროპულ სასამართლოს მრავალჯერ აქვს აღნიშნული, რომ თუმცა ადამიანის უფლებათა ევროპული კონვენციის მე-6 მუხლი იცავს პირის უფლებას სამართლიან სასამართლო განხილვაზე, აღნიშნული მუხლი არ ადგენს მტკიცებულებათა დასაშვებობის წესებს. ეს უკანასკნელი შიდასახელმწიფოებრივი კანონმდებლობის პრეროგატივაა, ხოლო ევროპული სასამართლოს ფუნქციაა მთლიანობაში სამართალწარმოების სამართლიანობის შეფასება (იხ. საქმე ფრამკინი რუსეთის წინააღმდეგ (იხ. საქმე ფრამკინი რუსეთის წინააღმდეგ (Frumkin v. Russia), განაცხადი no. 74568/12, ადამიანის უფლებათა ევროპული სასამართლოს 2016 წლის 5 იანვრის გადაწყვეტილების პუნქტი 159). ამასთან, ევროპული სასამართლო მიიჩნევს, რომ შიდასახელმწიფოებრივი სასამართლო უკეთეს პოზიციაშია, ევროპულ სასამართლოსთან შედარებით, რათა შეაფასოს მტკიცებულება, დაადგინოს ფაქტები, ან განმარტოს შიდასახელმწიფოებრივი კანონმდებლობა (ბულიჩევი რუსეთის წინააღმდეგ (Bulychevy v. Russia), განაცხადი no. 24086/04, ადამიანის უფლებათა ევროპული სასამართლოს 2010 წლის 8 აპრილის გადაწყვეტილების პუნქტი 32).

3.21. ადამიანის უფლებათა და ძირითად თავისუფლებათა დაცვის ევროპული კონვენციის მე-6 მუხლის თანახმად, ყოველი ადამიანი აღჭურვილია საქმის სამართლიანი განხილვის უფლებით. ადამიანის ამ ფუნდამენტური უფლების არსი, თავის თავში გულისხმობს სასამართლოს მიერ პირის მსჯავრდებას, ან წარდგენილ ბრალდებაში გამართლებას უტყუარი და საკმარისი მტკიცებულებების საფუძველზე. საქართველოს კონსტიტუციის მე-40 მუხლის მე-3 ნაწილის თანახმად, დადგენილება ბრალდებულის სახით პირის პასუხისგებაში მიცემის შესახებ, საბრალდებო დასკვნა და გამამტყუნებელი განაჩენი უნდა ემყარებოდეს მხოლოდ უტყუარ მტკიცებულებებს. სისხლის სამართლის საპროცესო კოდექსის 82-ე მუხლის მე-3 ნაწილის თანახმად კი, ,,გამამტყუნებელი განაჩენით პირის დამნაშავედ ცნობისათვის საჭიროა გონივრულ ეჭვს მიღმა არსებულ შეთანხმებულ მტკიცებულებათა ერთობლიობა“.

3.22. სასამართლომ, საქმეში წარმოდგენილი თითოეული მტკიცებულება შეაფასა სისხლის სამართლის საქმესთან მისი რელევანტურობის, დასაშვებობის, უტყუარობის და საკმარისობის თვალსაზრისით და მიიჩნევს, რომ მათ საფუძველზე გონივრულ ეჭვს მიღმა სტანდარტით დადასტურდა ბრალდებულების - ი------------------- და ი-–---–--–-–---–-- მიერ სსკ-ის 332-ე მუხლის პირველი ნაწილითა და სსკ-ის 375-ე მუხლით, თ----------------ს და მ--–----------------- მიერ სსკ-ის 375-ე მუხლით, ხოლო გ------------- და ა-–------------------–---–-ს მიერ სსკ-ის 332-ე მუხლის პირველი ნაწილით ინკრიმინირებული, ბრალეული და მართლსაწინააღმდეგო ქმედების ჩადენა, რაზეც ერთმნიშვნელოვნად მეტყველებენ საქმეში წარმოდგენილი დამაჯერებელი და სარწმუნო მტკიცებულებანი, რომელთა ურთიერთშეჯერების პირობებში და მათი სიღრმისეული ანალიზის შედეგად სასამართლომ დაადგინა საქმის ფაქტობრივი გარემოებანი. კერძოდ: თ---------------–----, ა-–---------- ო--------–----, ა-–------------------–---–--, დ----------------, გ---------–----, ა--–---------–--–---–-ს, დ----------–---------, თ------------–---------, ლ----------------, ჯ---------------ს, დაზარალებულის უფლებამონაცვლე ხ------- კ---------ს, გ-------------, რუსუდან ჩაჩხიანის, თვით ბრალდებულების ი-------------------, ი-–---–--–-–---–--, თ----------------ს, გ-------------, ა-–------------------–---–-ს ჩვენებები, ასევე წერილობითი მტკიცებულებები.

