გადაწყვეტილება

ადმინისტრაციული 04.02.2020

საქმის ნომერი

040310419003252314

სასამართლო

ცაგერის რაიონული სასამართლო

ინსტანცია

პირველი ინსტანცია

კატეგორია

ადმინისტრაციული

დავის ტიპი

დავები ადმინისტრაციული ორგანოს ქმედების განხორციელების ან ქმედების განხორციელებისაგან თავის შეკავები

თარიღი

04.02.2020

📄 PDF გადმოწერა 🔗 info.court.ge

გამოყენებული ნორმები

საქართველოს ზოგადი ადმინისტრაციული კოდექსი

საქართველოს ადმინისტრაციული საპროცესო კოდექსი

საქართველოს სამოქალაქო საპროცესო კოდექსი

საქართველოს კონსტიტუცია

მუხლი 41

გადაწყვეტილების ტექსტი

საქმე 3/25-20

გადაწყვეტილება

საქართველოს სახელით

04 თებერვალი, 2020 წელი ქ. ცაგერი

ც------- რაიონული სასამართლო

მოსამართლე ნანა ჯანხოთელი

სხდომის მდივანი ბექა ვირსალაძე

მოსარჩელე –------- ი----–------ გ------------

წარმომადგენელი - ლ---- ჭ--–---.

მოპასუხე- ც------- ს-----------–---–-- რ-------–-------

მოპასუხის წარმომადგენელი - თ-- მ----–----–---

დავის საგანი -ქმედების განხორციელება - საჯარო ინფორმაციის გაცემა.

აღწერილობითი ნაწილი

1. სასარჩელო მოთხოვნა

1.1.ც------- ს-----------–---–-- რ-------–------- დაევალოს ქმედების განხორციელება - გასცეს ზოგადი ადმინისტრაციული კოდექსით დადგენილი წესის შესაბამისად, ელექტრონული ფორმით ელექტრონულ ფოსტაზე invalidtagaertianeba2018@gmail.com მისდამი დაქვემდებარებულ საჯარო სკოლებში დაცული შემდეგი ინფორმაცია:

1.2011-2012,2012-2013,2013-2014,2014-2015, 2015-16,2016-2017,1017-2018,2018-2019,2019-2020 სასწავლო წლების სკოლის საშტატო განრიგის ნუსხა;

2. 2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასაწავლო წლების საშტატო განრიგის დამტკიცების სამართლებრივი აქტის ასლი;

3. 2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის შინაგანაწესის ასლები;

4.2011-2012,2012-2013,2013-2014,2014-2015, 2015-2016,2016-2017,2017-2018,2018-2019, 2019-2020 სასწავლო წლების სკოლის მოსწავლეთა თვითმმართველობის სხდომის ოქმების ასლები;

5.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის მოსწავლეთა თვითმმართველობის არჩევნების შემაჯამაბელი ოქმების ასლები;

6.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სამეურვეო საბჭოს არჩევის შემაჯამაბელი ოქმების ასლები;

7.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლოწლების სკოლის სამეურვეო საბჭოს სხდომების ოქმების ასლები;

8.2011-2012,2012-2013,2013-2014,2014-2015, 2015-2016,2016-2017,2017-2018,2018-2019, 2019-2020 სასწავლო წლების სკოლის სამეურვეო საბჭოს მიერ სკოლის დირექტორის წლიური ანგარიშის განხილვის სხდომის ოქმების ასლები;

9.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის პედსაბჭოს არჩევის/დანიშვნის , მიღებისა და შეცვლის ოქმების ასლები;

10.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების დისციპლინური კომიტეტის არჩევის/დანიშვნის , მიღებისა და შეცვლის ოქმების ასლები;

11. 2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სახელმწიფო შესყიდვების შესახებ გაფორმებული ხელშეკრულებების ასლები, მიღება-ჩაბარების აქტების ასლები;

12.2012,2012-2013,2013-14,2014-15, 2015-16,2016-17,1017-18,2018-19,2019-სასწავლო წლების სატენდერო დოკუმენტაციის ასლები;

13.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის ბიუჯეტის დამტკიცების შესახებ სამართლებრივი დოკუმენტების ასლები;

14.2012-2013,2013-2014,2014-2015, 2015-2016,2016-2017,2017-2018,2018-2019,2019-2020-სასწავლო წლების ინდივიდუალური სასწავლო გეგმის ასლები;

15.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის შშმ პირების პანდუსის მონტაჟის, დემონტაჟის, რესტავრაციის დოკუმენტების ასლები;

16.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის სსსმ(სპეციალური საგანმანათლებლო საჭიროების მქონე) მოსწავლეების გეგმის ასლები, სსსმ მოსწავლის სპეც.მასწავლებლის კონკურსის გამოცხადების, სპეც.მასწავლებლის მიღების, სამუშაო გეგმებისა და შემაჯამებელი და სამუშაოების ოქმების ასლები;

17.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის დირექტორის წლიური ანგარიშების ასლები;

18.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლებში დაფინანსებული ექსკურსიების ხარჯთაღრიცხვა;

19.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის საბანკო ანგარიშების ამონაწერების ასლები.

