გადაწყვეტილება

საქმე #170310019003171242

საქმე #3/64-19

გადაწყვეტილება

საქართველოს სახელით

18 ოქტომბერი, 2019 წელი ქ. თეთრიწყარო

შესავალი ნაწილი:

თეთრიწყაროს რაიონული სასამართლო

მოსამართლე ბადრი ნიპარიშვილი

სხდომის მდივანი ინგა გონჯილაშვილი

მოსარჩელე - სსიპ სოციალური მომსახურების სააგენტოს ქვემო ქართლის სამხარეო ცენტრის თეთრიწყაროს რაიონული განყოფილება

მოსარჩელის წარმომადგენელი - თ--------–-------

მოპასუხე - თ---------------–---–-

დავის საგანი: სოციალურად დაუცველი ოჯახებისათვის განკუთვნილი ზედმეტად მიღებული სახელმწიფო ფულადი დახმარების დაბრუნება

აღწერილობითი ნაწილი:

1. სასარჩელო მოთხოვნა

მოპასუხე თ---------------–---–- (პ--------------) სახელმწიფო ბიუჯეტის სასარგებლოდ (გადამხდელის ანგარიში GE 53 LB 00 262 450 104 271 37, სახაზინო კოდი 30 200 99 21, მიმღები - ფინანსთა სამინისტროს სახაზინო სამსახური) დაეკისროს სოციალურად დაუცველი ოჯახებისათვის განკუთვნილი ზედმეტად მიღებული ფულადი დახმარების 210,00 ლარის გადახდა.

 

2. სარჩელის საფუძველი:

 

სოციალური მომსახურების სააგენტოს თეთრიწყაროს რაიონულ განყოფილებას, 2018 წლის 2 ივლსის #04/37904 კორესპონდენციის საფუძველზე, წარმოებაში აქვს თ------–-------------------------–---------------------------------–ი მცხოვრები თ---------------–---–-ს საქმე - სოციალურად დაუცველი ოჯახებისათვის განკუთვნილი, ზედმეტად აღებული საარსებო შემწეობის უკან დაბრუნების შესახებ.

 

