მოპასუხე:საჯარო რეესტრის ეროვნული სააგენტოს ქონების რეგისტრაციის დეპარტამენტის რეგიონული რეგისტრაციის მართვის სამსახურის შიდა ქართლის რეგიონალური ოფისი

წარმომადგენელი: მ------ თ---------ა, თ----- ი------–---–ი

მესამე პირი: ს------ მ-----ი

დავის საგანი: ინდივიდუალური ადმინისტრაციულ-სამართლებრივი აქტების ბათილად ცნობა

აღწერილობითი ნაწილი

1. სასარჩელო მოთხოვნა

1.1. ბათილად იქნეს ცნობილი საჯარო რეესტრის ეროვნული სააგენტოს მიწის (უძრავი ქონების) სააღრიცხვო ბარათის №66/21/04/042 2006 წლის 2 ნოემბრის №6562 რეგისტრაცია;

1.2. ბათილად იქნეს ცნობილი საჯარო რეესტრის ეროვნული სააგენტოს 2012 წლის 1 მაისის №882012172790-03 გადაწყვეტილება, ს------ მ-----ის სახელზე საკუთრების უფლების (ს/კ 6-.6-.0-.0--) თანამესაკუთრედ რეგისტრაციის ნაწილში;

მოსარჩელემ მიუთითა, რომ მიმართა საჯარო რეესტრს და მოითხოვა უძრავი ქონების დარეგისტრირება. წარადგინა 2006 წლის 13 ოქტომბრის საინფორმაციო ცნობა N3--, სადაც ბ--–----ის თემის საკრებულო განმარტავდა, რომ მისი კომლი განეკუთვნებოდა მიწათმოსარგებლეთა პირველ კატეგორიას, ფლობდა 94 ჰა მიწის ფართობს ორ 18.28 და 0,75 ჰა ნაკვეთად. ცხოვრობდა ს.ო-----–ში. 2006 წლის 3 ოქტომბრის კრების ოქმის N9 მიხედვით მას მიენიჭა უფლება დაეკანონებინა ბინა მოცემულ საზღვრებში. 2006 წლის 13 ოქტომბრის ცნობით N357, მის სახელზე გაცემულ მიწის ნაკვეთის სარეგისტრაციო მოწმობებს ეთანხმებოდა ნაწილობრივ, N6-.0-.3---- რეგსიტრაციის ნაწილში, ხოლო N6-.0-.3------ არ ეთანხმებოდა. 2006 წლის 13 ოქტომბრის ცნობით N358, ცხოვრობდა სოფელ ო-----–ში და მისი ოჯახი შედგებოდა მისი და მისი ძმის ს------ მ---–---–ისაგან. მისთვის ცნობილია, რომ დოკუმენტებმა რეგისტრაცია არ გაიარა. მისმა შვილმა - ნ--- მ---–---–მა როგორც მისმა წარმომადგენელმა 2018 წლის მაისში დაიწყო ს.ო-----–ში სახლის შეკეთება და 2018 წლის 31 მაისს დაბარებული იქნა ხ---------ის პოლიციის განყოფილებაში, სადაც მას ედავებოდა ს------ მ-----ი, როგორც თანამესაკუთრე. მოსარჩელემ აღნიშნა, რომ მისთვის მაშინ გახდა ცნობილი ამ გარემოების შესახებ. 2018 წლის ივნისში მიმართა საჯარო რეესტრის ეროვნულ სააგენტოს და გამოითხოვა საკუთრების რეგისტრაციასთან დაკავშირებული დოკუმენტაცია და გამოარკვია, რომ 2006 წელს ცნობების საფუძველზე დარეგისტრირდა თანასაკუთრება და 2012 წლის 1 მაისს დაზუსტდა ფართები. ამის შემდეგ ადმინისტრაციული საჩივრით მიმართა საჯარო რეესტრის ქონების რეგისტრაციის დეპარტამენტის რეგიონული რეგისტრაციის მართვის სამსახურის შიდა ქართლის რეგიონალურ ოფისს და მოითხოვა რეგისტრაციის ნაწილობრივ ბათილად ცნობა. N248600 გადაწყვეტილებით განემარტა, რომ უნდა მიემართა სასამართლოსათვის. სასამართლოსაგან ითხოვს სასარჩელო მოთხოვნის დაკმაყოფილებას, რადგან თანახმად ბ--–----ის თემის საკრებულოს საარქივო ცნობის NAA2017042020-0- ს.ო-----–ი 1986-1995 წლების საკომლო წიგნებში კომლის უფროსად და ერთადერთ წევრად ჩაწერილია ო----- მ---–---–ი. კომლს პირად საკუთრებაში ერიცხება 0,07 ჰა მიწის ფართობი, საცხოვრებელი სახლი წერია, ცხოვრობს N179-ში. ბ--–----ის თემის საკრებულოს 1993-1998 წლების მიწის განაწილების სიებში მასზე ირიცხება მიწის ფართობი 1828 კვ. მ ნაკვეთიN042 კვარტალი 04 და 1744 კვ. მ ნაკვეთი N043 კვარტალი 04. მის კომლში ძმა ს------ მ---–---–ი ჩაწერილი არ არის და უფლების დამდგენ დოკუმენტად არ შეიძლება განიხილებოდეს ცნობა N358.

