„ერთიანი დიპლომისშემდგომი საკვალიფიკაციო გამოცდის ჩატარების წესისა და პირობების და რეზიდენტურაში ჩარიცხვის წესის დამტკიცების შესახებ“ საქართველოს შრომის,ჯანმრთელობისა და სოციალური დაცვის მინისტრის 2006 წლის 3 ნოემბრის 295/ნ ბრძანებაში ცვლილებებისა და დამატების შეტანის თაობაზე“
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 470.230.000.22.035.016.001
საქართველოს შრომის, ჯანმრთელობისა და სოციალური დაცვის
მინისტრის ბრძანება №296/ნ
2010 წლის 17 სექტემბერი
ქ. თბილისი
„ერთიანი დიპლომისშემდგომი საკვალიფიკაციო გამოცდის ჩატარების წესისა და პირობების და რეზიდენტურაში ჩარიცხვის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 3 ნოემბრის №295/ნ ბრძანებაში ცვლილებებისა და დამატების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1.
„ერთიანი დიპლომისშემდგომი საკვალიფიკაციო გამოცდის ჩატარების წესისა და პირობების და რეზიდენტურაში ჩარიცხვის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 3 ნოემბრის №295/ნ ბრძანებაში (სსმ III, 2006 წ., №151, მუხ. 2104) შეტანილ იქნეს შემდეგი ცვლილებები და დამატება:
1. ბრძანების პრეამბულა ჩამოყალიბდეს შემდეგი რედაქციით:
„საექიმო საქმიანობის შესახებ“ საქართველოს კანონის მე-15 მუხლის მე-2 და 32 პუნქტების შესაბამისად, ვბრძანებ:“.
2. ბრძანების პირველი პუნქტით დამტკიცებულ დანართ 1-ში (ერთიანი დიპლომისშემდგომი საკვალიფიკაციო გამოცდის ჩატარების წესი და პირობები) შევიდეს შემდეგი ცვლილებები და დამატება:
ა) მე-2 მუხლის პირველი პუნქტი ჩამოყალიბდეს შემდეგი რედაქციით:
„1. საგამოცდო და სააპელაციო კომისიების შემადგენლობა განისაზღვრება პროფესიული განვითარების საბჭოს (შემდგომში – საბჭო) მიერ. გამოცდის ჩატარების ვადები, საბჭოს რეკომენდაციის საფუძველზე, განისაზღვრება საქართველოს შრომის, ჯანმრთელობისა და სოციალური დაცვის მინისტრის ინდივიდუალური ადმინისტრაციულ-სამართლებრივი აქტით.“;
ბ) მე-2 მუხლის მე-2 პუნქტი ჩამოყალიბდეს შემდეგი რედაქციით:
„2. გამოცდის ჩატარებას უზრუნველყოფს საბჭო.“;
გ) მე-6 მუხლის მე-4 პუნქტი ჩამოყალიბდეს შემდეგი რედაქციით:
„4. საექიმო სპეციალობის მაძიებლის მოწმობის მოქმედების ვადაა 3 წელი.“;
დ) მე-7 მუხლს დაემატოს შემდეგი შინაარსის მე-3 პუნქტი:
„3. სააპელაციო კომისია უფლებამოსილია, არ განიხილოს განმეორებითი აპელაცია.“.
3. ბრძანების მეორე პუნქტით დამტკიცებული დანართი 2-ის (რეზიდენტურაში ჩარიცხვის წესი) მე-2 მუხლის მე-2 პუნქტი ჩამოყალიბდეს შემდეგი რედაქციით:
„2. რეზიდენტურაში ჩარიცხვა ხორციელდება კონკურსის საფუძველზე, რომელსაც აცხადებს პროფესიული განვითარების საბჭო (შემდგომში – საბჭო).“.
მუხლი 2
ბრძანება ამოქმედდეს გამოქვეყნებისთანავე.
ა. ურუშაძე