„საჯარო სამართლის იურიდიული პირის – საფინანსო-ანალიტიკური სამსახურის დებულების დამტკიცების შესახებ“ საქართველოს ფინანსთა მინისტრის 2010 წლის 31 მარტის №247 ბრძანებაში ცვლილებებისა და დამატებების შეტანის თაობაზე

სახელმწიფო სარეგისტრაციო კოდი 040.030.000.22.033.015.138

საქართველოს ფინანსთა მინისტრის

ბრძანება№701

2010 წლის 6 სექტემბერი

ქ. თბილისი

„საჯარო სამართლის იურიდიული პირის – საფინანსო-ანალიტიკური სამსახურის დებულების დამტკიცების შესახებ“ საქართველოს ფინანსთა მინისტრის 2010 წლის 31 მარტის №247 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

    მუხლი 1.

 „საჯარო სამართლის იურიდიული პირის – საფინანსო-ანალიტიკური სამსახურის დებულების დამტკიცების შესახებ“ საქართველოს ფინანსთა მინისტრის 2010 წლის 31 მარტის №247 ბრძანებით (სსმ III, 31.03.2010წ., №33, მუხ. 557) დამტკიცებულ „საჯარო სამართლის იურიდიული პირის – საფინანსო-ანალიტიკური სამსახურის დებულებაში“ შეტანილ იქნეს შემდეგი ცვლილებები და დამატებები:

1. მე-3 მუხლის მე-4 და მე-5 პუნქტები ჩამოყალიბდეს შემდეგი რედაქციით:

„4. უფროსს ჰყავს პირველი მოადგილე და მოადგილე, რომელთაც თანამდებობაზე ნიშნავს და თანამდებობიდან ათავისუფლებს მინისტრი. პირველი მოადგილისა და მოადგილის ფუნქციებს განსაზღვრავს უფროსი.

5. უფროსის არყოფნის შემთხვევაში მის უფლება-მოვალეობებს ასრულებს მისი პირველი მოადგილე, ხოლო პირველი მოადგილის არყოფნისას – მოადგილე.“.

2. მე-4 მუხლის:

ა) „ა“ ქვეპუნქტი ამოღებულ იქნეს;

ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) პროგრამული უზრუნველყოფის დეპარტამენტი;”;

გ) „ბ” ქვეპუნქტის შემდეგ დაემატოს შემდეგი შინაარსის „ბ¹” ქვეპუნქტი:

„ბ¹) საოპერაციო დეპარტამენტი;”;

დ) “დ“ ქვეპუნქტი ჩამოყალიბდეს შემდეგი რედაქციით:

“დ) კვლევისა და სისტემური ანალიზის დეპარტამენტი;”.

3. მე-5 მუხლის:

ა) პირველი პუნქტი ამოღებულ იქნეს;

ბ) მე-2 პუნქტი ჩამოყალიბდეს შემდეგი რედაქციით:

„2. პროგრამული უზრუნველყოფის დეპარტამენტის ამოცანები და ფუნქციებია:

ა) პროგრამული უზრუნველყოფის შექმნა და მოდერნიზაცია;

ბ) ტექნიკური და საპილოტო ტესტირება და დოკუმენტირება;

გ) სამსახურის სხვა სტრუქტურული ქვედანაყოფებისათვის პროგრამულ უზრუნველყოფასთან დაკავშირებით ტექნიკური კონსულტაციების გაწევა და ტრენინგების ჩატარება;

დ) პროგრამული უზრუნველყოფის მუშაობის პროცესში წარმოშობილი პრობლემების აღმოფხვრა.“;

გ) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. საოპერაციო დეპარტამენტის ამოცანები და ფუნქციებია:

ა) ტექნიკურ პრობლემებთან დაკავშირებით მოთხოვნების რეგისტრაცია, პირველადი ანალიზი და შესაბამისი სამუშაოების უზრუნველყოფა;

ბ) სამომხმარებლო ტესტირება;

გ) პროგრამული უზრუნველყოფის დანერგვა და მომხმარებელთა ტრენინგის ჩატარება;

დ) მომხმარებლების რეგისტრაცია (რეგისტრაცია სისტემებში, ლოკალურ ქსელში ჩართვა, ელექტრონული ფოსტით უზრუნველყოფა);

ე) მომსახურების შესახებ შეთანხმების შესრულების კონტროლი;

ვ) პროგრამული უზრუნველყოფის განახლება და ცვლილებების განხორციელება;

ზ) კომპიუტერული პარკის დაგეგმვა, განახლება და ტექნიკური მხარდაჭერა;

თ) პროგრამული უზრუნველყოფის ინსტალირება;

ი) ტექნიკური პრობლემების აღმოფხვრა.”;

დ) მე-4 პუნქტი ჩამოყალიბდეს შემდეგი რედაქციით:

„4. კვლევისა და სისტემური ანალიზის დეპარტამენტის ამოცანები და ფუნქციებია:

ა) სამსახურის მუშაობის გრძელვადიანი სტრატეგიული დაგეგმვა;

ბ) სამსახურის საქმიანობის ანგარიშის მომზადება;

გ) კვლევების განხორციელება და მათი შედეგების მიწოდება/გამოქვეყნება, აგრეთვე ინფორმაციის შეგროვება, სისიტემატიზაცია და დამუშავება, სამინისტროსთვის გადამუშავებული სახით მიწოდების უზრუნველყოფა;

დ) გრძელვადიანი პროექტების მომზადება და მართვა (კოორდინაცია), პროექტების განხორციელებისათვის საჭირო რესურსების (ადამიანური, ტექნიკური) დაგეგმვა, განაწილება და უზრუნველყოფა, პროექტების მართვასთან დაკავშირებული ხვა ადმინისტრაციული ღონისძიებების ჩატარება;

ე) მომსახურების ხარისხის მართვა;

ვ) ურთიერთობა დონორებთან, საერთაშორისო კომპანიებთან, საზოგადოებასთან;

ზ) თანამშრომლების პროფესიული განვითარების უზრუნველყოფა;

თ) სამსახურის საქმიანობასთან დაკავშირებული შიდა პროცესების სტანდარტების შემუშავება და დანერგვის კოორდინაცია;

ი) ბიზნესპროცესების ანალიზი და პროექტების მართვა;

კ) პროგრამული უზრუნველყოფის შექმნისათვის ამოცანების ანალიზი და განსაზღვრა;

ლ) სისტემების სპეციფიკაციებისა და არქიტექტურის შემუშავება;

მ) მომსახურების შესახებ შეთანხმებების მომზადება.”.

    მუხლი 2.

ეს ბრძანება ამოქმედდეს გამოქვეყნებისთანავე.

კ. ბაინდურაშვილი