სასამართლო სხდომაზე მოსარჩელის წარმომადგენელმა მიუთითა, რომ ო----- მ---–---–მა საჯარო რეესტრში წარადგინა მხოლოდ განცხადება და საკადასტრო ნახაზი და ითხოვა რეგისტრაცია. დანარჩენის დოკუმენტაციის თაობაზე ინფორმაცია არ აქვს. ინდივიდუალური საწარმო ,,ნ------–-----ას“ პასპორტი და შიდა აზომვითი ნახაზი არ არის მისი დაკვეთით შესრულებული. მოსარჩელემ თანამესაკუთრედ ს------ მ-----ის შესახებ შეიტყო 2018 წელს, როდესაც პოლიციის განყოფილებაში დაიბარეს სახურავის შეკეთებისათვის.

2. მოპასუხის პოზიცია

2.1. მოპასუხის წარმომადგენელი არ დაეთანხმა არც ერთ სასარჩელო მოთხოვნას და მიუთითა, რომ საჯარო რესტრის მიერ მიღებული გადაწყვეტილებები, რომელთა ბათილად ცნობასაც ითხოვს მოსარჩელე კანონიერია და არ არსებობს მათი ბათილად ცნობის საფუძველი.

საჯარო რეესტრში არსებული მიწის (უძრავი ქონების) სააღრიცხვო ბარათის მიხედვით (უძრავი ნივთის სარეგისტრაციო №6-/2-/0-/0--), გორში, ბ--–----ში მდებარე 1828 კვ.მ სასოფლო-სამეურნეო დანიშნულების მიწის შესახებ განხორციელებულია შემდეგი ჩანაწერები: 1. განაცხადის რეგისტრაციის №66/0- 3----, თარიღი: 8/26/200-, უფლების დამადასტურებელი დოკუმენტი: მიწის საგადასახადო სია №042, მესაკუთრე: ,,მ---–---–ი ო-----ი ი-–--- ძე“, 2. განაცხადის რეგისტრაციის №6562/2006, თარიღი: 02.11.2006, უფლების დამადასტურებელი დოკუმენტები: ცნობები საკრებულოდან №3-- (13.10.2006), №357 (13.10.2006), №358 (13.10.2006), ბ--–----ის თემის საკრებულოს კრების ოქმი №9 (0-.10.2006), თანამესაკუთრე: ,,ს------ მ---–---–ი“.