3.23. სასამართლო აანალიზებს რა საქმის განხილვისას გამოკვლეულ მასალებს, ერთობლიობაში აფასებს მოწმეთა განმარტებებსა და წერილობით მტკიცებულებებს, უტყუარად დადასტურებულად მიიჩნევს რომ:

2013 წლის 12 მაისს, დაახლოებით 20:00 საათზე, სად-ის N6 დაწესებულებიდან, სასჯელის მოხდის მიზნით, სად-ის N14 დაწესებულებაში გადმოყვანილი იქნა მსჯავრდებული ლ---------------, რომელსაც დაწესებულების მეექვსე კორპუსში განთავსების დროს, შელაპარაკება მოუხდა ამავე კორპუსის უსაფრთხოების განყოფილების ინსპექტორ ი-–---–--–-–---–----. შელაპარაკებაში ჩაერთო ამავე კორპუსში მცხოვრები კრიმინალური ავტორიტეტი, მსჯავრდებული შ-----------------, მეტსახელად „ბულდოგა“. ეს უკანასკნელი თავისი კრიმინალური ავტორიტეტის გამოყენებით, შეეცადა ლ---------------სთან სიტუაციაში გარკვევას, რაც მათ შორის გადაიზარდა ფიზიკურ დაპირისპირებაში. კერძოდ, ლ---------------მ ძალადობის საპასუხოდ, ხელი დაარტყა შ-----------------ს. კონფლიქტში ასევე ჩაერთო კრიმინალური ავტორიტეტი გ--------–------–---–-, მეტსახელად „გორსკი“. მომხდარის თაობაზე ცნობილი გახდა დაწესებულების თანამშრომლებისათვის, რომლებმაც უგულვებელყვეს მათზე დაკისრებული სამსახურებრივი მოვალეობა და არ მოახდინეს სამართლებრივი რეაგირება.

სად-ის N14 დაწესებულების თანამშრომლების ამგვარი დამოკიდებულებით წახალისებულმა კრიმინალურმა ავტორიტეტებმა - შ-----------------მ და გი-------–------–---–-- ე.წ. კრიმინალური ავტორიტეტისათვის ხელის დარტყმის გამო, რაც კრიმინალურ სამყაროში დამკვიდრებული წესების მიხედვით მკაცრად ისჯება, ლ--------------- ძალის გამოყენებით წაიყვანეს მეექვსე კორპუსის მესამე სართულზე მდებარე N338-ე საკანში, სადაც სხვა კრიმინალურ ავტორიტეტებთან - ს---–----------–--------, გ--–----–--------, მეტსახელად „გალსკი“ და თ-----------------–--------, მეტსახელად „რუბენიჩი“, ერთად სცემეს ლ---------------.

კრიმინალური ავტორიტეტების მიერ ლ---------------სათვის ე.წ. საქმის გასარჩევად და მასზე ფიზიკური ანგარიშსწორების მიზნით გადაყვანის შესახებ, იმთავითვე ცნობილი იყო სად-ის N14 დაწესებულების მეექვსე კორპუსში მყოფი თანამშრომლებისათვის. კერძოდ, ი-–---–--–-–---–--, ი-------------------, გ------------- და ა-–------------------–---–--------, რომლებმაც მიუხედავად იმისა, რომ სამსახურებრივად ევალებოდათ მსჯავრდებულთა უსაფრთხოების უზრუნველყოფა, დანაშაულის აღკვეთა და მზადების სტადიაში მისი აცილება ე.წ. კრიმინალურ ავტორიტეტებთან ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------ს და სხვა პატიმრებს შორის დაწყებული და განვითარებული კონფლიქტის აღსაკვეთად.

N338 საკანში, ცემიდან რამდენიმე წუთში, ლ---------------სთან, რომელიც იმ პერიოდისათვის იმყოფებოდა მე-6 კორპუსის მეოთხე სართულზე, მივიდა კრიმინალური ავტორიტეტი - ლ-–----------–----, ასევე ავტორიტეტებთან - გ--------–------–---–----, შ-----------------სთან, ს---–----------–--------, გ--–----–--------, თ-----------------–-------- და ნ----------------------- ერთად, რომლებმაც ლ--------------- გაიხმეს N336-ე საკანში, სადაც იგივე მიზეზით კრიმინალური ავტორიტეტისათვის ფიზიკური შეურაცხყოფის გამო, ხელებითა და ფეხებით, ასევე ელექტროჩაიდანისა და ვენტილატორის მყარი დეტალის გამოყენებით, სცემეს ლ---------------. ამ შემთხვევაშიც ი-–---–--–-–---–--, ი-------------------, გ------------- და ა-–------------------–---–-- ზემოთდასახელებული მიზნით, ე.წ. კრიმინალურ ავტორიტეტებთან ურთიერთობის გაფუჭების თავიდან ასაცილებლად და მათი კეთილგანწყობის შესანარჩუნებლად, არაფერი იღონეს ლ---------------ს და სხვა პატიმრებს შორის დაწყებული და განვითარებული კონფლიქტის აღსაკვეთად, რითაც მოძალადე პატიმრებს საშუალება მიეცათ დაუწერელი კრიმინალური წესების დარღვევისათვის ეცემათ ლ---------------. ძალადობის შედეგად მძიმედ დაშავებული ლ--------------- გადაყვანილი იქნა სამედიცინო დაწესებულებაში სასწრაფო დახმარების მიერ, სადაც იგი 23 მაისს გარდაიცვალა.