ვინაიდან, თ---------------–---–-ს ოჯახი დარეგისტრირებული იყო სოციალურად დაუცველი ოჯახების ერთიან ბაზაში (დახმარების დანიშვნის თარიღი: 18/01/2016) და სარეიტინგო ქულა შეადგენდა: 45690, რაზეც საქართველოს მთავრობის დადგენილების (#145, 28.07.2006 წ.) მე-6 მუხლის 3-ე პუნქტის ,,ბ" ქვეპუნქტი, ითვალისწინებს - საარსებო შემწეობის ოდენობას: ოჯახის ყველა წევრზე - 50 ლარს, ასევე "ე" ქვეპუნქტის თანახმად - ოჯახი, რომლის სარეიტინგო ქულაც 100001-ზე ნაკლებია-საარსებო შემწეობა განისაზღვრება 10 ლარით ოჯახის თითოეულ 16 წლამდე ასაკის წევრზე. სოციალური დახმარების დანიშვნის ფორმის შევსებისას, ოჯახი გაეცნო საქართველოს მთავრობის 2010 წლის 24 აპრილის #126 დადგენილების მე-6 მუხლის 1-ლი და 2-ე პუნქტებით გათვალისწინებულ უფლება/მოვალეობებს და მათი დარღვევის შემთხვევაში გამოწვეულ შედეგებს. აღნიშნული ფაქტი დასტურდება სოციალური დახმარების დანიშვნის განცხადებაზე - თ---------------–---–-ს ხელმოწერით. სსიპ სოციალური მომსახურების სააგენტოს 2018 წლის 2 ივლსის #04/37904 კორესპონდენციით და მასზე თანდართული სიით, მოსარჩელისათვის ცნობილი გახდა იმის შესახებ, რომ სოციალური დახმარების მიმღები ოჯახის წევრს - თ---------------–---–- (პ--------------), 2018 წლის - აპრილის და მაისის თვეში (შპს ჰიგიენა სერვისი), ხოლო ლ-----------–---–- (პ--------------) 2018 წლის თებერვლის, მარტის, აპრილის და მაისის თვეში (შპს დეველოფმენტ ჯორჯია), შემოსავლების სამსახურის მიერ დაუფიქსირდათ შემოსავალი და აღნიშნული ინფორმაციის განუცხადებლობის გამო, ცენტრალიზებულად შეუწყდა საარსებო შემწეობის ჩარიცხვა და წარმოეშვა პასუხისმგებლობა, სახელმწიფო ბიუჯეტის სასარგებლოდ, აანაზღაუროს ვალდებულების შეუსრულებლობით დამდგარი ზიანი, კერძოდ ზედმეტად გაცემული საარსებო შემწეობის თანხის - 210 ლარის უკან დაბრუნება. ვინაიდან, საქართველოს მთავრობის 2006 წლის 28 ივლისის #145 დადგენილების მე-10 მუხლის მე-2 პუნქტის ,,ბ" ქვეპუნქტის თანახმად, საარსებო შემწეობის მიმღები ოჯახი, ვალდებულია, დაუყოვნებლივ აცნობოს სააგენტოს იმ გარემოების დადგომა, რომელსაც თან სდევს ოჯახის სოციალურ-ეკონომიკური მდგომარეობის გაუმჯობესება ამ გარემოების წარმოშობიდან არა უგვიანეს ერთი თვისა, რაც ოჯახის - სრულწლოვანი, ქმედუნარიანი წევრების მხრიდან არ მომხდარა. აღნიშნული ოჯახი არ წარმოადგენს საარსებო შემწეობის მიმღებს, რის გამოც საქართველოს მთავრობის 2006 წლის 28 ივლისის #145 დადგენილების მე-9 მუხლის მე-2 პუნქტის ,,ბ" ქვეპუნქტის საფუძველზე შეუძლებელია, სააგენტოს გადაწყვეტილებით, ზედმეტად გაცემული თანხის უკან დაბრუნება. ამავე დადგენილების 91 მუხლის ,,ბ" პუნქტის თანახმად - ,,თუ ოჯახს შეუწყდა საარსებო შემწეობა, ზედმეტად გაცემული საარსებო შემწეობის თანხის უკან დაბრუნება განხორციელდება საქართველოს კანონმდებლობის მოთხოვნათა შესაბამისად". გამომდინარე იქიდან, რომ ოჯახში გაეგზავნილ შეტყობინება/გაფრთხილებას (#04-14-03/884, 11.07.2018 წ) რომელიც ჩაბარდა შედეგი არ მოჰყოლია, ხოლო მეორე წერილი (#04-14-03/928, 24.07.2018 წ) არ ჩაიბარა, და არც თანხის გადახდის დამადასტურებელი დოკუმენტი არ წარმოადგინა, მიზანშეწონილად მიაჩნიათ დავა განხილულ იქნას სასამართლოში.

 

3. მოპასუხის პოზიცია

 

მოპასუხეს არ წარმოუდგენია შესაგებელი და არ გამოცხადდა სასამართლო სხდომაზე.

 

4. სასამართლოს მიერ დადგენილი ფაქტობრივი გარემოებები

 

4.1. 2016 წლის 17 იანვარს სოციალური მომსახურების სააგენტოს თეთრიწყაროს რაიონულ განყოფილებას სოციალური დახმარების დანიშვნის შესახებ განცხადებით მიმართა თ---------------–---–-ა და ითხოვა მოქმედი კანონმდებლობის შესაბამისად მათი ოჯახისათვის სოციალური დახმარების დანიშვნა, რომელიც რეგისტრირებულია სოციალურად დაუცველ ოჯახების მონაცემთა ერთიან ბაზაში. ამასთან ერთად განაცხადა, რომ იღებენ ვალდებულებას დაუყოვნებლივ აცნობონ სოციალური მომსახურების სააგენტოს ოჯახის წევრთა შემადგენლობაში ცვლილების და/ან იმ გარემოების დადგომის შესახებ, რომელსაც თან სდევს მათი ოჯახის სოციალურ-ეკონომიკური მდგომარეობის გაუმჯობესება.