აღნიშნულ უძრავ ნივთზე, გორის სარეგისტრაციო სამსახურის რეგისტრაციის შესახებ №882012172790-03 (01.05.2012) გადაწყვეტილებით, დასრულდა ო----- მ---–---–ის №882012172790 (25.04.2012) სარეგისტრაციო განცხადებასთან დაკავშირებული სარეგისტრაციო წარმოება ფართობის დაზუსტებასთან დაკავშირებით და 01.05.2012 წელს მომზადდა №882012172790 ამონაწერი საჯარო რეესტრიდან, რომლის თანახმად, ბ--–----ის თემის საკრებულოს №3-- (13.10.2006), №357 (13.10.2006), №358 (13.10.2006) ცნობებისა და №9 (03.10.2006) კრების ოქმის საფუძველზე, გორის რაიონის სოფელ ო-----–ში მდებარე 1828 კვ.მ სასოფლო-სამეურნეო დანიშნულების (საკარმიდამო) მიწის ნაკვეთსა (საკადასტრო კოდი 6-.6-.0-.0--, წინა ნომერი 6-.2-.0-.0--ა) და მასზე განლაგებულ საცხოვრებელ სახლზე რეგისტრირებულია ო-----ი მ---–---–ისა და ს------ მ-----ის საკუთრების უფლებები.

წარმომადგენლის პოზიციით, გასაჩივრებული გადაწყვეტილება არის კანონიერი და არ არსებობს მისი ბათილად ცნობის სამართლებრივი საფუძვლები შემდეგ გარემოებათა გამო:

საქართველოს ზოგადი ადმინისტრაციული კოდექსის მე-5 მუხლით განმტკიცებული კანონიერების პრინციპიდან გამომდინარე, ადმინისტრაციულ ორგანოს უფლება არა აქვს კანონმდებლობის მოთხოვნების საწინააღმდეგოდ განახორციელოს რაიმე ქმედება;

საქართველოს ზოგადი ადმინისტრაციული კოდექსის 96-ე მუხლის პირველი ნაწილის მიხედვით, ადმინისტრაციული ორგანო ვალდებულია ადმინისტრაციული წარმოებისას გამოიკვლიოს საქმისათვის მნიშვნელობის მქონე ყველა გარემოება და გადაწყვეტილება მიიღოს ამ გარემოებათა შეფასებისა და ურთიერთშეჯერების საფუძველზე. ამავე კოდექსის 53-ე მუხლის მე-5 ნაწილის მიხედვით, ადმინისტრაციული ორგანო უფლებამოსილი არ არის თავისი გადაწყვეტილება დააფუძნოს იმ გარემოებებზე, ფაქტებზე, მტკიცებულებებზე ან არგუმენტებზე, რომლებიც არ იქნა გამოკვლეული და შესწავლილი ადმინისტრაციული წარმოების დროს.

სადავო რეგისტრაციის დროს მოქმედი „საჯარო რეესტრის შესახებ" საქართველოს კანონის მე-8 მუხლის პირველი პუნქტის მიხედვით, სარეგისტრაციო წარმოების დაწყების საფუძველია განცხადება ან უფლებამოსილი ორგანოს მიერ მიღებული გადაწყვეტილება. ამავე მუხლის მე-2 პუნქტის თანახმად, განცხადებას უნდა ერთოდეს ინსტრუქციით განსაზღვრული სარეგისტრაციო დოკუმენტაცია და ინფორმაცია.

ამავე კანონის მე-9 მუხლის პირველი პუნქტის მიხედვით, რეგისტრაცია წარმოებს როგორც უშუალოდ სარეგისტრაციო თუ სხვა დოკუმენტების, აგრეთვე ამ დოკუმენტაციის სათანადო წესით შექმნილი ელექტრონული ასლების საფუძველზე.

ამავე კანონის 27-ე მუხლის პირველი პუნქტის მიხედვით, მარეგისტრირებელი ორგანო რეგისტრაციის საკითხზე გამოსცემს გადაწყვეტილებას.