მომხდარი დანაშაულის დეტალები ცნობილი გახდა სად-ის N14 დაწესებულების დირექტორ მ--–-----------------------. ი------------------- და მ--–----------------- ერთობლივად განიზრახეს გამოძიება დაეყენებიათ არასწორ კვალზე და დანაშაულის დაფარვის გზით, როგორც ლ---------------ზე მოძალადე, განსაკუთრებით მძიმე დანაშაულის ჩამდენი პატიმრებისათვის, ასევე დაწესებულების თანამშრომლებისათვის, აეცილებინათ მოსალოდნელი პასუხისმგებლობა.

მიზნის მისაღწევად, მ--–----------------- უშუალო მითითებით, სად-ის N14 დაწესებულების უსაფრთხოების განყოფილების ინსპექტორმა - ი-–---–--–-–---–--, თ--------------------- შეთანხმებით, 2012 წლის 12 მაისს, შეადგინა ყალბი შინაარსის ოქმი, რომლის მიხედვით თითქოს ლ---------------მ დაზიანება მიიღო მეორე სართულის კიბიდან გადმოვარდნით. აღნიშნული ოქმის სისწორე ხელმოწერით დაადასტურეს ი-–---–--–-–---–-- და თ-----------------, ასევე დაწესებულების რამდენიმე მსჯავრდებულმა. ამასთან, მ--–----------------სთან შეთანხმებით, მოქმედებდა რა დანაშაულის დაფარვის განზრახვით, ი------------------- ტელეფონის მეშვეობით შეატყობინა სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტის დასავლეთის სამმართველოს გამომძიებელს, ლ---------------ს სხეულის დაზიანების შესახებ, თუმცა დანაშაულის დაფარვის მიზნით განმარტა, რომ ლ---------------მ დაზიანებები კიბეზე დაგორების შედეგად მიიღო.

აღნიშნულის შემდეგ, 2013 წლის 13 მაისს, დაახლოებით 01:30 საათისთვის, სად-ის N14 დაწესებულებაში, დაზიანების ფაქტზე მიმდინარე გამოძიების ფარგლებში შემთხვევის ადგილის დათვალიერების მიზნით მისულ გამომძიებელს, ი-–---–--–-–---–-- და თ-----------------, ლ---------------ს მიმართ განხორციელებული განსაკუთრებით მძიმე დანაშაულის დაფარვის მიზნით, შეთანხმებისამებრ, განზრახ არასწორად მიუთითეს ლ---------------ს სხეულის დაზიანების ადგილი, განუცხადეს, რომ ლ---------------მ დაზიანებები მიიღო მეორე სართულის კიბიდან დაგორების შედეგად, ამასთან, ხელმოწერით დაადასტურეს საგამოძიებო მოქმედების ოქმი.

3.24. ბრალდების მხარის მიერ წარმოდგენილმა მტკიცებულებებმა გონივრულ ეჭვს მიღმა სტანდარტით დაადასტურეს ბრალდებულების - ი-------------------, ი-–---–--–-–---–--, გ-------------, ა-–------------------–---–-ს, მ--–----------------- და თ----------------ს მიერ მათზე ბრალად შერაცხული დანაშაულების ჩადენა, შესაბამისად, სასამართლო არ იზიარებს დაცვის მხარის პოზიციას ბრალდებულების უდანაშაულობასთან დაკავშირებით.

3.25. სასამართლო განმარტავს, რომ ნებისმიერი შინაარსის ჩვენების მიცემა ბრალდებულის საპროცესო და კონსტიტიციური უფლებაა და საქართველოს კონსტიტუციის თანახმად, არავინაა ვალდებული, ამტკიცოს თავისი უდანაშაულობა, მტკიცების ტვირთი სახელმწიფო ბრალდების მოვალეობაა. მოცემულ შემთხვევაში ბრალდებულები არ არიან ვალდებულნი ამტკიცონ თავიანთი უდანაშაულობა, თუმცა მათ მიერ განვითარებული ვერსია მათი უდანაშაულობის შესახებ არ არის გამყარებული მტკიცებულებებით. მხოლოდ დაუსაბუთებელი და ზეპირი ვარაუდები ვერ გახდება მათი გამართლების საფუძველი, რადგან სასამართლო მიიჩნევს, რომ ბრალდების მხარემ წარმოადგინა იმ მტკიცებულებათა ერთობლიობა, რომელიც გონივრულ ეჭვს მიღმა სტანდარტით ადასტურებს ბრალდებულების ბრალეულობას მათ მიმართ შერაცხულ ბრალდებაში.

3.26. სასამართლო ასევე არ იზიარებს დაცვის მხარის გამარტებას მასზედ, რომ სასამართლოს მიერ არ მომხდარა საქმის განხილვა გონივრულ ვადაში, რითაც დაირღვა სამართლიანი სასამართლოს უფლება. აღნიშნულ საკითხზე სასამართლო განმარტავს, რომ საქმის განხილვა დასრულდა კანონით დადგენილ ვადაში (სსკ-ის 333-ე მუხლის მე-8 ნაწილი) შესაბამისად, მიუხედავად საქმის განხილვის ხანგრძლივობისა, აღნიშნული არ შეიძლება მიჩნეულ იქნეს გაუმართლებელ გაჭიანურებად.

