განაჩენი

საქმე #140100118002264481

საქმე #1/19-18 (002211217003)

გ ა ნ ა ჩ ე ნ ი

საქართველოს სახელით

 

2 აპრილი, 2018 წელი ქ. გორი

 

გორის რაიონული სასამართლო

მოსამართლე - გერმანე დადეშქელიანი

სხდომის მდივანი - რუსუდან იასამნიძე

 

ბრალდების მხარე:

 

პროკურორი - ბ-------- ჩ-----

 

დაცვის მხარე:

 

ბრალდებული - ა---------– მ--–--- (დაბადებული 1----–-–--------------, პ/ნ------------, ნასამართლობის არმქონე, რეგისტრირებული გ----–------------------------–-, მცხოვრები გ----–-------------------------–-)

 

ადვოკატი - კ--- კ--–-----–---

 

კვალიფიკაცია: სსკ-ის 1261-ე მუხლის მე-2 ნაწილის ,,ბ” ქვეპუნქტი, 111,151-ე მუხლის 1-ლი ნაწილი

 

სხდომის სახე - ღია

 

ა ღ წ ე რ ი ლ ო ბ ი თ - ს ა მ ო ტ ი ვ ა ც ი ო ნ ა წ ი ლ ი:

 

1. სასამართლომ დაადგინა:

 

1.1 2017 წლის 20 დეკემბერს, დაახლოებით 01 საათზე, მთვრალმა ა---------– მ--–---მ გ----–-------------------------–- მდებარე თავის საცხოვრებელ სახლში, არასრულწლოვანი შვილის - მ------ მ--–--ის თანდასწრებით მეუღლეს - ე---------- თ------ს შელაპარაკების გამო მიაყენა სიტყვიერი შეურაცხყოფა და ხელი დაარტყა სახეში, რის გამოც დაზარალებული დაეცა საწოლზე და მას მეუღლემ ამჯერად ფეხი დაარტყა წელში. ამგვარი ქმედებების შედეგად ე---------- თ------მა განიცადა ფიზიკური ტკივილი;

 

1.2 2017 წლის 20 დეკემბერს მომხდარი ძალადობის გამო ე---------- თ------ი შვილებთან ერთად წავიდა სახლიდან. ამის გამო იმავე და მომდევნო დღეს - 21 დეკემბერს ე---------- თ------ს ა---------– მ--–---მ მობილური ტელეფონის საშუალებით მოსთხოვა სახლში დაბრუნება, წინააღმდეგ შემთხვევაში დაემუქრა სიცოცხლის მოსპობით, რის გამოც დაზარალებულს გაუჩნდა მუქარის განხორციელების საფუძვლიანი შიში და მან მიმართა პოლიციას.

 

2. ქმედების სამართლებრივი აღწერა:

 

2.1 ოჯახის წევრის მიმართ ძალადობა, მისივე არასრულწლოვანი ოჯახის წევრის თანდასწრებით, რამაც გამოიწვია ფიზიკური ტკივილი, მაგრამ არ მოჰყოლია სსკ-ის 117-ე, 118-ე ან 120-ე მუხლით გათვალისწინებული შედეგი, ასევე - სიცოცხლის მოსპობის მუქარა, როდესაც იმას, ვისაც ემუქრებიან, გაუჩნდა მუქარის განხორციელების საფუძვლიანი შიში;

 

3. სამართლებრივი შეფასება:

 

3.1. სასამართლო სხდომაზე დაზარალებულმა ე---------- თ------მა განმარტა, რომ იმყოფება არარეგისტრირებულ ქორწინებაში ა---------– მ--–---სთან და ჰყავთ სამი შვილი. 2017 წლის 20 დეკემბერს, 12 საათის შემდეგ ა---------– მ--–--- სახლში დაბრუნდა მთვრალი, რა დროსაც შელაპარაკება მოუვიდა ე---------- თ------თან, რომელსაც ჯერ ხელი დაარტყა სახეში, რის გამოც ე---------- თ------ი დაეცა საწოლზე, ხოლო - შემდეგ ფეხი დაარტყა წელში. აღნიშნულ ფაქტს შეესწრო მათი არასრულწლოვანი შვილი - მ------ მ--–---. ისინი გააშველა მეზობელ ოთახში მყოფმა, ა---------– მ--–--ის ბიძაშვილმა - თ-------- მ--–---მ, რომლის რჩევით ე---------- თ------ი გაერიდა მეუღლეს და წავიდა მეგობართან - თ-- მ------–---–თან. იმის გამო, რომ ა---------– მ--–--- ურეკავდა მას და სახლში დაბრუნებას სთხოვდა, წინააღმდეგ შემთხვევაში ემუქრებოდა მოკვლით. ე---------- თ------ს შეეშინდა და მეორე დღეს - 21 დეკემბერს, სამივე შვილთან ერთან წავიდა თბილისში - ც----- ნ-–---–---სთან. ა---------– მ--–--- მას კვლავ ურეკავდა, სთხოვდა სახლში დაბრუნებას, წინააღმდეგ შემთხვევაში ემუქრებოდა სიცოცხლის მოსპობით, რის გამოც ე---------- თ------მა მიმართა პოლიციას. მანვე განმარტა, რომ ცემის შედეგად განიცადა ფიზიკური ტკივილი;

 