ამავე კანონის მე-5 მუხლის მიხედვით, საჯარო რეესტრში რეგისტრირებულ მონაცემთა მიმართ მოქმედებს უტყუარობის პრეზუმფცია, ვიდრე ისინი საქართველოს კანონმდებლობით დადგენილი წესით ძალადაკარგულად, ბათილად ან არარად არ იქნება ცნობილი.

სადავო რეგისტრაციის დროს მოქმედი საქართველოს იუსტიციის მინისტრის 2006 წლის 13 დეკემბრის N800 ბრძანებით დამტკიცებული „უძრავ ნივთებზე უფლებათა რეგისტრაციის შესახებ" ინსტრუქციის მე-10 მუხლის პირველი პუნქტის მიხედვით, რეგისტრაცია წარმოებს შესაბამისი კანონმდებლობით დადგენილი უფლების დამადასტურებელი დოკუმენტის, საკადასტრო მონაცემების და სხვა დოკუმენტაციის საფუძველზე.

საქართველოს ზოგადი ადმინისტრაციული კოდექსის მე-60 პრიმა მუხლიდან გამომდინარე, გამომცემი ადმინისტრაციული ორგანო, ხოლო საჩივრის ან სარჩელის შემთხვევაში - ზემდგომი ადმინისტრაციული ორგანო ან სასამართლო ბათილად ცნობს ადმინისტრაციულ-სამართლებრივ აქტს, თუ იგი ეწინააღმდეგება კანონს ან არსებითად დარღვეულია მისი მომზადების ან გამოცემის კანონმდებლობით დადგენილი სხვა მოთხოვნები. არსებით დარღვევად ჩაითვლება კანონის ისეთი დარღვევა, რომლის არარსებობის შემთხვევაში მოცემულ საკითხზე მიღებული იქნებოდა სხვაგვარი გადაწყვეტილება.

საქართველოს ადმინისტრაციული საპროცესო კოდექსის 32-ე მუხლის პირველი ნაწილის მიხედვით, თუ ადმინისტრაციულ-სამართლებრივი აქტი ან მისი ნაწილი კანონს ეწინააღმდეგება და ის პირდაპირ და უშუალო (ინდივიდუალურ) ზიანს აყენებს მოსარჩელის კანონიერ უფლებას ან ინტერესს, ან უკანონოდ ზღუდავს მის უფლებას, სასამართლო ამ კოდექსის 22-ე მუხლში აღნიშნულ სარჩელთან დაკავშირებით გამოიტანს გადაწყვეტილებას ადმინისტრაციულ-სამართლებრივი აქტის ბათილად ცნობის შესახებ.

სისტემური რეგისტრაციით განხორციელებული რეგისტრაციის შედეგად შედგენილი №6562/2006 სააღრიცხვო ბარათი სრულიად შეესაბამება იმ დროს მოქმედ საქართველოს პრეზიდენტის 1999 წლის 16 მაისის №327 ბრძანებულებას „სასოფლო-სამეურნეო დანიშნულების მიწის საკუთრების უფლების პირველადი რეგისტრაციის გადაუდებელ ღონისძიებათა და საქართველოს მოქალაქეთათვის სარეგისტრაციო მოწმობების გაცემის შესახებ.“