მოსარჩელის წარმომადგენლის განმარტებით, მოპასუხეს, ელექტრონული ფორმით გაეგზავნა წერილი, რომლითაც მოითხოვეს ც------- ს-----------–---–-- რ-------–------- დაქვემდებარებული სკოლებიდან საჯარო ინფორმაციის გაცემა საქართველოს კანონმდებლობით დადგენილი წესის შესაბამისად. საჯარო ინფორმაციის გაგზავნა უნდა მოეხდინათ ელექტრონული ფორმით ელექტრონულ ფოსტაზე -invalidtagaertianeba2018@gmail.com .

მოპასუხემ-ც------- ს-----------–---–-- რ------–-------- არ დაავალა მისდამი დაქვემდებარებულ საჯარო სკოლებს გამოთხოვილი ინფორმაციის გაგზავნა მოსარჩელის მიერ მითითებულ ელექტრონულ ფოსტაზე, რითაც დაარღვია საქართველოს კონსტიტუციის 41-ე მუხლი. ა----- ი----–------ გ------------ მოითხოვს დარღვეული უფლების აღდგენას და მოპასუხისათვის ქმედების განხორციელების დავალდებულებას - სარჩელში მითითებული საჯარო ინფორმაციის გაცემის დავალდებულებას.

2. მოპასუხის პოზიცია

მოპასუხის წარმომადგენელმა -თ-- მ----–----–---მ, სასამართლო სხდომაზე სარჩელი არ ცნო, მხარი დაუჭირა წერილობით წარმოდგენილ შესაგებელს და განმარტა, რომ გამოთხოვილი ინფორმაცია გადაგზავნილი იქნა მოსარჩელის მიერ მითითებულ ელექტრონული ფოსტის მისამართზე. აქვე აღნიშნა, რომ მათ მიერ მიღებულ წერილში მოთხოვნილი იყო ინფორმაციის გაცემა 2016 სასწავლო წლიდან.

3. ფაქტობრივი გარემოებები

3.1. უდავო ფაქტობრივი გარემოებები

3.1.1. დადგენილია, რომ ა----- ი----–------ გ------------მ 2019 წლის 28 აგვისტოს წერილით მიმართა ც------- ს-----------–---–-- რ-------–------- და მოითხოვა დაცვით საქართველოს ზოგადი ადმინისტრაციული კოდექსით დადგენილი წესის შესაბამისად, ელექტრონული ფორმით ელექტრონულ ფოსტაზე invalidtagaertianeba2018@gm?il.com ც------- ს-----------–---–-- რესურცენტრს დაქვემდებარებულ საჯარო სკოლებში დაცული შემდეგი ინფორმაცია:

2.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასაწავლო წლების საშტატო განრიგის დამტკიცების სამართლებრივი

აქტის ასლი;

3.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის შინაგანაწესის ასლები;

7.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის სამეურვეო საბჭოს სხდომების ოქმების ასლები;

16.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის სსსმ(სპეციალური ს-----------–---–-- საჭიროების მქონე) მოსწავლეების გეგმის ასლები, სსსმ მოსწავლის სპეც.მასწავლებლის კონკურსის გამოცხადების, სპეც.მასწავლებლის მიღების, სამუშაო გეგმებისა და შემაჯამებელი და სამუშაოების ოქმების ასლები;

სასამართლო ეყრდნობა შემდეგ მტკიცებულებებს:

- ა----- ი----–------ გაერთიანების 2019 წლის 28 აგვისტოს წერილი საჯარო ინფორმაციის გამოთხოვის შესახებ;

3.2. დადგენილი სადავო ფაქტობრივი გარემოებები

3.2.1. ა----- ი----–------ გაერთიანების 2019 წლის 28 აგვისტოს წერილი გატარებული იქნა ც------- ს-----------–---–-- რესურცენტრის შემოსულობათა წიგნში 2019 წლის 04 სექტემბერს და მათ 2019 წლის 08 ნოემბერს ელექტრონულად გადაუგზავნა მის სამოქმედო ტერიტორიაზე არსებულ საჯარო სკოლებს თანდართული წერილით.