 

მტკიცებულება, რომელსაც ეყრდნობა სასამართლო:

- თ---------------–---–-ს 2016 წლის 17 იანვრის განცხადება, ს.ფ. 20.

 

4.2. თ---------------–---–-ს ოჯახს 2016 წლის 18 იანვრიდან დანიშნული ჰქონდა სოციალური დახმარება. მათი ოჯახი შედგება ოთხი წევრისაგან: ნ-----–-----------–---–-, თ---------------–---–-, ლ-----------–---–-, ა---------–---–-.

 

მტკიცებულება, რომელსაც ეყრდნობა სასამართლო:

- სოციალური დახმარების დანიშვნის შესახებ გადაწყვეტილება, ს.ფ. 21;

 

4.3. 2018 წლის 2 ივლისის სსიპ სოციალური მომსახურების სააგენტოს მიერ სსიპ სოციალური მომსახურების სააგენტოს ტერიტორიულ ერთეულებს #04/37904 წერილით გაეგზავნათ სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახების მონაცემებით, რომელთა სარეიტინგო ქულა არ აღემატება 100001 ერთეულს, მოპოვებული აქვთ საარსებო შემწეობის დანიშვნის უფლება და ამავე დროს: 4. რომელთა წევრ(ებ)საც შემოსავლების სამსახურის ინფორმაციით, უფიქსირდებათ გარკვეული შემოსავალი და არ აცნობეს სააგენტოს კანონმდებლობით განსაზღვრულ ვადაში, ცენტრალიზებულად შეუწყდათ რეგისტრაცია მონაცემთა ერთიან ბაზაში;

 

და დაევალათ:.. [...] 4. განახრციელონ კანონმდებლობით გათვალისწინებული პროცედურები ზედემტად მიღებული საარსებო შემწეობის თანხების უკან დაბრუნების მიზნით "მიზნობრივი სოციალური დახმარების დანიშვნისა და გაცემის წესის დამტკიცების შესახებ" საქართველოს შრომის, ჯანმრთელობისა და სოციალური დაცვის მინისტრის 2006 წლის 22 აგვისტოს #225/ნ ბრძანებით დამტკიცებული წესის 181 მუხლის შესაბამისად.

 

აღნიშნულ წერილს ერთვის შემოსავლების სამსახურის ინფორმაცია, რომ თ---------------–---–- და ლ-----------–---–- დაუფიქსირდათ შემოსავალი.

 

მტკიცებულება, რომელსაც ეყრდნობა სასამართლო:

- სოციალური მომსახურების სააგენტოს 2018 წლის 2 ივლისის #04/37904 წერილი, ს.ფ. 17-18.

- შემოსავლების სამსახურის ინფორმაცია, ს.ფ. 19.

4.4. სსიპ სოციალური მომსახურების სააგენტოს თეთრიწყაროს რაიონული განყოფილების 2018 წლის 111 ივლისის #04-14-03/884 და 2018 წლის 24 ივლისის #04-14-03/928 წერილებით, თ---------------–---–- ეცნობა, რომ მათი ოჯახის ს/კ 0--------------- შეწყვეტილ იქნა რეგისტრაცია მონაცემთა ერთიან ბაზაში, რადგან შემოსავლების სამსახურის ინფორმაციით მათ ოჯახს დაუფიქსირდა გარკვეული შემოსავალი, რომლის შესახებაც მათ არ აცნობეს სოციალური მომსახურების სააგენტოს რაიონულ განყოფილებას. თუ ოჯახის მიერ წარმოდგენილი იქნება ზემოაღნიშნული გარემოების გამაბათილებელი დოკუმენტაცია, განიხილებაოჯახისათვის რეგისტრაციის აღდგენის საკითხი. სხვა შემთხვევაში, ოჯახის სოციალურ-ეკონომიკური მდგომარეობის შესწავლის მოთხოვნით, შეუძლიათ ახალი განცხადებით მიმართონ სააგენტოს ტერიტორიულ ერთეულებს ფაქტობრივი საცხოვრებელი ადგილის მიხედვით. ეცნობა, რომ დაუყოვნებლივ გამოცხადდეს სოციალური მომსახურების სააგენტოს თეთრიწყაროს რაიონულ განყოფილებაში, რათა მოგვარდეს ფინანსური მხარე, დაბრუნდეს სააგენტოს ანგარიშზე ზედმეტად მიღებული სარსებო შემწეობის თანხა 210 ლარის ოდენობით.