ზემოაღნიშნული ბრძანებულების მე-4 მუხლის თანახმად, სასოფლო-სამეურნეო დანიშნულების მიწებზე საკუთრების უფლების პირველადი რეგისტრაციის დაჩქარების მიზნით რეგისტრატორმა უნდა მიიღოს მიწის საკუთრებაში გაფორმების მსურველის განცხადება და გამოიყენოს ქვემოთ ჩამოთვლილი დოკუმენტებიდან ერთ-ერთი: ა) მიწის მიღება-ჩაბარების აქტი; ბ) მე-4 პუნქტის „ა” ქვეპუნქტში დასახელებული დოკუმენტის არარსებობის შემთხვევაში გამოიყენება „საქართველოს რესპუბლიკაში სასოფლო-სამეურნეო დანიშნულების მიწის რეფორმის შესახებ” საქართველოს რესპუბლიკის მინისტრთა კაბინეტის 1992 წლის 18 იანვრის №48 დადგენილების შესაბამისად სოფლის (დაბის) ადგილობრივი მმართველობის ორგანოების გადაწყვეტილებით შექმნილი მიწის რეფორმის კომისიის მიერ შედგენილი და სოფლის (დაბის) ყრილობაზე (საერთო კრებაზე) დამტკიცებული მიწების განაწილების სია. აღნიშნულ სიას უნდა დაერთოს მიწის გამოყოფის გეგმა. გ) იმ შემთხვევაში, თუ არ არსებობს მე-4 პუნქტის „ა” და „ბ” ქვეპუნქტებში დასახელებული დოკუმენტები, გამოიყენება ადგილობრივი თვითმმართველობის (მმართველობის) ორგანოების მიერ დამტკიცებული სასოფლო-სამეურნეო დანიშნულების მიწის სარგებლობისათვის სარეგისტრაციო პერიოდში მოქმედი საგადასახადო სია, აგრეთვე მიწების განაწილების სია, რომელსაც არ ახლავს მიწის გამოყოფის გრაფიკული დადასტურება. ვინაიდან ასეთ მონაცემებზე დაყრდნობით გაცემულ სარეგისტრაციო მოწმობას არ ერთვის ნაკვეთის გეგმა, სარეგისტრაციო მოწმობასა და სარეგისტრაციო ბარათში კეთდება ჩანაწერი რეგისტრატორის „პასუხისმგებლობის აცილების” შესახებ.

აღნიშნული დოკუმენტები საკმარისია სასოფლო-სამეურნეო მიწის საკუთრების უფლების პირველადი რეგისტრაციისათვის, საკუთრების უფლების დამადასტურებელი სარეგისტრაციო მოწმობის მომზადებისა და გაცემისათვის, მაგრამ რეგისტრირებული მონაცემები ექვემდებარება შემდგომ აუცილებელ დაზუსტებას მიწის აგეგმვის შედეგად შედგენილი საგეგმო-კარტოგრაფიული მასალების საფუძველზე (ამავე ბრძანებულების მე-5 მუხლი).

რეგისტრაციისას მოქმედი „მიწის რეგისტრაციის შესახებ“ საქართველოს კანონის თანახმად, სახელმწიფო რეგისტრაციას, ამ კანონის მე-3 მუხლით დადგენილი წესით ახორციელებდა საქართველოს მიწის მართვის სახელმწიფო დეპარტამენტი. ამავე კანონის პირველი მუხლისა და მე-7 მუხლის პირველი პუნქტის დანაწესით, სააღრიცხვო ბარათი განმარტებულია, როგორც თითოეულ მიწის ნაკვეთზე არსებული სარეგისტრაციო ფურცელი, რომელზეც მოცემული ჩანაწერები წარმოადგენს ამ ქონებასთან დაკავშირებით სამართლებრივი მდგომარეობის განსაზღვრის ძირითად იურიდიულ საფუძველს. სააღრიცხვო ბარათი, სხვა განყოფილებებთან ერთად, მოიცავს მესაკუთრის განყოფილებას, რომელშიც მოცემულია მესაკუთრის სახელი, გვარი, მამის სახელი და მისამართი, ჩანაწერი მესაკუთრის უფლების რაიმე შეზღუდვის შესახებ.