3.27. სასამართლომ ზემოთ აღნიშნა, რომ სასამართლოს გამამტყუნებელი განაჩენის გამოტანისას აუცილებელია არსებობდეს დამაჯერებელ მტკიცებულებათა ერთობლიობა, რომელთა ურთიერთშეჯერება და სიღრმისეული ანალიზი ობიექტურ პირს დაარწმუნებდა პირის ბრალეულობაში.

3.28. ადამიანის პიროვნული თავისუფლების მნიშვნელობიდან გამომდინარე, საქართველოს კონსტიტუციის მე-40 მუხლის მე-3 პუნქტი მოითხოვს, რომ მტკიცებულებების შეფასებისას წარმოშობილი ნებისმიერი ეჭვი უნდა გადაწყდეს ბრალდებულის სასარგებლოდ. ეს მტკიცებულებითი სტანდარტი ვალდებულებას აკისრებს დანაშაულებრივი ფაქტების დამდგენ სასამართლოს, რომ სამართლიანად გადაჭრას სამხილებს შორის არსებული კონფლიქტები, სათანადოდ აწონოს მტკიცებულებები და ამ პროცესში წარმოშობილი ყოველგვარი გონივრული ეჭვი გადაწყვიტოს ბრალდებულის უდანაშაულობის, მისი თავისუფლების სასარგებლოდ (ამონარიდი საქართველოს საკონსტიტუციო სასამართლოს 2015 წლის 22 იანვრის გადაწყვეტილებიდან).

3.29. საქართველოს სსკ-ის მე-13 მუხლის თანახმად, გამამტყუნებელი განაჩენი უნდა ეფუძნებოდეს მხოლოდ ერთმანეთთან შეთანხმებულ, აშკარა და დამაჯერებელ მტკიცებულებათა ერთობლიობას, რომელიც გონივრულ ეჭვს მიღმა ადასტურებს პირის ბრალეულობას.

3.30. საქართველოს სისხლის სამართლის საპროცესო კოდექსის 259-ე მუხლის თანახმად, სასამართლოს განაჩენი უნდა იყოს კანონიერი, დასაბუთებული და სამართლიანი. სასამართლოს განაჩენი კანონიერია, თუ იგი გამოტანილია საქართველოს კონსტიტუციის, ამ კოდექსისა და საქართველოს სხვა კანონების მოთხოვნათა დაცვით, რომელთა ნორმებიც გამოყენებული იყო სისხლის სამართლის პროცესში. სასამართლოს განაჩენი დასაბუთებულია, თუ ის ემყარება სასამართლო განხილვის დროს გამოკვლეულ, ეჭვის გამომრიცხავ მტკიცებულებათა ერთობლიობას. განაჩენში ჩამოყალიბებული ყველა დასკვნა და გადაწყვეტილება დასაბუთებული უნდა იყოს.

3.31. საქართველოს სისხლის სამართლის საპროცესო კოდექსის 82-ე მუხლის თანახმად, მტკიცებულება უნდა შეფასდეს სისხლის სამართლის საქმესთან მისი რელევანტურობის, დასაშვებობის და უტყუარობის თვალსაზრისით. მტკიცებულებას არა აქვს წინასწარ დადგენილი ძალა და გამამტყუნებელი განაჩენით პირის დამნაშავედ ცნობისათვის საჭიროა გონივრულ ეჭვს მიღმა არსებულ შეთანხმებულ მტკიცებულებათა ერთობლიობა.

3.32. საქართველოს სისხლის სამართლის საპროცესო კოდექსის 269-ე მუხლის მე-2 ნაწილის თანახმად, გამამტყუნებელ განაჩენს არ შეიძლება საფუძვლად დაედოს ვარაუდი. ამავე კოდექსის მე-5 მუხლის თანახმად, მტკიცებულების შეფასების დროს წარმოშობილი ეჭვი, რომელიც არ დადასტურდება კანონით დადგენილი წესით, უნდა გადაწყდეს ბრალდებულის (მსჯავრდებულის) სასარგებლოდ.

3.33. გონივრულ ეჭვს მიღმა სტანდარტი, საქართველოს სისხლის სამართლის საპროცესო კოდექსის მე-3 მუხლის მე-12 ნაწილის თანახმად, არის სასამართლოს მიერ გამამტყუნებელი განაჩენის გამოტანისათვის საჭირო მტკიცებულებათა ერთობლიობა, რომელიც ობიექტურ პირს დაარწმუნებდა პირის ბრალეულობაში.

3.34. გონივრულ ეჭვს მიღმა ტესტი წარმოადგენს სახელმძღვანელო კრიტერიუმს, რომელსაც სასამართლო იყენებს პირის დამნაშავედ ცნობისთვის, მიანიშნებს სასამართლოს, თუ რამდენად მყარი უნდა იყოს რწმენა იმისა, რომ ბრალდებულმა ჩაიდინა დანაშაული. სასამართლო ბრალდებულს დამნაშავედ ცნობს, როდესაც საქმეში არსებული მტკიცებულებები მას გონივრულ ეჭვს მიღმა დაარწმუნებს პირის ბრალეულობაში. ეს რწმენა სასამართლოს, კანონით დადგენილი წესის მიხედვით წარდგენილი მტკიცებულებების საფუძველზე, იმ მტკიცებულებებზე დაყრდნობით უყალიბდება, რომელსაც კანონით სანდო და დასაშვებად მიიჩნევს (ამონარიდი საქართველოს საკონსტიტუციო სასამართლოს 2015 წლის 22 იანვრის გადაწყვეტილებიდან).

