საარჩევნო პროცედურების განსაზღვრის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 010.340.000.15.008.014.349
საქართველოს საარჩევნო ადმინისტრაცია
საქართველოს ცენტრალური საარჩევნო
კომისიის დადგენილება №11/2010
2010 წლის 16 მარტი
ქ. თბილისი
საარჩევნო პროცედურების განსაზღვრის თაობაზე
საქართველოს ორგანული კანონის „საქართველოს საარჩევნო კოდექსი“ 29-ე მუხლის მე-3 პუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:
მუხლი 1
საარჩევნო უბნებში ამომრჩეველთა რაოდენობა არ უნდა აღემატებოდეს კანონმდებლობით დადგენილ რაოდენობას, გარდა შემდეგი კატეგორიის ამომრჩევლებისა:
ა) სხვა სახელმწიფოში მყოფი ამომრჩევლები, რომლებიც საქართველოს საკონსულო აღრიცხვაზე არ დგანან;
ბ) სხვა სახელმწიფოში მყოფი ამომრჩევლები, რომლებიც საქართველოს საკონსულო აღრიცხვაზე დგანან;
გ) სასჯელაღსრულებით დაწესებულებებში და წინასწარ პატიმრობაში მყოფი ამომრჩევლები;
დ) საქართველოს თავდაცვისა და შინაგან საქმეთა სამინისტროების სამხედრო (გასამხედროებული) ძალებისა და შენაერთების ვადიანი და საკონტრაქტო სამსახურის სამხედრო მოსამსახურეები;
ე) სამკურნალო დაწესებულებებში მყოფი ამომრჩევლები.
მუხლი 2
ცესკოს აპარატის შესაბამისმა სტრუქტურულმა ერთეულებმა უზრუნველყონ ამ დადგენილების პირველი მუხლით განსაზღვრული ამომრჩეველთა შესახებ, მათ ხელთ არსებული ინფორმაციის მიწოდება შესაბამისი საოლქო საარჩევნო კომისიებისათვის.
მუხლი 3
ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში.
მუხლი 4
ეს დადგენილება ძალაშია გამოქვეყნებისთანავე.
კომისიის თავმჯდომარე ზ. ხარატიშვილი
კომისიის მდივანი გ. მჭედლიძე
ხშირად დასმული კითხვები
- მოქმედებს თუ არა „საარჩევნო პროცედურების განსაზღვრის თაობაზე“?
- დიახ, ცენტრალური საარჩევნო კომისიის დადგენილება „საარჩევნო პროცედურების განსაზღვრის თაობაზე“ ამჟამად ძალაშია. ბოლო კონსოლიდირებული რედაქცია — 16.03.2010.
- როდის იქნა მიღებული „საარჩევნო პროცედურების განსაზღვრის თაობაზე“?
- „საარჩევნო პროცედურების განსაზღვრის თაობაზე“ მიღებულია 16.03.2010. მიმღები ორგანო — საქართველოს ცენტრალური საარჩევნო კომისია. დოკუმენტის ნომერი — №11/2010. სარეგისტრაციო კოდი — 010340000.15.008.014349.
- სად არის „საარჩევნო პროცედურების განსაზღვრის თაობაზე“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 16.03.2010 მდგომარეობით.
როგორ დავიმოწმოთ
ცენტრალური საარჩევნო კომისიის დადგენილება „საარჩევნო პროცედურების განსაზღვრის თაობაზე“, №11/2010, 16.03.2010, სარეგისტრაციო კოდი 010340000.15.008.014349 (კონსოლიდირებული რედაქცია 16.03.2010). ხელმისაწვდომია: https://legali.ge/law/1009097/