მტკიცებულება, რომელსაც ეყრდნობა სასამართლო:

- სოციალური მომსახურების სააგენტოს თეთრიწყაროს რაიონული განყოფილების 2018 წლის 11 ივლისის #04-14-03/884 წერილი, ს.ფ. 24.

- სოციალური მომსახურების სააგენტოს თეთრიწყაროს რაიონული განყოფილების 2019 წლის 24 ივლისის #04-14-03/928 წერილი, ს.ფ. 25.

 

4.5. სოციალური მომსახურების სააგენტოს თეთრიწყაროს რაიონული განყოფილების უფროსი სპეციალისტის მოვალეობის შემსრულებლის 2019 წლის 4 ივნისის #168 მოხსენებითი ბარათის თანახმად, სოციალური მომსახურების სააგენტოს მიერ გადმოგზავნილი 2018 წლის 2 ივლისის #04/37904 წერილით, რიგ ოჯახებს ცენტრალიზებულად შეუწყდათ საარსებო შემწეობის ჩარიცხვა შემოსავლის დაფიქსირების გამო.

 

აღნიშნული ინფორმაციის კანონმდებლობით განსაზღვრულ ვადაში განუცხადებლობის გამო ოჯახებს წარმოეშვათ პასუხისმგებლობა სახელმწიფო ბიუჯეტის სასარგებლოდ აანაზღაურონ ვალდებულების შეუსრულებლობით დამდგარი ზიანი.

 

ოჯახებს გადაეგზავნათ გაფრთხილებისა და შეტყობინების წერილები და ვალდებულების შესასრულებლად მიეცათ ვადა, რომელიც ამოიწურა და დავალიანების გადახდის დამადასტურებელი დოკუმენტაცია განყოფილებაში წარმოდგენილი არ არის.

 

ეს ოჯახია 5: 0----------- თ---------------–---–-, დასაბრუნებლია 210,00 ლარი. გაეგზავნა შეტყობინება 24.07.2018 #4-14-03928 და 11.07.2018 #04-14-03/884. პირველი წერილი ჩაიბარა და არ გამოცხადდა განყოფილებაში, მეორე წერილი არ ჩაიბარა. თანხის გადახდის დამადასტურებელი დოკუმენტი არ წარმოადგინა.

 

მტკიცებულება, რომელსაც ეყრდნობა სასამართლო:

- სოციალური მომსახურების სააგენტოს თეთრიწყაროს რაიონული განყოფილების უფროსი სპეციალისტის მოვალების შემსრულებელის 2019 წლის 4 ივნისის #168 მოხსენებითი ბარათი, ს.ფ. 26-27.

 

სამოტივაციო ნაწილი:

 

5. შემაჯამებელი სასამართლო დასკვნა

 

სასამართლო საქმეში არსებული მასალების ურთიერშეჯერებისა და გაანალიზების შედეგად მიიჩნევს, რომ სარჩელი უნდა დაკმაყოფილდეს.