3.35. სასამართლო მივიდა იმ დასკვნამდე, რომ არსებობს გონივრულ ეჭვს მიღმა სტანდარტით ი-------------------, ი-–---–--–-–---–--, მ--–-----------------, თ----------------ს, გ-------------- და ა-–------------------–---–-ს დამნაშავედ ცნობისა და მათ მიმართ გამამტყუნებელი განაჩენის გამოტანის საფუძველი.

3.36. გამამტყუნებელი განაჩენი უნდა ემყარებოდეს მხოლოდ უტყუარ მტკიცებულებებს (საქართველოს კონსტიტუცია, მუხლი 40.3), სასამართლო მიიჩნევს, რომ ბრალდების მხარის მიერ წარმოდგენილი მტკიცებულებები პასუხობენ მტკიცებულების უტყუარობის ზემოაღნიშნულ კონსტიტუციურ სტანდარტს, რაც საკმარისია პირის დამნაშავედ ცნობისათვის.

3.37. ამდენად, საქმეში არსებულ ურთიერთშეთანხმებულ და უტყუარ მტკიცებულებათა ერთობლიობით, სასამართლო დადგენილად მიიჩნევს, რომ ბრალდებულებმა - ი------------------- და ი-–---–--–-–---–-- ჩაიდინეს სამსახურებრივი უფლებამოსილების ბოროტად გამოყენება და დანაშაულის დაფარვა, დანაშაული გათვალისწინებული სსკ-ის 332-ე მუხლის პირველი ნაწილითა და სსკ-ის 375-ე მუხლით; თ----------------- და მ--–----------------- ჩაიდინეს დანაშაულის დაფარვა, დანაშაული გათვალისწინებული სსკ-ის 375-ე მუხლით, ხოლო გ------------- და ა-–------------------–---–-- ჩაიდინეს სამსახურებრივი უფლებამოსილების ბოროტად გამოყენება, დანაშაული გათვალისწინებული სსკ-ის 332-ე მუხლის პირველი ნაწილით.

4. პასუხისმგებლობის შემამსუბუქებელი და დამამძიმებელი გარემოებები:

ბრალდებულებს ი------------------ს, ი-–---–--–-–---–-, მ--–----------------ს, თ----------------ს, გ------------სა და ა-–---------- ბ------–---–- პასუხისმგებლობის შემამსუბუქებელი და დამამძიმებელი გარემოებები არ გააჩნიათ.

5. სასჯელის გამოყენების დასაბუთება:

სასამართლოს მიერ სასჯელის დანიშვნისას გათვალისწინებული უნდა იქნას საქართველოს სისხლის სამართლის კოდექსის 39-ე მუხლით დადგენილი სასჯელის მიზანი: სამართლიანობის აღდგენა, ახალი დანაშაულის თავიდან აცილება და დამნაშავის რესოციალიზაცია.

ამავე მუხლის მე-2 ნაწილი ადგენს, რომ სასჯელის მიზანი ხორციელდება მსჯავრდებულსა და სხვა პირზე ზემოქმედებით, რათა ისინი განიმსჭვალონ მართლწესრიგის დაცვისა და კანონის წინაშე პასუხისმგებლობის გრძნობით. ხოლო მე-3 ნაწილის თანახმად, სასჯელის მიზანი არ არის ადამიანის ფიზიკური ტანჯვა ან მისი ღირსების დამცირება.

სასამართლო მიიჩნევს, რომ საქართველოს სისხლის სამართლის კოდექსის 39-ე მუხლით დადგენილი სასჯელის მიზნის რეალიზაციას, სასჯელის სიმკაცრე კი არა, მისი გარდუვალობა განაპირობებს, მთავარია არა ის, რომ დასაჯო მკაცრად, არამედ ის რომ დანაშაულის შემთხვევა არ უნდა დარჩეს სათანადო რეაგირების გარეშე და ეს რეაგირება უნდა იყოს ბრალდებულის პიროვნების, მისი მიერ ჩადენილი ქმედების, მის მიმართ არსებული შემამსუბუქებელი და დამამძიმებელი გარემოებების მაქსიმალური სიზუსტით შეფასების შესაბამისი.

საქართველოს სისხლის სამართლის კოდექსის 53-ე მუხლის თანახმად, სასჯელის განსაზღვრის დროს სასამართლო ითვალისწინებს ბრალდებულის პასუხისმგებლობის შემამსუბუქებელ და დამამძიმებელ გარემოებებს, დანაშაულის ჩადენის მოტივსა და მიზანს, ქმედებაში გამოვლენილ მართლსაწინააღმდეგო ნებას, ქმედების განხორციელების სახეს, ხერხსა და მართლსაწინააღმდეგო შედეგს, დამნაშავის პიროვნებას, მის წარსულ ცხოვრებასა და ოჯახურ მდგომარეობას, ჩადენილი ქმედების საზოგადოებრივად საშიშ ხარისხსა და ხასიათს, დამნაშავის მიერ ახალი დანაშაულის ჩადენის საფრთხესა და მისი რესოციალიზაციის ობიექტურ შესაძლებლობას.

