საჯარო სამართლის იურიდიული პირის – ნიკო ნიკოლაძის სახლ-მუზეუმის შექმნის შესახებ

საქართველოს პრეზიდენტის

ბრძანებულება №86

2008 წლის 15 თებერვალი

ქ. თბილისი

საჯარო სამართლის იურიდიული პირის – ნიკო ნიკოლაძის სახლ-მუზეუმის შექმნის შესახებ

1. ნიკო ნიკოლაძის სახლ-მუზეუმის სამართლებრივი სტატუსის განსაზღვრის მიზნით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, ნიკო ნიკოლაძის სახლ-მუზეუმის ბაზაზე შეიქმნას საჯარო სამართლის იურიდიული პირი – ნიკო ნიკოლაძის სახლმუზეუმი (შემდეგში – მუზეუმი).

2. საქართველოს კულტურის, ძეგლთა დაცვისა და სპორტის სამინისტრომ (ნ. ვაჩეიშვილი):

ა) განახორციელოს მუზეუმის სახელმწიფო კონტროლი;

ბ) უზრუნველყოს მუზეუმის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ (ე. შარაშიძე) უზრუნველყოს მუზეუმისათვის შესაბამისი ქონების კანონმდებლობით დადგენილი წესით გადაცემა.

4. ეს ბრძანებულება ამოქმედდეს გ ა მოქვეყნებისთანავე.

მ. სააკაშვილი