„თიანეთის მუნიციპალიტეტის ეკონომიკის, ინფრასტრუქტურის განვითარებისა და ქონების მართვის სამსახურის დებულების დამტკიცების შესახებ“ თიანეთის მუნიციპალიტეტის საკრებულოს 2010 წლის 12 აგვისტოს №27 დადგენილებაში ცვლილებებისა და დამატებების შეტანის თაობაზე

თიანეთის მუნიციპალიტეტის საკრებულოს

დადგენილება 47

2010 წლის 15სექტემბერი

დ. თიანეთი

„თიანეთის მუნიციპალიტეტის ეკონომიკის, ინფრასტრუქტურის განვითარებისა და ქონების მართვის სამსახურის დებულების დამტკიცების შესახებ“ თიანეთის მუნიციპალიტეტის საკრებულოს 2010 წლის 12 აგვისტოს №27 დადგენილებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის შესაბამისად,

 თიანეთის მუნიციპალიტეტის საკრებულო ა დ გ ე ნ ს:

    მუხლი 1.

„თიანეთის მუნიციპალიტეტის ეკონომიკის, ინფრასტრუქტურის განვითარებისა და ქონების მართვის სამსახურის დებულების დამტკიცების შესახებ“ თიანეთის მუნიციპალიტეტის საკრებულოს 2010 წლის 12 აგვისტოს №27 დადგენილებაში შეტანილ იქნეს შემდეგი ცვლილებები და დამატებები:

 1. თავი 1. სათაური ჩამოყალიბდეს შემდეგი რედაქციით:

 „თავი I. ზოგადი დებულებები“.

 2. . მე-2 მუხლი ჩამოყალიბდეს შემდეგი რედაქციით:

„1. სამსახური დადგენილი წესით უზრუნველყოფს:

ა) ეკონომიკური განვითარების დაგეგმვისათვის სათანადო სტატისტიკური ინფორმაციის შეგროვებასა და დამუშავებას;

ბ) ეკონომიკური განვითარების მუნიციპალური პროგრამებისა და პროექტების შემუშავებას;

გ) წინადადებების, დასკვნებისა და რეკომენდაციების შემუშავებას ეკონომიკური განვითარების მიზნით ინვესტიციების დაგეგმვის, ინვესტორებთან თანამშრომლობის, შესაბამისი საინვესტიციო პროგრამებისა და პროექტების მომზადების საკითხებზე;

დ) ეკონომიკური განვითარების მუნიციპალური პროგრამების განხორციელების მონიტორინგს;

ე) მუნიციპალიტეტის საკუთრებაში ან სარგებლობაში არსებული უძრავი ქონების, მუნიციპალიტეტის საკუთრებაში არსებული საწარმოთა წილების, აქციების, ფასიანი ქაღალდების აღრიცხვას, ინვენტარიზაციას, მუნიციპალური ქონების მონაცემთა ბაზის შექმნასა და განახლებას;

ვ) მუნიციპალიტეტის საკუთრებაში ან სარგებლობაში არსებული უძრავი ქონების რეგისტრაციას;

ზ) წინადადებების, დასკვნებისა და რეკომენდაციების მომზადებას მუნიციპალიტეტის ქონებისათვის კატეგორიის შეცვლის თაობაზე;

თ) წინადადებების მომზადებას მუნიციპალური ქონებით სარგებლობისა და განკარგვის საკითხებზე;

ი) წინადადებების და საჭირო დოკუმენტაციის მომზადებას მუნიციპალური ქონების შექმნის, შეძენის, პრივატიზების ან სარგებლობაში გადაცემის საკითხებზე;

კ) ზედამხედველობას მუნიციპალური ქონების დაცვაზე, მოვლა-პატრონობაზე, მართლზომიერ სარგებლობასა და განკარგვაზე;

ლ) მუნიციპალიტეტის მონაწილეობით დაფუძნებულ საწარმოებში პარტნიორის, აქციონერის უფლება-მოვალეობათა განხორციელებას;

მ) მუნიციპალური შესყიდვის გეგმის შემუშავებას;

ნ) შესყიდვის გეგმით განსაზღვრული მუნიციპალური შესყიდვების განხორციელებას მუნიციპალიტეტის სატენდერო კომისიის გადაწყვეტილების შესაბამისად;

ო) მუნიციპალური შესყიდვის შესახებ ადმინისტრაციული გარიგების მომზადებას, მათი შესრულების კონტროლს;

პ) მუნიციპალური ინფრასტრუქტურის – ადგილობრივი მნიშვნელობის გზების, ხიდების, გარე განათების, სანიაღვრე მეურნეობის, მუნიციპალიტეტის გამგებლობაში არსებული კომუნიკაციების შექმნის, რეაბილიტაციისა და განვითარების დაგეგმვას, შესაბამისი პროგრამებისა და პროექტების მომზადებას, მათი განხორციელების კოორდინაციას;

ჟ) მუნიციპალური ინფრასტრუქტურის ობიექტების შენახვასა და მოვლა-პატრონობას;