სასამართლო მიიჩნევს, რომ სასჯელის მიზნების განსახორციელებლად, დანაშაულის მოტივისა და მიზნის, ქმედებაში გამოვლენილი მართლსაწინააღმდეგო ნების, მოვალეობათა დარღვევის ხასიათისა და ზომის, ქმედების განხორციელების სახის, ხერხისა და მართლსაწინააღმდეგო შედეგის, ბრალდებულის პიროვნების გათვალისწინებით, ბრალდებულებს ი------------------ს და ი-–---–--–-–---–-, ა-–---------- ბ------–---–- და გ------------ს უნდა დაენიშნოთ შესაბამისი მუხლის სანქციით გათვალისწინებული ასევე უნდა ჩამოერთვათ სახელმწიფო სამსახურში თანამდებობის დაკავების უფლება. თენგის ნ--------ს - მის მიერ ბრალის აღიარების გათვალისწინებით უნდა დაენიშნოს პირობითი მსჯავრი. ხოლო რაც შეეხება მ--–----------------ს, მიუხედავად მის მიერ სასამართლოში გამოცხადებისათვის თავის არიდებისა, მისი პიროვნებისა და ჩადენილი დანაშაულის სიმძიმის გათვალისწინებით სასამართლო შესაძლებლად მიიჩნევს სასჯელის დანიშვნას ჯარიმის სახით.

სასამართლო მიიჩნევს, რომ სწორედ სასჯელის აღნიშნული სახე გახდება საფუძველი მომავალში ბრალდებულების საზოგადოებაში უსაფრთხო ინტეგრაციისა და იქნება დამაფიქრებელი ბრალდებულებისათვის, რათა მათ უკეთ გააცნობიერონ ჩადენილი ქმედების ხასიათი, საზოგადოებრივი საშიშროება, გამოწვეული შედეგის სიმძიმე და ბოლოს, უნდა შეამცირონ მათ მიერ ახალი დანაშაულის ჩადენის რისკი, რაც თავის მხრივ ხელს შეუწყობს სამართლიანობის აღდგენას.

სარეზოლუციო ნაწილი:

სასამართლომ იხელმძღვანელა საქართველოს სისხლის სამართლის საპროცესო კოდექსის 225-ე, 258-260-ე, 268-269-ე, 271-274-ე, 277-279-ე, 292-293-ე მუხლებით და

დ ა ა დ გ ი ნ ა:

თ---------------- ცნობილ იქნეს დამნაშავედ საქართველოს სისხლის სამართლის კოდექსის 375-ე მუხლით გათვალისწინებული დანაშაულის ჩადენისათვის და სასჯელის სახედ და ზომად განესაზღვროს თავისუფლების აღკვეთა 1 (ერთი) წლის ვადით, რაც სსკ-ის 63-ე მუხლის თანახმად, ჩაეთვალოს პირობითად და ამავე კოდექსის 64-ე მუხლის შესაბამისად, გამოსაცდელ ვადად დაუდგინდეს 1 (ერთი) წელი.

თ----------------ს მიმართ შეფარდებული აღკვეთის ღონისძიება - გირაო გაუქმდეს, ხოლო ბრალდებულის სასარგებლოდ გირაოს შემტანს - განაჩენის აღსრულებიდან ერთი თვის ვადაში დაუბრუნდეს გირაოს სახით შეტანილი უძრავი ქონება და მოეხსნას ყადაღა თ----------------ს (პ/ნ 3----------), ე----- ნ--------ს (პ/ნ 3----------) და ციცინო ნ--------ს (პ/ნ 3----------) თანასაკუთრებაში არსებულ უძრავ ქონებაზე (მის: სამტრედიის რაიონის სოფელი ე–----, საკადასტრო კოდი №34.06.46.229).

საქართველოს სსკ-ის 62-ე მუხლის მე-3 ნაწილის თანახმად, თ----------------ს სასამართლო განხილვამდე პატიმრობაში ყოფნის დრო - 2013 წლის 02 აგვისტოდან 2013 წლის 10 აგვისტოს ჩათვლით, ჩაეთვალოს სასჯელის ვადაში.

საქართველოს სსკ-ის 65-ე მუხლის საფუძველზე, მსჯავრდებულ თ----------------ს დაეკისროს მოვალეობა - პრობაციის სამსახურის ნებართვის გარეშე არ შეიცვალოს მუდმივი ბინადრობის ადგილი, ხოლო საქართველოს სსკ-ის 66-ე მუხლის შესაბამისად, კონტროლი მის ყოფა-ქცევაზე და დახმარება დაევალოს პრობაციის სამსახურს მსჯავრდებულის საცხოვრებელი ადგილის მიხედვით.

ი-–---–--–-–---–- ცნობილ იქნეს დამნაშავედ საქართველოს სისხლის სამართლის კოდექსის 332-ე მუხლის პირველი ნაწილით და ამავე კოდექსის 375-ე მუხლით გათვალისწინებულ დანაშაულთა ჩადენისათვის და სასჯელის სახედ და ზომად განესაზღვროს:

საქართველოს სსკ-ის 332-ე მუხლის პირველი ნაწილით ჯარიმა - 5000 (ხუთი ათასი) ლარის ოდენობით.