სასამართლო ეყრდნობა შემდეგ მტკიცებულებას:

-ც------- ს-----------–---–-- რ-------–-------ს 2019 წლის 08 ნოემბრის წერილი

სამოტივაციო ნაწილი

4. შემაჯამებელი სასამართლო დასკვნა

4.1. სასამართლო გაეცნო საქმის მასალებს, შეამოწმა წარმოდგენილი სარჩელის საფუძვლიანობა, შეაფასა წარმოდგენილი მტკიცებულებები, მოისმინა მხარეთა ახსნა-განმარტებები და მიაჩნია, რომ სარჩელი უნდა დაკმაყოფილდეს.

5. კანონები, რომლითაც იხელმძღვანელა სასამართლომ:

- საქართველოს კონსტიტუცია;

-საქართველოს ზოგადი ადმინისტრაციული კოდექსი.

-საქართველოს ადმინისტრაციული საპროცესო კოდექსი.

6. სამართლებრივი შეფასება

6.1. საქართველოს კონსტიტუციით დადგენილია საჯარო ინფორმაციის ხელმისაწვდომობის ზოგადი პრინციპი, კერძოდ, საქართველოს კონსტიტუციის 41-ე მუხლის პირველი პუნქტის თანახმად, ყოველ მოქალაქეს უფლება აქვს კანონით დადგენილი წესით გაეცნოს სახელმწიფო დაწესებულებაში არსებულ ოფიციალურ დოკუმენტებს, თუ ისინი არ შეიცავენ სახელმწიფო, პროფესიულ ან კომერციულ საიდუმლოებას.

ზემოაღნიშნული ზოგადი პრინციპის საფუძველზე, ზოგადი ადმინისტრაციული კოდექსის მე-3 თავი - „ინფორმაციის თავისუფლება“ ადგენს საჯარო ინფორმაციის გაცემის წესს. აღნიშნული თავის 28-ე მუხლის თანახმად, საჯარო ინფორმაცია ღიაა, გარდა კანონით გათვალისწინებული შემთხვევებისა და დადგენილი წესით პერსონალურ მონაცემებს, სახელმწიფო ან კომერციულ საიდუმლოებას მიკუთვნებული ინფორმაციისა.

სასამართლოს მიერ დადგენილია და მხარეთა შორის დავას არ იწვევს, რომ რომ ა----- ი----–------ გ------------მ 2019 წლის 28 აგვისტოს წერილით მიმართა ც------- ს-----------–---–-- რ-------–------- და მოითხოვა საქართველოს ზოგადი ადმინისტრაციული კოდექსით დადგენილი წესის შესაბამისად, ელექტრონული ფორმით ელექტრონულ ფოსტაზე invalidtagaertianeba2018@gamil.com ც------- ს-----------–---–-- რესურცენტრის დაქვემდებარებაში არსებულ საჯარო სკოლებში დაცული შემდეგი ინფორმაცია:

2.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასაწავლო წლების საშტატო განრიგის დამტკიცების სამართლებრივი აქტის ასლი;

3.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის შინაგანაწესის ასლები;

6.2. საქართველოს ზოგადი ადმინისტრაციული კოდექსის მე-2 მუხლის პირველი ნაწილის „მ“ ქვეპუნქტი განმარტავს, რომ საჯარო ინფორმაცია არის ოფიციალური დოკუმენტი (მათ შორის, ნახაზი, მაკეტი, გეგმა, სქემა, ფოტოსურათი, ელექტრონული ინფორმაცია, ვიდეო და აუდიოჩანაწერები) ანუ საჯარო დაწესებულებაში დაცული, აგრეთვე საჯარო დაწესებულების ან მოსამსახურის მიერ სამსახურებრივ საქმიანობასთან დაკავშირებით მიღებული, დამუშავებული, შექმნილი ან გაგზავნილი ინფორმაცია.

,,საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ“ საქართველოს მთავრობის 2013 წლის 26 აგვისტოს N219 დადგენილების მე-2 მუხლის მე-4 პუნქტის თანახმად, საჯარო ინფორმაციის პროაქტიულად გამოქვეყნება ადმინისტრაციულ ორგანოს არ ათავისუფლებს საქართველოს ზოგადი ადმინისტრაციული კოდექსით დადგენილი წესით საჯარო ინფორმაციის გაცემის ვალდებულებისაგან.