 

6. კანონები, რომლითაც სასამართლომ იხელმძღვანელა

 

საქართველოს ადმინისტრაციული საპროცესო კოდექსი, საქართველოს სამოქალაქო საპროცესო კოდექსი, საქართველოს სამოქალაქო კოდექსის 317-ე, 976-ე, 991-ე მუხლები, ,,ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ“ საქართველოს მთავრობის 2010 წლის 24 აპრილის #126 დადგენილება, საქართველოს მთავრობის 2006 წლის 28 ივლისის #145 დადგენილება ,,სოციალური დახმარების შესახებ’’ სოციალური პაკეტის განსაზღვრის შესახებ, ,,სოციალური დახმარების შესახებ“ საქართველოს კანონი.

 

7. სამართლებრივი შეფასება

 

7.1. ,,სოციალური დახმარების შესახებ“ საქართველოს კანონის პირველი მუხლის პირველი პუნქტის თანახმად, ამ კანონის მიზანია სოციალური დახმარების მწყობრი სისტემის ჩამოყალიბებით მოსახლეობის სამართლიანი, მიზნობრივი და ეფექტიანი დახმარებით უზრუნველყოფა. ამავე კანონის მე-3 მუხლის თანახმად, კანონმდებლობა სოციალური დახმარების შესახებ შედგება საქართველოს კონსტიტუციის, საქართველოს საერთაშორისო ხელშეკრულებებისა და შეთანხმებების, ამ კანონის, საქართველოს სხვა საკანონმდებლო და კანონქვემდებარე ნორმატიული აქტებისაგან.

 

,,სოციალური დახმარების შესახებ“ საქართველოს კანონის მე-6 მუხლის ,,ა” ქვეპუნქტის შესაბამისად, სოციალური დახმარების ერთ-ერთი სახეა საარსებო შემწეობა. ამავე კანონის მე-7 მუხლის მე-3 და მე-4 ქვეპუნქტის შესაბამისად, საარსებო შემწეობის ოდენობას განსაზღვრავს საქართველოს მთავრობა. საარსებო შემწეობის დანიშვნის, შეჩერების, განახლებისა და შეწყვეტის წესი და პირობები, აგრეთვე მის გაცემასთან დაკავშირებული სხვა ურთიერთობები რეგულირდება საქართველოს შრომის, ჯანმრთელობისა და სოციალური დაცვის მინისტრის ბრძანებით.

 

,,ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ“ საქართველოს მთავრობის 2010 წლის 24 აპრილის #126 დადგენილებით დამტკიცებული ,,სოციალურად დაუცველი ოჯახების მონაცემთა ერთიანი ბაზის ფორმირების წესის” მე-4 მუხლის თანახმად, მონაცემთა ბაზაში რეგისტრაციისათვის მიმართვა შეუძლია ოჯახს, რომელიც მიიჩნევს, რომ თავისი სოციალურ-ეკონომიკური პირობების მიხედვით იმყოფება სოციალურად დაუცველ მდგომარეობაში, საჭიროებს დახმარებას და შეიძლება გახდეს ამ დახმარების მიმღები.

 

საქართველოს მთავრობის 2010 წლის 24 აპრილის #126 დადგენილების, ,,სოციალურად დაუცველი ოჯახების მონაცემთა ერთიანი ბაზის ფორმირების წესის მე-6 მუხლის პირველი პუნქტის ,,დ“ ქვეპუნქტის თანახმად, სადაც განსაზღვრულია ოჯახის უფლება-მოვალეობანი განაცხადის შევსება და სააგენტოში ჩაბარება ადასტურებს, რომ ოჯახი თანახმაა: ოჯახის მუდმივი საცხოვრებელი ადგილის, დემოგრაფიული (ოჯახის წევრთა რაოდენობის გაზრდა ან შემცირება) ან სოციალურ-ეკონომიკური მდგომარეობის შეცვლის შესახებ აცნობოს სააგენტოს ამ ცვლილებიდან ერთი თვის ვადაში.

