საჯარო სამართლის იურიდიული პირის – სმირნოვების მუზეუმის შექმნის შესახებ

საქართველოს პრეზიდენტის

ბრძანებულება №497

2010 წლის 14 ივლისი

ქ. თბილისი

საჯარო სამართლის იურიდიული პირის – სმირნოვების მუზეუმის შექმნის შესახებ

1. „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, საქართველოს კულტურულ ურთიერთობათა ცენტრის – კავკასიური სახლის ბაზაზე შეიქმნას საჯარო სამართლის იურიდიული პირი – სმირნოვების მუზეუმი (შემდეგში – მუზეუმი).

2. მუზეუმი არის საქართველოს კულტურულ ურთიერთობათა ცენტრის – კავკასიური სახლის უფლებამონაცვლე.

3. საქართველოს კულტურისა და ძეგლთა დაცვის სამინისტრომ:

ა) განახორციელოს მუზეუმის სახელმწიფო კონტროლი;

ბ) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა.

4. ეს ბრძანებულება ამოქმედდეს გამოქვეყნებისთანავე.

მ. სააკაშვილი