ამავე დადგენილების მე-4 მუხლის პირველი პუნქტის თანახმად კი საქართველოს ზოგადი ადმინისტრაციული კოდექსის 37-ე მუხლის შესაბამისად, საჯარო ინფორმაციის მოთხოვნა შესაძლებელია ელექტრონული ფორმით, ელექტრონული რესურსის საშუალებით.

სასამართლო მიიჩნევს, რომ მოსარჩელის მიერ მოპასუხისათვის მოთხოვნილი ინფორმაცია წარმოადგენს საჯარო ინფორმაციას და ადმინისტრაციული ორგანო ვალდებულია ამგვარი ინფორმაცია გასცეს პერსონალური მონაცემებისა და კომერციული საიდუმლოების გამჟღავნების გარეშე. ასევე, მოთხოვნილი ინფორმაცია უნდა გაიცეს იმ მოცულობით, რომელიც არ მოიცავს „სახელმწიფო საიდუმლოების შესახებ“ საქართველოს კანონით განსაზღვრულ სახელმწიფო საიდუმლოებასთან დაკავშირებული სახელმწიფო შესყიდვების ობიექტების თაობაზე ინფორმაციას.

6.3. სასამართლო აღნიშნავს, რომ საქართველოს ზაკ-ის მე-40 მუხლის თანახმად, საჯარო დაწესებულება ვალდებულია გასცეს საჯარო ინფორმაცია დაუყოვნებლივ ან არა უგვიანეს 10 დღისა.

საქართველოს ზოგადი ადმინისტრაციული კოდექსის 411-ე მუხლით ამავდროულად დადგენილია საჯარო ინფორმაციის გაცემაზე უარის თქმის შესახებ გადაწყვეტილების მიღება კონკრეტულ, კანონით განსაზღვრულ შემთხვევაში, კერძოდ, განსაზღვრულია, რომ ამავე კოდექსის 272 მუხლის მე-3 ნაწილით გათვალისწინებულ შემთხვევაში, საჯარო დაწესებულება საჯარო ინფორმაციის გაცემის ან გაცემაზე უარის თქმის შესახებ გადაწყვეტილებას იღებს ამ მუხლში მითითებული ვადების გასვლისთანავე.

დადგენილია და მხარეთა შორის სადავო არ არის, რომ მოპასუხემ მხარემ წერილით აცნობა მოსარჩელეს და გამოიყენა საჯარო ინფორმაციის მომზადებისა და მიწოდებისათვის 10 დღიანი ვადა.

საქართველოს ზოგადი ადმინისტრაციული კოდექსის მე-10 მუხლის პირველი ნაწილის თანახმად, ყველას აქვს უფლება გაეცნოს ადმინისტრაციულ ორგანოში არსებულ საჯარო ინფორმაციას, აგრეთვე მიიღოს მათი ასლები, თუ ისინი არ შეიცავენ სახელმწიფო, პროფესიულ ან კომერციულ საიდუმლოებას ან პერსონალურ მონაცემებს.

დადგენილია და უდავოა ის გარემოებაც, რომ მოპასუხეს მოთხოვნილი საჯარო ინფორმაცია კანონით განსაზღვრულ ვადაში არ გადაუცია ა----- ი----–------ გაერთიანებისათვის.

სასამართლო სხდომაზე მოპასუხის წარმომადგენელმა განმარტა სიტყვიერად, რომ მოთხოვნილი ინფორმაცია მათ გადაუგზავნეს მოსარჩელე მხარეს როგორც მატერიალური სახით, ასევე ელექტრონული ფორმით, თუმცა აღნიშნულის დამადასტურებელი მტკიცებულება - ამონაწერი ელ-ფოსტიდან ლოგ ჩანაწერებით შესაბამისი ფაილების დასახელებით და ჩვენებით წარმოდგენილი ვერ იქნა.

6.4.საქართველოს ზოგადი ადმინისტრაციული კოდექსის 37-ე მუხლის პირველი ნაწილის თანახმად, ყველას აქვს უფლება მოითხოვოს საჯარო ინფორმაცია მისი ფიზიკური ფორმისა და შენახვის მდგომარეობის მიუხედავად და აირჩიოს საჯარო ინფორმაციის მიღების ფორმა, თუ იგი სხვადასხვა სახით არსებობს, აგრეთვე გაეცნოს ინფორმაციას დედანში. თუ არსებობს დედნის დაზიანების საფრთხე, საჯარო დაწესებულება ვალდებულია უზრუნველყოს ზედამხედველობის ქვეშ მისი გაცნობის შესაძლებლობა ან წარუდგინოს სათანადო წესით დამოწმებული ასლი. ამავე მუხლის მეორე ნაწილის შესაბამისად, საჯარო ინფორმაციის მისაღებად პირი წარადგენს წერილობით განცხადებას. აუცილებელი არ არის, განცხადებაში მიეთითოს საჯარო ინფორმაციის მოთხოვნის მოტივი ან მიზანი.