„მიწის რეგისტრაციის შესახებ“ საქართველოს კანონის მე-17 მუხლის პირველი პუნქტის თანახმად, მიწისა და სხვა უძრავი ქონების პირველადი რეგისტრაცია ხდება სარეგისტრაციო ბარათის შედგენით ამ კანონისა და ყველა სხვა იმ ნორმატიული აქტის მოთხოვნათა შესაბამისად, რომლებითაც განისაზღვრება ამ ქონების უფლებრივი და ვალდებულებითი დატვირთვა. ამავე კანონით, მიწისა და მასთან დაკავშირებული უძრავი ქონების მიმართ ამ კანონის მიღების შემდეგ წარმოშობილი ურთიერთობები იურიდიულ ძალას იძენდა სახელმწიფო რეგისტრაციის შემდეგ, რეგისტრაციას ახორციელებდა მიწის მართვის სახელმწიფო დეპარტამენტი (მისი ადგილობრივი ქვედანაყოფი), რომელიც კოორდინირებდა მიწის კადასტრის სამუშაოებს და გააჩნდა საკუთარი ბეჭედი.

„მიწის რეგისტრაციის შესახებ“ საქართველოს კანონის მე-7 მუხლი ადგენდა, რომ ყოველ რეგისტრატურაში ინახება მიწის და სხვა უძრავი ქონების სააღრიცხვო (სარეგისტრაციო) ბარათები და სარეგისტრაციო რუკები. სააღრიცხვო ბარათზე მოცემული ჩანაწერები არის ამ ქონებასთან დაკავშირებით სამართლებრივი მდგომარეობის განსაზღვრის ძირითადი იურიდიული საფუძველი. სააღრიცხვო ბარათი შედგება ოთხი ძირითადი ნაწილისაგან: ა) საკუთრების განყოფილება – შეიცავს საკუთრებაში ან სარგებლობაში არსებული ქონების მოკლე აღწერილობას, მასთან დაკავშირებულ უფლებებთან და პირობებთან ერთად, ასევე სარეგისტრაციო კადასტრული (ინდექსირებული) რუკის მონაცემებსაც; ბ) მესაკუთრის განყოფილება – მასში მოცემულია მესაკუთრის სახელი, გვარი, მამის სახელი და მისამართი; ჩანაწერი მესაკუთრის უფლების რაიმე შეზღუდვის შესახებ; გ) ვალდებულებების განყოფილება – შეიცავს ყველა სახის ვალდებულებებს, სერვიტუტს, შეზღუდვებს, რომლითაც დატვირთულია მიწა და სხვა უძრავი ქონება; დ) იჯარისა და ჰიპოთეკის (გირავნობის) განყოფილება – შეიცავს ყოველგვარ ჩანაწერს იჯარისა და ჰიპოთეკის (გირავნობის) შესახებ. ნებისმიერ ახალ სააღრიცხვო ბარათს ადგენს ზონის რეგისტრატორი. რეგისტრატორი უფლებამოსილია გააუქმოს სააღრიცხვო ბარათში არსებული ნებისმიერი ჩანაწერი და გახსნას ახალი სააღრიცხვო ბარათი, თუ ძველმა ჩანაწერმა დაკარგა ძალა ან მასში ასახული მონაცემები ბათილი აღმოჩნდა. სააღრიცხვო ბარათის ფორმას ამტკიცებს მთავარი რეგისტრატორი. რეგისტრაციის შემდეგ ყოველი მომდევნო შეთანხმება, რომელიც შეეხება ამ ქონების მიმართ წარმოშობილ უფლებებს, რეგისტრირებული უნდა იქნეს ამ კანონის შესაბამისად. მესაკუთრეს და მასთან დაკავშირებული ხელშეკრულების მხარეებს (ოჯახის წევრთა თანასაკუთრების შემთხვევაში კი – ოჯახის უფროსს) ეცნობება მიწასთან და სხვა უძრავ ქონებასთან დაკავშირებით რეესტრში ყოველი აღნიშვნის შესახებ.

