საჯარო სამართლის იურიდიული პირის – დავით და გიორგი ერისთავების სახლ-მუზეუმის შექმნის შესახებ

საქართველოს პრეზიდენტის

ბრძანებულება №84

2008 წლის 15 თებერვალი

ქ. თბილისი

საჯარო სამართლის იურიდიული პირის – დავით და გიორგი ერისთავების სახლ-მუზეუმის შექმნის შესახებ

1. დავით და გიორგი ერისთავების სახლ-მუზეუმის სამართლებრივი სტატუსის განსაზღვრის მიზნით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, დავით და გიორგი ერისთავების სახლ-მუზეუმის ბაზაზე შეიქმნას საჯარო სამართლის იურიდიული პირი – დავით და გიორგი ერისთავების სახლ-მუზეუმი (შემდეგში – მუზეუმი).

2. საქართველოს კულტურის, ძეგლთა დაცვისა და სპორტის სამინისტრომ (ნ. ვაჩეიშვილი):

ა) განახორციელოს მუზეუმის სახელმწიფო კონტროლი;

ბ) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ (ე. შარაშიძე) უზრუნველყოს მუზეუმისათვის შესაბამისი ქონების კანონმდებლობით დადგენილი წესით გადაცემა.

4. ეს ბრძანებულება ამოქმედდეს გამოქვეყნებისთანავე.

მ. სააკაშვილი