დასახელებული ნორმით დადგენილია საჯარო ინფორმაციის მიღების ფორმის არჩევის უფლება, მოსარჩელეს საჯარო ინფორმაციის გაცემა მოითხოვა ელექტრონულად და მიუთითა ელექტრონული ფოსტის მისამართი.

,,საჯარო ინფორმაციის ასლის გადაღების მოსაკრებლის შესახებ“ საქართველოს კანონის მე-7 მუხლის თანახმად, საჯარო ინფორმაციის ასლის გადაღების მოსაკრებელი არ გადაიხდევინება საჯარო ინფორმაციის ელექტრონული ფოსტით გაგზავნისას.

მოსარჩელემ საქართველოს ზოგადი ადმინისტრაციული კოდექსის 37-ე მუხლის პირველი ნაწილის საფუძველზე, ინფორმაციის მიწოდების ფორმად აირჩია ელექტრონული ფოსტა, შესაბამისად, სკოლები არ იყვნენ უფლებამოსილი მოეთხოვათ საჯარო ინფორმაციის ასლის მოსაკრებლის გადახდა.

აღნიშნულიდან გამომდინარე, სასამართლო მიიჩნევს, რომ მოსარჩელეს გააჩნია ლეგიტიმური მიზანი და საფუძველი, მიიღოს მოთხოვნილი საჯარო ინფორმაცია, პერსონალური მონაცემისა და კომერციული საიდუმლოების გამჟღავნების გარეშე და რომლებიც არ შეიცავენ სახელმწიფო, პროფესიულ ან კომერციულ საიდუმლოებას ან პერსონალურ მონაცემებს და რომელიც მოპასუხე მხარემ არ გადასცა დაინტერესებულ პირს, კანონით განსაზღვრული წესის შესაბამისად.

6.5. საქართველოს ადმინისტრაციული საპროცესო კოდექსის 24-ე მუხლის თანახმად, სარჩელი შეიძლება აღიძრას ისეთი მოქმედების განხორციელების ან ისეთი მოქმედებისაგან თავის შეკავების მოთხოვნით, რომელიც არ გულისხმობს ინდივიდუალური ადმინისტრაციულ-სამართლებრივი აქტის გამოცემას.

ამავე კოდექსის 331-ე მუხლით განსაზღვრულია, რომ თუ ადმინისტრაციული ორგანოს მიერ რაიმე მოქმედების განხორციელება ან უარი რაიმე მოქმედების განხორციელებაზე უკანონოა და ის პირდაპირ და უშუალო (ინდივიდუალურ) ზიანს აყენებს მოსარჩელის კანონიერ უფლებას ან ინტერესს, სასამართლო ამ კოდექსის 24-ე მუხლში აღნიშნულ სარჩელთან დაკავშირებით გამოიტანს გადაწყვეტილებას, რომლითაც ადმინისტრაციულ ორგანოს ავალებს, განახორციელოს ეს მოქმედება ან თავი შეიკავოს ამ მოქმედების განხორციელებისაგან.

სასამართლოს მიერ დადგენილია, რომ მოცემულ შემთხვევაში მოპასუხეთა მიერ ნათქვამი უარი საჯარო ინფორმაციის გაცემაზე არის უკანონო და ის პირდაპირ ზიანს აყენებს მოსარჩელის კანონიერ უფლებას ან ინტერესს, საჯარო ინფორმაციის ხელმისაწვდომობის პრინციპის რეალიზებასთან დაკავშირებით.

აღნიშნულიდან გამომდინარე, სარჩელი დასაბუთებული და სამართლებრივი საფუძვლის მქონეა და ის უნდა დაკმაყოფილდეს.

7. საპროცესო ხარჯები

7.1. საქართველოს სამოქალაქო საპროცესო კოდექსის 39-ე მუხლის 1-ლი პუნქტის „თ“ ქვეპუნქტის მიხედვით სახელმწიფო ბაჟი არაქონებრივ დავაზე შეადგენს 100 ლარს.