უძრავ ნივთებზე უფლებათა რეესტრში დაცული მონაცემების მიხედვით ირკვევა, რომ გორის მუნიციპალიტეტში, სოფელ ო-----–ში მდებარე 1828 კვ.მ. მიწის ნაკვეთსა და მასზე დატანილ შენობა-ნაგებობაზე (საკადასტრო კოდი 6-.2-.0-.0--ა) 2003 წლის 26 აგვისტოს დარეგისტრირდა ო----- მ---–---–ი, ხოლო 2006 წლის 02 ნოემბერს აღნიშნულ უძრავ ნივთზე შესაბამისი უფლების დამდგენი დოკუმენტების (ბ--–----ის მუნიციპალიტეტის ცნობები) საფუძველზე დარეგისტრირდა ო----- მ---–---–ისა და ს------ მ---–---–ის თანასაკუთრების უფლება. 2012 წელს განხორციელდა სისტემური რეგისტრაციის შედეგად წარმოშობილი თანასაკუთრების უფლების კადასტრული დაზუსტება, ანუ დაზუსტდა სისტემური რეგისტრაციით რეგისტრირებული მიწის ნაკვეთის საკადასტრო მონაცემები და დაზუსტებული მონაცემებით აღირიცხა ო----- მ---–---–ისა და ს------ მ---–---–ის თანასაკუთრების უფლება. აღნიშნულ უძრავ ნივთს მიენიჭა ახალი საკადასტრო კოდი - 6-.6-.0-.0--. შესაბამისად, ყოველივე ზემოაღნიშნულიდან გამომდინარე დგინდება, რომ სადავო რეგისტრაციები განხორციელებულია შესაბამისი უფლების დამდგენი დოკუმენტების საფუძველზე და არ არსებობს მათი ბათილად ცნობის სამართლებრივი საფუძველი.

სასამართლო სხდომაზე მოპასუხის წარმომადგენელმა აღნიშნა, რომ სადავო დოკუმენტები მოსარჩელემ თავადვე წარადგინა საჯარო რეესტრის ეროვნულ სააგენტოში და ითხოვა ჯერ რეგისტრაცია და შემდეგ ცვლილების შეტანა და იმ პერიოდისათვის საწინააღმდეგო არაფერი ჰქონდა. მანვე გააკეთებინა ინდივიდუალური საწარმო ,,ნ------–-----ას“ პასპორტი და შიდა აზომვითი ნახაზი 2006 წლის 28 სექტემბერს, სადაც თანამესაკუთრედ არის მ---–---–ი ს------. უფლების დამდგენ დოკუმენტად აღნიშნულია ბ--–----ის თემის საკრებულოს კრების 2006 წლის 3 ოქტომბრის ოქმი N9.

4. სასამართლოს მიერ დადგენილი ფაქტობრივი გარემოებები

4.1. მიწის (უძრავი ქონების) სააღრიცხვო ბარათის მიხედვით (უძრავი ნივთის სარეგისტრაციო №6-/2-/0-/0--), გორში, ბ--–----ში მდებარე 1828 კვ.მ სასოფლო-სამეურნეო დანიშნულების მიწის ნაკვეთზე (ასევე მითითებულია საცხოვრებელი სახლის შესახებ ინფორმაცია), განხორციელებულია შემდეგი ჩანაწერები: 1. განაცხადის რეგისტრაციის №66/03 3----, თარიღი: 8/26/2003, უფლების დამადასტურებელი დოკუმენტი: მიწის საგადასახადო სია №042, მესაკუთრე: ,,მ---–---–ი ო-----ი ი-–--- ძე“, 2. განაცხადის რეგისტრაციის №6562/2006, თარიღი: 02.11.2006, უფლების დამადასტურებელი დოკუმენტები: ცნობები საკრებულოდან №3-- (13.10.2006), №357 (13.10.2006), №358 (13.10.2006), ბ--–----ის თემის საკრებულოს კრების ოქმი №9 (03.10.2006), თანამესაკუთრე: ,,ს------ მ---–---–ი“. მიწის ნაკვეთის საკადასტრო რუკა საქართველოს მიწის მართვის სახელმწიფო დეპარტამენტის ბეჭდით და ხელმოწერით. მითითებულია მოსარგებლედ მ---–---–ი ო-----ი ი-–--- ძე.