 

საქართველოს მთავრობის 2006 წლის 28 ივლისის #145 დადგენილების, ,,სოციალური დახმარების შესახებ’’ მე-10 მუხლის მე-2 პუნქტის ,,ბ’’ ქვეპუნქტის თანახმად, საარსებო შემწეობის მიმღები ოჯახი ვალდებულია აცნობოს სააგენტოს იმ გარემოების დადგომა, რომელსაც თან სდევს ოჯახის სოციალურ-ეკონომიკური მდგომარეობის გაუმჯობესება ამ გარემოების წარმოშობიდან არა უგვიანეს ერთი თვისა;

 

ამავე დადგენილების მე-6 მუხლის მე-3 ნაწილის ,,ბ" ქვეპუნქტის თანახმად „სოციალურად დაუცველი ოჯახების (შინამეურნეობების) სოციალურ-ეკონომიკური მდგომარეობის შეფასების მეთოდოლოგიის დამტკიცების შესახებ“ საქართველოს მთავრობის 2014 წლის 31 დეკემბრის №758 დადგენილებით დამტკიცებული მეთოდოლოგიის ფარგლებში შეფასებულ (შესწავლილ) ოჯახებზე, საარსებო შემწეობის ოდენობა განისაზღვრება: ოჯახი, რომლის სარეიტინგო ქულაა 30001 და მეტი, მაგრამ ნაკლებია 57001 ქულაზე – განისაზღვრება 50 ლარით ოჯახის ყველა წევრზე, ხოლო "ე" ქვეპუნქტის თანახმად ოჯახი, რომლის სარეიტინგო ქულაც 100001–ზე ნაკლებია – საარსებო შემწეობა განისაზღვრება 10 ლარით ოჯახის თითოეულ 16 წლამდე ასაკის წევრზე.

 

ზემოაღნიშნულ ნორმათა ანალიზი ცხადყოფს, რომ საარსებო შემწეობის მიმღები ოჯახი ვალდებულია დაუყოვნებლივ აცნობოს სააგენტოს იმ გარემოების დადგომა, რომელსაც თან სდევს ოჯახის სოციალურ-ეკონომიკური მდგომარეობის გაუმჯობესება ამ გარემოების წარმოშობიდან არა უგვიანეს ერთი თვისა.

 

მოცემულ შემთხვევაში მოპასუხემ არ შეასრულა მისი ოჯახის მიერ ნაკისრი ვალდებულება და არ აცნობა მოსარჩელეს, რომ შეიცვალა მათი ოჯახის ეკონომიური მდგომარეობა, თ---------------–---–- და ლ-----------–---–- დასაქმდნენ და მათ მიიღეს შემოსავალი, აღნიშნულით კი მოპასუხემ დაარღვია საქართველოს მთავრობის 2010 წლის 24 აპრილის #126 დადგენილებით დამტკიცებული წესის მოთხოვნები. ასევე მოპასუხის მიერ წარმოდგენილი არ ყოფილა ცნობა შემოსავლების სამსახურიდან, რომ შემოსავალი არ მიუღიათ მისი ოჯახის წევრებს. აღნიშნული მოთხოვნის შეუსრულებლობით თ---------------–---–-ს ოჯახს ზედმეტად ჩაერიცხა სოციალური დახმარება 210,00 ლარი. ასევე, დადგენილია, რომ ოჯახის სოციალურ-ეკონომიკური მდგომარეობის შეფასების შეწყვეტის შესახებ ოქმი მოპასუხე მხარეს არ გაუსაჩივრებია. იგი პროცესზე არ გამოცხადდა და არც შესაგებელი წარმოუდგენია.

 

7.2. საქართველოს სამოქალაქო კოდექსის 317-ე მუხლის თანახმად, ვალდებულების წარმოშობისათვის აუცილებელია მონაწილეთა შორის ხელშეკრულება, გარდა იმ შემთხვევებისა, როცა ვალდებულება წარმოიშობა ზიანის მიყენების (დელიქტის), უსაფუძვლო გამდიდრების ან კანონით გათვალისწინებული სხვა საფუძვლებიდან.