,,სახელმწიფო ბაჟის შესახებ“ საქართველოს კანონის მე-5 მუხლის პირველი პუნქტის ,,მ“ ქვეპუნქტის თანახმად მოსარჩელე გათავისუფლებულია სახელმწიფო ბაჟის გადახდისაგან.

საქართველოს სამოქალაქო საპროცესო კოდექსის 55-ე მუხლის პირველი ნაწილის შესაბამისად სასამართლოს მიერ საქმის განხილვასთან დაკავშირებით გაწეული ხარჯები და სახელმწიფო ბაჟი, რომელთა გადახდისაგან განთავისუფლებული იყო მოსარჩელე, გადახდება მოპასუხეს ბიუჯეტის შემოსავლის სასარგებლოდ, მოთხოვნათა იმ ნაწილის პროპორციულად, რომელიც დაკმაყოფილებულია. ვინაიდან სარჩელი დაკმაყოფილდა, შესაბამისად სახელმწიფო ბაჟის გადახდა სახელმწიფო ბიუჯეტის სასარგებლოდ უნდა დაეკისროს მოპასუხე მხარეს.

ყოველივე ზემოაღნიშნულიდან გამომდინარე მოპასუხეს უნდა დაეკისროს სახელმწიფო ბაჟის გადახდა სახელმწიფო ბიუჯეტის სასარგებლოდ 100 ლარის

ოდენობით.

ც------- ს-----------–---–-- რ-------–------- დაეკისროს მოსარჩელის მიერ გაწეული ხარჯების-600 ლარის გადახდა .

8. უზრუნველყოფის ღონისძიებასთან დაკავშირებული საკითხები

მოცემულ საქმეზე უზრუნველყოფის ღონისძიება გამოყენებული არ არის.

სარეზოლუციო ნაწილი:

სასამართლომ იხელმძღვანელა რა საქართველოს ადმინისტრაციული საპროცესო კოდექსის პირველი, მე-2, მე-5, 22-ე, 24-ე, 331-ე მუხლებითა და საქართველოს სამოქალაქო საპროცესო კოდექსის მე-8, 38-39-ე, 53-ე, 55-ე, 243-244-ე, 248-249-ე, 257-ე, 369-ე მუხლებით,გ ა დ ა წ ყ ვ ი ტ ა :

1.ა----- ი----–------ გაერთიანების სარჩელი ც------- ს-----------–---–-- რ-------–-------ს მიმართ დაკმაყოფილდეს.

2. ც------- ს-----------–---–-- რ-------–------- დაევალოს ქმედების განხორციელება - მის დაქვემდებარებაში მყოფმა საჯარო სკოლებმა გასცეს სხვა პირის პერსონალური მონაცემების დაცვით საქართველოს ზოგადი ადმინისტრაციული კოდექსით დადგენილი წესის შესაბამისად, ელექტრონული ფორმით ელექტრონულ ფოსტაზე invalidtagaertianeba32-19@gmail.com ადმინისტრაციულ ორგანოში დაცული შემდეგი ინფორმაცია:

2.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასაწავლო წლების საშტატო განრიგის დამტკიცების სამართლებრივი აქტის ასლი;

3.2011-2012,2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სკოლის შინაგანაწესის ასლები;

11.2012-2013,2013-2014,2014-2015, 2015-2016,2016-2017,2017-2018,2018-2019,2019-2020 სასწავლო წლების სახელმწიფო შესყიდვების შესახებ გაფორმებული ხელშეკრულებების ასლები, მიღება-ჩაბარების აქტების ასლები;

3.ც------- ს-----------–---–-- რესურცენტრს დაეკისროს სახელმწიფო ბაჟის გადახდა სახელმწიფო ბიუჯეტის სასარგებლოდ 100 ლარის ოდენობით და მოსარჩელის მიერ გაწეული ხარჯების-600 ლარის გადახდა.

4. გადაწყვეტილება შეიძლება გასაჩივრდეს სააპელაციო საჩივრის შეტანის გზით ქუთაისის სააპელაციო სასამართლოს ადმინისტრაციულ საქმეთა პალატაში (მის. ქ. ქუთაისი, ნიუპორტის ქუჩა №32) ც------- რაიონული სასამართლოს მეშვეობით (მის. ქ. ცაგერი, ლ.ასათიანის N14) მხარეთათვის დასაბუთებული გადაწყვეტილების გადაცემიდან 14 დღის ვადაში.

მოსამართლე ნანა ჯანხოთელი