საჯარო სამართლის იურიდიული პირის – გალაქტიონ და ტიციან ტაბიძეების სახლ-მუზეუმის შექმნის შესახებ

საქართველოს პრეზიდენტის

ბრძანებულება №48

2008 წლის 31 იანვარი

ქ. თბილისი

საჯარო სამართლის იურიდიული პირის – გალაქტიონ და ტიციან ტაბიძეების სახლ-მუზეუმის შექმნის შესახებ

1. გალაქტიონ და ტიციან ტაბიძეების სახლ-მუზეუმის სამართლებრივი სტატუსის განსაზღვრის მიზნით, „მუზეუმების შესახებ“ საქართველოს კანონის 33-ე მუხლის გათვალისწინებით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, გალაქტიონ და ტიციან ტაბიძეების სახლ-მუზეუმების ბაზაზე შეიქმნას საჯარო სამართლის იურიდიული პირი – გალაქტიონ და ტიციან ტაბიძეების სახლ-მუზეუმი (შემდეგში – მუზეუმი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) განახორციელოს მუზეუმის სახელმწიფო კონტროლი;

ბ) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ (გ. არველაძე) უზრუნველყოს მუზეუმისათვის შესაბამისი ქონების კანონმდებლობით დადგენილი წესით გადაცემა.

4. ბრძანებულება ამოქმედდეს გამოქვეყნებისთანავე.

მ. სააკაშვილი