3.2. მოწმე ც----- ნ-–---–--ის ჩვენებით დგინდება, რომ 2017 წლის 20 დეკემბერს დაურეკა ე---------- თ------მა და უამბო მეუღლესთან კონფლიქტისა და იმის შესახებ, რომ სახლში დაბრუნების ეშინოდა, რადგან ა---------– მ--–--- ემუქრებოდა. ც----- ნ-–---–--ის შეთავაზების გამო ე---------- თ------ი ჩავიდა მასთან თბილისში, თავის სამ შვილთან ერთად. მეორე დღეს - 21 დეკემბერს ე---------- თ------ს ურეკავდა მეუღლე, სთხოვდა სახლში დაბრუნებას, წინააღმდეგ შემთხვევაში ემუქრებოდა - ჩემი ხელით მოგკლავო, რის გამოც ე---------- თ------მა დარეკა ,,112”-ში;

 

3.3. გარდა აღნიშნული ჩვენებებისა და ბრალდებულის აღიარებისა, მის მიერ ბრალად შერაცხული ქმედებების ჩადენა უტყუარად დადასტურებულია სსსკ-ის 73-ე მუხლის საფუძველზე გამოკვლევის გარეშე მტკიცებულებად მიღებული მ------ მ--–--ის, ანი მ--–--ისა და თ-------- მ--–--ის გამოკითხვის ოქმებით.

 

4. პასუხისმგებლობის შემამსუბუქებელი და დამამძიმებელი გარემოებები:

 

4.1. ა---------– მ--–--ის პასუხისმგებლობის შემამსუბუქებელი გარემოებაა, რომ იგი აღიარებს დანაშაულს, გარკვეულწილად ხელი შეუწყო სწრაფი მართლმსაჯულების განხორციელებას, ხოლო პასუხისმგებლობის დამამძიმებელი გარემოება არ აქვს.

 

5. სასჯელისა და სხვა ღონისძიების გამოყენების დასაბუთება:

 

5.1 სსკ-ის 53-ე მუხლის მე-3 ნაწილის შესაბამისად, სასჯელის დანიშვნისას სასამართლო ითვალისწინებს ქმედების განხორციელების სახესა და ხერხს - წაქცეულ მეუღლეს ა---------– მ--–---მ ფეხიც ჩაარტყა. ამასთან, სასამართლო ითვალისწინებს, რომ ბრალად შერაცხული ქმედება ა---------– მ--–---მ აღიარა და მტკიცებულებები უდავოდ მიიჩნია დაზარალებული მეუღლისა და მუქარის თვითმხილველი მოწმის სასამართლოში დაკითხვის შემდეგ, რომლებმაც იგი ამხილეს. ამ მხრივ მან გარკვეულწილად ხელი შეუწყო სწრაფი მართლმსაჯულების განხორციელებას, მაგრამ სსკ-ის 39-ე მუხლის 1-ლი ნაწილით დადგენილი სასჯელის მიზნების, მათ შორის - ახალი დანაშაულის თავიდან აცილების - მისაღწევად, სასამართლოს არ მიაჩნია საკმარისად არასაპატიმრო სასჯელის (საზოგადოებისათვის სასარგებლო შრომის) გამოყენება ან სასჯელის პირობით ჩათვლა. ამასთან, ბრალდებულის აღიარებისა და სწრაფი მართლმსაჯულებისათვის გარკვეულწილად ხელშეწყობის გამო მას უნდა დაენიშნოს მინიმალური ზომა.

 

ს ა რ ე ზ ო ლ უ ც ი ო ნ ა წ ი ლ ი:

 

სასამართლომ იხელმძღვანელა სსსკ-ის 255-ე, 258-260-ე, 269-ე, 271-274-ე, 277-ე, 279-ე, 292-293-ე მუხლებით და

დ ა ა დ გ ი ნ ა:

 

ა---------– მ--–--- ცნობილ იქნეს დამნაშავედ საქართველოს სსკ-ის 1261-ე მუხლის მე-2 ნაწილის ,,ბ” ქვეპუნქტით, 111,151-ე მუხლის 1-ლი ნაწილით და მიესაჯოს:

 

- სსკ-ის 1261-ე მუხლის მე-2 ნაწილის ,,ბ” ქვეპუნქტით – 1 (ერთი) წლით თავისუფლების აღკვეთა;

 

- სსკ-ის 111,151-ე მუხლის 1-ლი ნაწილით - 6 (ექვსი) თვით თავისუფლების აღკვეთა;

 

სსკ-ის 59-ე მუხლის მე-2 ნაწილის შესაბამისად, სასჯელთა შთანთქმის წესის გამოყენებით ა---------– მ--–---ს საბოლოოდ მიესაჯოს 1 (ერთი) წლით თავისუფლების აღკვეთა;

 

მსჯავრდებულ ა---------– მ--–---ს სასჯელის ათვლა დაეწყოს დაკავების დღიდან - 2017 წლის 21 დეკემბრიდან;

 

განაჩენი კანონიერ ძალაშია გამოცხადებისთანავე და ექვემდებარება აღსრულებას.

 

განაჩენი შეიძლება გასაჩივრდეს თბილისის სააპელაციო სასამართლოს სისხლის სამართლის საქმეთა პალატაში გამოცხადებიდან ერთი თვის ვადაში, გორის რაიონული სასამართლოს მეშვეობით.

 

მოსამართლე გ. დადეშქელიანი