 

საქართველოს სამოქალაქო კოდექსის 976-ე მუხლის პირველი ნაწილის ,,ა” ქვეპუნქტის თანახმად, პირს, რომელმაც სხვას ვალდებულების შესასრულებლად რაიმე გადასცა, შეუძლია მოსთხოვოს ვითომ-კრედიტორს (მიმღებს) მისი უკან დაბრუნება, თუ ვალდებულება გარიგების ბათილობის ან სხვა საფუძვლის გამო არ არსებობს, არ წარმოიშობა ან შეწყდა შემდგომში, ხოლო 991-ე მუხლის თანახმად, პირი, რომელიც სხვა პირის ხარჯზე უსაფუძვლოდ გამდიდრდა სხვა საშუალებითაც, გარდა იმისა, რაც გათვალისწინებულია ამ თავში, მოვალეა დაუბრუნოს მას მიღებული.

 

მოცემულ შემთხვევაში დადგენილია ის გარემოება, რომ მოპასუხემ ყოველგვარი სამართლებრივი საფუძვლის გარეშე, ზედმეტად მიიღო სოციალური დახმარება 210,00 ლარის ოდენობით, კანონით ან ხელშეკრულებით გათვალისწინებული საფუძვლის გარეშე შეძენილი კი, ზემოხსენებული ნორმის თანახმად, შემძენისაგან უკან დაბრუნებას ექვემდებარება.

 

ზემოაღნიშნული ნორმებისა და დადგენილი ფაქტობრივი გარემოებების გათვალისწინებით, სასამართლოს მიაჩნია, რომ სარჩელი საფუძვლიანია და უნდა დაკმაყოფილდეს.

 

8. საპროცესო ხარჯები

 

საქართველოს ადმინისტრაციული საპროცესო კოდექსის მე-9 მუხლის პირველი ნაწილის თანახმად, სახელმწიფო ბაჟი არ გადაიხდება სახელმწიფო სოციალური დაცვის საკითხთან დაკავშირებით აღძრულ სარჩელზე. შესაბამისად, თ---------------–---–- უნდა გათავისუფლდეს სახელმწიფო ბაჟის გადახდისგან.

 

სარეზოლუციო ნაწილი:

 

სასამართლომ იხელმძღვანელა საქართველოს ადმინისტრაციული საპროცესო კოდექსის პირველი, მე-2, მე-9, მე-12 მუხლებით, საქართველოს სამოქალაქო საპროცესო კოდექსის მე-8 მუხლით, 243-244-ე, 247-ე, 248-ე, 249-ე, 257-ე, 364-ე და 369-ე მუხლებით

გ ა დ ა წ ყ ვ ი ტ ა

 

1. სსიპ სოციალური მომსახურების სააგენტოს ქვემო ქართლის სამხარეო ცენტრის თეთრიწყაროს რაიონული განყოფილების სარჩელი თ---------------–---–-ს მიმართ დაკმაყოფილდეს.

 

2. მოპასუხე თ---------------–---–- (პ--------------) სახელმწიფო ბიუჯეტის სასარგებლოდ (გადამხდელის ანგარიში GE 53 LB 00 262 450 104 271 37, სახაზინო კოდი 30 200 99 21, მიმღები - ფინანსთა სამინისტროს სახაზინო სამსახური) დაეკისროს სოციალურად დაუცველი ოჯახებისათვის განკუთვნილი ზედმეტად მიღებული ფულადი დახმარების 210,00 ლარის გადახდა.

 

3. მხარეები განთავისუფლდნენ სახელმწიფო ბაჟის გადახდის ვალდებულებისაგან.

 

4. გადაწყვეტილება შეიძლება გასაჩივრდეს სააპელაციო წესით თბილისის სააპელაციო სასამართლოს ადმინისტრაციულ საქმეთა პალატაში (მდებარე ქ. თბილისი, გრ. რობაქიძის ქ. #7ა) თეთრიწყაროს რაიონული სასამართლოს მეშვეობით (მდებარე ქ. თეთრიწყარო, კოსტავს ქ. 11) 14 დღის ვადაში დასაბუთებული გადაწყვეტილების მხარეთათვის გადაცემის მომენტიდან.

 

მოსამართლე: ბადრი ნიპარიშვილი