საქართველოს იუსტიციის სამინისტროს საინფორმაციო ტექნოლოგიების დეპარტამენტის პროგრამული უზრუნველყოფისა და კავშირგაბმულობის სამმართველოს მრჩევლის (პროგრამისტი, I კატეგორია) ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე

სახელმწიფო სარეგისტრაციო კოდი 010.320.040.22.027.014.466

საქართველოს იუსტიციის მინისტრის

ბრძანება №84

2010 წლის 8 აპრილი

ქ. თბილისი

საქართველოს იუსტიციის სამინისტროს საინფორმაციო ტექნოლოგიების დეპარტამენტის პროგრამული უზრუნველყოფისა და კავშირგაბმულობის სამმართველოს მრჩევლის (პროგრამისტი, I კატეგორია) ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე

„საჯარო სამსახურის შესახებ“ საქართველოს კანონის მე-19 მუხლის შესაბამისად, ვბრძანებ:

1. დამტკიცდეს თანდართული საქართველოს იუსტიციის სამინისტროს საინფორმაციო ტექნოლოგიების დეპარტამენტის პროგრამული უზრუნველყოფისა და კავშირგაბმულობის სამმართველოს მრჩევლის (პროგრამისტი, I კატეგორია) ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკა.

2. ეს ბრძანება ამოქმედდეს გამოქვეყნებისთანავე.

ზ. ადეიშვილი

საქართველოს იუსტიციის სამინისტროს საინფორმაციო ტექნოლოგიების დეპარტამენტის პროგრამული უზრუნველყოფისა და კავშირგაბმულობის სამმართველოს მრჩევლის (პროგრამისტი I კატეგორია) ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკა

1. კონკურსში მონაწილე კანდიდატი უნდა იყოს საქართველოს ქმედუნარიანი მოქალაქე 21 წლიდან 65 წლის ასაკამდე, ჰქონდეს უმაღლესი განათლება და ფლობდეს სახელმწიფო ენას.

2. საინფორმაციო ტექნოლოგიების დეპარტამენტის პროგრამული უზრუნველყოფისა და კავშირგაბმულობის სამმართველოს მრჩევლის (პროგრამისტი, I კატეგორია) ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) უმაღლესი ტექნიკური განათლება (სასურველია, სისტემური ადმინისტრირების კუთხით);

ბ) სისტემურ ადმინისტრირებაში მუშაობის არანაკლებ სამწლიანი გამოცდილება;

გ) ინგლისური ენის ცოდნა (ტექნიკური);

დ) სრულყოფილი ცოდნა: Install, support and maintenance Linux/Unix based OS (Red hat, Cent OS, Solaris, HP-UX and etc) Expert to configuration and support www services (apache, php, mysql); Expert to configuration and support security options SELinux, kernel, snort, Linux firewall Expert to configuration and support Network management tools (Nagios), Backup systems and etc.; Advanced experience in Security systems for Linux. Expert to analyze service log (www, system and etc.) Ability support Linux based servers with Oracle.

3. საინფორმაციო ტექნოლოგიების დეპარტამენტის პროგრამული უზრუნველყოფისა და კავშირგაბმულობის სამმართველოს მრჩევლის (პროგრამისტი, I კატეგორია) ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) „საჯარო სამსახურის შესახებ“ საქართველოს კანონი;

ბ) „საქართველოს იუსტიციის სამინისტროს დებულების დამტკიცების შესახებ“ საქართველოს პრეზიდენტის 2008 წლის 7 ნოემბრის №541 ბრძანებულება;

გ) „საქართველოს იუსტიციის სამინისტროს საინფორმაციო ტექნოლოგიების დეპარტამენტის დებულების დამტკიცების თაობაზე“ საქართველოს იუსტიციის მინისტრის 2009 წლის 20 თებერვლის №45 ბრძანება.