მასვე 1 (ერთი) წლის ვადით ჩამოერთვას სახელმწიფო სამსახურში თანამდებობის დაკავების უფლება.

საქართველოს სსკ-ის 375-ე მუხლით ჯარიმა - 2000 (ორი ათასი) ლარის ოდენობით.

საქართველოს სსკ-ის 59-ე მუხლის მეორე ნაწილის საფუძველზე, მკაცრმა სასჯელმა შთანთქოს ნაკლებად მკაცრი სასჯელი და დანაშაულთა ერთობლიობით ი-–---–--–-–---–- საბოლოო სასჯელის სახედ და ზომად განესაზღვროს ჯარიმა 5000 (ხუთი ათასი) ლარის ოდენობით, რაც საქართველოს სსკ-ის 62-ე მუხლის მე-5 ნაწილის თანახმად, პატიმრობაში ყოფნის ვადის გათვალისწინებით (2013 წლის 02 აგვისტოდან 2013 წლის 13 სექტემბრის ჩათვლით) შეუმსუბუქდეს და საბოლოოდ, ი-–---–--–-–---–- განესაზღვროს ჯარიმა 2850 (ორიათასრვაას ორმოცდაათი) ლარის ოდენობით და 1 (ერთი) წლის ვადით ჩამოერთვას სახელმწიფო სამსახურში თანამდებობის დაკავების უფლება.

ი-–---–--–-–---–-- მიმართ შეფარდებული აღკვეთის ღონისძიება - გირაო გაუქმდეს, ხოლო ბრალდებულის სასარგებლოდ გირაოს შემტანს - განაჩენის აღსრულებიდან ერთი თვის ვადაში დაუბრუნდეს გირაოს სახით შეტანილი უძრავი ქონება და მოეხსნას ყადაღა სოფიო შ--–-–---–-ს (პ/ნ 0----------) სახელზე რიცხულ, მცხეთაში, სოფელ მისაქციელში მდებარე უძრავ ქონებას, საკადასტრო კოდით 72.03.32.126.

მსჯავრდებულ ი-–---–--–-–---–-- მიმართ დაკისრებული ჯარიმის - 2850 (ორიათასრვაას ორმოცდაათი) ლარის აღსრულება დაევალოს თბილისის სააღსრულებო ბიუროს.

ი------------------ ცნობილ იქნეს დამნაშავედ საქართველოს სისხლის სამართლის კოდექსის 332-ე მუხლის პირველი ნაწილით და ამავე კოდექსის 375-ე მუხლით გათვალისწინებულ დანაშაულთა ჩადენისათვის და სასჯელის სახედ და ზომად განესაზღვროს:

საქართველოს სსკ-ის 375-ე მუხლით ჯარიმა - 3000 (სამი ათასი) ლარის ოდენობით.

საქართველოს სსკ-ის 59-ე მუხლის მეორე ნაწილის საფუძველზე, მკაცრმა სასჯელმა შთანთქოს ნაკლებად მკაცრი სასჯელი და დანაშაულთა ერთობლიობით ი------------------ს საბოლოო სასჯელის სახედ და ზომად განესაზღვროს ჯარიმა 5000 (ხუთი ათასი) ლარის ოდენობით, რაც საქართველოს სსკ-ის 62-ე მუხლის მე-5 ნაწილის თანახმად, პატიმრობაში ყოფნის ვადის გათვალისწინებით (2013 წლის 07 აგვისტოდან 2013 წლის 13 სექტემბრის ჩათვლით) შეუმსუბუქდეს და საბოლოოდ, ი------------------ს განესაზღვროს ჯარიმა 3100 (სამიათასასი) ლარის ოდენობით და 1 (ერთი) წლის ვადით ჩამოერთვას სახელმწიფო სამსახურში თანამდებობის დაკავების უფლება.

ი------------------- მიმართ შეფარდებული აღკვეთის ღონისძიება - გირაო გაუქმდეს, ხოლო ბრალდებულის სასარგებლოდ გირაოს შემტანს - განაჩენის აღსრულებიდან ერთი თვის ვადაში დაუბრუნდეს გირაოს სახით შეტანილი უძრავი ქონება და მოეხსნას ყადაღა ი------------------- (პ/ნ 6----------) სახელზე რიცხულ ქ. თბილისში, ვ---------–---, მესამე მ/რაიონი, კორპუსი N304, ბინა N55-ში მდებარე უძრავ ქონებას, საკადასტრო კოდით 01.19.39.026/001.01/055.

მსჯავრდებულ ი------------------- მიმართ დაკისრებული ჯარიმის - 3100 (სამიათასასი) ლარის აღსრულება დაევალოს თბილისის სააღსრულებო ბიუროს.

ა-–------------------–---–- ცნობილ იქნეს დამნაშავედ საქართველოს სისხლის სამართლის კოდექსის 332-ე მუხლის პირველი ნაწილით გათვალისწინებული დანაშაულის ჩადენისათვის და სასჯელის სახედ და ზომად განესაზღვროს ჯარიმა 5000 (ხუთი ათასი) ლარის ოდენობით, რაც საქართველოს სსკ-ის 62-ე მუხლის მე-5 ნაწილის თანახმად, პატიმრობაში ყოფნის ვადის გათვალისწინებით (2013 წლის 02 აგვისტოდან 2013 წლის 10 აგვისტოს ჩათვლით) შეუმსუბუქდეს და საბოლოოდ, ა-–---------- ბ------–---–- განესაზღვროს ჯარიმა 4550 (ოთხიათას ხუთასორმოცდაათი)ლარის ოდენობით.