რ) წინადადებების მომზადებას მუნიციპალური საზოგადოებრივი ტრანსპორტის შექმნის, რეაბილიტაციისა და განვითარების თაობაზე;

ს) მუნიციპალიტეტის დასახლებათა ტერიტორიების კეთილმოწყობის დაგეგმვას, შესაბამისი პროგრამებისა და პროექტების მომზადებას, მათი განხორციელების კოორდინაციას;

ტ) წინადადებების შემუშავებას ვაჭრობის და გარე რეკლამის რეგულირების საკითხებზე;

უ) წინადადებების, დასკვნებისა და რეკომენდაციების შემუშავებას მუნიციპალიტეტის დასახლებათა დასუფთავების, ნარჩენების გატანისა და უტილიზაციის საკითხებზე;

ფ) ტერიტორიის დასუფთავების, ნარჩენების გატანისა და უტილიზაციის სამუშაოთა ორგანიზებას;

ქ) სასაფლაოების მოვლა-პატრონობას, შესაბამისი საზოგადოებრივი მომსახურების ორგანიზებას;

ღ) მიწათსარგებლობის, საზოგადოებრივი მომსახურების, ტერიტორიის კეთილმოწყობისა და დასუფთავების, რეკლამის განთავსების წესების დარღვევასთან დაკავშირებული ადმინისტრაციული სამართალდარღვევების პრევენციასა და აღკვეთას;

ყ) წინადადებების მომზადებას ადგილობრივი გადასახადებისა და ადგილობრივი მოსაკრებლების შემოღებისა და გაუქმების, მათი განაკვეთების განსაზღვრის შესახებ;

შ) ადგილობრივი მოსაკრებლების ადმინისტრირებას;

ჩ) მუნიციპალიტეტის საგადასახადო საინფორმაციო ბაზის შექნასა და განახლებას;

ც)) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.

3. თავი 2. სათაური ჩამოყალიბდეს შემდეგი რედაქციით:

 „თავიII. სამსახურის სტრუქტურა“.

დ) მე-3 მუხლი ს:

ა) 1-ლი პუნქტის :

ა.ა) „ბ“ ქვეპუნქტი ჩამოყალიბდეს შემდეგი რედაქციით:

ბ) შესყიდვების განყოფილება;

ბ.ა) განყოფილების უფროსი

ბ.ბ) მთ. სპეციალისტი

ბ.გ) მთ. სპეციალისტი

ბ.დ) მთ. სპეციალისტი

ა.ბ) „გ“ ქვეპუნქტი ჩამოყალიბდეს შემდეგი რედაქციით:

გ) მუნიციპალური ქონების აღრიცხვისა და მართვის განყოფილება;

გ.ა) განყოფილების უფროსი

გ.ბ) მთ. სპეციალისტი

ა.გ) „დ“ ქვეპუნქტი ჩამოყალიბდეს შემდეგი რედაქციით:

დ) ადგილიბრივი გადასახადებისა და ადგილობრივი მოსაკრებლების ადმინისტრირების განყოფილება;

დ.ა) განყოფილების უფროსი

დ.ბ) მთ. სპეციალისტი

დ.გ) მთ. სპეციალისტი

ა.დ) „ვ“ქვეპუნქტი ჩამოყალიბდეს შემდეგი რედაქციით:

ვ) მთ. სპეციალისტი სოფლის მეურნეობის საკითხებში.

4. თავი 3. სათაური ჩამოყალიბდეს შემდეგი რედაქციით:

„თავი III. სამსახურის სტრუქტურული ქვედანაყოფების (განყოფილებების) და სამსახურის მოხელეთა ფუნქციები“.

5. თავი 4. სათაური ჩამოყალიბდეს შემდეგი რედაქციით:

 „თავი IV. სამსახურის ხელმძღვანელობა“.

6. თავი 5. სათაური ჩამოყალიბდეს შემდეგი რედაქციით.

 „თავი V. სამსახურის საჯარო მოსამსახურეები“.

7. მე-11 მუხლის 1-ლი და მე-3 პუნქტი ჩამოყალიბდეს შემდეგი რედაქციით:

„1. სამსახურში საჯარო მოსამსახურეები თანამდებობაზე შეიძლება დაინიშნონ კონკურსის წესით.

 3. კონკურსის ჩატარების წესი განისაზღვრება პრეზიდენტის ბრძანებულებით.“.

 8. მე-12 მუხლის 1-ლი პუნქტი ჩამოყალიბდეს შემდეგი რედაქციით:

„1.სამსახურის საჯარო მოსამსახურეთა თამდებობრივი სარგოს განაკვეთებს განისაზღვრავს საკრებულო.“.

9. მე-12 მუხლს დაემატოს შემდეგი შინაარსის მე-2 პუნქტი:

„2. სამსახურის საშტატო ნუსხას და თანამდებობრივ ინსტრუქციას გამგებლის წარდგინებით ამტკიცებს საკრებულოს თავმჯდომარე.“.

    მუხლი 2.

დადგენილება ძალაში შევიდეს საქართველოს მოქმედი კანონმდებლობის შესაბამისად, გამოქვეყნებისთანავე.

 საკრებულოს თავმჯდომარე გ. წიკლაური