ა-–------------------–---–-ს მიმართ შეფარდებული აღკვეთის ღონისძიება - გირაო გაუქმდეს, ხოლო ბრალდებულის სასარგებლოდ გირაოს შემტანს - განაჩენის აღსრულებიდან ერთი თვის ვადაში დაუბრუნდეს გირაოს სახით შეტანილი უძრავი ქონება და მოეხსნას ყადაღა ა-–------------------–---–-ს (პ/ნ 5----------) საკუთრებაში არსებულ უძრავ ქონებაზე (მის: წყალტუბო, ჭავჭავაძის ქუჩა №9 ბ №8, საკადასტრო კოდი: №29.08.06.015.01.008).

მსჯავრდებულ ა-–------------------–---–-ს მიმართ დაკისრებული ჯარიმის - 4550 (ოთხიათას ხუთასორმოცდაათი) ლარის აღსრულება დაევალოს იმერეთის სააღსრულებო ბიუროს.

გ------------ ცნობილ იქნეს დამნაშავედ საქართველოს სისხლის სამართლის კოდექსის 332-ე მუხლის პირველი ნაწილით გათვალისწინებული დანაშაულის ჩადენისათვის და სასჯელის სახედ და ზომად განესაზღვროს ჯარიმა 5000 (ხუთი ათასი) ლარის ოდენობით, რაც საქართველოს სსკ-ის 62-ე მუხლის მე-5 ნაწილის თანახმად, პატიმრობაში ყოფნის ვადის გათვალისწინებით (2013 წლის 02 აგვისტოდან 2013 წლის 10 აგვისტოს ჩათვლით) შეუმსუბუქდეს და საბოლოოდ, გ------------ს განესაზღვროს ჯარიმა 4550 (ოთხიათას ხუთასორმოცდაათი) ლარის ოდენობით.

გ------------- მიმართ შეფარდებული აღკვეთის ღონისძიება - გირაო გაუქმდეს, ხოლო ბრალდებულის სასარგებლოდ გირაოს შემტანს - განაჩენის აღსრულებიდან ერთი თვის ვადაში დაუბრუნდეს გირაოს სახით შეტანილი უძრავი ქონება და მოეხსნას ყადაღა გ------------- (პ/ნ 0----------) სახელზე რეგისტრირებულ უძრავ ქონებას, მდებარეს ბაღდათის რაიონ სოფელ ფერსათში (საკადასტრო კოდი N30.12.35.001).

მსჯავრდებულ გ------------- მიმართ დაკისრებული ჯარიმის - 4550 (ოთხიათას ხუთასორმოცდაათი) ლარის აღსრულება დაევალოს იმერეთის სააღსრულებო ბიუროს.

მ--–---------------- ცნობილ იქნეს დამნაშავედ საქართველოს სისხლის სამართლის კოდექსის 375-ე მუხლით გათვალისწინებული დანაშაულის ჩადენისათვის და სასჯელის სახედ და ზომად განესაზღვროს ჯარიმა 5 000 (ხუთი ათასი) ლარის ოდენობით.

მ--–----------------- მიმართ შეფარდებული აღკვეთის ღონისძიება პატიმრობა გაუქმდეს.

მსჯავრდებულ მ--–----------------- მიმართ დაკისრებული ჯარიმის - 5000 (ხუთი ათასი) ლარის აღსრულება დაევალოს თბილისის სააღსრულებო ბიუროს.

განაჩენი კანონიერ ძალაში შედის და აღსასრულებლად მიექცევა სასამართლოს მიერ მისი საჯაროდ გამოცხადებისთანავე.

განაჩენის გასაჩივრება მსჯავრდებულ მ--–----------------ს შეუძლია ერთი თვის ვადაში სათანადო ორგანოებში გამოცხადების მომენტიდან; ან განაჩენის გამოცხადებიდან, თუ მსჯავრდებული ითხოვს სააპელაციო საჩივრის განხილვას მისი მონაწილეობის გარეშე, ქუთაისის სააპელაციო სასამართლოს სისხლის სამართლის საქმეთა პალატაში (მისამართი: ქ. ქუთაისი, ნიუპორტის ქ. №32) სააპელაციო საჩივრის შეტანის გზით, ქუთაისის საქალაქო სასამართლოს მეშვეობით.

განაჩენი შეიძლება გასაჩივრდეს მისი გამოცხადებიდან ერთი თვის ვადაში ქუთაისის სააპელაციო სასამართლოს სისხლის სამართლის საქმეთა პალატაში (ქ. ქუთაისი, ნიუპორტის ქ. №32), სააპელაციო საჩივრის შეტანის გზით, ქუთაისის საქალაქო სასამართლოს მეშვეობით.

მოსამართლე ციცინო მოსიძე

განაჩენი

გამოყენებული ნორმები

გადაწყვეტილების ტექსტი